sisi889154's Profile

剛轉新工，到觀塘返工一個月，聽到同事講紅茶都幾好味架，，終于今日去試下呢間冰室了，，因為我哋提早左食lunch，所以今日系無乜人等位既，好彩提早出發食晏，，因為食完埋單時，一條好長的長龍在等位，好夸張的情況。。我未見過邊間冰室中午食晏是要等咁長龍的位，，因為畢竟食晏才一個鐘時間呀，總體黎講，上菜好混亂，三番四次搞錯單，我的食物比左隔離枱，但隔離枱系未點菜，佢又照食，都幾貪心呀。。。食物味道系麻麻，不過不失，意粉都算彈牙。但要我排隊半個鐘，我就寧愿唔再去食了，因為唔值得我浪費半個鐘時間呀。仲要埋單只可以比現金。…Read More

星期日經過忽然好想食鰻魚飯同飲杯咖啡☕️，去到已經前面有3pair人等緊，為左食鰻魚飯肚餓都係要等，但係等的其間我見到四人臺係吉架，點解唔安排左前面幾位入座呢？以為佢係等一陣先安排啦！點知等左15分鍾都係唔安排，本來小店座位並不多，又逼窄。有D不解，並且好討厭這樣見到有臺仲要等的時候！鰻魚飯非常好食，又厚又無骨，啖啖肉！呢杯氮气咖啡好酸,叫個waitress拎糖，好無禮貌咁答，“我地呢度無糖架喎”頭也無望過來就走左，我想問多句，咁有冇糖漿呢？其實都未坐滿人，起碼我隔離仲有位，扮乜嘢忙吖，其中有2條友就係門口傾計，條龍都有十個人，唔明點解唔安排D人入座！後來食完飯，見到bar臺係有一包包咖啡糖的，但當時都飲完了，我竟然咁貴叫杯咖啡係又苦又難飲的後尾飲凈2口，都係自己去拎左2包加入2杯咖啡☕️內，無錯，係自己行去拎，可能有D鬥氣拉！服務真係令人氣憤！就係咁樣成日企係度，我後來知道點解有吉位都唔安排人坐，原來最頭排隊果個家庭唔係2人，就算有2人臺都係要等第一個排隊的人入座後再安排，有D低能做法，想顯示自己餐廳受歡迎到大排長龍嗎？…Read More

            同朋友係樓上睇完戲落樓時經過“宏”，畀佢的廣告牌吸引左眼球，燒日本白鰻，好想試下咯，我係好鍾意食鰻魚飯的，但白鰻一次都未試過呢！最後決定入去試食每日限定30份的燒日本白鰻魚飯啦。 價錢比普通鰻魚飯系貴差不多一倍的，份量也較少，得半份，其實未上之前睇圖片也不覺得好細塊，但一上台就覺得超Mini咯。真系好細的半條魚，唔夠送我呢一飯好好食的珍珠白米飯，其實日本米咁好食，用豉油都可以送一碗飯既，首先講下條白鰻魚先，除左細，佢燒的魚皮也不脆，沒有外脆內軟的感覺，有D上當的感覺，而且魚皮好韌，我幾乎咬唔開個魚皮，但我見隔離臺也一樣點呢個餐，她連魚皮都食曬。白鳗本身冇味,佢好貼心比左2種酱料和少許海盐我沾食.而且好多魚骨，我唔知點解感覺比普通鰻魚多骨既。后來食個烏冬就幾OK呀，睇落似喬麥面，但食落似烏冬的感覺，好清新..…Read More

          雖然說柏寧酒店係五星級高級酒店，但我覺得無論裝修還是服務都欠奉。今次我哋來到酒店頂層27樓SKYE 餐廳食brunch，整個環境同食物係有D失望的😞，可能晚上室外的甲板酒吧會熱鬧同靚D。當日落雨，天氣又凍，所以都無人肯坐室外，盡管室外的椅子有暖氣！ 頭盤有2道小菜，講真2道菜之間相隔勁耐，有D浪費時間的感覺，2人呆坐起碼半個小時            服務又差，我飲品揀左鮮榨蘋果汁，但幾次都要我催才會幫我添加，明明蘋果汁一大瓶在吧臺，我朋友飲香檳，但成日不斷走來添加，唔通飲蘋果汁就cheap D選擇比較少，都不可以叫brunch,因為只有甜品是可以任食，其它唔可以。連頭盤也不可以。本來三文魚醃過系咸的，但上桌前又即時磨了烏魚子系面，超咸咯。mini漢堡，無乜特別，也無驚喜。整餐飯就數這個鹅肝最好味，香嫩滑溜。煎魚也麻麻地。超級迷你的牛肉，但餐牌寫系大盤，真系只有盤子是大的。我真心唔覺得餐飯值$600/位。。…Read More

