妮 =]的个人专页

我地平日6大1小去，叫左3個鮮果set，3個芒果set。下午茶黎講，份量好夠食，7個都食得飽飽。甜食好味，咸食正常。最好味係芒果拿破侖/ 士多啤梨法式牛油曲奇。牛油鬆餅/ 芝士火腿牛角包就好麻麻。仲有menu可以叫 A la carte，我地有人未食lunch，所以另外叫左個fish and chips，即叫即整，熱辣辣，幾好味。酒店周邊環境較舊，但裏面環境OK。交通可能隔涉少少，所以唔算多人。初夏鮮果下午茶$98/位皇牌芒果下午茶$168/位經open rice訂位，星期一至五全單65折，公眾假期全單7折。經官網訂都有折，不過我冇用過，所以唔太清楚，可以自行去官網了解下。…查看更多

下晝係觀塘駱駝漆大廈買野，到lunchtime想搵間靜靜地既餐廳就見到「職人食事」。係門口見到價錢實惠，又未有其他客人，就行入去試下。午餐時間都冇乜人，心裏面對食物質素都冇乜期望。睇睇下餐牌，有一家人入左黎，佢地好快叫完野，唯一既職員哥哥就開始預備食物。見到隔離枱個鰻魚炒飯個樣唔錯。我叫左個魚生飯，個賣相都幾靚。食落，魚生新鮮，飯既酸味又恰到好處，唔錯！鋪仔細細，但食物有驚喜得一個職員但都處理到客人柯打，仲幾nice添。…查看更多

係太子上堂，所以睇下附近有咩食。呢間餐廳個名咁吸引，所以入去試吓。入到去，就見到啲牆嘅上面放滿模型，等嘢食嘅時候可以望下，覺得啲食物好似上得好快。幫我落單侍應比較新，我問蕃茄湯麵可唔可以轉通粉，佢答唔到，要問下人，不過態度都良好既。叫咗個常餐。番茄湯滑牛通粉，啲牛肉的確幾滑，啲番茄都幾新鮮，通粉唔會太林，個湯又唔會太濃味，都幾好味。牛油厚多士，牛油搽得幾均勻，脆底好味。炒蛋幾正喎，份量夠多，幾滑，又唔會散晒。再加兩片火腿。熱華田夠味，唔會太淡。下次再嚟，要試吓佢個招牌，黑松露滑蛋多士。…查看更多

落好大雨，冇乜胃口，食酸野，醒醒神，開開胃。牛肉撈檬，個牛肉落咗洋蔥去炒，炒得好入味，讚！啲配菜都幾多，食落口好清新，幾開胃。香茅豬扒撈檬，食評話幾正，的確唔錯，啲肉都係整得好有心機好有誠意，真係好入味。蒜蓉炒通菜，份量好多，個味淡淡地，可以空口食，幾好！整體來講，啲肉整得好好味，同埋份量都幾多。…查看更多

上次食過一次，覺得好味，今晚係旺角睇完戲，唔太餓又想食少少野，所以黎食餃子。店面雖然細，用白色同淺色環境加光猛既燈製造空間感，坐落舒服D。枱細，所以就筷子、碟、餐牌放係層架，方便食客。為免袋撞袋，枱底有個小鈎比人掛袋。個碟分兩格，一格放餃，一格放醋。淨係叫左一碟冰花「餃子樂園」。即叫即整，所以都等左成五分鐘。上到枱，餃子熱辣辣、個冰花底脆卜卜，D饀幾足，幾鮮味，正！十隻餃，隻隻唔同味，岩晒有選擇困難症既朋友。日式紫菜豬肉餃，紫菜味原來好襯餃子，出面未食過。香菇粟米豬肉餃，粟米好甜，好味。三重芝士豬肉餃，一咬落去，噴汁，整污糟左條裙，下次食要小心D。平時都食到少少辣，但個泰式香辣豬肉餃對我黎講，太辣，食唔到。一間小店，做到咁多心思，好有誠意。下次要黎試下小食。…查看更多

