winglam822的个人专页

西營盤都有唔少嘅西餐選擇，今日就嚟試下同西營盤站只係3分鐘步行距離嘅Pizzeria Italia試吓佢嘅Dinner Set😋🧾Dinner Set💰$468 per person🧾Mix Antipasti睇幅圖就知呢個小食拼盤超級豐富，種類好多之餘，質素亦都相當不錯！特別推薦雞肉炸丸子同埋沾滿蕃茄莎莎醬嘅烤麵包🥖炸丸子超大粒，點埋中間嘅沙律醬就更開胃了～烤麵包因為莎莎醬嘅關係所以食落酸酸辣辣，而且醬多嘅緣故，烤麵包完全唔乾哦！🧾Italia Pizza雖然係薄底pizza而且有滿滿嘅番茄汁🍅同芝士，但啲汁完全冇浸爛個餅底，每一疊食落去嘅時候依然keep到薄脆，好驚艷！🧾Linguine with Mix Seafood in Tomato Sauce非常有誠意嘅海鮮意粉～先講海鮮配料，無論係蝦定係章魚都唔係切到細細粒🙂‍↔️睇埋第二幅圖就知佢係原條章魚腳放落去🤩超級幸福啊！蕃茄汁亦都好掛汁同埋入味，雖然已經食咗好多塊pizza，但依然覺得好開胃🥰🧾Tiramisu最後仲有甜品收尾！佢哋嘅tiramisu比起坊間嘅tiramisu更加juicy，算係加得比較多咖啡，但食落就好香～雖然前面其實都食到飽飽哋，但都係唔覺唔覺就清咗碟🤣嘢食一流之餘環境亦都坐得非常舒服，西營盤嘅夜晚亦都好chill，下次約朋友想搵個地方有good food又可以舒服傾計嘅話💬不妨考慮吓Pizzeria Italia 🇮🇹…查看更多

久違地出旺角行街，當然要喺旺中掃吓街啦～行到二樓發現之前嘅真·章魚無雙依家變咗百味章魚🐙但鋪面好大個banner寫住係真·章魚無雙嘅同一班底👀當然要即刻試試佢啲質素係咪仲keep到啦～🧾大阪風章魚燒💰$29基本味道一定要試㗎啦～呢款燒汁比較酸少少，對於食章魚燒呢類澱粉咁多嘅食物嚟講就好適合啦，因為好解膩🙂‍↕️如果會叫其他比較heavy嘅味道，加埋呢款會食得比較舒服～🧾黑松露章魚燒💰$36好香黑松露味，$36仲可以每粒章魚燒上面都鋪滿黑松露醬再灑埋黑松露粉，性價比超高⭐️而且每一粒章魚燒（係每❗️一❗️粒❗️)嘅🐙都好足料，打開入面睇本身見到有兩粒已經夠驚喜，後來先發現係前後三粒章魚😂🧾明太子章魚燒💰$32明太子帶少少辣味同鹹香，同章魚燒非常夾呢個就不在話下啦～同黑松露章魚燒一樣醬汁好creamy但相比之下唔會覺得好漏🤤總結嚟講，同以前一樣咁好食，完全無失色🥰兩個人三兜都夠晒飽🤣想掃街嘅可以繼續安心食返同一鋪位嘅🐙🔥啦～味道😋：4/5環境🧘🏻‍♀️：4/5性價比🧐：4.5/5Encore：✅…查看更多

去中環飲嘢最頭痕就係諗食乜🤔我自己3年前已經嚟食過一次，今次久違地又再食🥰唔知水準如何呢？🧾北海道蟹湯拉麵（全份）💰$138湯底唔單止十分之濃厚同creamy，仲好重蟹味🦀一路食一路忍唔住係咁飲湯🥹而且蟹肉亦都落得一啲都唔手軟㗎～幾乎每啖湯同麵都有蟹肉😋另外麵嘅軟硬程度啱啱好，我自己鍾意食偏軟嘅，但感覺呢個適中嘅軟硬程度係，相信無論鍾意軟定硬嘅🍜都會鍾意～最後，糖心蛋世1️⃣！諗起都想再食啊🥰嚟個蟹肉s大頭🦀如果夜晚諗住喺蘭桂坊/大館附近飲嘢，不妨考慮下去呢間食個熱辣辣嘅拉麵再飲🍸staff亦都非常友善同nice，真心誠意推介～…查看更多

