Joansi的个人专页

呢間車仔麪係我近期至愛。一來店舖整潔，坐得舒服。二來食物處理非常乾淨。今次我就揀左大尊，一碗麪$49已經包含豬紅，蘿蔔，咖喱魚蛋，紅腸，豬皮同菜，足足有齊六款餸。比起散點更加抵食。本身湯底已經夠哂味。仲可以免費加咖喱醬，麻辣醬，蔥同腩汁。份量多小都有得選擇，非常貼心。我超鍾意呢到既麻辣醬，所以自己買左支，平時屋企醃野，煮粉麪都會用佢。大大樽都只係$80，非常推介。想食好食豬紅，一啲都唔易。好多舖頭處理得馬虎就會有陣陣血腥味。係到食就可以好放心，豬紅非常鮮嫩冇怪味。蘿蔔入味又冇根。剩係呢兩樣已經令我不斷回頭幫襯。麪底爽口，唔會煮到過淋。…查看更多

約咗好多年冇見嘅朋友聚舊，一心諗住揾間餐廳食吓飯，傾吓偈。所以係網上揾咗呢間cafe，網站上寫明繁忙時段，限時3小時。食飯當日收到餐廳WhatsApp。確認出席後，我順帶透過WhatsApp 詢問如冇人等位，可否坐耐啲到7點。最終收到嘅回覆係可以。我同朋友下午3點半去到。5點店員已經要求我哋付款，並表示必須5點半前離開。我即時詢問店員冇客人等位，可否坐耐啲（亦同時表示我WhatsApp 詢問過，回覆可以）。但店員完全冇理會，繼續執枱，並準時5點半再次要求我哋離開。離開時cafe仍然好多吉枱，外面亦都冇人等位。我同朋友非常無奈。莫講話放寬時間畀我哋，連網站內列明限時3小時嘅承諾都兌現唔到。完全打亂哂我哋飯後嘅行程。本身間cafe環境同食物都普普通通，揀呢到都係貪佢可以慢慢食，傾吓偈。如果早知用餐時間不相符。我就一定唔會揀呢到！奉勸各位，如果想去間cafe坐耐啲，又坐得舒服啲，可以另覓他方。另外，cafe推出訂座優惠，兩位以上顧客全單有95折，因當日店員臨時趕客嘅舉動令我心不在焉，忘記check單，隔咗咁多日先醒起，最終餐廳連95折優惠都冇畀到。…查看更多

今日去堅尼地城幫襯左間串燒小店。雖然未夠七點，但店舖已經七八成滿。食物價錢平，款式都幾多。呢度用QR Code 落單非常方便。花甲粉辣辣地好開胃。花甲份量多，一碗差唔多有廿隻好抵食，花甲處理得好好，鮮甜而且一粒沙都食唔到。粉絲吸收哂花甲鮮味，非常好食。原條燒茄子上枱非常震撼。上面一大咋孜然蒜蓉醬好惹味。燒惹味小饅頭呢個又係必食之選。饅頭外皮好脆，甜甜地。食完咸食，再食呢個中和返。燒五花腩同燒香卜卜魚腐皮絕對係串燒之霸。呢兩款食物燒完之後外皮都係脆卜卜。五花腩嘅油脂香同魚腐皮既甜甜醬。越食越停唔到口。款式多到不能盡錄。…查看更多

事隔唔夠一星期又食韓燒啦😌！今次呢間喜來稀肉非常高質，全晚都食得好滿足。一埋位就已經放好韓國必備前菜。4款前菜味道都好地道，要辣嘅真係夠哂辣😌。仲有爐邊蛋，一邊加咗泡菜，一邊芝士。食燒肉，食到咁上下，再食蛋，係非常好配搭。呢到落單同呼喚侍應都可以用QR code非常方便，又慳時間。👍👍👍我地今次就點咗大醬湯同兩款燒肉。大醬湯我係第一次食。味道有少少似味噌湯，但材料對相豐富好多，有蟹肉、蜆肉、同肥牛，所以味道比日本味噌湯更多層次。牛肉眼口感好好，唔韌。有些少油脂，好香牛肉。包埋生菜，可以減去油膩感。濟洲五花肉燒完之後，脂肪部份非常香脆，惹味又好質感。呢到每枱都放咗一盤生菜，食完侍應會好主動幫手refill。所以大家可以放心盡情食。除左酒類，呢到有多款韓式果汁供應。滿足滿足。…查看更多

