poeypoey22的个人专页

呢間食店嘅服務每況越下，今日同老公去食午餐，落左單後等左半個鐘都未有得食就追單，點知係個廚房出黎話無我地點果個，咁無唔係應該主動同個客講無咩？點解追單先至同我地講無？個女侍應仲要唔好意思都無句，全無歉意，完全不能安撫我地嘅嬲怒。更何況係要加一，一啲服務都無，唔問又唔俾配菜，茶碗蒸以前有料依家無料，味增湯都一樣，又唔主動加水。附近食肆午餐都無加一，佢加一係一啲服務都無！總之，每次去食都激心，無下次！…查看更多

今晚去了位於牛頭角既穩世小店 “小明珠”食晚餐店內氣氛: 雖然位置不是很熱鬧, 但店內氣氛就剛好相反地熱鬧. 店員也主動地提供餐具和茶上海粗炒黎上海店又點少得食傳統美食上海粗炒, 同一般上海粗炒一樣, 鮮嫩的肉片、蔬菜和香料炒製而成, 每一口都很美味可口, 肉質更是鮮嫩多汁菜肉水餃水餃皮薄餡多, 菜肉口感爽脆同鮮嫩多汁鍋貼煎炸野永遠都係我至愛, 鍋貼煎炸至金黃酥脆, 外皮酥脆, 內餡鮮嫩多汁小龍包又係傳統小食, 不能不試. 呢個仲係店長請我地食, 非常有人情味. 小龍包豐富既湯汁, 一咬落去湯汁爆裂開來, 非常有滿足感, 又有口感又有風味, 難怪店長請我地食佢既招牌菜.豆沙鍋餅最後以甜品豆沙鍋餅作結, 餅皮餅皮薄而酥脆, 配合濃郁既豆沙甜味, 簡直係內餡香甜可口性價比高的一餐, 值得回頭…查看更多

今日放工約左朋友去九龍灣得寶花園搵野食, 經過一間拉麵店看似不錯就決定試下喇店內氣氛: 充滿日本風氣, 日式裝修白湯豚骨拉麵加紫菜 ($72 + $10 = $82): 豬骨湯味濃郁, 拉麵本身配上兩大塊叉燒, 叉燒肉質鮮嫩多汁, 口感香甜仲有半熟溏心蛋, 帶有些許的甜味和奶油感. 另加的紫菜份量多, 有4至5塊, 夠晒鮮美口感雞白湯拉麵加紫菜, 溏心蛋, 椰菜 ($95 + $10 + $12 + $12 = $129): 相比起豚骨湯底, 雞湯的確比較清淡得黎, 又有點雞肉香氣, 口感柔滑, 有一絲的甜味. 溏心蛋質地非常柔軟. 值得一提的是椰菜, 性價比高, 有一大碗, 食落去夠晒清爽燒餃子 ($29):餃子的皮煎至金黃酥脆, 肉質鮮嫩多汁, 完全感受到餡料的香氣和口感的層次章魚燒 ($29):外層酥脆, 內部蓬鬆, 配合章魚的鮮味與麵粉的香氣相融合簡單一句, 性價比高, 可回頭…查看更多

太古坊返工, 想約朋友食晚餐, 除左太古城之外, 最方便就係去北角食喇. 今晚擇左個台灣美食之旅 - 老媽拌麵餐廳裝修唔錯, 好有文青feel.清燉牛肉湯麵刀削麵湯清味濃, 雖然清湯但又唔會無味, 岩岩好. 牛肉口感柔軟, 麵質有口感澎湖花枝丸熱烘烘的, 好有溫度感, 每啖咬下都有鮮甜花枝, 絕對係滿足之選炸地瓜條我至愛既炸身之一, 外面係金黃酥脆, 裹面係地瓜香甜味道朱古力醬珍珠雪糕吐司最後來一個甜品作結, 香濃朱古力雪糕配上香脆既吐司係一個唔錯既組合, 甜度岩岩好, 係朱古力迷同吐司迷必試之選熱抹茶鮮奶香濃既抹茶味, 抹茶同鮮奶既比例岩岩好鳳梨茉莉花茶鳳梨與茉莉花混合在一起既味道, 吐出自然既香味簡單一句, 性價比高, 值得再黎…查看更多

轉左黎太古坊返工兩年, 都好少約朋友係附近食野, 今晚就相約左係炮台山既一間充滿文青氣色既餐廳chill一下餐廳樓底好高, 播放住不同既文青歌曲, 空間感高, 好適合嗌杯野飲chill一個下午. 可惜係黎食晚餐, 就先睇睇menu, 睇下叫咩食, 我同朋友二人叫左…牛肉煙肉漢堡配薯條 ($108)入口即溶既和牛, 伴上新鮮番茄, 唔同既沙律菜, 當然唔少得既係軟熟既麵包. 個包包真係比一般既和牛漢堡軟熟得多, 必食呀仲有就係薯條, 薯條上有少許輕微少spicy既味道, 食到唔停口煙鴨胸香橙汁意粉 ($98)香橙味意粉夠晒特別, 開初仲諗會唔會味道唔match, 點知食落又好match, 好新鮮… 返屋企可以試下自己煮黎食Hojicha Latte ($42)焙茶重又香, 未飲已經聞到陣陣香味, 再配上賣點拉花, 見住咖啡師好細心甘幫每一杯飲品拉上好令既拉花當我飲左幾啖拉花依然無散開, 可見當中既功力Black Sesame Latte ($42)芝麻味重, 拉花一樣出色最後值得一提, 呢度既拉花係拎晒prizes ga, 仲有拉花課程, 文青們值得黎chill一下…查看更多

