howhowardw的个人专页

今時今日去茶餐廳都係諗住快，大家都冇諗住有啲咩服務質素㗎喇，不過呢間紅茶真係令我嘆為觀止。路過大圍，諗住快快手食個早餐，好快有得入，但係一日諗住叫餐，樓上個阿姐就大叫，放低你隻手！🤨🧐 相信嚟過嘅都一定會有印象，我食咗三四個字呀，佢起碼叫咗三次。叫個菠蘿油你都嚟咗兩次都係就咁一個菠蘿包，第一次都仲有少少唔好意思話未切轉頭俾返我，第二次又係上返同一個包，第三次先上返個牛油俾我，結果個包都係我自己切，同埋已經凍晒。最後嚟到收銀仲嘆為觀止，咁嘅年代，仲淨係收現金？唔緊要上1秒佢都同人哋嗌緊覺，下1秒話俾錢想走人，佢特登要再找散啲俾我呀。…查看更多

大埔一日遊晚餐之選，睇到呢間木船嗰個評價好好，就膽粗粗入去試吓啦。我哋六點未夠就行入去，所以全場都係得一兩台客，諗咗好耐叫咗個燒豚肩飯，同埋叫咗個馬拉盞炒通菜。等咗兩三個字，碟菜出現咗啦，但係竟然係一個冇戴口罩嘅女侍應（呢位女士應有返咁上下年紀）送上嚟，我當堂呆一呆。碟通菜其實比較鹹，碟底亦都好多油，食完之後我要飲唒成支水。到重頭戲燒豚肩肉飯出場 -估唔到佢啲肉其實只係微暖，一食就食得出根本唔係啱啱燒完拎出黎，加上沙律放上面，就令到佢啲肉更加凍，結果一個燒肉丼，係一個微溫狀態下食完。調味偏甜，好似細細個去食漢陽苑韓燒嗰陣味，重要係overcooked，好鞋好柴，好彩佢切得夠薄，如果唔係我驚咬都咬唔開。順帶一提，間餐廳表面上好有防疫意識，提醒人唔係食嘢千祈唔好除口罩，但結果佢啲侍應喺廚房拎食物出嚟係冇戴口罩㗎，都幾諷刺。…查看更多

今日大埔一日遊，我哋第一樣諗到嚟食嘅就係榕基滷味，我叫咗鵝片拼豆腐，跟鵝油伴麵。一上碟，侍應就會提醒你，趁熱要快啲攪拌個面。呢個鵝油拌麵真係好香，但又唔會太油膩，唔知係咪個冷氣太凍，定係佢滷水汁更加濃，我食到一半就覺得佢個鵝香減弱咗好多。另外有跟拌麵來嘅湯都好清甜，唔會覺得重味精。主角鵝片拼豆腐，佢個鵝片肥瘦分明，都幾鬆軟，沾滿滷水汁，非常惹味，而且食得出有啲藥材味。下面三片豆腐係硬身嘅豆腐，吸收埋啲滷水汁同鵝油嘅精華，好啱送飯。另外仲有個小菜我揀咗蓮藕粒，佢個味其實同佢喺紅磡嘅榕基口水雞一樣，有花椒油，少少辣幾突出。…查看更多

數一數手指，原來都有三四年無食過triple O’s，仲記得想當年仲興團購嘅年代次次都十張十張咁買見佢都屹立不倒左咁多年喺PP，係時候睇吓佢有冇保持水準蘑菇牛肉漢堡$72一路以嚟我最鍾意嘅一款感覺好似乾過以前唔夠juicy件牛份量好夠蘑菇依舊好香好味其實我鍾意食triple O嘅其中一個原因係佢個酸瓜又大件又好食，今次佢仲俾左兩件我，真係超開心另外佢分開放個酸瓜都係一件好貼心嘅行為畢竟唔係個個人都鍾意原味牛肉漢堡$62都係有少少乾嘅問題蕃茄同生菜好fresh，搶左fo 轉套餐$29套餐有粗薯條同汽水粗薯條好好食，外脆內軟又夠熱結論我覺得都OK食得過，絕對好食過PP另外S字頭嗰間burger…查看更多