間中同朋友飲下酒，傾下計，真係幾好嘅減壓方法。今次就試咗呢間位於大埔嘅串燒酒場。環境夠暗，音樂聲又夠大。可以同朋友暢所欲言，唔洗擔心隔離聽得好清楚。我對酒冇乜研究，飲開啤酒，當然呢到仲有好多酒款式選擇。呢到有8％酒精濃度生啤活動，只要飲到指定杯數就可以免費飲。自認飲得嘅朋友不妨挑戰下。酒同串燒係最夾嘅。呢到串燒menu有兩頁紙。價錢又唔貴，可以唔睇價錢放心點。相賣相當吸引。全部岩岩燒起，熱辣辣。玉子燒（$32）呢個係我最愛，玉子夠厚，又結實，甜甜地，咬落勁有口感。燒大啡菇（$29）一舊普普通通嘅菇菇，加左勁多料。有煙肉，生蛋。切開啲蛋汁流哂出嚟，菇夠香，夠淋。鳳梨燒（$19）好甜超多汁。香蔥燒半殻扇貝（$39）扇貝入哂味，鮮甜，完全冇沙。燒雞皮餃子（$26）炭燒豬頸肉（$19）大蔥雞髀肉串（$21）芝士雞髀肉串（$22）燒雞翅包飯（$19）金菇牛肉卷（$28）整體食物味道好好，好香炭爐味，火喉燒到岩岩好，食物唔會太乾身，保留到肉汁，肉質又夠嫩，款款都好滿意。BB辣味唔突出，如果鐘意食辣建議點小辣或以上。…查看更多

韓燒食得多， 不過之前都係光顧啲任食嘅餐廳。 呢間喜來稀肉由朋友極力推介，所以一試。進店時依稀聽到舖頭職員同老闆娘用韓文溝通，難道餐廳真係咁地道由韓國人開？雖然呢間餐廳燒肉唔係任食，但係配菜同爐邊蛋都係無限添加。 老闆絕對大方。 唔怕你食配菜食到飽。雖然配菜係免費任食，但爐邊蛋同配菜都好有心思，絕不馬虎。 爐邊蛋有兩款口味，一邊芝士，一邊泡菜。泡菜偏辣，唔會好甜，味道是地道韓國質素。呢度燒肉全部散點，所以論價錢一定冇得同其他任食韓燒餐廳比較。不過質素絕對有保證，今次點嘅兩款肉都冇令人失望。牛五花 （$158）牛味香濃，肉同脂肪比例恰到好。雖然未去到入口即溶，但牛質嫩滑，絕對唔韌。護心肉（$158）上網睇護心肉係豬的橫隔膜同肝之間嘅部位。每隻豬只有二/三百克，非常矜貴。估唔到158蚊嘅份量可以有咁多。肉質一啲都唔膩，爽滑又彈牙。燒肉夾嘅生菜都係無限refill，唔洗就住就住食。海鮮蔥餅（$90）份量都唔少，裏面超多餡又多蔥。 不過最值得欣賞係個醬汁，辣辣地，甜甜地又酸酸地，絕對為蔥餅增添不少色彩。整體餐廳質素好好，唯一挑剔係桌上嘅水唔係冰水。櫈底有得放袋，唔怕整到包包一陣味。…查看更多

