eilag的个人专页

請咗半日假同呀仔去學校，去完2點幾好肚餓就揾下有咩好野食，見到呢間御廚煎餅令我諗起幾年前嘅老金煎餅，好懷念即刻入去試！有好多新式唔同味煎餅，有流心蛋/芝士/甚至甜的朱古力味！仲有唔同的小食，非常吸引！我點了個黑白墨魚煎餅，老公點咗黑椒梅頭豬肉煎餅外賣。或者係因為店冇人（因為2點幾呢個鐘數），所以即叫即製來說，等候時間也不算太久！$36一個煎餅我覺得都幾扺，好大份，足料又好味，墨魚煙靭有口感，梅頭肉軟又入味！讚！…查看更多

平安夜前夕約一大班朋友去食聖誕大餐。揀咗元朗呢間小店，環境好cozy又有聖誕氣氛。侍應姐姐態度好又helpful！野食都唔係等好耐！首先係洋蔥湯，夠熱又夠甜，加埋焗芝士攪溶好香好濃！之後係前菜鵝肝多士，煎得剛好，入口即溶，好豐腴，my favorite!主菜揀咗芝士焗龍蝦，好多芝士，好好味，龍蝦大隻又彈牙，好新鮮，唔會係出面食過好霉個隻，好好味甜品朱古力Brownie, 食完好滿足呀最正當然係同朋友一齊食住好野過節！…查看更多

今日朋友包場party, 個女服務員態度超差，本身講好幾點可以交場佈置，食物包甜品之後又反口。之前講好package有discount, 到落訂又想反口。又唔肯講明食物份量，咁點預食物，呢d 最基本資訊都冇？，結果半個鐘到已經冇乜野食剩。仲有guest杯又唔夠碟又唔夠，party食物又超普通，燒賣、咖哩角、三文治超普通，仲差過街邊小食店。同店員講洗手間門開唔到，超串話佢都冇辦法。整體食物一般，服務真係好差！一定唔會再包場同去！…查看更多

夜晚肚餓同老公去大角咀搵食，見到呢間餐廳開到11:45pm, 光猛又企理一於試下！店主（？）推介煲仔飯就叫個窩蛋牛肉試下，再加一碟口水雞！個煲仔飯唔係等好耐，一到就滋滋聲仲嚮緊！焗多陣一打開好香呀！飯有油光，不太軟又不過乾硬，撈埋窩蛋好正！個口水雞好有驚喜！好大碟都係$48！好香仲啖啖肉！唔會太辣岩岩好，少少麻，正！一定會再黎食呀！…查看更多

好耐冇來，因為個政府太可惡，為了要紓解一下憤怒心情同戰鬥前食餐好所以來食最愛的串燒！點了煙肉蠔卷，𧐢大隻又juicy, 加上煙肉真係好滿足！仲有厚切牛舌，有口感又唔會死咸！好味，水準依舊好！…查看更多

很敬佩前歌手Oscar由開店到經營事事親力親為, 很久之前去過剛開幕的舊店, 記得款式不多但很好吃! 搬到這店後可以堂坐而且食物更多選擇!去幫襯時剛好滿座, 店主十分好禮貌又爽快, 不一會已可入坐!叫了酸辣湯, 份量足夠2人喝, 不太辣, 酸酸的很開胃, 適合不太吃辣人仕!蟹粉小籠包又鮮又好味, 招牌菜生煎包又熱又多汁, 皮厚度適中! 推介!還點了土匪雞翼, 皮燒得很脆, 很惹味!!還點了茄子菜飯, 由卡茄子本身味淡, 因此很依靠調味汁, 調味的醬油濃香, 加上菜飯一流!!!很滿足很划算, 一定會繼續支持!!!!…查看更多

上openrice搜查灣仔區的韓國菜館，發現這間由社企營運的韓國菜館評價不錯，一於去試！好彩有打電話book枱，因為都幾full ！佢提供set lunch 及單點選擇，我被menu上的圖片吸引，點左個「韓廚蓋飯」。蓋飯來到，賣相很一般，有牛肉、菠菜、泡菜、煎釀青椒及蛋。味道不差，很一般沒什麼特別，價錢相對不太划算…..…查看更多

