ceci_hiulamsiu的个人专页

天氣凍最適合食辣野，衝住魚春魚卜煲黎魚鈁試一試🤩麻辣魚春魚卜煲$108唔好睇佢好似好辣咁，其實辣得適中，唔太食得辣既人都食得好滋味（小）酸菜魚（桂花魚）$218留意返個酸菜魚本身係唔辣，要自己同佢要求辣，因為我地怕食唔到太辣，揀左少少辣，出到黎一啲辣味都冇，所以可以放心大膽啲叫辣啲🤣不過其實唔辣反而食到佢既鮮甜味，連埋湯咁飲蒜茸萵筍絲$52…查看更多

睇左呢間便當好耐，覺得好靚又好豐富，但因為位置唔就近所以一直未試到，早排趁好天去買黎野餐食去到先發現原來有得堂食，有少量位置比人坐，同落單位置分間兩間鋪位，野食即叫即整但好快整完，夠晒熱辣辣香噴噴豚肉生薑燒弁当因為影完相放涼左唔夠熱，食落覺得差少少但唔關食物事，本身便當做得好好，肉好厚又大塊，成個便當最少都有8-9塊肉，好足料，多到食唔晒！而關東煮就幾入味，本身自己唔鍾意蒟蒻都覺得佢整得唔錯塩燒鯖魚弁当鯖魚有成個手掌咁大條！！餸飯素飯好足夠！涼左都仲係好好食重光招牌弁当試左少少炸魚，一樣放涼左都好食，唔會話焗到軟晒，賣相黎講呢款最靚今次放涼左先食變左口感味道都有少少影響，下次一定會趁熱再試…查看更多

呢間食完一次唔夠兩星期又想食，中午大熱天時行15分鐘去食都肯制啊第一次去叫左黑白墨丸，睇落得4粒丸，黑白各二有啲齋咁，所以今次再黎就叫左本地生牛肉河粉，另外加白墨丸（$46+$9）生牛肉河本身有一舊白蘿蔔，啲牛又多件數，條條都切得唔薄架，食落軟得黎又唔會冇咬口，再加佢既招牌墨丸，睇落好豐富，食落都好滿足…查看更多

因為武肺關係，而家暫時停左招牌海鮮燴飯同湯飯，所以叫左京都肉排黎試下一上枱嗰下真係嘩出聲，好大兜，洋蔥底既全部都係肉黎，最少都8-9塊，份量好足！而食落個味都夠酸甜，正不過佢既紅豆冰好難飲，個底係椰汁溝左水咁，好淡味，唔係平時飲開既味，啲豆都煲得唔夠軟身，可改善同埋當日唔知係咪壞冷氣，成餐飯食得有啲辛苦，但正餐味道同份量都好好，會再有下次…查看更多

同朋友去到每人一碗酸菜魚片湯河（$57），大大碗！酸菜魚唔算多同薄左少少，但片片都大塊！魚同河粉索晒啲湯味，個湯偏向酸啲，唔太辣，完全係自己鍾意既酸菜魚湯底味其實一碗河粉好夠飽，但見啲小食幾吸引，跟餐要左酸辣冇骨鳳爪（跟餐$26，正價$36）同埋炸流沙奶皇包（跟餐$19，正價$29）鳳爪正正常常啦，都係嗰個味，流心奶黃包好夠流心個包好似有少少粉，可能炸耐左少少食辣當然最緊要加野飲，香港人加油飲品有三款，跟餐加$10就有大大枝（正價$20）自己要左解毒胎菊花蜂蜜，好清甜，個樽又靚，飲完留返起平時用一流…查看更多