即日臨時興起想食西餐，喺openrice度搵有咩食嘅時候發現LAB EAT仲可以即日book位，而且openrice book位有75折🤩咁當然要試吓啦～🧾西西里島蕃茄海鮮意粉💰$198首先睇相就知呢個海鮮意粉夠足料🤤帶子煎得啱啱好～表面焦焦哋得嚟依然非常容易咬開，青口同蜆都好正，完全無沙，每款海鮮都索晒酸酸甜甜嘅番茄汁🍅嗰汁仲帶點辣味，好開胃🥰🧾香煎鵝肝多士💰$138鵝肝唔單止好厚身，內裏亦都好creamy，加埋細細塊脆多士放入口，口感層次豐富🤩一口食落去真係滿滿幸福感啊～🤤🧾美國極佳級牛肉眼扒💰$488我哋叫咗5成熟，不過食落就覺得係偏生嘅5成🥸但依然無損佢牛味重，又焦香又juicy嘅感覺🥳連側邊嘅伴菜都清晒啊🤣🧾餐包雖然望落普普通通，但左手邊黑色嗰個包意外地特別好食！有甜甜哋嘅感覺🫨而且咬落口依然好鬆軟唔乾渴㗎～Baguette搽牛油亦都好好食🧈地點方面，餐廳喺TOP最高嗰層，位置非常方便，職員服務態度亦都好好，整體嚟講係不錯嘅用餐體驗🥰…查看更多

本身諗住試嗰間餐廳竟然休息一日😭所以就喺附近搵吓有咩好食，咁啱就俾我哋發現到泰屋🏠即刻上去試吓～🧾泰式炸魚餅💰$80非常熱辣辣地上枱🔥味道微辣，有口感，點埋酸甜醬食真係一流啊～🧾泰式蛋包金邊粉伴蝦💰$98明明睇落嗰碟都係正常size，但唔知點解嗰量好似越食越多，食極都食唔完咁🤣超級抵食！味道方面都係正常泰式炒金邊粉嘅味道，不過麵都算幾濕潤，麵嘅質感唔錯🍜🧾印尼海鮮炒飯💰$88咁大塊炸蝦餅擺喺度，當然第一啖就要食咗炸蝦餅先啦🦐～蝦餅好脆，又無出面自己買嘅咁鹹🤤煎蛋仲係流心㗎～撈埋足料嘅海鮮炒飯🦐都係唔錯嘅選擇🙂‍↕️…查看更多

行朗豪坊嘅時候經過見到THE PONT，竟然喺hair salon入面有埋餐廳🍴咁特別，當然要行入去試下啦～🧾龍蝦汁大蝦蜆意大利粉💰$115見到龍蝦汁當然係二話不說要叫嚟試下🤤🦞不過食落嘅時候就覺得少少🤏🏻失望，因為龍蝦汁嘅味道唔算太重，同埋我個人鍾意heavy啲厚身啲嘅龍蝦汁，呢隻就比較稀少少🥺不過整體嚟講味道都幾開胃～🧾松露忌廉牛肝菌意大利粉💰$95呢個意粉十分足料！有十分多嘅菇同牛肝菌，我自己就好鍾意食菇的，所以食得十分開心🤤同埋呢個意粉嘅汁就會heavy返啲（即係我鍾意嘅汁XD）所以呢個意粉都唔錯，如果撒喺上面嘅芝士可以融多少少就更好了～🧾熱情果乳酸特飲💰$44熱情果乳酸特飲好開胃，酸酸甜甜咁喺呢啲又焗又熱嘅天氣就啱晒啦🤤環境方面，雖然今次被安排坐比較近門口嘅位置，但都見到其實入少少有好多打卡位，可以一路食飯一路影相📸…查看更多

K11 Art Mall相信大部分人都行過，但呢間隱藏嘅西餐大家就未必食過啦～行曬成個Art Mall二樓你都唔會見到佢個入口🤣因為原來佢係喺傢俬舖入面㗎！要行入傢俬舖轉左先會見到餐廳入口㗎～究竟呢間咁隱蔽嘅西餐收埋咗啲咩好嘢食呢😋🧾煎北海道帶子伏特加番茄奶油長通粉💰$178雖然名入面有Vodka呢個元素，但食落其實唔覺有Vodka味～番茄汁真係好creamy，酸味同甜味好平衡，汁嘅份量都算偏多但唔水，每一條長通粉都淋滿番茄奶油～加埋大大粒嘅煎北海道帶子🥹真係食唔停口🥰🧾Buffalo Mozzarella & Seafood Pizza (9 inch)💰$176我哋叫pizza🍕嘅時候都struggle咗好耐究竟應該叫邊款好🧐後來發現原來可以半半咁叫，就揀咗Buffalo Mozzarella同Seafood～特別推薦Seafood！Topping有海鮮呢啲唔講啦～主要係薄底pizza配芝士同千島醬加埋真係超正！係幸福嘅感覺🥹環境方面，想坐得舒服少少可以揀坐梳化🛋️位，想睇景都有一大塊落地窗玻璃🌃整體嚟講，好適合同朋友傾住計嘆西餐～🍴…查看更多