跟老公拍拖紀念日黎左呢間食，真係唔錯，有驚喜，以三百幾蚊位4道菜係抵食。先係呢個頭盤，一口小小的，芒果非常清新。最喜歡呢個，新鮮吞拿魚做左少少調味，用兩片薄薄西瓜夾住，加埋個微辣雪巴，非常可口！呢個唔係我最喜歡，可能唔係咁中意食酥皮，覺得有少少硬。呢個都係好合我胃口，個圓形蓋係上菜時未揭開嘅，做個煙燻效果，夠鐘時侍應就會請女生開蓋，一打開係三文魚刺身上面放滿魚子醬，微微嘅咸鮮襯住肥美嘅三文魚，勁好食。呢個又係超驚喜！魚排上面嘅係炸過嘅係魚鱗，無諗過魚鱗會食得，脆卜卜，下面魚肉又保持到鮮嫩，美味！呢個係雞肉，就咁食唔係好食得出係雞肉，因為同平時食雞肉嘅質地唔一樣。到甜品環節，經openrice 訂枱時標示紀念日，餐廳就幫忙在甜品碟上寫Happy Anniversary 😍呢個甜品非常清新，酸酸地，好合老公口味！餐廳侍應招呼唔錯，除每道菜式上菜前會先介紹，仲會搵合適時間問我地要唔要影相。非常享受！…查看更多

第一次黎，無訂枱，walk in, 咁岩到達時仲有位，所以唔洗等就有位。坐低後無耐就滿座，真好彩叫左兩個餐，一個係深海魚配薯菜，另一個係黑松露豬鞍焗意大利飯。先黎呢個餐湯，南瓜蓉湯，全口南瓜，味道濃郁，唔會好creamy 果種，我反而中意咁，因為我怕太多忌廉果種「漏」。不過個杯邊無抹乾淨，個樣無咁靚仔，扣少少分。而個蒜蓉包就超正，超軟熟熱辣辣，非常香口。個焗豬鞍黑松露飯不過不失，味道唔錯，可惜個豬佢太細心切開左幾片，雖然唔洗自己切但就唔知係咪因為咁而搞到塊豬乾身左過左龍。個深海魚要大讚，非常好食，好多汁軟滑，配合蕃茄配菜好鮮味解膩，唯一可惜係配菜無焗薯角或薯仔，感覺差左啲嘢咁。整體唔錯，餐廳環境餐枱放得比較密，不過香港地係貴，做到呢個價錢係好抵食。餐廳老板應該係球迷，毫不吝嗇展示自己嘅珍藏，只係有啲用衣架掛球衣有啲怪，好似屋企涼衫…查看更多

今晚同家人第一次黎食。都覺得啲野食整體都唔錯，我地叫左龍蝦伊麵、滷水拼盆、白鱔、糖醋骨、咕嚕肉、雜菜煲、炒芥蘭、腩肉炆鴨什菜煲、川椒雞球、螺肉燉雞湯。野食都惹味，只係川椒雞比較咸。但重點係：我地點菜時，個侍應話有一個菜原本送一支啤酒，如果唔要啤酒，可以有85折。咁我地唔要啤酒啦，橫掂我地都無人好飲啤酒。當埋單時，見張單無85折，咁就問佢乜唔係唔要啤酒就有85折嗎？咁個職員就話星期一至五先有，同我地落單個侍應返好少工唔熟所以唔知，個職員完全無覺得佢同事講左錯誤信息俾個客知而覺得唔好意思！都算，我只想搞清楚係咪真係無折姐。未搞清楚之前，個職員仲好想過左我張卡過數！不特只，咁我話如果係咁，咁果個菜原本送啤酒嘅係咪星期六都有。佢唔多解釋，就話：咁你地係咪要返支啤酒丫！我真係想講操口！你理得我飲唔飲！你個餐牌寫有架麻！咁無折俾我，咁係咪應該俾返支啤酒我呀！好似我隔硬攞著數咁！結論：無下次！！！…查看更多