新店開張左兩星期都冇，openrice 都未見有，lunch hour已經可以大排長龍由於即叫即整而客量又唔少，所以等候時間都稍微有啲耐，落單到上菜預20-30分鐘，但可以whatsapp落單，自己預返啲時間食客都係附近office既員工為主，店面比較細，只可以坐5-7人，所以多數人都係外賣帶走食，如果想堂食要預早少少到難得有良心小店可以食酸菜魚，諗都冇諗就要左酸菜魚堂食既話要自己去counter拎，因為人手比較短缺，拎嗰陣小心熱！酸菜魚好大份好足料，最少有5塊大大塊既魚肉，有少少骨，食既時候都要注意唔好一啖過吞落肚⚠️⚠️⚠️裡面仲有蓮藕、豆芽、海帶同娃娃菜，一個人食有啲多，女仔既話兩人share一兜就啱啱好麻同辣味足夠，但酸味唔夠，希望下次食酸味可以多少少…查看更多

新店開張本身想趁而家可能冇乜人去支持下，但消息都傳得幾快，開張冇耐已經好多人去，keep住有人到但冇位入，好彩一點前到左所以有位唔洗等門口好靚，之後一定會係大家打卡熱點之一入到去自己scan QR code落單，方便快捷，menu都唔洗印咁多份出黎，唔洗傳黎傳去增加病毒傳播風險成間鋪9成人都食鮮茄湯麵，一定好吸引！但我今次衝住冷麵去，天氣咁熱食冷麵一流，蕃茄麵留下次試要左秘製金黃蕃茄清湯冷麵，揀左白麵底（HKD $89），好多細兜仔好得意啲兜兜除左粒蕃茄，其他全部比你自行加落冷麵汁裡面。綠色嗰兜有啲辣，但倒完落冷麵汁一啲麵唔辣架，放心倒透明黃色既蕃茄清湯睇落好新奇，平時睇慣左係橙紅色冷麵汁唔完全係水狀，所以都有少少掛湯，佢睇落好似冇味但其實食落清新帶點酸，同朋友食到最後就咁飲佢啲汁食到最後再食粒梅子蕃茄，好好食如果可以，放呢個落追加小食，因為食一粒真係唔夠喉門口收銀位仲有少少文宣卡仔同精油可以拎另外如果想買膳心小館既蛋卷又咁啱有貨都可以喺度買，今日有既係紫薯味蛋卷（HKD $89）…查看更多

埋門之前已經見到職員打招呼，一見我地入就即刻入cashier幫我地落order，熱情又好笑容 因為唔知叫咩好，佢就建議叫fish&chips, 唔要chips可以揀轉salad，咁就唔怕太肥好有罪惡感不過揀得食呢間又點會care咁多自己糾結左好耐要small定large, 最後都係冇咁睇得起自己揀左small（HKD48) 再加$12要salad同cream soda。而朋友就揀左large(100g HKD$75+$12），即叫即炸可以對比下small&large既分別，好彩自己冇叫large其實small食落都好飽，魚唔係平時食好滑既加工魚柳，而係好實淨既魚肉，加上薯條好粗身，食食下覺得份量都唔細所以平時唔係特別食好多野既唔洗怕唔夠而叫large，咁就唔怕食到撐同浪費食物呢度啲枱櫈多數比較矮，坐得唔係太舒服，同埋因為冇門，夏天lunch hour dine in有啲焗熱同辛苦，熱風係咁入feel唔到有冷氣如果怕熱可以take away/dinner黎食…查看更多

睇到呢間新開冇耐，諗住趁未有太多人去快手去試下先因為知坐位數量唔多，所以放lunch大約12:45到左，見到仲有4-5個位，但再過唔洗5分鐘就坐爆晒，仲陸續有人想入但冇位原來而家已經好多人去，所以想堂食要預早少少到，唔係既話就可能要買外賣同朋友兩個人都叫左軟殻蟹親子滑蛋toast（HKD 68）加左$15要set，揀左薯條朋友食過深水埗嗰間💛比較鍾意多士烘得乾啲脆身啲，相比之下life toast就唔夠脆。但自己就冇話特別鍾意硬身啲，所以食落覺得足夠脆，表面有啲脆但裡面少少軟幾好提外話，老闆好nice，每個人走之前都會問啱唔啱口味、好唔好食，務求不斷改善之後可以慢慢黎試晒全部toast…查看更多