<font size="3">此舖開張不久已見到晚上頗多人在門外等位，而且見到餐牌有拔絲提供，立即要去試下！</font><font size="3">放工大約7:30到達，已經有約10人在門外等位，拿籌號後等了大約20分鐘就可以進入。餐館約提供50-60個座位，密麻麻的空間不大，亦幾逼。</font><font size="3">餐牌內有提供不同的東北小菜及麵食，都很吸引！！</font><font size="3">------------</font>＊紅燒肉湯粉絲條＊<font size="3">紅燒肉顏色深紅亮麗，湯底濃郁，還帶著淡淡的焦糖味道！豆角爽口無渣、粉絲條粗，很有嚼勁，而且一夾起就掛滿濃湯，非常好吃！</font><font size="3">--------------</font><font size="3">＊北京烤鴨＊</font><font size="3">皮脆不油膩，肉爽，稍嫌切得略厚，附上的麵皮甚多，足夠包著吃整碟烤鴨！唔會好似某些酒樓只得幾塊不夠吃。不過整體味道不過不失，不十分特出。</font><font size="3">-------------</font><font size="3">＊菜肉雲吞湯＊</font><font size="3">湯底似用鮮雞熬製，十分鮮美！雲吞餡內菜及肉平均適中，皮薄又軟，讚！忍不住把湯全喝掉！</font><font size="3">--------------</font><font size="3">＊拔絲蘋果＊</font><font size="3">顏色金黃很吸引！在附上的凍水裡過一下，令其更外脆內爽，又香又甜，我的最愛！！</font><font size="3">--------------</font><font size="3">總括而言都很正宗東北菜式及烹調，分量頗多而且非常好味！下次要約多些朋友一起來才能吃更多不同菜式！</font>…查看更多

上星期行經大角咀見到呢間小店以藥膳湯品掛帥，價錢亦看似相宜，可惜太夜已關門所以已選定要來一試！放工後約7:30PM去到，全舖有大約10-12個座位，只有我這枱客！但是8PM都陸續多人，坐滿整個店了。-------------Menu很簡單，先選湯（牛肝菌、松茸、瑪卡、黑松露及當日「特別推介」），再選小食（玫瑰露酒雞翼、松茸燜排骨或加$6的花雕醉雞翼）、可配飯、米線或台灣鹽水意麵！另還有黑松露炒蛋、黑松露炒飯等單點食品！--------------我選了黑松露湯、松茸燜排骨及飯（$59）！黑松露湯香氣未算十分特出，湯亦有些微油膩，但是味道濃郁，十分滋補，還附有數顆黑松露！湯中加入我選的松茸燜排骨，排骨肉腍又入味。米飯亦加入紅糙米，非常有咬口及健康！--------------是日甜品是伯爵茶芝士蛋糕，立即點一個吃！芝士蛋糕散發淡淡的伯爵茶香，芝士蛋糕口感滑溜、芝士味不濃列十分適中，不會太甜及滯，連不嗜甜的老公也十分喜愛！------------雖然份量好像不多，但湯很大碗有飽肚感，而且沒有味精十分健康！這個價錢亦十分性價比高！絕對值得推薦！…查看更多

Lunch忽然落大雨，求其搵間茶餐廳醫肚！Set lunch $43, 主菜加湯或飲品！揀左咸魚雞粒炒飯加中湯，心諗炒飯難食有個譜！個湯味精湯，預左！個飯好大碟，不過凍架囉！仲要冇味，雞肉粒乾硬化，咸魚粒如嚼蠟！個飯真係超難食！唔想浪費硬啃半碟！嬲到一食完要即刻寫個openrice....奉勸大家千祈咪去！…查看更多

星期五放工去大角咀覓食， 見到呢間新開的食店menu好吸引，黃色的店面亦十分sharp醒，所以一於試下！店內座位不多，約6-7座位！門口以「新香園蛋牛治」作招徠，所以一坐底即刻叫呢個試下！------------牛肉不用一般的咸牛肉而是用新鮮牛肉，很有牛肉味及有咬口，加上滑蛋及烘過的麵包，非常好味，立時開胃！如果雞蛋可以生一點juicy一點更完美！------------是日晚餐有3款選擇, 3款同樣吸引！另外亦可選單點食物, 我見鄰枱點了蛋包飯，甚吸引！我最後選了＊龍蝦湯海鮮墨魚汁石飯＊------------先來周打蜆湯！湯頗濃稠，蜆肉份量奇多，差不多佔了1/3碗！------------蒜蓉包香脆------------＊龍蝦湯海鮮墨魚汁石飯＊龍蝦湯汁鮮咸香濃，墨魚汁沾上了每粒飯，配上石鍋令飯有了焦香，非常好味！不過龍蝦湯汁份量多而且味濃，蓋過墨魚汁了，有點浪費，我認為分開2款石鍋飯可能更好，而且吃了一半便感到十分口渴而且有點膩了….------------總括這是十分滿意的一餐，支持小店對美食的熱誠！…查看更多