何車車仔麵成日都聽人講呢間車仔麵，今日終於有機會試下平日中午十二點半去到唔洗等就入得車仔麵黎講都算坐得舒服，唔算太迫係用Qr code 落單嘅，如果有選擇困難症可以揀佢啲五餸或拍十餸麵唔洗諗我覺得佢個user interface 可以改善下，因為係睇唔到究竟個五餸同十餸係包左啲乜，結果我都係要睇返枱面嘅menu最後我自己揀左四個餸先講講個湯底，我揀左清湯加滷水汁清底係清甜嘅，食得出係有心機去熬，應該落左唔少香料加左滷水汁咸味就啱啱好，我估唔加可能會覺得淡食完無口乾燒牛舌芯$16我見OpenRice 個個都話係必點，咁就梗係要試下啦分量比我想像中多，有五塊薄牛舌，size都唔算細燒得夠香口唔會韌，調味都恰到好處，難怪係大熱之選糖心蘿蔔$12有五六舊，清甜無渣好入味，高質豬紅$14都係有五六舊，口感ok 滑得來有少少煙韌但唔算超入味韭菜花$11真係唔係到到食到，好索味，美中不足係切得太長食嗰時有啲難搞整體體驗黎講唔錯，可以encore但係冷氣嚴重唔夠，我估係因為樓底超高嘅原因下次要過左夏天先再黎…查看更多

餐廳地方唔大，一眼望晒廣東點心卻有精緻cafe裝潢非常有趣鮮蝦腐皮卷 $16/2件雖然唔算係超脆都勝在都幾足料虎皮釀尖椒 $25/3件大大隻魚肉彈牙有魚味，本身屬中上水準，但佢個漿糊咁嘅芡汁真係畫蛇添足，我寧願佢就咁淋少少豉油仲好，less is more雙雪南北杏燉排骨$38雙雪即係雪梨同雪耳，可能時間尚早，火候差少少，我諗晏啲會再出味啲，但都足料有味嘅，立左秋飲返多啲湯水滋潤下鮮蝦菜苗餃 $16/2件脹卜卜好大隻，都幾多蝦菜苗夠翠綠，真係好驚啲黃晒嘅菜苗餃香茜牛肉腸 $26比我預期大份，仲搭左條菜芯超多牛肉，腸粉皮雖然唔算薄但好滑菜芯$16同懷舊馬拉糕$15正常發揮不過不失茶芥都只係$2位朝早仲有優惠時段88折，真係幾抵食無投訴…查看更多

見到黃埔新開左呢間天婦羅店即刻去試吓，結果排咗大約15分鐘就有得入。我叫咗佢過最貴嘅天丼，穴子海老兩丼。嚟到之後都嘩左一聲，佢個穴子真係好大條食落去好綿滑。佢其他配料都不過不失都係幾好食嘅但係比較差嘅就係隻蝦，其實就冇乜味，可能要點醬汁或者加調味鹽去調味。另外提提大家呢個店限時45分鐘，食得慢嘅朋友我勸大家唔好叫甜品啦，特別係其實佢都做幾多外賣，以呢個時限來講佢唔算上菜上得好快，但整體服務入座嘅秩序都唔錯。…查看更多

好掛住佢個炸豬扒，見今日無咁忙就特登去食Menu 其實唔算太多選擇，主要都係豬肉做主角豬扒都有幾款，主要都係唔同醬汁嘅配搭通常我都會揀肉燥汁，其實佢個葱油都好好食，但係我就唔係咁鍾意佢淋上面，因為會整淋件豬扒，肉燥會禾稈冚珍珠咁收埋喺豬扒下面，唔會浸淋件脆卜卜嘅豬扒豬扒依舊成個碗咁大件，仲要成寸厚，炸得外脆內嫩，炸衣乾身唔會厚，唔會食到成口油另外有一點我好欣賞嘅就係佢有少飯減一蚊，其實佢件豬扒咁厚咁大件少飯都真係好夠飽，平少少又唔洗浪費食物，非常好👍🏻…查看更多