同屋企人慶祝生日，當然要搵有靚景又有好嘢是好嘢飲嘅地方啦🥳～之前已經嚟過2次KABOOM，每一次都有好好嘅體驗～今次就帶大家嚟一齊感受吓🥰🧾Thai Basil Strozzapreti Pasta with Grilled Spanish Octopus 💰$258呢個八爪魚意粉每次嚟都係必叫😍烤八爪魚唔單止外層燒得焦香，裡面依然keep到好冧好juicy好有口感🥹而且size有成隻碟咁大，切開幾個人分都唔怕唔夠分啊～🧾Rendang Risotto with Beef Chuck💰$188牛腱肉煮得非常軟熟，放入口幾乎係入口即溶！而且大細又係一個非常唔孤寒嘅size（不過私心鍾意佢哋有海鮮嘅main course多啲～）🧾Massaman Curry Risotto with Sea Urchin and Hokkaido Scallop💰$208成個醬都非常creamy，有少少辣辣地令到成件事入口唔會覺得太heavy。帶子嘅外層煎得好焦香，但咬開入面依然係一絲絲同好juicy，真係煎得十分好🥹🧾Prawn Jujube💰$108炸蝦球好彈牙，而且入面嘅餡keep住都係熱辣辣，加埋側邊嘅泰式甜酸醬就更佳惹味😋好好食！🧾Tonight Is Gonna Be A Good Night!💰$108好refreshing嘅cocktail，如果叫Risotto嘅話，配返一杯cocktail就唔怕太過heavy啦～之前嚟嘅時候就天氣好啲，一抬頭就係維港夜景🌃不過就稍微有啲大風🌬️今次嚟嘅日子雖然有啲微雨，但都可以坐到室外，因為如果落雨嘅話佢哋會開大帳幕㗎⛺️加埋啲黃燈波波，好似又別有一番風味，依然都係好chill好舒適嘅用餐體驗～整體嚟講，咁嘅景咁嘅食物咁嘅價錢，真係超值！非常推薦大家嚟試啊～…查看更多

中午放lunch得一個鐘其實都無咩好揀，只可以喺返office附近搵野食🥹今次就嚟到moko嘅段純貞試吓佢哋嘅麵啦～🧾蒜香手撕雞乾拌麵💰$78呢個麵嘅蒜香十分香🤤蒜味重到食完想即刻食返兩粒香口膠清一清口入面啲蒜味🧄🤣細麵真係好好彈牙，雖然係乾拌麵但又唔算好乾，底都有啲汁撈埋一齊食。手撕雞亦都非常juicy，同埋溏心蛋亦都意外地搶眼🥚整體成碗麵都十分出色！呢碟免費酸菜都真係幾酸，我自己本身麻麻地鍾意食酸菜，但鍾意食嘅話應該都幾解膩同爽口～…查看更多

久違地嚟到啟德AIRSIDE覓食😛今次就嚟試下泰沾麵嘅泰式沾麵啦～🧾招牌泰式沾麵（紅咖哩）💰$108唔好睇相嗰啲麵好似一舊舊好乾咁（因為我本身都以為會好乾🥹）但其實去佢食落依然都係啱啱煮起嗰隻冧度。紅咖哩口感好rich，辣度適中，將麵點落紅咖哩度食真係好掛汁！紅咖哩入面仲有兩隻大蝦🦐，肉質厚實，好滿足💯🧾大蝦炒金邊粉💰$118金邊粉炒得好香口～（特別係蛋絲，我自己個人係超級鍾意食炒金邊粉嘅蛋絲XD）唔會有一pat pat嘅感覺，味道就唔辣，而係酸酸甜甜非常開胃，一樣兩隻大蝦都係大大隻！🧾炸魚露漬豬頸肉💰$88豬頸肉煎得好好！該煎得焦香嘅位置就又焦香又脆，但要軟熟嘅位置都係軟熟，而且份量都唔少，點埋辣汁嚟食真係好容易食唔停口😋🧾泰式檸茶+泰式奶茶💰$38@兩杯嘢飲都係正常泰式檸茶/奶茶嘅味道，泰式檸茶都重香料味，幾refreshing～泰式奶茶就唔算太甜環境方面都幾闊落，靠牆嘅位置有一大幅好靚嘅壁畫，靠窗嘅位置就有開揚嘅風景睇🌃因為AIRSIDE係pet-friendly嘅商場，所以我哋去食嗰晚都有見到狗狗可以同主人一齊食飯㗎～整體嚟講嘢食同環境都唔錯，會encore的！…查看更多

