DAITODUM的個人專頁

香港其中一個最具特色嘅文化，除冰室茶記外，其實牛腩麵店都充滿一種情懷，位於長沙灣的【一興粉麵】有別於一般傳統嘅麵檔...入面座位整齊，間隔OK唔會太逼，燈光光猛而且十分企理乾淨，啱哂中意舒舒服服食嘢嘅我！今日同住附近嘅朋友第一次食呢間，聽聞仲有間喺深水埗，朋友話佢嘅牛脆骨好有水準！眼見師傅認真製作，一人企檔唔夠味都可以加味，但我冇用過～✨蘿蔔崩沙腩河粉 崩沙腩是牛腩中最矜貴的存在，它是牛的橫膈膜，表面有一層橫膈膜連著腩肉，筋膜連少少肉，軟腍味香，肥瘦剛好，可謂牛腩中的極品蘿蔔清甜無渣，同崩沙腩嘅肉香平衡得好好，回味無窮！再喝一口清甜牛骨湯，大滿足。睇圖都見到做到肥瘦相間，處理得很好。✨牛脆骨河粉咩係牛脆骨 ？牛脆骨係牛嘅氣管，由軟骨環組成，非常罕見嘅部位，唔係間間都有得食！雖然成日周圍食嘢，但係我都係第一次試呢個部位！佢嘅獨特口感好有驚喜，味道嚟講佢哋有用滷水汁係熬煮牛脆骨，滷汁融入本身河粉湯底後變成第二款湯底，河粉索哂啲精華食得嚟非常過癮！店員話牛脆骨含有豐富的膠原蛋白，聽完仲想Encore添！✨炸魚皮咸咸脆脆嘅炸魚皮點落湯底食法係世一！每次食粉麵必嗌嘅side嚟！叫多兩杯飲品，杯奶茶都有啲驚喜【一興粉麵】最令人印象深刻嘅除咗嘢食好味之餘，價格上亦非常相宜，加上咁乾淨嘅環境，我諗第時去開長沙灣嗰頭搵嘢食我都會諗起呢間粉麵檔先！.如果係牛腩愛好者，呢間麵舖我覺得好值得一試。記得不要錯過喔！…查看更多

好好吃一頓飯・一杯茶・日日是好日，好像這就是【SP Senses】的Slogan。枱面的紙條也提到「呷一口茶吃些前菜吃一口飯，感受食材及米飯完美加入茶湯，享受茶泡飯完成滿足的一餐」濃濃的茶道氣息，你又喜歡茶嗎？日本嘢不嬲都係好多香港人嘅至愛，「和風洋食」結合咗日本同西方文化，誕生咗一個比較特別嘅風味，位於尖沙咀中心嘅【SP Senses】就係香港其中一間廣受好評嘅「和風洋食」餐廳，當中有幾款菜式更加係以茶入饌！唔諗咁多，諗到想食就即刻出發搭車去【SP Senses】！去到餐廳門口，見到呢間餐廳嘅環境都幾舒適。大部份玻璃窗，採光度十足，仲有大量可以比女生打卡既位置呢。整體以木色灰色茶色為主調，並且配以明亮嘅燈光襯托店內嘅樹木，令人感受到一股簡約優雅嘅氛圍。餐廳內仲有兩個「茶」櫃，可以俾顧客用餐之餘，都可以睇下呢間餐廳主推嘅茶款。而且仲有售賣蛋糕的蛋糕櫃。餐牌簡約，列了幾個唔同既系列可供選擇。坐低無耐，我同朋友兩個就嗌咗兩個main同一款甜品。📸D7 和風汁燒澳洲安格斯牛肉，日本櫻花蝦本，日本煎茶泡飯 $142 第一個上碟嘅係和風汁燒澳洲安格斯牛肉配日本櫻花蝦本日式煎茶泡飯。擺盤好精致，經理仲好細心咁同我哋講可以先呷一口佢哋嘅日本煎茶，然後再將茶倒入碗內品嚐呢道菜。呢道菜嘅牛肉肉質非常嫩滑，佐以櫻花蝦嘅鮮甜同日式煎茶嘅香氣真係非常配搭，每一口感受到獨特嘅風味。📸D16 木魚味噌海鮮冬陰功扁意粉 $188之後上嘅係木魚味噌海鮮冬陰功扁意粉。佢嘅木魚味噌香氣同濃郁嘅海鮮味道好突出，加上冬陰功的微微嘅泰式酸辣，令整體味道更加豐富同立體，惹味得嚟又幾平衡。呢個扁意粉有十個讚！📸芒果抹茶班戟 $128食完甜品就上埋個芒果抹茶班戟。佢入面有(抹茶班戟、抹茶布朗尼、芒果布甸、鮮芒果、香緹忌廉、柚子醬) ，每一種材料都很精緻，擺盤presentation都好靚。呢個班戟有抹茶淡淡嘅微苦同芒果的甜味，加上香緹忌廉和柚子醬的調味，無論係外觀定係味道都好唔錯，打卡able得嚟又食得開心！整體都覺的唔錯！環境舒服，食物款式足夠，員工服務態度親切有禮和主動，值得一讚啊！呢間餐廳下午時段亦都有Tea Set，如果晏晝夜晚想約幾個姊妹出嚟傾下偈，【SP Senses】都係一個好唔錯嘅選擇！…查看更多