星期五中午喺銅鑼灣唔知食乜好，行吓行吓就嚟咗登龍街，見到喜來稀肉有lunch set。一心諗住入去啦結果原來星期五冇lunch set食結果叫左佢個牛肉石鍋飯另外佢都跟咗幾個小菜其中仲有我哋最鍾意食嘅生八爪魚整體正正常常啦，牛肉比想像中少咗我覺得佢整體份量比一兩年前再縮減左一兩成。但我覺得佢小菜依然都保持到水準特別係個泡菜，而我哋都係想lunch坐得舒舒服服唔好咁迫，但佢上嘢嘅速度係有少少慢，如果大家趕時間嘅話lunch就可能唔係好啱啦。…查看更多

不過不失大排檔紅燒BB鴿$45名符其實係BB鴿，真係好奀好瘦好細隻喺個位度聽到廚房大大聲講”隻鴿係堂食快啲攞返隻碟黎”心知不妙，上枱已經凍左，但味道係正常嘅如果無呢個小插曲應該好好多金妹記小炒皇$78好鍾意食小炒皇，因為每個地方嘅小炒皇都可以好唔同味道唔錯，好足料要有嘅配料都好齊韮菜花鮮魷蝦乾銀魚冬菇菜圃腰果好豐富唯一要挑剔就係大部分配料都炸過，真係炸唔係走油個鮮魷直程係好似成舊椒鹽鮮魷咁，都幾趣致炸過嘅蝦乾就略嫌太硬蒜蓉粉絲蒸元貝$148(四隻)呢個係驚喜之作蒸得啱啱好，唔會太生或者太熟大大粉好鮮甜，超好味值得一讚係已讀預先起左肉，好方便唔會食到好呢hea…查看更多

地茂館高質中式糖水甜品糖水舖開到成行成市，但都係港式呀台式呀咁，做得好嘅中式糖水真係買少見少招牌蛋白杏仁茶$35杏仁茶真係唔係到到都食得到呢度但杏仁茶好香，少甜，正紅豆涼粉$22即係紅豆沙加涼粉大大碗滿到瀉，紅豆沙好足料起沙，都係少甜略嫌涼粉太大舊食得有啲呢hea桑寄生蓮子茶$24真係越嚟越少地方有得食桑寄生蓮子茶其實以前我無食過，覺得佢好似涼茶咁，唔似係甜品但老婆話好有益成日叫我一齊成，又話食完好瞓啲，試過幾次又好似真係，好神奇哈哈我覺得桑寄生就好似苦瓜咁，細個嗰陣唔鍾意，但大個就會學懂欣賞它的好…查看更多

紅磡有好多小店，其中青松韓式係我最鍾意嘅一間小店，因為老闆娘好好人，我見到佢同好多大學生嘅互動就覺得呢間舖頭充滿人情味，所以每逢冬天我都會不斷嚟食吓人蔘雞，暖下身子。人蔘雞湯，包一個白飯同埋三個小菜（注意堂食先會送小菜）另外叫多杯桃汁。佢個人蔘雞湯好夠火喉，一般喺出邊食到嘅人蔘雞可能都會連住骨，佢呢度每一次都係滾到骨肉分離。P.S. 佢個自家製泡菜真係好好食！！！我哋差唔多每次都會買盒泡菜外賣拎返屋企…查看更多

小弟喺中環返工，每次行行吓嚟到金鐘想買外賣嘅時候，一定會經過呢間麵全食。疫情之下有九折，六十零蚊算係正常價位。其實間野每amazing 既係，我永遠叫外賣企出門口等一兩個字就一定有得攞。我最鍾意佢個大胃王米線有齊晒:牛展、墨魚丸、牛丸、蝦、蘿蔔。佢哋一定會分湯，啲蝦好彈牙牛丸好多汁都係我至愛。…查看更多