夏天要食carbs嘅話，一定係要食啲酸酸辣辣嘅carbs先食得落口🌶️聽小夥伴講阿來唔錯，有時仲可能好多人要等位，咁一定要嚟試下啦～（我哋星期一晚去食唔洗等位💺不過啲枱多數時間都係full）🧾冬蔭公炒飯💰$68辣度算係偏辣嘅冬蔭公炒飯，但十分好食十分開胃！而且非常足料有蜆肉、八爪魚仔、🦐，香辣惹味，令人想一食再食🤤而且呢個價錢喺香港食呢個質素嘅冬蔭公炒飯，絕對係超值之選！🤩🧾燒豬頸肉💰$78燒豬頸肉好大塊，肉質juicy但亦都燒得好焦香🔥而且最重要係無咩肥膏嘅位，食落係啖啖肉，加埋酸酸辣辣嘅汁，又係令人完全停唔到嘅味道🥰🧾泰式奶茶💰$25佢哋嘅泰式奶茶算係偏無咁甜嘅泰式奶茶，奶味香濃順滑，比較符合返香港人嘅口味，我自己就幾鍾意🥰…查看更多

同朋友喺中環行到咁上下，就諗住搵間café坐吓傾計順便食個tea🍽️所以就嚟咗Cupping Room試吓啦～🧾Egg Benedict with Smoked Salmon💰$128係幸福嘅滋味🥹Smoked Salmon煙燻得好香但又唔會過熟，流心嘅水波蛋🥚加埋香濃嘅荷蘭醬同埋口感煙韌嘅酸種麵包，真係食到令人忍唔住感動落淚🥹（誇張咗XD）🧾Matcha Latte💰$48抹茶拿鐵飲落口好順滑，抹茶味香濃得嚟又唔會感覺好澀，唔鍾意飲咖啡嘅話，嚟到不妨試吓佢🍵🥰環境方面，座位非常舒適，好適合同朋友食tea傾計或者嚟做嘢👩🏻‍💻仲有落地大玻璃窗望到中環嘅街景，十分之chill～…查看更多

葵芳新都會最近新開咗一間裝修幾精緻嘅港式小食+甜品鋪，今次就同大家一齊試下究竟質素如何啦🤓🧾麻辣牛根腩+蔥油溏心蛋飯💰$70麻辣牛根腩真係超級好食！每一舊牛腩都索晒麻辣汁，而且食得出熬咗好耐所以每一舊牛腩都非常容易咬開🤤入味嘅程度係我連舊薑都食埋🤣幾乎食唔出薑嘅味～如果配白飯嘅話，我可以食十碗🍚！蔥油溏心蛋飯有落櫻花蝦所以好香～溏心蛋亦都煮得好溏心❤️碗飯就算唔跟餸都好食～🧾掃街小食拼盤+蝦頭油撈麵💰$106掃街小食拼盤非常豐富～基本上你數得出喺香港街頭最常食嘅掃街小食都有，而且質素都唔差㗎🥰特別要提嘅係好似雪糕咁嘅炸蝦筒，唔單止炸蝦外脆內軟，入面仲有甜甜哋嘅芒果粒同鹹鹹哋嘅脆脆，好特別🤩雞翼亦都十分不錯，炸完都依然可以keep到肉質嫩滑同埋juicy🤤煎釀四寶可以點腐乳醬，我比較少咁樣食但鹹鹹香香又幾夾～成個擺盤好豐富又有美感，好適合打卡📸！蝦頭油撈麵嘅麵好有口感同彈牙，蝦頭油就亦都好香口好送麵～不過汁就略嫌少咗啲啲🤏🏻🧾雪糕雞蛋仔102畫室（原味雞蛋仔+草莓醬+煉奶）💰$60呢個雪糕雞蛋仔好特別好好玩！嗰兩支好似顏料嘅東西係自選嘅醬嚟㗎😍我哋就揀咗草莓醬+煉奶～食之前可以好似畫畫🎨咁將啲「顏料」擠落雪糕雞蛋仔，好適合帶小朋友邊食邊玩～雪糕嘅雲呢拿味道同顏色同出面唔太一樣，好好食好有奶香～🧾芋頭西米露椰皇蛋白💰$68除咗相見到嘅芋圓同西米，挖到底仲會挖到椰皇蛋白！口感好滑溜～雖然食到後面都幾飽但都忍唔住食多幾啖🥹芋頭西米露嘅甜度亦都啱啱好～🧾楊枝甘露果凍碗💰$48楊枝甘露就食得多，楊枝甘露果凍就真係第一次食。如果唔太鍾意一般楊枝甘露嘅西柚味，呢個果凍碗就啱你啦😌因為芒果西米露味比較重～🧾阿薩姆手打香檸茶💰$26🧾草莓鮮奶💰$36手打香檸茶香味好濃郁，一路食一路飲覺得好清爽同解膩～草莓鮮奶就真係有粒粒士多啤梨肉🍓不過味道就偏甜啲環境方面，座位💺都好闊落同埋舒服，而且樓底好高所以感覺一啲都唔逼，想同朋友舒舒服服食個甜品或者小食都唔錯～…查看更多