           由於我當日牛一，所以食豪D，黎左翠林食鮑魚和避風塘辣蟹，好多年冇食避風塘炒蟹了，其實而家咁貴一隻蟹，有D肉赤架。不過生日就食豪一次咁多啦！ 我地去到有book位，2個人安排卡坐，好闊落，其實坐四人都好松動。要左兩份鮑魚燉清雞湯，足料好飲，夠火候。每位$88。。一上臺，超巨蟹，加埋巨碟，成張臺都霸左唔少空位，唔怪得D臺甘大張甘闊落啦。哈哈，以為鮑魚甘整 一定好韌好乾的，但點知仲好彈牙仲唔乾添，真系好新鮮的鮑魚咯。蟹鉗好大只，啖啖肉，好滿足呀！呢個飛天芥蘭，我都好鐘意，一上黎就香氣撲鼻，食落又唔起渣。…Read More

我幾乎每個月都嚟大擦一餐，因為食過咁多間放題，唯一呢間食了咁多次都無令我肚仔唔舒服的，我屬於腸胃敏感，生冷辣野一食就……，所以食呢間我好放心咁大吃大喝了，今次第一次試了中午來放題，以前都是夜晚或宵夜時段來食，星期六中午12:30嚟到唔使等位，仲勁多吉位.呢間從未試過唔使等位的狀況，勁開心！一去到坐卡座，感覺也無咁焗束！每舊壽司都好新鮮，好味，但食放題食壽司有D唔化算，始終有舊飯，太易飽了，食了一輪就放棄了！刺身都系好鮮味。海膽也好新鮮，但有飯系度，食一個夠了。最差呢碟，得2.3只大蜆系有肉的甜品的法式焦糖燉蛋都唔錯，夠香夠濃味，可惜太飽食唔到太多了。…Read More

我都無心機影相了，叫咗酸辣米線，因為星期日去，平時的小窩米線下午茶餐無得食，要散叫，ok.只好散叫。但所謂酸辣米線雖然有D酸辣味，但個湯清水一樣，韭菜老過阿媽，見到唔開胃，餃子一般，D料非常少，得小小韭菜和小小芽菜在內，無了其家米線鋪的小量炸菜，花生，腐皮，清過食清水米線。店內非常逼，又不斷有人行來行去，即撞黎撞去咁…Read More

           同朋友都好耐見一次，所以揀左間法國私房菜餐廳，以為可以慢慢食，慢慢傾下計，一入去，我覺得地方好似好局束，因為餐廳間開一間間小廂房，而廂房里頭可以容納七，八張臺，地方可以講是淺窄，我記得當時系帶我地入第二間包廂的。房內分開兩排餐桌，我地坐靠墻第一張臺，其實當時唔可以坐窗邊位（因為窗景的玻璃位本來就不廣闊），已經有D唔開心啦（坐裡面更加睇不到大部分海景），一坐低就聽到隔離臺四個女人不停高聲談話及大聲笑，小小的房間頓時覺得嘈音不斷，本來揀法國菜這間就是想靜靜地食飯和傾下心事，又令到我更加不開心了，成餐飯食得唔太舒服。在碟子上都花了小小心機。例牌先上牛油面包，面包太硬，唔岩我。頭盤系紅蝦，吞拿魚他他配時令蔬菜。濃湯記得好似系芋頭混合薯蓉而成的，用茶壺倒出，幾得意，而且幾好味。。主菜系烤阿馬代魚，中文應該系甘譯慢煮牛肉面頰配季節蔬菜，慢煮的牛的確好入味及好松軟，越食越不舍得將它食完。甜品有我至愛的綠茶拿破倫and  Chocolate mousse with raspberry，可惜餅底做得一般。整體除了環境和嘈音之外，這餐飯都算是不錯，但一邊食一邊聽著嘈音，就真系有D 想盡快走人的感覺。…Read More

好耐無去食日式燒肉了，皆因而家的韓國燒肉平食放題開左好多間了，抵食之余又多選擇，我其實較鐘意食日式燒肉，牛肉味較濃D，我唔食豬肉的，所以較少試食豬，今日放假就同男朋友一齊去食大阪燒肉，我也是第一次黎呢間食，見到個爐好Mini，好“打耳”呀，而且可能個爐仔細細個，唔多覺有油煙囉，我地兩個人點左一個 Lunch set（$268/2人），有牛舌，牛肋肉，五花豚肉，牛脊肉，雞肉還有一種唔記得了份量唔多，每人每種肉大約有兩塊。前菜值得一贊系呢個薯仔沙律，真系超超好味，泡菜蘿蔔都唔錯，真系食完翻尋味，好想再encore，不過我唔想後邊的燒肉食唔嗮啦。😊食太多肉會滯滯哋總體來講D肉好味，D新瀉米又滑又軟熟…Read More

玩具屋，睇個名點都估唔到係食爐端燒的，一入到去，廳個地方幾細下，偏暗，得45℃既吧枱位,坐得有D逼啊.大廳放著好多舊年代的卡通公仔Figure.我可能係女仔都無乜感覺。可能係六點幾吧，太早全場無人，食到一半都係得我地一抬客，好似包場咁，正因為太早呱，D廚師同經理都當我哋無到，係我地面前好放肆咁自已燒野食，一班人圍住食同大聲講笑，覺得服務好差，又唔尊重人客味噌燒茄子勁細粒，唔太林，所以唔甜。前菜玉子，好冰凍。綠茶味啤酒🍺都幾好入口，值得一試。汁燒牛尾，係成晚最好味的一個。好入味，好林，好多肉生蠔，好鮮芝士魚餅，岩我食。整體食物新鮮，但份量真係好Mini.價錢又唔平，只適合收工happyhour聚下食D野同飲下酒…Read More

