今日30幾度中午時份出左太子去左大南街附近，有啲肚餓，所以就諗住喺附近搵嘢食。反正一直都想去大南街的 coffee shop, 行吓行吓去到楓樹街的不苦，見環境不錯，落地玻璃，舖內光線充足（最怕係”黑嫲嫲”的咖啡店），於是入去睇睇有乜嘢食。望一望Menu, 發現這裏的飲品選擇好多，有咖啡和非咖啡飲品。咖啡除咗一般的latte､cappuccino、American、expresso 外，我還是被Menu上的精品咖啡吸引著，精品咖啡係一般大連鎖店是沒有的，所以最後我點了一杯Lime Expresso Tonic試吓，食物方面我就揀咗煙三文魚水波蛋酸種包。坐下不久，我的Lime Expresso Tonic到了，淨係看樣子已經覺得好自瘉，有兩層的，先飲兩啖試吓，是我喜歡的，冇諗到青檸和咖啡可以咁夾，價錢$58合理 （平時係連鎖店唔飲一杯普通嘅咖啡都要$4x)。再過咗一陣，重頭戲就嚟了：煙三文魚水波蛋酸種包。 首先份量真的頗大，整個碟都放滿食物，份量比出面食的大，就算我今早冇食早餐，當brunch 食都綽綽有餘，味道方面冇得輸。沙律菜新鮮伴黑醋汁，正😋，沙律份量也不小。先切開第一隻水波蛋，超級流心，用酸種包點蛋汁，超級正😋😋；酸種包外脆內軟，不死硬；煙三文魚味道啱啱好，唔會太鹹，啱晒我胃口。因為我食嘢嘅速度都有啲慢，當我切第二隻水波蛋的時候，水波蛋仍然流心（好多時我喺第二間coffee shop食嘅時候，第二隻水波蛋通常會因等得耐變左唔流心），另外下面的酸種包仍然是外脆內軟，不會因為放得耐而淋晒，呢兩個位佢哋掌握得好好，令到呢個水波蛋加咗唔少分。價錢方面我覺得超抵食$95，食開出面份量小的都要$120-130。最後都想講吓呢間鋪啲裝修好文青，冷氣足夠、播放住英文歌，感覺好舒服。等我扮吓文青都好😜…查看更多