未能一解思念日本之愁，當日一別，未知幾時可再相見！現擁有多間分店的【千之味】壽司店，相比日本餐廳呢度雖然始終欠缺左一種氣氛，但食物絕對能夠媲美日本食到嘅日式壽司味道。一嚐是次外賣能否懷緬當初旅行的感覺。堂食店舖面積不太大，眼看二十多個座位，長方形的佈局。看見這裡的日本風環境，怎為可愛，和式味重！在牆上也掛著一些特別菜式、是日推介等等。餐牌設計就較為簡單及平實，看看食物及價位正常，不會是低價位，屬於中價，質素有驚喜的話會是性價比合理，始終【千之味】也是口碑不錯的餐廳呢。◼️千之味 人氣壽司拼盤E套餐15件 $188整個拼盤的分量非常足夠，其中的15件壽司可以讓兩個人飽餐一頓。當然，這樣的美味也帶來了一定的價格，但相對地，食材的品質和口感都是非常優秀的。【火炙黑椒三文魚四件、火炙芝士三文魚四件、火炙三文魚腩四件、三色花枝戀】◼️左口魚壽司兩件 $20◼️火灸左口魚邊壽司 $28其中，最讓我印象深刻的是左口魚壽司和火灸左口魚邊壽司。左口魚壽司鮮美多汁，帶有淡淡的海洋風味，完美地展現了魚肉的鮮美口感。而且佈滿油脂，好開心既口感。◼️火灸芝士鰻魚壽司 $22火灸芝士鰻魚壽司，它的口感非常獨特，鰻魚肉質柔軟，搭配上芝士的香濃味道，非常適合喜愛奶酪風味的人品嚐。◼️三文魚子軍艦兩件 $48除此之外，三文魚子軍艦也是我的最愛之一。這種壽司以三文魚子裝飾在飯粒上，口感豐富，酸甜帶點微辣的滋味讓人回味無窮。散叫咗好多款唔同嘅壽司，放得勁靚，真係見到都開心！總的來說，【千之味】的人氣壽司拼盤E套餐非常值得一試，特別是對於壽司愛好者來說。每件壽司都有著不同的風味和口感，加上高品質的食材和精美的裝飾，絕對讓你大呼過癮。繃緊的返工日常 ... 週末短暫的外出 轉換一下心情吧！…查看更多

【陳儀興飯店 (將軍澳 嘉悅分店)】，是比較我值得專程去Encore既一間，另外兩間都食過又真的很不錯。食物上令我驚喜不斷，今次真的滿心期待啊。此店質素我相信是有保證的！所以約了愛吃打冷的朋友來這裡gathering。門口有客人站着等位。打冷是廣東潮汕地區一種傳統飲食文化，外省人不明白所以，其實即是潮式消夜。消夜跟正餐當然不一樣。舊時代潮州菜館、酒家通常主打大菜，例如石榴雞、護國羹、荷包鱔等，打冷店則主力做潮州人從小吃大的家常菜。隨着時代發展，潮州菜館和打冷店已變得面目模糊，許多既賣大菜也做打冷。等食期間望望餐廳裝修，可能是新開不太耐。簡潔的黎非常企理光猛，每個位都好衛身乾淨！呢度位置不算太多！餐牌許多都好吸引！每位茶介 $10🍴凍食黃油烏頭 $188潮式有凍烏頭。一條好的烏頭魚，黃油，沒泥味，肉質清甜幼嫩，的確好魚。」這正正是『陳儀興飯店』的凍食黃油烏頭 的評價。黃油烏頭配上啖啖油香既黃油，筷子一夾起大舊魚肉，又有咬口🍴潮州蠔餅 $85以前潮州人於沿海一帶聚居，故喜愛烹煮海鮮為主食；他們稱牡蠣作蠔仔，愛以入饌；例如煎蠔餅或是煮蠔仔粥 ...，潮州蠔烙的材料包括蠔仔、潮州番薯粉、葱花，調味以胡椒粉及魚露為主。潮州蠔餅是潮州食店中必定有的一款菜式,自己亦十分喜愛這款蠔餅，呢度既酥脆感非常好，又不太黏稠，炸蠔餅除了下雞蛋，還下鴨蛋，提升香氣。🍴滷水鵝件 $128銀刀一剖，鵝油飛濺，滷汁四竄。再順勢而下，俐落去骨，分成薄片，擱在碟上，再補一勺微熱滷汁，加色更添香。在潮州餐廳必點之一的滷水鵝件，想不到份量都驚喜。鵝片下放着豆腐、花生兩配角，沾了鵝片肉汁，味道不比主角遜色。鵝片整體肉質嫩滑。🍴茶樹菇杞子圓肉燉烏雞湯 $68/1這道湯清甜好喝，茶樹菇和雞搭配好吃，煲湯時圓肉的香已經味四散，飲用時舒服怡人。同埋非常足料喔！【陳儀興飯店 (將軍澳 嘉悅分店)】作為打冷餐廳都算相當有風味而且食物， 湯料夠創新，這樣一頓出色的打冷，兩口子吃得飽飽的，才五百多元，消費算便宜，還是每晚坐無虛席。另好好服務👍所以都意為適合不同朋友同一家大細黎試一試呢！…查看更多