幾日前已經Book好spiga意大利餐廳，試食廚師chef Enrico Bartolini (意大利最年輕的米芝蓮二星廚首家海外分店。）今日食brunch buffet,訂位時都要全程講英文，因為訂臺小姐系外國人，仲好靚女添呀，其實都以為成個餐廳里的人都系外國人，以為成餐飯要講英文啦，點知去到時見到都有兩三個waiter系香港人。去到時唔使等由12點至2點，食2個小時，但呢餐飯如果唔另外加錢的話，除左清水就無其它選擇了，我覺得四百幾食一個buffet，但竟然連一杯奶茶咖啡都無，有點失望咯，其實佢應該屬于半自助餐形式的，冷盤和dessert系任食，主菜只可以揀一款 ，頭盤湯有兩款 ，我試飲了扁豆湯，好濃的豆味，一直用火煲住，都好熱的湯。頭盤都比較豐富，生蠔好新鮮，但只系添加了兩轉，都系比較細隻的生蠔。烤茄子好甜，烤出茄子的鮮甜味，因為我好鐘意食茄子的。主角出現了，等佢出現時我都食到半飽，所以只食了上面的菠菜和黑松露加小小蛋，食完齒頬留香。…Read More

     好耐無食韓式炸雞啦，聽好多同事都話呢間好食，所以同男朋友一齊去試下，下午2点去到無乜人..我唔食到辣；所以點左一個甜甜地咖哩蜜糖烤雞，點左一個我最愛的芝士排骨，呢個食完好滯同好膩的感覺，所以食完夜晚果餐我都無再食飯和其它野，一直飽到聽朝.不過呢杯帶條鯊魚的藍色鯊魚之淚飲品都幾貴，成七十幾，但系覺得只是普通沙冰飲品，個烤雞就熱辣辣，一陣陣香甜的蜜糖味，咬開好多汁，鮮嫩無比的感覺，好正，雞胸位也唔覺得“鞋”，連雞皮都烤到無肥膏存在，因為我一向好怕食到雞皮果D肥肥的感覺，呢下先最正，我一定會再食的，芝士排骨一定要熱的時間才可以包住舊排骨，一凍小小就會無辦法再包番舊骨架，所以一定要趁熱時自己就快手快腳 包左先食呀，旁邊還伴有薯角、西蘭花和紅蘿蔔。我男朋友都不斷食D醃蘿卜同西蘭花先可以解到膩的感覺，呢個前菜系不可缺少的。…Read More

已經系一個月前去食新蒸武門了，當時系男朋友帶我去甘遠揾食，心諗又落雨又咁遠，好食先好去呀！去到時可能六點幾，無乜人，大把位，唔使等就可以坐低，:)我至鐘意唔使等位架啦，其實D凳唔太好坐，而且環境好黑下，D枱又系黑色，整個私房菜館偏暗，都算逼逼地，坐得唔太舒服囖，我成餐飯食到一半就開始唔太想坐了。首先講番一坐低就見佢沖一杯紅棗八寶茶，用古舊的杯沖出的淡淡香茶，飲落無感覺，可能焗時間太短當時仲有大閘蟹食架，不過無乜膏，完全唔掂，我哋今次叫了一個二人套餐，但唔包大閘蟹的頭盤好唔掂，冰鎮鮑魚超細隻，牛展無味之餘有D韌燉湯好夠味，夠火候炒班球超難食，無味不止，好鞋，我從未食過甘難食炒班球無蟹膏的大閘蟹:(呢個欖菜炒飯好好味，值得一試…Read More

一大早就畀朋友約左嚟呢間漫畫公仔有特色的咖啡店食早餐，好特別的早餐呀，幾乎入到店就畀所有snoopy包圍住 ，所有枱面和墻，杯子，碟子都有呢套漫畫公仔，幾特別。本來心情不太好的，但一上到嚟睇到畀可愛漫畫公仔包圍 住 ，心情都覺得開心曬。條樓梯都好暗，唔知系咪想突出墻上個SNOOPY呢！每一張枱都有不同的漫畫公仔，絕對系呃LIKE的好地方…Read More

去美孚探朋友，經過車輪餅小姐無理由唔試下，之前睇網上介紹講幾好食，又每日限4種口味，幾乎日日唔同味，不過入去一問，最快一輪出餅要等9個字，但心諗都未天黑，等下啦，比左錢拎左飛就周圍行下等食餅等左9個字返去遞左張飛仔，仲要識答個落order阿姐，你order左幾個，乜嘢口味先比餅你架唔記得唔知比唔比餅我呢😄…Read More