朋友將要到國內工作，因此一行8人選擇了去Mr. Steak為他Farewell！一坐底，2個雪糕精朋友已經等不了先去拿Haagen-Dazs 先吃，當appetizer！其餘當然去排隊拿生蠔及魚生刺身！生蠔有2款，都算大隻和生鮮！刺身亦肥美吸引！遇著人龍太長，最好先選擇吃長腳蟹，非常多肉又鮮甜！還有鵝肝，豐腴油潤，小小一片非常滋味，口腔充滿鵝油香，但是膽固醇太高，我不敢多吃…一口和牛偏乾身，欠缺Juicy感。燒牛扒則十分不錯！甜品角最吸引當然要數任吃的Haagen-Dazs雪糕，有Belgian Chocolate, Strawberry, Vanilla, Cookies & cream, 還有Caramel Biscuit & Cream , Banana & cream！選擇十分多，雪糕精的開心天地！約10時突然refill的chocolate fondant , 差不多全個餐廳的人都起哄了去搶…..不過太甜了….完全吃不下…. 甜品角另有一個最受歡迎的特式，就是心太軟朱古力，還可以要求在碟上寫上要求的字句！我們當然藉此為朋友製作了一個小surprise啦！這裡雖然嘈吵，但是氣氛一流，一起分享食物，大聲笑，完全樂在其中！在此祝朋友一路順風，前途似錦了！…查看更多

逢星期五就會同同事四出覓食，上openrice見有不少好評便選定這間book 位！間餐廳近天樂里，不在大街要轉入小巷，有自成一角的感覺！甫進店，頗多人，好彩有book枱！午餐Menu好多選擇呀！有36款不同美食，大家都患上選擇困難症！跟同事選了：人蔘雞湯、炆牛肋骨，海鮮煎蔥餅一齊share!人蔘雞湯：清甜唔會好大陣苦蔘味，湯內有糯米，有咬口，好味！炆牛肋骨：湯牛味濃，有三大塊牛肋骨很入味很腍，輕易骨肉分離，個個讚不絕口！海鮮煎蔥餅：香口有咬口，海鮮料豐富，如果薄一點更可口！上菜速度快，物有所值！一定再來！…查看更多

千辛萬苦終於約齊一班中學同學dinner gathering! 在中環返工的朋友提議去Gooday Café, 地點亦十分方便!Book 了7:45, 仲暗地book了個蛋糕為朋友慶祝生日! 我跟一個朋友準時到達。小店地方不大，只有3張2人枱及2張6人枱，另有一間”vip”房 ，但店主說沒有泠氣所以很焗促…. 另外甫進店內有一陣羊羶味(?)….除此以外，小店佈置得很有浪漫伊甸味道！由於天雨關係都幾塞車，其他朋友都要遲到。同店主(?)確認蛋糕及提議待我們指示才捧出來，店主只不停提醒我們營業時間至9時，主菜完便要立刻捧出來云云….還追問朋友何時到達，因為9時便要關門…..大部分朋友來齊，也太肚餓了所以食住等，先點餐。Menu很吸引，有湯、沙律、數款小吃、主菜及甜品，還有可添飲的洛神花茶！洛神花茶微溫，酸甜開胃，但如果可選凍或熱更佳！----------前菜很精美，每款小吃一口份量！最特別是薔薇洛神花包，帶微酸甜，十分開胃！白酒煮藍青口、紅莓鵝肝醬蟹肉伴脆餅、黑松露蟹籽天使蛋也很美味！------------主菜我選了泰式冬陰功汁海鮮意粉，冬陰功汁略咸，也有點膩，急凍”海鮮”非常迷你及欠海鮮味道，可幸有幾隻蝦冇咁單調！朋友選的煙肉洋蔥忌廉汁香草雞扒飯，賣相十分精美有心思，朋友說味道還可以。前菜的設置及味道跟主菜有點格格不入，如果能貫徹以洛神花入饌或提供偏向西式、日式，及意式主菜會更有格調！現在則流於化了妝的茶餐廳菜式！-------------甜品忌廉泡芙，忌廉帶有清甜檸檬味道，十分滋味！--------------最後捧出蛋糕，賣相精緻，而且是特別的薔薇洛神花味道！忌廉新鮮幼滑，不會感肥膩，不自覺便吃得乾乾淨淨，為gathering劃上完美句號！…查看更多

約大學同學食lunch, 佢地不約而同提議食呢間！Book左位 Lunch去到唔係好多人，環境舒服清靜，地方同點心都甚有特色！3個女仔食量唔大，叫左蝦腸，鮑魚燒賣同瑞士汁黑豚肉炒河！個鮑魚燒賣ok好食，鮑魚薄片多汁，豬肉唔肥膩！蝦腸皮滑，蝦肉爽脆！瑞士汁黑豚肉炒河咸甜適中，又香又好味，河粉夠滑！黑豚肉入味！正！下次要叫多d朋友黎食先可以試多d點心！…查看更多