本來一心諗住試yogurt bowl，上網睇到佢好靚而評語都一致地幾好，但可惜午市雪唔切冇得叫，淨係得一頁menu既lunch set，如果想試佢既甜品就要黎食dinner，野食選擇都會多好多雖然冇得試最想食既野，但menu上都有2-3樣野想食，1516左一陣，最後自己揀左蒜片辣椒大蝦羅勒扁意粉($76) ，而朋友就各自要左黑椒野菌芝士beyond  漢堡配香脆薯條($74) 同香煎鯛魚柳南瓜忌廉汁意大利飯($78)另外加配左沙薑雞翼(+$18)同黑松露薯條(+$29)黑松露薯條好大份又好好食，唔知係咪因為第一碟上，我地又好餓，自己食到想叫多份，不過好彩朋友阻止左我，因為之後啲野食都份量好足完全食唔去沙薑雞翼油左少少，但味道好好，裡面有汁，肉質都幾嫩滑。蒜片辣椒大蝦羅勒扁意粉初頭睇相好似有D乾，但上到黎完全唔會乾，味道好好，3隻蝦幾大隻但味道可以入味D，overall幾滿意南瓜忌廉汁意大利飯都唔錯，魚就冇試，但朋友話太乾身一般般；Burger因為好遲先上，太飽所以冇試，但朋友飽左都食左3/4，而且睇苛都好足料，所以我諗應該係幾好食。坐左兩個鐘，埋單每人先$100鬆D真係好抵…查看更多

想book位要上ig dm佢地，每晚9點開始接受第二日既booking，total 5個時間比你揀，而每次食用時間限75分鐘。先到先得，所以想book位記得留意返下面張圖，最好一次過打晒下面list左既資料，一夠鐘就send包保有位到左之後準時入得，樓下啲位會相對窄啲，上到二樓好闊落我地兩個人，佢比左4-5人枱我，所以坐得好舒服，而成間店氣氛都幾靜，裝修又簡約舒適，感覺成間店除左自己之外，其他人全部都係文青睇完menu自己要左set A good good rice($108)，而朋友要左set C 中華冷麵配煎餃（$108）第一次試avocado送飯食，以為會好奇怪，但食落佢creamy既口感同綿得黎又有少少咬口既飯幾match，而且幫個飯加左少少甜味裡面仲有炸乾左既金菇同醬油杏鮑菇，咬落爽得黎味道好夠而朋友叫既冷麵我就冇試，不過睇落都唔錯，而且佢成碟清晒，應該幾好食。餃子我試左，內餡係雞蛋黎，自己就覺得點完鼓油都仲係清淡左啲，如果好似我咁食開重口味可能唔啱食初初望住咁多兜兜覺得份量好似好大，怕會食唔落甜品，但其實都係素菜為主，所以唔會好頂肚，食完都仲有肚試甜品同埋時間其實算充裕，影完相食完正餐，仲有時間食埋甜品。本身想食雞蛋布丁，但可惜嗰日冇，所以揀左香蕉拖肥蛋糕（$48）同唔係經常有既紅豆牛油法包（$48）上枱先知法包有兩件，大大件好抵食，但因為自己食唔慣硬包同埋麻麻地食一大舊厚牛油，唔太啱自己所以覺得一般至於件cake就幾好食，裡面有啲nuts增加少少口感同埋香味，面頭果層拖肥醬有啲酒味，鍾唔鍾意就見人見志，自己頭一啖覺得麻麻地，但食食下覺得幾好食不過相比之下都鍾意佢既正餐多啲…查看更多