趕時間，得半個鐘食晚餐，所以入左冰室，貪佢夠快。7:00入到去，人唔多，唔駛等位，同老公一人叫左一個常餐，$41@熱奶茶，奶有奶味，茶有茶味，味道香濃，口感滑溜，正！果然係香港地道飲品叉燒湯意粉，叉燒都幾多，唔太肥，意粉幾有口感，唔會太林火腿奄列，冇明顯見到既油，又幾足料，火腿絲都幾多。餐包我揀左菠蘿包，細細個，面頭好脆，唔算太甜，讚老公揀左多士，黎左個牛油厚多士，食既時候，邊既部份脆到有索索聲，包既部份好鬆軟，仲係熱熱地，好like!茶餐廳食物有茶餐廳水準，下次如果有外國朋友黎香港，除左帶佢地去遊客多過香港人既名牌茶餐廳，都可以帶佢地黎呢度…查看更多

一行五人有正經野要傾，所以揀間位置闊落D既餐廳。呢間都幾岩我地，座位闊落又唔會太嘈。問待應姐姐，特上豬扒同普通豬扒有咩分別，佢話特上係日本豬，普通係泰國豬，咁既然黎得，當然試日本豬啦。睇餐牌，有特上豬扒同特上豬柳，五個人一定食得晒既，兩個都叫！淨係叫左兩個套餐，店員話唔可以加添椰菜絲同湯，要一人一個套餐先可以。特上吉列豬扒，厚切，多肉汁，肉質鬆軟，外層鬆脆，唔會太油。豬柳都鬆軟，但略嫌唔夠咬口。豬扒正好多！火鍋烏冬，正常味啦，普普通通，隔左一晚已經唔係好記得個味。另外叫左D小食。芝士車厘茄燒茄子，茄子唔夠林，太爽口，個人唔係咁鐘意。凍豆腐，夠滑但唔夠味。滑蛋牛肉窩，滑蛋個味道幾好，但牛肉有D過熟。豬扒係幾好味既，其他就一般般啦。見其他食家話銅鑼灣分店正D，下次試試！…查看更多

去烏溪沙營會，中間有時間出去食個快lunch，一出天橋就見到呢間，又唔駛等位，所以同2個同事去試試。店面幾闊落、幾新淨，裝修以藍色同木色為主，幾舒服。店員都好熱情咁招呼我地，語氣好友善，入到去感覺已經幾好。因為食lunch時間唔多，所以係set lunch menu中快快手咁揀左三個餐，一齊share黎食。menu中大大隻字寫住「鮮材實料 無味料」，就想睇下D食物係咪真係佢寫得咁正。一黎上左一人一盅湯。每個人個盅湯都有幾件烏雞，好似真係幾正咁。飲落，好夠味，好甜，又有少少甘甘地。平日唔太鐘意飲湯既我都飲晒，係幾正！點心有柚子蝦餃，蝦肉大大隻，爽口彈牙，仲有D柚子蓉，感覺幾清新。叉燒小豬嘜，可愛既叉燒包，D肉唔太肥，個味又唔會太甜，幾好！咕嚕豚肉，外面炸到好鬆脆，裏面又鬆軟，酸酸甜甜，又唔會有陣好強烈既醋味，nice! 黑椒花生芽雞柳，豆芽食得多，花生芽真係第一次食。花生芽比豆芽粗，所以更加有口感，同埋多汁，唔錯唔錯。瑤柱瓜粒肉碎泡飯，好清甜好消暑。最後要趕住走，所以冇時間試埋個甜品。成餐飯都好滿意，下次要再黎試埋個甜品先…查看更多