近年來內地烤魚風正響，好多人都長途跋涉到深圳食烤魚，究竟香港式既烤魚又可唔可以媲美得上呢，九龍城既呢間【等等HEA】在網上都算有名氣!今日就同朋友黎試試佢，烤魚既有打邊爐嘅特色之餘亦唔會食到滯住滯住！九龍城福佬村道,見到營光招牌【等等HEA】門面仲有個易拉架,正宗台式烤魚/台式麻辣雞煲/南乳豬手任食放題100分鐘，另外可無限追加，震撼價$278/1人，原價$398/2人，+10%服務費，星期五六日公眾假期都要每位收$20附加費。餐廳面積大概容納到40個人,當中有幅牆掛了霓虹燈，令到餐廳嘅氣氛更有台式感，入面有卡位有大枱....裝潢可算是非常新派呢...環境非常整潔。當然係今次黎既重點係烤魚，「正宗台式烤魚麻辣中辣」，餐廳指定用鉗魚，內有豆卜、紫洋蔥、辣天椒、花枝丸、芹菜。烤魚賣相很吸引，望落去湯底血紅色，食起黎又不算太辣，辣辣地又帶小小麻感，會越食越開胃至於油膩度食落又沒有望落去感覺咁油...是可以接受的！鉗魚，魚肉份量算多，魚組織多為大骨，小骨唔多，食起黎可以暢快，最重要係魚肉唔會散開晒，最怕既就係食魚魚肉散散亂亂，整體不錯！另外建議加配上粉類及蜂巢豆腐一齊食，吸收左湯底既麻麻辣辣，蜂巢豆腐孔隙多、彈性好,口感多,最喜歡係佢吸湯能力強食落更加Juicy好味，完全係愛辣者既最愛。見到紙上寫著另可無限追加特級美國肥牛、澎湖貢丸、士林鹽酥雞、西洋菜、蚵仔滷肉飯、黑松露花枝丸、白蘿蔔、唐山菜、娃娃菜、196台式芋圓、阿等麵線等等，亦可以無限再加台式飲品及青島純啤酒，每位$20飲品有好多選擇，係最長果一張紙，佢有珍珠系列、芝士奶蓋系列、果茶系列、健康系列、梳打系列同埋冷泡茶系列，我點了兩杯台式飲品，味道不錯只是有點偏甜了小許。其他配料屬正正常常都是新鮮的，士林鹽酥雞就乾身了一點。另外老闆郁想我們試一試台式麻辣雞煲/南乳豬手，試過後我們都是離不開烤魚的吸引呢。最後甜品叫咗芋圓仙草豆腐花同埋椰奶芋圓仙草。都係標準版手工芋圓來的。芋圓是台灣的傳統甜品，早於1940年代已研發出來，等等芋圓口感煙韌軟糯，嚼得起勁之餘，又吃到天然的芋香，仙草及豆腐花都屬正常,芋圓配這兩樣一直都係絕配。特選烤魚晚晚烤慢慢傾！！放題的水準也不俗，精緻的賣相、正常環境和合理的價錢，這裡上菜速度快，店員服務是細心的...幸好這裡的魚煲及雞煲可以選擇唔辣或者少辣！任何人都可以迎合到！喜歡打邊爐坐卡位，好舒服，店內抽風系統唔錯的, 沒有焗促感。.放題去到2022年9月15日另外外賣都可以呀，會附上不鏽鋼平底煲（電磁爐或者Gas爐都啱用），有三個size，大煲、特大煲、超級特大煲！👍👍👍…查看更多

