坐蠟不安的个人专页

幫家人慶生，搜索到資料生日優惠，3人同行生日者半價，打電話確認過後火速訂了位。當天家人先到，來到店裡裝修富麗堂皇，燈火通明，可能是閒日的關係，有卡位提供，非常舒適，通風設備良好，不會受火鍋的蒸氣影響，冷氣也適當，沒有吃得身水身汗。家人叫了點食物和拿了些丸啊什麼的，加上前盤只是一趟就已經有九分飽，所以只額外多叫了一轉大頭魚。前盤有5種，其中的雲吞相當一般，猶其是蝦的部份隻數足夠但肉質和味道都不行；刺身還可以，食得出有鮮味；鵝掌鮑魚都煮得夠軟身，2位長者都咬得開；牛頸脊睇圖就知到位，不過可以任叫既肥牛同羊肉都唔錯 (雖然我地淨係叫左一次)；最後海鮮前盤蝦每人有兩隻，其他各一隻，都食得出新鮮，前盤呢個水準食完一轉已無得輸。要彈既位主要墨魚滑既無口感亦無味(蝦滑ok)，仲有脆肉鯇根本唔係個回事，軟到不行，連我係hktvmall買既脆肉鯇都好太多。服務態度好，換碟勤快，服務人員基本都可以叫到過黎，唔會出現咩“我唔係負責呢台“或者扮睇唔到既情況。有主動講有糖水食。…查看更多

今次去旺角係為左下次旅行去買鏡頭，買左平平地既10-18mm鏡頭，然後去之前因為旅發局搶獎賞而念念不忘的活海鮮，不過因為睇openrice食評近期好似麻麻地，就無帶家母黎食。3點幾入到店，場面極度冷清，一度以為唔係開緊工。入坐之前已經諗好食咩，等左一段時間，蒸蛋同烏冬仲要比錯隔離位客人（在我之後入座），係比蒸蛋同烏冬既同時，廚師都遞上左三件頭既主菜。先食蒸蛋，相當一般，偏咸，得條蟹柳，仲有其他人講過既水汪汪，到最後我係飲完既。烏冬，正常。以天婦羅為名的午市餐，塊葉可謂開胃硬菜，超級硬，食過咁多間最唔掂既。其他兩款普通。全場最佳，最少這盤沒有不新鮮，兩款魚生都新鮮有香味、蝦刺身鮮甜彈牙，有挑腸，唯一要彈既地方係蝦頭無膏香，比較失望。相當一般，用料沒有刺生盤那麼新鮮，味道最突出的是甜蛋，壽司飯好似我每日放工既坐墊一樣壓到又死又實。下次應該可以再帶家母黎食多次，到時淨係叫刺身睇睇…查看更多

自身情況屬於甚少外出用餐，沒有團購基本不可能在中價位餐館用餐，隨行基本附帶65＋家人乙名，首重於性價比、次重環境食物健康。是次團購於某網站購入，99＝160現金劵，共購兩張，叫了六款食物，共計361元，加一再加12蚊茶錢，400有找。預約星期三晚上6：30，約6點25分到坐，到坐時人數不多，這裡先讚一下，排位睇黎應以先後次序安排，我地落坐係卡位，走既時候餐館未滿，但客人坐的幾乎全屬卡位，似無特意留坐的行為。點餐既時候，基於職業習慣，甚為喜歡他們的餐牌和餐紙，可惜只有些老上海的字款和招牌，如果再加一點老上海風格的人物插畫感覺更好。由於身體問體，近日蝦蟹酒之類食物不能點，還好上海菜選擇不少，基於現金劵的320考量下，我們最終選擇了六道菜：1.上海小籠包 4個36元上海餐館既優先選擇，雖然餐牌上無標推介，不過價錢相宜就叫左，可惜⋯⋯皮係簿既，湯汁唔會太油，但肉一D都唔香，湯汁唔夠熱，一般酒樓水平，不屬於期待級別，不推介。2.鱔糊粗炒呢道菜未上既時候，家母就四處亂瞄侍應遞送既菜式，當時佢好興奮地同我講，人地碟粗炒好靚好大碟，而等左一陣，我地道菜上檯，望上去一樣好靚好大碟，我本人唔係特別鐘意食鱔既，因為多骨，但係都食過大排檔之類，知道鱔可以好香好好味，但呢碟所謂既鱔糊粗炒，就既唔香亦唔好食，而佢同時係一碟粗炒，上海粗炒，所以佢係我眼中，只係一碟索價92元既油膩粗炒一碟，如果佢鱔香好食，我完全可以接受佢多油，然而⋯⋯3.北京炸醬麵彈咁耐又讚返個先，都係我去呢類店鐘意叫既一款菜式，簡單實惠，拉麵口感非常不錯，不過如果想兩人分既要技巧少少，因為佢係撈麵風，你好難分開個團麵，給果有下次既，我想我會揀叫兩道北京炸醬麵，口感同味道都令人滿意！4.砂窩雲吞雞份量令人滿意，湯既雞味濃郁，兩小塊金華火腿明顯出曬味，單點一位兩人分就好夠，因為入面既野基本各1-2件。5.糖醋魚塊呢道菜係掙扎左好一輪既⋯⋯本來想嗌松子魚既，但計左N耐之後，都係比176既價位勸退～事實上，根據上面幾道菜既情況，我認為呢間菜館師傅既技術係有一定水平既，但材料真係拖累曬，鱔糊唔夠新鮮唔夠香、小籠包豬肉又唔夠香，呢道魚塊呢，雖然都關師傅事，因為外皮太軟，但最緊要係入面D肉一樣咁軟而且係無香味，簡而言之就係雪到死曬，完全係度食汁同食洋蔥，家母表示D魚軟到無牙都食得，有需要人士我會作為特供推介⋯⋯無魚味、無口感、但汁極濃、無牙都食得！6.香蕉高力豆沙呢度有個小插曲，一般黎講你叫晚餐都係一次過叫，又唔係茶餐廳叫奶茶⋯⋯咁我地直落六道菜，侍應就問高力豆沙係唔係一齊上，咁我諗住一般高力豆沙都需時不短既，不過呢次話曬五道菜，咁就諗住佢問得就應該有得適時後上既，結果佢係叫我自己因住時候再叫⋯⋯我唔係想投訴侍應態度或者服務，只係我覺得後上甜品呢樣野真係比較基本既一個服務，所以比較意外咁提一下呢樣野，希望佢地老闆考慮下係POS系統搞搞佢⋯⋯然後講返道菜，係我今日用餐最推介既一道菜，口感非常好，蛋香濃郁，中間既香蕉差少少，但豆沙甜度雖高，但勝在份量少，不會過甜，個人強推！最後提下服務，沖茶埋單速度理想，上菜速度超神，落單不足5分鐘全上。…查看更多