有朋友介紹呢間餐廳既刺身，所以我同朋友一行8人黎試下。黎到，見到間餐廳，全店都係得18個位，我地8個，已經佔左差不多一半，所以都唔好意思坐佢咁耐，諗住快快食完讓返D位。服務員既態度幾好。朋友遲到，食個小食拼盆充充飢先。全部刺身買一送一，甜蝦刺身如果食滿每位$80，再share Facebook page就可以$1/隻。三文魚腩刺身，幾肥美幾正。帶子刺身都幾鮮甜。甜蝦刺身，以為$1/隻就會將貨就價，又唔係喎，有驚喜，大大隻，好甜，超讚，必食！壽司叫左個拼盆、幾件火炙壽司同埋一個火龍卷。wasabi略嫌唔夠誠意，冇乜味。個飯太林，唔太岩個人口味。軍艦既紫菜唔夠脆。火炙芝士系列既壽司就幾好。蒜香蟹籽帶子三文魚炒飯，好香，好足料，唔錯唔錯。如果想食大量刺身既朋友，可能會鐘意…查看更多

同老公行街行到夜晚, 諗住係附近快食個晚餐就返屋企, 所以黎左呢間壽司店。佢自稱係外賣店, ,所以鋪仔細細, 得5個BAR枱位。有張壽司紙比你剔, 如果單叫手卷, 記得唔好用佢D壽司紙喇, 行埋佢話佢知就得, 唔係個職員會鬧你, 我同老公上次就係因為咁比收銀姐姐話。第一輪叫左9件壽司, 佢比左一對筷子, 問佢拎多對, 佢話一張單只會比一對, 加一對要收$1。咁早知我分兩張單啦, $1都咁計較。不過都算數, 照比。D壽司其實係幾好食既, 因為食材都幾新鮮。即叫即整, 又鋪仔細細, 基本上整完直至到你手, 都唔駛1分鐘, 所以紫菜真係特別脆, 正! 我最鐘意帶子壽司, 好鮮甜, 又厚肉。蟹籽軍艦都好正, 蟹籽爽脆, 紫菜又爽脆。老公最鐘意海膽軍艦, D海膽好重料, 入口即溶, 又好香甜, 味道濃郁, 好強after taste, 哈哈! 好好味所以再加單, 叫多兩個手卷同第二輪壽司。老實講坐就坐得唔係咁舒服架喇, 服務又麻麻, 但野食真係幾得, 價錢又抵, 如果係想食物唔係食環境既, 其實都推介既!…查看更多

同老公係銅鑼灣行街，行到餓，搵個地方食lunch，見呢個餐廳有小籠包食，所以入黎試試。個鋪面幾大，裝修以淺色木為主，燈光又有唔同既光線來源，整體感覺好和諧好自然，都坐得幾舒服。繁忙時間用餐限時90分鐘，我地星期日下畫2：00去，人唔算多，可以慢慢坐慢慢食。全店賣點係藥膳湯麵，所以都叫個黎試下。佢D餸同麵分開上，味道上可以各有各精彩，幾好幾好！醉雞配刀削麵。個麵用瓦罐上，上到枱都係熱到起泡，所以聞到D藥膳味超香，D麵好有咬口，唔錯！醉雞既酒味幾好，不過略嫌多骨左D，如果可以多D肉就仲正。鎮江骨配麻醬冷麵。麻醬冷麵既醬好香麻味，不過多左少少，有D太膩，好在青瓜絲既清新感可以中和返。個鎮江⻣酸酸地，幾開胃，D肉又夠林，不過稍為肥左少少，如果可以瘦D會好D。小籠包同蒸餃上枱時都係熱到冒煙，nice! 小籠包既肉汁都幾多，蒸餃個皮又唔會太厚，幾好。下次行過，如果想快快趣食個飯，呢度都係唔錯既選擇…查看更多