上網見呢間野食好似唔錯，夜晚有串燒，中午有睇落好豐富既lunch set，見好多人話要book所以我都提早兩日book定食lunch到左信德街行左一陣都搵唔到個門口，原來係門面好低調，喺門口經過左三次先發現就喺眼前😂經過可以留意門口會貼既是日menu，可以幫你快少少搵到一直以為會好多人，點知一推開門見到得一個客。店面見到周圍都痴晒文宣，一整幅連儂牆貼滿memo，就連收銀位同餐牌位置都係一眼望去就見到既口號同相，黃到出汁講返野食，自己叫左鯖魚豆腐燒（$90），朋友就揀左露筍炒山藥（$85）。落單時店員仲會問你飯量想少飯、正常定多飯，唔怕浪費食物/唔夠食兩個set都好食，鯖魚豆腐set唔洗多講，兩大塊魚又足味配飯一流，抵而露筍炒淮山就好清甜，淮山唔係我想像中好粉既口感，而係好爽脆，又估唔到佢咁好食唔好睇個樣好似細份好多，其實都好夠餸飯喺呢個靜靜地既地方食lunch啱晒上班族放鬆下，做飯堂一流，學生仲可以減$30但覺得應該要有多D人流，食完有D擔心咁高質既小店會挨唔住…查看更多

周圍茶樓都係集團旗下經營，唔想幫襯佢地，加上武漢covid-19，更加唔會想去人多長者更多既地方食野，太耐冇飲茶所以拉左屋企人黎徐記支持黃店雪山叉燒包 ($24)香茜牛肉腸 ($24)香芒糯米卷 ($29)蟹子燒賣皇 ($29)平時飲親茶一定比職員無視，十次有九次都燥燥地徐記由我地行入門口果下已經好好招呼我地，仲同我地一路傾計傾到我地走，呢D體驗真係小店先比到野食方面雪山叉燒包一上熱辣辣，個包綿好好咬，個餡差少少。香茜牛肉腸就夠芫莤香味，但鼓油淡左D，所以扣左少少分。香芒糯米卷冇咩特別，正常發揮；蟹子燒賣皇就好好食食到差唔多飽先知點心紙冇印晒全部野食，有D要睇牆紙叫。睇到有得叫而家好少見既炸麻花，但因為食唔落，留返下次黎幫襯再試…查看更多

一發現呢間黃店就即刻約朋友食，一埋到門口就見到好黃，收銀機前面都有文宣比人拎（lunch hour好多人，建議早少少到）拎完menu望住選擇多到有選擇困難症，諗左好耐先決定到要自選風味碗。揀左三文魚跟壽司飯+沙律菜（$88），配料要左酸蘿蔔、豆腐同香菇，另外加左三文魚子（+$10），醬汁試左蜜糖香醋汁，調味就揀左紫菜絲同木魚絲。一上枱勁大碗！食落酸酸甜甜好過癮不過就食唔晒，如果可以既話提供一個細少少既size，咁就唔怕客人浪費食物，仲可以有肚試下啲小食朋友就揀左吞拿魚跟壽司飯+沙律菜（$88），配菜要青瓜、枝豆仁同豆腐，加左隻溫泉蛋（$10），要鰹魚醬油再搭芝麻同木魚絲。唔知係咪漏左醬汁同木魚絲，食落冇咩味咁，不過朋友都話會再黎…查看更多

除夕喺中環附近搵野食，醒起呢間bookmark左好耐又咁橋係黃店就好即興黎搏下有冇得walkin，好好彩仲有bar枱一入門口就見到呢個好搶眼既連儂牆，雖然仲貼緊11月既遊行海報menu食物選擇唔算太多，價錢唔算好平，但酒好抵飲叫左一個Roasted Lamb Rump set dinner($328)，揀左Parma ham toast finger，另外要左Wild Boletus Risotto ($188) , Chilli Mussels with garlic bread ($198) , fried calamari ($118) , sweet potato fries ($48) 同埋幾杯白酒。值得一提，佢既炸蕃薯真係又抵又好食炸魷魚味道係唔差，但呢個價錢黎講份量真係太少青口一桶幾好食，份量都唔少 (冇影相，我呢碟係左夾少少出黎)羊同甜品都好好食，但因為實在等太耐先上黎，我地未影就食左。地段黎講價錢正常，野食同環境都幾好，但人手問題真係需要改善，由8:15落單，食到10點鬆D先上最後兩樣野…查看更多