旅行對於香港人嚟講仲係遙遙無期嘅事，講到以前嘅快閃旅行，一定非台灣莫屬，唔少人都鍾意襯weekend嚟個快閃～去台灣除咗行夜市同打邊爐，近年喺香港都有唔少台式店冒起，間間都足料抵食，而且好多間都係全日供應，今次就去左呢間，【頂好原味道1990】 真係好掛住台灣嘅野食，好想去台灣旅行呀🧳決定要去中海日升中心試下呢間睇落好簡潔嘅台式餐廳，呢間餐廳有好多台式地道美食同埋小食再加上台式嘅飲品 令到我覺得好似去咗台灣咁😆，而且呢度有一人套餐，所以自己一個人嚟食晏或者夜晚都唔怕尷尬。餐廳嘅裝修行簡約風格，木色牆身，木色嘅餐枱配上木凳，俾人嘅感覺好舒服好乾淨簡潔B餐關廟麵重口味組合(豬大腸、豬腩肉、豬皮、花干、白蘿蔔)$55煮食可以搭配，烏龍麵、關廟麵、蒸煮麵、王子麵、蒟蒻絲、珍珠飯吃一碗熱騰騰的麵，能暖胃也暖心。所以點了關廟麵，麵條口感剛好Q度十足，入面既餡都非常多款絕對有滿足感👍🏻👍🏻 豬大腸、豬腩肉、豬皮、花干、白蘿蔔。豬大腸：用心醬燒滷製入味，豬大腸吃起來味道也是非常的香，厚度都適中的。豬腩肉：油脂瘦肉層層相間分佈平均，口感十足又惹味豬皮：味道很香花干：最愛就是花干，大豆類製品，口感勁道爽口嚼勁100分，、肥而不膩白蘿蔔：白蘿蔔盛產的季節，不只口味清甜，白蘿蔔在嘴裏的口感是軟軟的跟餐飲品我哋有upgrade咗，可以揀麥香紅茶黃金烏龍冬瓜茶。幼嫩帶心芽的茶菁喝起來回韻甘甜，但是甜度非常剛好喔! 整體的糖度就只有冬瓜磚本身甜度，調和後烏龍香氣還是非出的。.綜合炸物拼盤 $48鹽酥雞、手工香腸、百葉豆腐、甜不辣鹽酥雞：炸得香噴酥脆好吃的鹽酥雞。鹽酥雞單聞味道就令人受不了，這裡的鹽酥雞偏細粒，但食落味道都夠惹味，如果口感再加強一點就更好。手工香腸及甜不辣就屬正常 跟在外的也差不多。百葉豆腐： 我超愛百葉豆腐的，百頁豆腐的口感不同於一般豆腐，它質地Q彈又能吸附許多湯汁，GOODGOOD！！！！.重點推介手工肉操飯滷蛋肉燥雞翼飯 $45入面最SURPRISE就係有，豆棗加紅豆枝，因為出面餐廳真係好少有呢兩樣材料，呢個飯反宜係配料加分，其次就係肉燥，滷蛋及雞翼就可圈可點，算是合格的。手工肉燥有什麼與別不同呢？手工肉燥真是非常下飯的料理呀，吃起來醇香且後韻十足，肥而不腻，膠而不油，香而不死鹹。麻辣鴨血 $20倒出湯底時，發現湯裡有頗多似是辛香料和中藥材的沉澱物，不是水稀稀的，足見用料十足，而且湯味確實濃郁。 味道方面，麻中有香又有咬口。烏龍芋圓及珍珠奶茶紅茶烏龍茶味道濃郁，非常好飲，因為自帶左減糖，茶唔甜、芋圓唔甜，茶味濃，清爽又回甘⋯⋯珍珠奶茶紅茶，對珍奶控來說，珍珠SIZE的咬口剛剛好而珍珠奶茶就是不管天氣如何，四季都能喝的完美飲品。值得一讚的是【頂好原味道】的服務很好。當客人安座後，不用客人開口，侍者會主動問是否需要甚麼甚麼的並作出合適的推介。這裡無論食物、服務都很細心，環境都舒適，價錢不貴，我想大家都會喜歡的!…查看更多

知道朋友仔好鐘意食蝦蝦燒 所以今日食飯就約佢黎邊食邊傾😉我就第1次黎食 原來咁多食物選擇 一坐低就先食乳鴿同鰻魚 再黎燒蝦 d蝦十分新鮮而且好多都是爆膏的😍之後便出去取食物 食肉類 海鮮🦞 蔬菜🥬根本上想食既種類都會有 另外想特別提及鮑魚 店員會好細心咁提示應該如何處理 另外真是十分新鮮 另回去它們還在動呢🤩但帶一點殘忍😅魷魚🦑 蠔 🦪菠蘿🍍蠔配孜然粉十分出色 很欣賞他們安排很多配料 令食物味道有不同的變化👍🏻另一喜愛海鮮是蜆 每一粒都十分肥美 只配鹽已十分鮮味😌還有這個自取即食魚皮 又彈牙又香辣 係食物未試好時 一口一口很容易食多了🤣最後是雪糕和啤酒🍻都是任食任飲 其實這個價錢真的不貴喔👍🏻我也愛上這裡了🙈…查看更多

我是一個十分喜歡周圍吃的人，我覺得自己當之無愧的那個被稱為一個嘔吐物的人。 很多不錯的，花花綠綠的很多，我一看就流口水，減肥什麼的統統拋到腦後了。今日又係好朋友生日，所以有個理由更加去大吃特吃，是日慶生：放題夜，[八幡屋涮涮鍋 ]入門口之前已經揀定想食嘅package，order左150分鐘成人嘅澳洲M5和牛，食高一個檔次真係唔同啲㗎🙆🏻‍♀️之後比店員安排入座，入面空間感非常闊落而且佈置得都好有心機，都係增添左一啲日本元素例如有一啲櫻花樹同埋達摩喺裏面。兩個人坐卡位好開心呀，呢度係QR Code落單 所以第一時間加單最方便，自己想食咩即刻落好開心🙂仲有Wifi提供唔驚Order唔到.事不宜遲出去攞咗嘢飲先，我哋呢個package仲可以揀一啲酒類嘅飲品，本身都已經夠多款㗎喇不過。入場嗰陣叫埋湯底去湯底都有唔少選擇㗎。有骨膠原豬骨湯、壽喜燒、沙嗲湯等等，我呢個貪心鬼就叫咗佢鴛鴦湯加$20，一邊係麻辣湯中辣一邊係蕃茄龍蝦海鮮湯，咁嘅享受總共加咗$128。坐低未Order就已經拎咗一啲拼盤出嚟唔使我哋叫都會有一個歡迎我哋嘅拼盤，呢個拼盤入邊已經有美國黑豚片、和牛、海鮮同埋刺身..海鮮類別就有以下五款：黃金螺、帆立貝、海蝦、聖子、蜆，帆立貝真係好新鮮，Size一口滿足，極度肥美鮮甜。作刺身當然零舍鮮甜，其他都係冇乜挑剔。而刺次身就有大概呢啲，鯛魚刺身、吞拿魚刺身、劍魚腩刺身、三文魚刺身、赤背刺身、赤蝦刺身、馬刀貝刺身、鮑魚片刺身、八爪魚刺身，基本上呢一間嘅海鮮同埋肥牛都有返咁上下水準，可能因為選擇唔多嘅關係所以啲質素投放心機喺呢一啲上邊，最欣賞就係三文魚同赤蝦嘅刺身，口感細嫩，魚油豐沛，入口即化，味道新鮮，赤蝦天生橙紅色，肉質軟滑，甜味媲美牡丹蝦☺️A4和牛拼盤登場，係入座送嘅（升級左做呢個岩手和牛）呢隻牛肉真係唔係講得少入口即溶，我諗係我食過咁多個放題來講呢個都算係最好嘅質素對比起呢個價錢嘅話。另外肉類有，M Five澳洲和牛、美國黑豚片、豬腩肉片，最喜歡同埋食得最多就係和牛，紋路清晰，一條肥一條瘦的紋態，睇得出比多少少價錢就能吃高質一點。落埋喺個龍蝦湯同埋麻辣湯裏面，肉質金湯鮮香，甜辣開胃。美國黑豚片、豬腩肉片屬咁正常都係合格貨色。唔食牛嘅朋友食呢兩樣野都好OK另外仲做咗手打墨魚丸、生蠔、聖子、日本魷魚嚟打邊爐添，生蠔加分，大大隻又肥美，基本上呢度食嘢都唔會有太多嘅澱粉質可以慢慢享受呢啲海鮮同埋肉類食到飽為止。如果打得太多邊爐可以出去行過圈因為出邊都有少量熟食，如果坐喺座位嘅話亦都可以叫少量熟食例如一啲串燒。鹽燒虎蝦、蒜香雞中翼、鹽燒多春魚、汁燒金菇卷，我就好鍾意食嗰個雞中翼同埋多春魚，燒到啱啱好🥰到最後我都食咗一ROUND甜品、有布朗妮、布甸、仲有一大個雪糕雪條櫃俾你任君選擇。…查看更多

