WongSandy1248的個人專頁

最近同男朋友要慶祝紀念日，去左元朗一間西餐廳，超級推薦大家！去OpenRice訂位或者打電話訂，$68可以有手寫生日牌同客製化紀念報紙海報，個人覺得勁高質！印岀黎都ok，另外仲有現金卷送！個晚叫左set for two，前菜有蟹肉南瓜湯，酸種麵包，幾好食！小食叫左Peko墨西哥脆片，有超多配料（薯蓉/牛油果/肉碎..），大家一定要用脆片撈埋一齊食，口感豐富D！另外，試左15%黑松露煙肉野菌意式煙管粉，一食入口有超大陣黑松露味，意粉入面都有菇、煙肉，煙管粉掛左唔少汁，一齊食超正！Main叫左慢煮伊比利亞黑毛豬鞍扒，以為會好韌，但勁易咬開~~飲品方面店員推介左2款酒精飲品，PEKO Zombie 有多d生果味，易入口D；Milk Tea Martini 一入落口真係有奶茶味但就有好strong既vodka 味，酒味重D！…查看更多

前排行元朗見到岀左杜拜朱古力梳乎厘，所以就想試下！估唔到有勁多朱古力醬，同埋梳乎厘勁淋，幾乎唔使點咬！主食叫左明太子蟹肉意粉，都幾夠味，但建議趁熱食，如果唔係會變硬！軟殼蟹龍蝦汁意大利飯有原隻軟殼蟹，味道偏鹹，建議配飯一齊食！薯條勁大推，個黑松露汁超好食，食到停唔到口，份量都超多，食極都好似仲有。飲品叫左芒果楊枝甘露同牛油果咖啡，咖啡有牛油果口感相對比較豐富，而楊枝甘露好飲緊糖水咁，大家放假可以去試試…查看更多

早前去左肉屋試左頂級「京都牛鍋x壽喜燒極致盛宴」！前菜個人覺得芝士炙燒和牛卷幾有驚喜，肉入面包住左芝士，但又唔會好膩，超好食！而小食食左檸檬の牛舌，大推個柚子醬同一定要趁熱食！首先試炙燒焦糖肉眼芯牛鍋，一落鍋落左糖，再落牛燒到金黃色！肉質唔會太韌，燒得啱啱好，甜甜地之餘又有醬汁味，配埋蛋同埋飯食一流！另外，西冷肉油脂分布均勻，加上蛋黃/飯一齊食，口感再豐富啲！之後就係肩胛肉，會放左野菜盛合先，再放肉用火槍燒，食落有陣燒炙味，味道好濃，建議配埋飯一齊食更佳！最後就有甜品清爽柚子雪葩可以解膩！…查看更多

之前有睇最紅大廚發現原來有間burger鋪，即刻去試試佢！一入鋪頭有啲似外國漢堡包店，幾colourful！叫左個招牌撚手牛肉漢堡，個包勁多料，蕃茄、洋蔥、牛肉，個burger大到一口食唔晒😂但係口感幾豐富而且好味！另外朋友食左個招牌牛肉漢堡，可以加額外配料，成個包勁大舊而且full，食完真係超飽！小食推介錢金沙黃紫菜薯條，食落好大陣鹹蛋黃味，份量算多！孜然一口雞都幾有驚喜，肉質幾嫩，好食！ 大家快啲去試下！…查看更多

早幾日行過太子見到有間放滿動漫既居酒屋，好奇心驅使就去試下，本身見到雲朵飯唔知咩黎，叫左之後發現原來要自己打蛋🤣，好彩之前整過蛋糕都叫輕鬆，但男朋友就唔夠我快🤣好啱情侶去！之後食物都正正常常，叫左2個定食，味道都唔差，百幾蚊食到蟹肉魚子算係咁！仲叫左個飛驒和牛超入味！小食極推燒魚干，配沙律醬超好食！不過要趁熱食如果唔係會硬晒！飲品都有唔同選擇，我覺得梳打特飲黎講幾高質，因為又大杯又真係有水果味，大家得閒經過可以試下！鋪頭仲有好多扭蛋/figure，打卡幾有feel🤣…查看更多

喺元朗食到一間火鍋無限時任飲任食，雞煲火鍋飲品全部任食任飲！一坐低就即刻上雞煲，雞肉超嫩而且個湯底幾惹味，配料全部都食得食完雞煲就可以倒湯打邊爐，有超過50款配料任揀，牛肉、豬肉都係任叫，而且鋪頭仲有特別牛部位食，幾重牛味！職員仲話依家鋪頭食任何套餐，like、share、留言就會免費送蒸海鮮，款款都新鮮，手快有手慢無！大家經過都去試下‼️…查看更多

最近啟德新開零售館去咗行街，發現有間burger店就試試，個人覺得高質過5兄弟，今次試咗牛漢堡同雞漢堡，雞肉味道幾惹味，牛漢堡味道夠濃！個人覺得最特別係burger店有菜食🤣而且唔單止有薯條，薯角都有，幾特別。餐廳環境好似入左飛機一樣，空間都頗大！另外有自助醬料區同洗手位，幾細心！…查看更多

之前行過中環，見到一間「立体派」拉麵店，新岀左2款拉麵就叫左嚟試下！如果鐘意食清啲，可以試試雪走拉麵，湯底有淡淡柚子味，好特别，而且啲配料都好多！鐘意濃啲可以試黃金拉麵，叉燒同肉碎都超濃味！店入面仲有啲小食都好岀色，雞皮餃子同明太子雞翼，都好特別而且味道啱啱好👍🏻👍🏻👍🏻大家經過中環都可以試試飲品方面係玻璃樽碳酸飲品，雖然係水果口味，但飲落都幾重果汁味，唔會好死甜，整體餐廳無論服務定食物都好好…查看更多

十分差 book左等於無book 要同walk in 一樣等食物與價錢不值 十分難吃！失望 小曼谷仲好食得多！而且食物質素都差一點，後悔吃了這間餐廳 員工態度十分惡劣不會再來…查看更多