之前已經去過兩間Terrace in Seaside食嘢，除咗好出名嘅waffle甜品之外，其實佢哋正餐嘅質素都唔錯㗎～🧾松露油炸醬麵💰$92呢個炸醬麵應該係我喺香港食過其中一個最好食嘅炸醬麵🍜我鍾意食煮得比較冧嘅麵條，呢個炸醬麵就係比較冧嘅口感～同埋松露油令到佢有種其他炸醬麵無嘅香氣🤤唔算係太重味嘅炸醬麵，但每一條麵都掛晒汁，真係好好食🥰不過佢份量都偏大份，所以食唔晒🤣🧾很想和你分享拼盤💰$98流心芝士豬扒好特別！芝士份量一啲都唔慳，而且出面炸得好酥脆，外脆內軟嘅感覺十分讚🤤酥脆雞胸軟骨咬落都係脆脆的，係普通雞軟骨嘅放大版，鍾意雞軟骨一定要試下！…查看更多

去完海洋公園水上樂園玩水🏖️當然要食返嘢好好補充體力啦～我哋就揀咗喺黃竹坑站新開幕嘅商場THE SOUTHSIDE度覓食啦😋ICHIJUISSAI一汁一菜用咗木系嘅設計，望落好有日本家庭嘅感覺🏠🧾特選二人前（湯 x 2, 飯 x 2, 主菜 x 2, 飲品 x2)💰$208（留意返有啲選項可能要另外加錢，例如我哋叫嘅蟹肉飯就要+$20～）🧾法式龍蝦濃湯佢真係對得住濃湯呢個名，係真係幾濃龍蝦🦞味🤤而且入面嘅料都好足，有龍蝦肉都有啲蔬菜粒，每一啖都有嘢咬😋最重要係…呢個龍蝦濃湯竟然唔洗加錢就可以叫🥹好飲過出面要另外價錢嘅龍蝦湯！🧾和風根菜雞肉漢堡扒咖喱飯日式咖喱飯就係食得舒服🍛蔬菜好冧好入味，配飯食一流！不過飯就略嫌硬咗啲啲，雞肉漢堡扒味道就正正常常，但溫度差啲。不過整體嚟講都係唔錯嘅咖喱飯，而且份量好多🤰🏻🧾北海道蟹膏蟹肉味噌飯蟹膏蟹肉嘅份量都俾得好足！而且口感綿密濃郁，啖啖都咬到啲蟹肉🦀不過我自己唔太鍾意紫蘇葉，所以無撈埋紫蘇葉落去食。🧾田舍鯖魚味噌煮十分入味嘅鯖魚😍真係每一啖鯖魚肉都有味增味，好多汁～我自己食嗰舊就唔算好多細骨，所以每一啖都食得好🈵足，但同行嘅小夥伴嗰舊就比較多骨，可能要睇彩數啦～但好食係真係好食！好食過出面一個閒閒地都$9X嘅鯖魚定食set🙏🏻🧾自家製野菌醬燒和牛漢堡扒漢堡扒好紮實，調味適中唔會太鹹或者好油而令食落去好有負擔感。加上野菌醬係酸酸哋，有解膩嘅作用～（不過我自己唔太鍾意呢隻汁配菇食XD但呢個真係純粹個人口味問題）整體嚟講，呢間係會encore的！特別係呢個二人前set，$208再加一都好都好抵食，而且雖然品項多，食完都幾飽但感覺依然係好舒服，唔會太大負擔感。…查看更多