殿大喜屋出名食物高質 新鮮之餘還有貴價食材選擇 最近還有優惠 2人同行 減$100 絕對係沒有不去的理由 而時間方面 更是長達3小時 包保令你滿載而歸😋😋食日本放題要先暖暖肚 外面有半自助區域有椰子雞湯 味增湯 ，唔會好味道 飲得過 👌🏻還點左個小烏冬 🤣暖胃後 來一大碗刺身 ！拖羅 劍魚腩 油甘魚 赤蝦等一應俱全 單單食這盆刺身也足以回本吧 特別是劍魚腩 油脂豐富但不膩 令你一塊接一塊 🥰壽司有很多款選擇 名稱不能盡錄～見照片看真相吧 😁每款都很新鮮 配搭得幾好 黑松露 蟹膏等等都有👍🏻還有章紅魚薄切刺身 配上海膽豉油 不過比起劍魚腩就有少少失色 可能薄切嘅關係個口感完全唔同 這個牛柳粒唔會太鹹 但唔算好特別 不過不失雪櫃嘅甜品唔會好吸引我 反而點左個木瓜燉xx (唔記得咗鮮奶定椰汁🥥）呢個幾好味木瓜夠淋亦唔會變咗糖水甜 好味😋這個價錢 以「殿」既質素完全係超值…查看更多

