or#Tm65874238的个人专页

我前幾日去咗迪士尼玩，去試下阿德爾港畔餐廳，我叫咗1號餐羊膝試下，我覺得幾好食😋但係就算啲嘢食幾好食都好，啲員工態度唔好，都唔會再嚟幫襯。 （當時我想去洗手間，但係唔知洗手間喺邊度，我就走去問一個女員工，我就問：「請問洗手間喺邊度？」佢就話洗手間咪喺嗰邊囉！但係比我嘅感覺覺得佢好唔耐煩，唔係好想答人問題咁。跟住我食完即刻走，我真係心裏面覺得就算啲嘢食幾好食都好，啲員工態度唔好，我以後都唔會再嚟幫襯…查看更多

5月31號我喺阿德爾港畔餐廳食咗掌櫃秘製羊膝我第一次食呢個餐，覺得幾好食。其實我第一次嚟呢間餐廳叫咗個貓耳粉配一支汽水，都幾好食掌櫃秘製羊滕呢個餐有羊膝，薯蓉，薯角，兩粒車厘茄，一條菜心同幾條豆角係$238配一支汽水，貴得來但好食，值得呢個價錢P.S. 我建議大家嚟迪士尼都可以去試吓呢間餐廳…查看更多

上星期日同家姐去咗葵芳行街,去葵芳買衫之前我哋諗住食啲嘢再買衫,其實一開始都唔知食咩,見到呢間就入去試吓,開頭都食得幾開心,啲嘢食都幾好味。跟住我哋食咗一半,已經好多人喺出面排隊,餐廳已經坐滿啲人，之後有個侍應阿姐就行過嚟問我哋可唔可以分一半枱俾啲客？（當時我哋係坐卡位。)跟住家姐就話我哋好快食晒就走㗎啦,當時我就覺得好奇怪,我同家姐一齊出嚟食飯如果旁邊坐咗一啲我哋唔識嘅人,硬係覺得唔係咁好。跟住阿姐就答咗一句唔俾就算啦！佢嘅態度俾我覺得我哋唔分一半嘅枱係我哋嘅錯囉！我哋都係客，我哋都係俾錢嚟消費,我哋唔按照你嘅說話去做就係我哋嘅錯，咩道理？雖然呢間餐廳啲嘢食都幾好食,但係啲侍應阿姐態度唔係咁好，黎食嘢都會唔開心😔…查看更多

4月11號我去咗迪士尼試咗呢個意式雪糕窩夫籃(藍莓芝士雪糕+呢嗱雪糕+朱古力蛋糕）$88 個賣相都好靚，個藍莓芝士蛋糕都幾好食(我第一次食藍莓芝士雪糕，以為麻麻哋，點知食咗一啖之後，超好食）如果我之後再去迪士尼一定要再食返呢間小小世界雪糕屋嘅雪糕，呢間雪糕嘅款式比其他小食亭嘅款式多，賣相都好靚，其他小食亭嘅雪糕其實全部都係單丁一條雪條（都成45蚊1條雪條）有啲唔值但係呢個意式雪糕窩夫籃$88，賣相好靚又好味，值呢個價錢P.S. 我建議大家如果嚟迪士尼一定要試吓呢間小小世界雪糕屋嘅雪糕😋…查看更多