JojoWong9182的个人专页

星期日一定要出街食個飯先安落, 平時行過錦泰商場瞄到佢後面有個鞍山茶座, 好似幾有馬鞍山地區風味, 就去試一試.原來係社企, 而且間餐廳都起咗好幾年. 一入去地方都好大, 闊落, 唔洗等, 唔洗好似隔鄰D餐廳咁細細間, 唔洗同人迫.枱上既餐牌好多種類, 隨口問侍應有乜推介, 侍應就推介今日醒目(午餐) 泰式青咖喱牛腩飯.都好快就有得食了, 碗牛腩上既檸檬好大塊, 望落好似好好味. 牛腩入口好林, 唔靭, 仲有舊牛坑腩, 泰式BB青茄子好爽口, 平時唔食配菜既, 今次要食埋. 個汁底都好有泰國既味道!…查看更多

月底唔想挨食貴餐, 聽聞觀塘興業街美興大廈有間唔錯又經濟的選擇. 上到去行到門口見到部八達通的機, 經店員介紹, 原來可以do八達通買飯, 好方便! 今日星期四, 就揀個美式啤酒肉. 拎飛仔比店員, 店員就幫你去廚房新鮮整出黎. 係一個環保紙兜裝住的, 先試試D雞肉, 夠林, 入味, 辣辣地, 好食~! 據店員解說, 這是用慢煮方法煮出來, 所以特別林及好食! 然後店員送咗杯湯黎, 話個湯試緊, 呢碗係送比我試~ 我飲落, 又唔差, 同平時茶餐廳既味道有得fight wor! D飯有紅米, 係複合碳水化合物, 非常健康有益, 碗飯亦好好味! $38, 有靚雞、靚飯、靚湯、沙津、檸檬茶, 好抵喎~! 想食平嘢又要好質素, 呢間一定係首選!…查看更多

住咗呢區好耐, 算係老街坊, 今日見呢間門面玻璃上有好大碗糖水既相, 先知原來呢度有間糖水舖.  入去坐時, 同侍應傾咗幾句, 原來呢間舖已開咗20幾年, 新老闆今個月剛剛接手, 所以個門面要大攪一番, 話要同黎九龍城食嘢既粉絲知呢度有間好正既糖水舖, 所以內外都重新包裝吓.比人有新感覺咁話. 咁又係, 無D大相都唔知有間糖水舖係街頭侍應哥哥都推介咗白果清心丸綠豆爽, 話唔係間間有. 師傅上菜都好快, 等5分鐘就有得食. 白果清心丸綠豆爽果然令人精神爽利, 又有綠豆, 又有蒟蒻咬吓,  又有白果, 原來係潮州特色甜品之一, 材料咁豐富, 先係$24, 食得過. 去開九龍城既朋友可以考慮吓食泰國嘢過黎"爽"吓!…查看更多

想食清嘢，找到大坑呢間veggie spinner素食微調，set 由$118-$178不等，感覺少少貴，但菜一到，覺得物超所值！西蘭花湯又濃又香，個土耳其卷極香，個意大利粉有lemon grass味，我至香哦！食得出全部材料都係靚嘢先至咁有味！餐牌有英文，吸引咗d外國人幫襯。在坐嘅都係女士，老闆娘仲好靚女，見到客人臨走都大讚佢d嘢好食！我同朋友都唔例外，即刻照佢志建議去IG同facebook比like!…查看更多

每次落銅鑼灣可以的話都會去，個咸豆漿唔係間間上海舖有，真係好好味！麵有麵味！唔係間間麵舖有麵味ka! 今日叫咗碗榨菜肉絲面，食得出唔係錫紙包裝果d榨菜，好鮮美，好多自由行識貨幫襯囉。食過海蜇、小籠包........都好好味呀！地方就腳，係,係間細舖，但不減人客對佢嘅喜愛！員工都似係上海人，好鐘意聽佢地d上海口聲，好鬼正呀！見過有自由行係咁話淨係要油炸鬼，因為佢地見粢飯裡面有條油炸鬼，待應話無，呢d咪對食物嘅叫堅持囉！…查看更多

觀塘午飯小發現, 見呢間friendmily巧明街有燈, 上去試吓, 食咗個香煎香茅豬扒配泰式沙爹醬意粉, 合! 坐得亦舒服, 有露台位, 顯得個場都寬闊, 仲可以加$10換生蝦或者泰式蝦餅, 幾抵! 睇返佢地facebook, 晚巿仲會送生蝦或者泰式蝦餅. 同事上次話甜品OK, 就試咗個"雪山熔岩蛋糕", 又真係得喎見個Lunch menu由扒到海鮮、沙律都齊腳, 下次試海鮮!留意返lunch hour 12:50前埋單, 13:35後入場可每位平$15呀~…查看更多