充滿回憶主題的海鮮鍋，近年來大行其道。一個高質抵食，一個健康飲食的概念。令這些 蒸氣海鮮鍋店，經常都座無虛席。前一陣子，在太子探完朋友，我們二人行就決定去尋找一個既舒適又好味道的蒸氣海鮮鍋店。而位於大角咀荔枝角道的 《小漁港海鮮舫》，就是我們的首選。門面以白色牌匾以紅色大字標註「小漁港」三隻字，其實講得好岩，真係離遠都睇得到另門面既易拉架基本有兩個套餐，一個是$298/位是日廚師精選套餐。一個是$398既豐富套餐。餐廳環境寬敞，坐得舒適，看到裝潢已經係充滿昔日香港地的回憶主題，場內置有大魚缸，老闆係每日新鮮購入食材，仲係經常拎熟人貨添。所以食材相對地新鮮喔。入面座位係有二人卡位又有大圓枱，岩晒情侶或者朋友聚餐都好適合。都幾舒服喔。先來刺身拼盤「象拔蚌、三文魚、大隻嘅甜蝦、帶子、帆立貝」。拼盤下面鋪滿冰粒冰鎮住啲刺身，刺身本身都非常鮮甜，拍得住日本壽司舖嘅水準，食落肉質唔會“梅”。◾象拔蚌的味道，在於它的鮮美。口感上比較鮮嫩、爽脆、滑溜，略微還有些勁道◾新鮮的三文魚，幾乎沒有魚腥味，整塊魚肉色澤橙黃剔透，魚腩更是閃耀著銀色的光芒，蘸著調製好的芥末醬油◾甜蝦可算是蝦刺身中最具人氣的一種。它的味道與牡丹蝦相似，但體形較小。食之口感軟糯，味道極甜◾帶子豐厚的肉身極富彈性，味道鮮味甘甜。 ◾刺身帆立貝味道像純淨海洋新鮮、甘甜。點上醬油後那咀嚼口感更勝刺身魚片餐前熱食就係一碟避風塘炒魷魚。魷魚份量都算多，配埋蒜粒辣椒一齊食十分惹味，如果唔係一陣個蒸氣鍋咁多嘢食嘅話一定嗌碗白飯慢慢食。之後再上嘅就係兩隻琵琶蝦。一開始望住隻蝦真係有啲無從入手，好彩老闆好熱情過嚟教路，原來用陰力輕輕扭開頭同身中間嘅連接位，就可以成條蝦身拎出嚟食。今次呢隻琵琶蝦係凍上，擰開蝦頭後啖啖肉，肉質彈牙結實又有鮮味，估唔到其貌不揚得嚟又幾好味！終去到蒸氣鍋環節喇，一開始先蒸花甲、馬刀貝、是令熟蠔（由細至大）。呢堆貝殼類表面完全無污糟，蒸之前有好好咁吐沙，食嗰陣入面無沙。◾熟蠔肉厚飽滿，鮮甜但比生蠔味淡，適合初入門者品嘗。 爽口肥美，質感清爽，Aftertaste帶甘甜。然後下一輪就到鯇魚、粉絲扇貝、鮑魚同鮮蝦，樣樣都鮮味十足。◾鯇魚身上多餘的脂肪少了，肉質口感更好，簡簡單單清蒸就很好吃◾鮑魚味濃郁、鮮甜味明顯，而且厚肉爽身，無論口感、味道皆一流。再嚟係奄仔蟹大概要蒸12分鐘，一隻係蟹公一隻係蟹乸我揀左隻蟹乸食，奄仔蟹有黃澄澄的膏，但由於還未完全成熟，這些蟹膏還是軟滑的，猶如流沙奶黃，味道鹹香。它不僅黃多，還爆膏。不像大閘蟹黃口感偏硬，奄仔蟹黃會流沙，就像在茶樓掰開的流沙包，口感細膩。跟住再嚟就係鮮甜蟲草雞蒸烏冬，呢個我比100分 真係幾多都唔夠食呀！！！當中有唔少嘅配料例如有粟米、南瓜、釀絲瓜、芋頭。每一件都吸收左雞件嘅雞油精華，雞油是多麼開心的調味呢。雞件都好多特色，荷葉有一種清香的味道，滲進雞內會令雞的味道更加鮮美。最後既鍋底粥，鮮甜綿密，原汁原味，鮮美之氣無可比擬，鹹淡適中，無需蘸料相佐。真係勁滿足！仲有兩粒甜品落落肚，好開心《小漁港海鮮舫》全程有專人幫手計時蒸嘢食，食嘢同蒸嘢之間嘅時間啱啱好，唔會有餓住眼甘甘咁坐喺度等嘢食，體驗非常好。…查看更多

仍記得晚市禁令但都想在外慶祝，我倆在IFC的【Isola】睇住日落嘆Borgata、食意粉，夕陽無限好！去到IFC搵餐廳嘅時候，雖然餐廳位於IFC樓層最邊邊嘅位置，但係醒目嘅門面招牌一眼就望到，唔算難搵！入到去就見到酒吧區，再行入啲就係主要用餐區。餐桌間隔距離非常足夠，燈光亮度啱啱好，成晚坐低用餐體驗非常好。餐牌入面既食物有好多選擇，令我覺得出奇既係呢度既價錢都不屬昂貴。前菜餐包︰經典嘅意式餐前包，餐包籃內有幾款唔同口感嘅包，配搭橄欖油同意式黑醋填少少胃，份量啱啱好。嗰晚特別肚餓，嗌咗三個main course兩個人share嚟食。好似好大食咁喔。🍃Pappardelle al rage di ossonico意式會牛膝自家製大闊條麵 $248Homemade pappardelle, ossobuco ragout, rosemary leaves第一道菜係牛面頰闊條面，牛面頰煮得非常稔滑，面條巨形得嚟掛汁掛得非常好非入味。牛肉醬汁亦好足夠，成份pasta夠哂濕潤唔會乾爭爭咁，pasta嚟講非常滿意！🍃Borgata溫泉蛋風乾豬面頰肉水牛芝士餅 $198第二道菜係溫泉蛋風乾豬面頰肉水牛芝士餅，篤穿蛋漿令成個pizza昇華咗幾個層次。每一件薄餅都俾香滑既蛋汁滲透。其中風乾豬面頰帶重咗個味，所以整體味道偏鹹，適合重口味人嘗試呢個pizza無論係餅底厚度、餅底脆度、餡料味道同配搭度嚟講，比起我食過某啲好出名嘅pizza專門店更加好味，極力推薦！🍃Crostata do Manson 澳洲肉眼扒配薯蓉及時蔬 $388Australia boneless Ribeye, intense and juicy, Mixed green, crispy potatoes嗌咗medium boneless Ribeye,火侯啱啱好，牛肉嫩滑得嚟又唔會有好多血水。旁邊個配醬微甜微鹹，同塊扒好Match。等待是絕對值得的，除了口感十足外，竟然還充滿著脂香，而且肉質嫩腍，令人意外，不過記得注意一點是千萬不要放得太久，因為放耐左口感跟味道會大大不同。配菜係烤焗薯角，旁邊再配咗啲有啲似wasabi嘅蘸粉，幾特別。🍃Pistachio mousse with rhubarb jelly $98最尾甜品係Sinfonia di pistacchio，碟上擺盤好靚，開心果慕絲加一球雪球同埋少少rasperry配搭得唔錯，唔會死甜得嚟有rasperry平衡返個清爽度。食完呢餐飯，想起朋友分享的一個愛情故事，因為這間餐廳太有Feel了，「當方塊喜歡上一個圓」　看懂了人生觀又更成熟了。「方塊」為了變成「圓球」喜歡的樣子不斷改變，從方塊變成圓球、多面體、錐形，一次次的打磨自己。「一個不愛你的人，不管你為她如何改變，終究改變不了她不愛你的事實」、「你努力變成她喜歡的樣子，她卻努力的離開」、「活出屬於自己的形狀，因為有一天你會找到愛你這形狀的人」。「方塊」的追愛之路漫長曲折，在不斷的改變中迷失了自己。為了追求自己心愛的人，你會選擇改變自己迎合她（他）嗎？…查看更多

