話說放lunch前已網上嗌定飯，個陣係12:45，結果個飯成13:35先拎到！大佬，打工仔成個lunch無晒囉，仲邊有時間慢慢食！！最搞笑係啲職員勁無系統，你上網落左單都好，你去到佢間舖，你要努力擠入人群中，嗌自己個單號佢先開始整，呢個咁公平嘅操作，邊位智將諗出黎？好多迫唔到入去嘅人，根本唔知要嗌單，就算嗌左阿姐都聽唔到！最終返到去要勁趕咁食，建議大家想享受lunch time，又想食便當，後一條街都有選擇！同時建議呢間野，麻煩衡量下自己有冇能力accomodate到咁多客，即使冧晒檔都仲不斷收緊外賣單，係咪搞笑？生意唔係咁做的。…Read More
Misugu Bento
2024-03-18
The above review is the personal opinion of a user which does not represent OpenRice's point of view.
2
MisuguBento
您好，非常抱歉讓您遇上是次不愉快的用餐體驗！我們已將您意見作出檢討。對於外賣需等候多時，我們深感抱歉！我們已向前線員工作出訓示，必須加緊留意下單及出餐流程，避免發生同類事件。店舖經理會持續檢討及向員工檢視工作表現，並會重新分配店舖運作或盡量加配人手，避免忽略任何一方的訂單或有漏單的情況！本公司將繼續加緊留意服務質素，以秉承本公司一向嚴謹認真的服務態度，以及希望出品能夠儘快送到客人面前。我們絕對認同必須確保顧客可以有更圓滿的用餐體驗。我們感謝您的反映和給我們作改善的機會。我們會不斷努力為客人帶來更好的食品及服務。多謝收到你既意見😊及對我們的支持Misugu Bento 🍱
Dining Method
堂食