想搵間餐廳同個朋友食飯、傾計，前一晚用open rice訂位，request左一個較靜既位置，去到，真係比到個靜靜地既角落位比我地，讚！餐廳細細地，好靜好舒服，適合傾計三個人食，叫左一個set dinner，兩個main course share黎食。set dinnner有個前菜，要左雜菌黑松露蒸蛋，個蛋蒸得好滑，不過D菇既味濃左少少，遮左黑松露味，整體都唔錯。餐湯係鮮蠔湯配一條麵包條，個湯幾creamy，但麵包條唔夠脆叫左個肉眼扒，七成熟，黎到，切開，仲有血，應該連五成熟都冇。同侍應講，好快就換返碟七成熟返黎，冇左個切痕，即係換過件新既比我，唔係拎去翻煎，服務唔錯！帶子黑松露飯，帶子好鮮甜，好重忌廉，個人係幾鐘意既虎蝦天使麵，虎蝦都幾鮮，幾爽口，蝦如果霉左好難食架嘛。天使麵一開始以為係凍左整唔開，原來係煎過，刻意做脆脆地既口感既，幾驚喜甜品係焦糖mousse蛋糕，呢個麻麻，冇乜焦糖味，反而係有D檸檬味呢度咁多樣，真係每隻碟都畫左花，好有心思，對眼同個口一齊享受美食。我諗都幾適合靜靜地慶祝生日或紀念日…查看更多

大學同學一行七人約飯聚，試下呢間韓燒。一入去地庫，見到懷舊風既裝修，主題好突出。地方寬敞，坐落都好舒服。最低消費每人一碟肉，用餐時間90分鐘。坐低就有凍水、泡菜、醃洋蔥、生菜片比你包住D醃菜食。一開始就放左蛋漿係度，可以一D人叫野食，一D人燒住蛋先，分工合作。醃菜同蛋漿可以無限refill。打開餐牌，牛同豬唔同部分既肉都分得好仔細。叫完好快上菜，牛護心係招牌菜，爽口又香口。牛舌快炒幾下就食得，個質感好似唔夠林。牛頸肉，好多雪花，肥而不膩。醬油雞肉，甜甜地，個味都調得幾好。喜來烤肉，大家一致既最愛，好好味！今次飯聚，食物同環境係唔錯，不過大家要顧住煮野，又驚唔夠熟，又驚佢燶，所以美中不足之處係冇乜時間傾計，下次約飯聚都係去返D坐定定就有得食既地方…查看更多

爸爸鐘意食東南亞菜，見新開左間「漁樂」，就陪佢試試。餐廳幾大幾闊落，空間感唔錯，食飯傾計都特別輕鬆自在。牆上好多香料裝飾，天花同燈都幾有特色，感覺幾好可能因為暑假期間，我諗店員大部分係暑期工或新手，我地一入位，負責我地張枱既侍應冇自動自覺拎水比我地。後來請佢添水，佢竟然係拎隻杯去添餸菜選擇唔算太多，不過都ok。我地五個人食晚飯，小食：札肉青木瓜絲沙律、黑醬牛油雞翼。菜：飛天通菜炒豬頸肉、雜菌焗茄子。肉：紅咖哩雞、冬陰公魚塊。主食：炒金邊粉、手抓餅、牛油法包。唔好以為我一家係恐龍，哈哈。叫咁多係因為佢樣樣都細細份，不過都好，一次過可以試多D唔同野札肉青木瓜絲沙律：酸酸甜甜，幾開胃。黑醬牛油雞翼：牛油味幾重，個人幾鐘意。飛天通菜炒豬頸肉：幾有鑊氣，菜都幾新鮮。紅咖哩雞：幾香，雞肉幾嫩，不過爸爸覺得唔夠辣，係港式咖喱。牛油法包：麻麻地，唔脆，有D硬。埋單都係$400幾。呢個價錢，食到呢個質素，唔錯…查看更多

悠閒週末，閒逛大圍，見呢間餐廳裝修望落幾得意，又寫晒牛唔同部份既名，好似好專業咁，所以決定試一試因為係火鍋專門店，所以每張枱都裝左個電磁爐，不過我地今次係日頭去，冇得試食火鍋。午市既餐牌得4個餐，飲品得罐裝飲品，檸水都冇得飲，選擇少左D。因為選擇少，所以所以點左菜之後，好快上菜沙茶牛肉撈河配牛丸湯。沙茶醬甜甜地，幾開胃。牛肉同牛丸都有濃濃既牛肉味，讚呀！鮮菇牛肉燥飯。牛肉燥冇出面食既豬肉燥咁多肥，幾健康。味道都好香。因為我唔飲罐裝飲品，所以淨係要左兩杯水。下次要試晚市火鍋…查看更多