灣仔雖則是人煙稠密之地，但也有例外，就是這家COFFEE SHOP，身處當中也沒有半點嘈吵，反之是舒適也舒服。入食店有一系列嘅消毒程序，好似量體溫、洗手消毒液、安心放心之前已去過中環及此灣仔分店感覺良好，所以這次再訪。很愛佢的水泥牆身配上木系座椅。環境舒適寬敞在灣仔能獨成一角，彷彿喧嘩鬧市的綠洲。看到老闆說「剩下的10分是給予店一個空間去不斷提升品質」，我相信真的已有90分了。餐廳也準備了備長碳水，備長炭的吸附能力可吸收水中的氯及雜質，並將備長炭內的水溶性礦物質釋放於水中，成為健康的礦泉水。很貼心照顧了健康。【NINETY’s 】的餐單每三個月會改換一次，以澳洲菜為主，根據當季時令的蔬果而更換，搭配新菜式，白天時有落地大玻璃，光線充足，打卡一流！餐點也有很素食友善的選擇。Sharing 18:00-21:30🍃Poland Pork Belly $118Poland Pork belly in toffee gravy, roasted cauliflower purée with star anise波蘭豬腩肉，出名油脂較多，肥瘦相隔、層次分明、肉質腍滑，的確口感爽彈, 又有肉味，而且味道帶脂香，一點也不乾身，有水準，表面微微的焦加上in toffee gravy，好夾。配以西洋茴香椰菜花泥既清新又解膩，一油脂一清新，完全唔夠喉。🍃Hamachi $148Hamachi, sesame, spring onion, grapefruit & orange soy sauce dressing炙燒油甘魚配自製醬汁grapefruit & orange soy sauce油甘魚本身已經魚香四溢、肉質又嫩滑，再加上炙燒同埋味噌調味，魚嘅香味就更加突出喇！底部還有些羽衣甘藍口感爽脆，沒有苦味，帶一點醋汁風味，感覺輕盈MAIN 18:00-21:30🍃<Siu Wan Rice> $168Mabgalica Cha Siu, fired egg, Cherry tomato, Japanese Rice色、香、味俱全！首先，顏色繽紛，望落去賞心悅目； 另外，Mabgalica Cha Siu夠晒香濃；叉燒醬、玫瑰露等調味料醃製再5小時慢煮 再者，每一粒Japanese Rice軟硬適中，糙米 + 法邊豆，撈埋隻蛋黎食吃起來分外滋味。蕃茄及糙米整體能夠中和返西班牙黑毛豬脢肉的油膩感。見到呢個正方形BOX，更加令我認為真係享受精緻碟上的花園，因為擺盤更是每道菜都是360 °C   無死角，任何一個角度去看都是那麼的諧和。————————————————-咖啡豆都是【 NINETY’s 】自家出品，在澳洲烘培，但今次因為吃晚餐的關係，留待下一次再試吧，今次就揀左兩杯店員都推介的得力之作。Drink’s Time🍃Grapefruit Buddy $48Grapefruit juice,lemongrass, gingerWow! It's very smooth and it was a hit.葡萄柚汁，檸檬草 同 生薑，好似去泰國旅行會飲既飲品。🍃Fruit Romance $48Orange juice, apricot HoujichaIs perfect for a bright warm-weather drink. Tart, sweet, and refreshing,橙汁，杏仁 同 焙茶，而呢杯好似去日本旅行會飲既飲品。值得一讚的是【Ninety’s】的侍者服務很好。侍者會主動問是否需要甚麼甚麼的。這裡無論食物、環境和服務都很有水準，而且價錢不貴，份量較精緻，SHARING份量約一人份，我想大家都會喜歡的!…查看更多

朋友仔告知觀塘新開了極尚大喜屋 價錢極平$188食3個鐘 馬上訂坐去食訂坐後很快安排到坐位 朋友有bb車 員工們好好安排左位置方便我們 而且店面面積寬躺 整架bb車推進完全沒問題用qr cord點餐後 到外面自助取食物 有凍熱飲品 甜品 海鮮 炸物等等 先取個麵豉湯暖暖胃 很足料 而且可親自加紫菜 比外面更好渴 暖胃後就是刺身環節 帶子大大粒 三文魚也很新鮮 而且選擇很多 單單蝦也有分甜蝦 赤蝦和虎蝦 🦐當中與友人同樣最愛赤蝦 大大隻口感十分豐富壽司🍣款式也很特別 如鵝肝帶子 黑松露油甘魚 芝士鰻魚玉子燒 都不錯 雖然鵝肝比較細粒 但整體味道還可 而黑松露油甘魚 黑松露味極濃 再配上油甘魚的魚味 很好吃😋而芝士鰻魚玉子燒也是口感層次十分高 值得一試。而羊架和牛舌亦燒得恰到好處 都不算太油 特別是羊架有些少羊甦味 愛食羊的我很喜歡💕炸物要推介炸鮮奶 細細粒 甜甜地 唔係太多地方有得食 最後友人還發現有午市定食 而且開張期間還送自助食品（雪糕 甜品 酒除外）相信很快又會再次光顧👍🏻…查看更多