第一次黎食，爸爸生日，想特別啲搵間素食餐廳，唔洗下下大魚大肉。朋友介紹，雖然價錢對我黎講有少少貴，但食物質素、味道、份量都值回票價餐廳環境優雅，淡紫色為主，舒服嘅感覺。每人點左個晚餐，餐湯有中式菇湯同西式牛肝菌忌廉湯。中式菇湯超清超清甜，西式牛肝菌忌廉湯超濃郁同creamy! 每個餐前菜都有兩款：南瓜蓉同陣醋雪耳，非常清新開胃！還有一件手卷：蘆筍或芒果牛油果，佢嘅紫菜係有三層，就算唔即刻食都唔會好易變軟，呢樣好好，出面手卷好少見會包幾層。一樣係咁清新好味。終於到主菜，我叫左焗牛油果闊傑麵，入面仲有紫薯、茄子，雖然唔係好大份，但已非常足夠，超飽。爸食栗子雜菌煲配飯，好多款菌，惹味！老公就食未來漢堡，佢話完全唔覺得自己食緊素菜我試左個炸椰菜花，好似薯餅，味道香口。最後以甜品結束，中式加西式，都係唔會太甜又好食。非常圓滿特別提下佢地嘅招呼都好周到，好有禮貌，好alert你飲晒杯水就幫你加返，又得閒留意下你有冇需要，Good…查看更多

呢晚陪爸到他工作附近食飯，呢頭有好多食肆，揀揀下就選左呢間。餐廳幾乎全滿，剛好有食客已食完，於是我地就有枱喇。我地被安排在較入既area坐，雖然得兩人，都可以坐側面有梳化位，舒服。不過侍應太忙又無暇入黎我地既area, 於是我自行出去搵人點餐。爸點左波菜忌廉雞肉意粉，而我就叫松子仁青醬帶子意粉。我地只加左一set$18湯同餐飲。湯同餐飲都好快就送到。當天的湯係椰菜花薯仔湯。味道清清既，好味。（當天我地枱冇餐具，侍應唔夠醒目，要問才俾）。等左起碼20分鐘才有正餐...餐飲一早就放凍晒.....我地兩個意粉青BB好似樣，不過味道係有分別既。爸果個有忌廉味，creamy d, 雞肉都煎得香口，但如果可以大塊d就更好。而我果個帶子有兩大粒，都煎得好食，熟得黎嫩滑，個青醬有少少薄荷味，兩個醬汁都好均勻，味道恰到好處。…查看更多

自從華輝搬左舖位後有一段時間冇幫襯，呢日突然想食手撕雞，就想起佢喇。放工黎到，雖然搬左後既位置冇以前咁人流多，但依然有唔少人排隊買，而且個新舖位仲有位坐。今次叫左一份手撕雞例牌，BB辣（即最小辣）等左幾分鐘就有喇，我外賣都唔洗加一蚊。一打開盒，裝得非常滿！撒左白芝麻，手撕雞連雞皮，可吃可唔吃，但皮都唔會好肥，可以食少少同埋都爽口，中意食皮既朋友就岩晒！佢既調味好均勻，每塊肉都有味，不過今次略嫌咸左些少，如果唔太咸就剛剛好！…查看更多

1點食飯，真係好多人😭等左呢間成半個鐘，終於有得入😂睇晒成個餐牌，幾經掙扎，終於點左牛肉蕎麥麵。唔係好多日式快餐有蕎麥麵，呢個比較特別。勁多紫菜！超中意！個麵微暖，岩晒夏天食。喜歡佢味道清清，好舒服。配一個湯同沙律，仲有杯凍水果茶，完滿的午餐🥣…查看更多

當想食日本野，又想坐得舒適一點，又相對較易搵位，就會閒時黎呢間幫襯下。呢間都算多位，如果1點前黎到，都通常唔洗等好耐。而成間餐廳大部份既坐位都唔會太窄，坐得都算舒服。睇左成個午餐餐牌，都係忍唔住叫有刺身既食。叫左個燒三文魚配三文魚刺身定食。個餐跟麵鼓湯，有茶飲。個湯係蜆湯，都好食唷。三文魚刺身定係燒三文魚都一樣好食，兩片大玉子就夠晒飽肚。間唔中豪一次，滿足滿足。…查看更多

呢日係平日，朋友同自己都要清假，所以相約一齊去食我好想食好耐既梳乎厘班戟，原來呢款班戟好多地方都有得食，不過據聞呢間在日本好出名，於是就試呢間。其實之前黎過尖沙咀都想食架喇，但原來要指定時段先有得食，仲要每個時段得十份，非常矜貴。呢日平日，商場好少人，但呢間店側坐滿人，仲有人在餐廳外等位。今次終於趕得切，有得食，由於有最低消費，每位客人最少要點一樣飲品或野食。由於我地食左lunch先黎，已經好飽，唯有叫個餐湯，少少地。呢日係忌廉南瓜🎃湯，湯個味偏淡同水，好一般。終於主菜到，影相影唔切，個波波牛油就跌左落黎😅非常跳彈，有三層班戟，最上果層有糖霜，配忌廉同糖漿食。我覺得如果配雪糕更好一食落口，係食梳乎厘感覺（不竟佢係梳乎厘班戟）好空氣感，但又未至於入口即溶既感覺，甜甜既，可能期望過高，唔係唔好食，但冇乜驚喜😛…查看更多

果朝好早睇完醫生後去附近搵食早餐既地方。想食得健康、有點質素又好食。行過delifrance, 就係呢間啦！呢個早餐有個蘑菇粟米長通粉，個蘑菇湯好好味，似係就咁飲既湯粟米都好多，成碗食晒。除左個粉，仲有個份夾炒蛋烘包，再配杯餐飲，飽得滿足…查看更多