蝦蝦燒食過幾次 今日帶埋朋友去食 真係好推薦大家 友人都讚不絕口 我自己最欣賞個燒鱔 外脆內軟 原來魚係可以咁好食😋每次我都好期待黎食佢🤣第2當然係主角 蝦🦐 食過幾間流水蝦 大家都係類似既格局收費 但蝦蝦燒既食品真是比較新鮮 很容易便能夾到充滿蝦膏既大頭蝦 基本上佢游緊水你都見到佢d紅色是透出來的 當然也游得很快很生猛😝另外很欣賞的便是足料海鮮 鮑魚 蠔🦪 貴妃蚌 扇貝 螺 大眼雞等等 全部任食無限量供應 還有雪櫃內的豬 牛 羊 雞 丸 扒 鴨胸 多春魚 金菇牛肉 腸仔 番薯 秋葵等等 真是比放題/BBQ還要齊款 當然唔少得醬料 泰國生蝦汁 蒜蓉辣椒牛油等等應有盡有 你心水咩口味都整到 甜品也有香港制造既雪櫃任食 韓國飲品任飲 三百多元可以成個街市既食物一晚食齊 性價比真高 這個也是我常常介紹朋友去食的理由👍🏻…查看更多

隨著年月增長，自問對食物越來越挑剔；重質不重量，不過，事情總有例外的時候。【BELLA SHINE】的口碑向來不錯，加上一直都對西餐充滿愛慕之情，實在沒有拒絕午餐邀請的理由呢！【BELLA SHIN】店離朋友公司不遠，亦好近APM位置是在工廈內，入面地方不狹窄相對寬敞，位置便利之餘，環境暗暗也不錯，裝潢貫徹以木色和啡色為主調，牆上亦掛滿各式各樣的裝飾品，另一面，則可看到廚房內廚師準備食物的情形。整體感覺亦非常乾淨衛生。午餐餐牌有不算太多款選擇，但係簡單又簡潔，好多都岩食，午餐總共有八款。包括有沙律或湯及自選一款主菜，然後有一杯飲品。都見佢都有啲優惠嘅，就係一點前結帳離座同埋兩點後入座成張單可以有八五折優惠。兩個人當然揀兩個餐啦揀咗個D餐同埋G餐.D:蘆筍煙肉龍利魚卷配刁草忌廉汁 $92Asparagus Bacan Sole Roll with Cream of Dill Sauce當日餐湯係紫薯湯，紫薯湯以細小的咖啡杯盛載著，紫色的食材做成嘅成品真係好吸引，藉助濃湯的薯香味，再濃一點便 perfect 了。而蒜蓉包也非常好吃喔。蘆筍煙肉龍利魚卷樣子非常精緻，將露筍放上魚片捲好，煙肉捲好睇又好食，龍利魚魚肉煎得外脆內嫩，牛油味香濃，這樣好像完美的經典法式菜多過似普通西餐，若整體撒鹽胡椒粉調味會更好，再配刁草忌廉汁 ...有什麼效果？之前聽刁草忌廉汁係用作煮三色蔬菜，「時蘿」，又稱為刁草；一般跟海鮮類，特別是三文魚配搭；而時蘿跟忌廉汁一起處理時，散發出陣陣特別的芳香，同魚非常夾。而且具有散寒解表之用添。G:西班牙燒乳豬配乾邑黑椒汁 $128Cochinillo Asado with Perry Gravy呢個西班牙燒乳豬配乾邑黑椒汁配菜有青瓜紅、蘿蔔絲、同埋驚喜佢哋自家醃製嘅茄子，帶一點清新嘅甜酸味好似用咗蘋果汁去醃咁，好特別。燒乳豬，喺世界不同的飲食文化中都有燒乳豬這種菜色，而在中國，烤乳豬是廣東傳統食物的一種。西式又是怎樣？不知道【BELLA SHIN】係唔係即叫即燒但乳豬皮脆不膩口，酥香嫩滑！還有炭香味道，肥瘦均勻，需肉不算多，但一份整個餐是足夠的。黑椒汁＋干邑(Cognac) 係非常好吃，每一口都是舌尖上绝妙的新體驗。因為呢個汁比平常吃琴的更有層次感。最後午餐仲會送甜品，menu 冇提及過所以有啲驚喜，果然永遠有甜品做最後嘅一個ending係最開心的。甜品係每人一粒忌廉牛乳泡芙及一小件芝士蛋糕。忌廉牛乳泡芙，入口即刻溶化忌廉非常幼滑，唔算太甜幾好食。反而芝士蛋糕就有少少甜咗啲但係細細件嘅話都冇乜所謂。.飲埋杯餐飲正正！！成個晏晝食得飽飽一個午餐非常豐富。蠻滿足的。雖明白了一日之計在於晨，早上一定要空肚吃早餐之道理了！但午餐都非常重要喔！…查看更多