想有氣氛，想又坐得舒服。推介呢間位於奧海城嘅Nathanhouse。店內環境有格調，設有梳化座位，雖然係西式餐廳，但有圓枱，岩哂多人又想傾計舒服啲嘅食客。500蚊已經有個非常豐富嘅二人套餐。今次一行4人。一個2人餐，再散點幾款主食，已經非常豐富，大滿足。食物唔單止賣相美觀，味道都非常之好。CP值相當高。呢到不單止食材用料新鮮， 烹調，裝飾都非常有心意。店員服務大致滿意，當日人客唔算好多。店員都好主動加水，反應速度都好快。…查看更多

食咗好一段時間，終於有時間寫返篇食評推介俾大家。Lunch set餐平靚正，一般價錢$100以下已經享有頭盤加飲品，份量仲要好大碟。而且選擇又多，真係食足幾星期都唔洗重覆。黑松露帆立貝燉飯 （$88）黑松露味道好香濃，意大利飯煮得恰到適中，有口感。 再加埋煎香咗嘅帆立貝點綴。完美。跟餐餐湯。好飲👍🏻。追加小食- 咸蛋黃金薯條 （＋$28）薯條真係炸到金黃色，咸蛋黃味濃，香口又熱氣，同朋友仔share就最岩。招牌肉餅飯（$68）一間咁西式餐廳，竟然有肉餅飯，仲要係招牌！當然要試。半生熟煎蛋係我最愛，蛋邊燶燶地，夠香口。肉餅夠軟熟，難怪咁多好評。…查看更多

一個月食左4次！之前3次都係旺角分店，今次就第一次去尖沙咀呢間。比較旺角分店呢間店內油煙較大，枱面用具油淋淋，唔乾淨，座位之間比較逼夾，整體環境比旺角差。最近兩次入座職員都有講每位最低消費100蚊。不過食物加飲品都好易過。今次點咗個蛋包炒麵。炒麵份量好多，蛋都幾乎包唔住。累積4次經驗，今次成品非常成功😄，我可以大膽講呢到炒麵係最好食，又易整。食咗咁多次，其實款款御好燒定文字燒味道都差唔多，今次呢款黑椒牛肉御好燒薑味會重些少。但只要係熱辣辣整起就一定好食。上次旺角分店pancake個漿好流質，呢個就結撻撻，落鐵板時較難控制。不過味道一樣好食。…查看更多

天氣咁熱，行完街最岩就係食個甜品，嘆下冷氣降下温。位於D2 place呢間餐廳有好多靚靚甜品，非常吸引。最岩鐘意打卡呃like嘅朋友。呢個甜品有條靚靚人魚尾，充滿童話色彩。 裝飾用白朱古力，我諗大朋友未必會鐘意食，非常甜。絕對是可觀而不可食用的。上邊白色果層係cream，藍色底係海鹽雲呢拿雪糕。味道普通，窩夫杯底夠脆。呢個士多啤梨味奶昔酸酸甜甜幾開胃。不過上面個 冬甩就得個甜字，食唔到其他味。三款甜品之中，呢個cp值最高，除咗賣相靚，味道都相當好。朱古力brownie甜到適中，唔太甜。同雲呢拿雪糕係絕配。整體價格偏貴，勝在環境搭夠。進食期間吸引到不少小朋友既羨慕目光，帶小朋友食一定超級開心。…查看更多

呢個富臨食物價錢同出邊差唔多，茶位就貴少少。座位都幾闊落，坐得舒服。食物味道就普普通。年糕唔係間間酒樓有得食，呢個唔算好甜， 煙韌口感唔錯。豬腳薑都算幾細碟，平時出面食都起碼有兩隻雞蛋，呢到豬皮好多，薑好辣唔算多根。味道正常。呢個茄子釀魚肉上枱熱辣辣。魚肉唔多唔少，份量岩岩好，茄子邊都有少少脆，唔錯。泰式綠茶糕好彈牙，唔黐牙，但味道好淡。好後悔點咗，完全浪費胃空間。流沙包一碟一個。size 都幾大。都夠熱，流沙餡唔流，質感結結地，味道都正常。黑椒牛仔骨細細碟，牛仔肉份量算多，但味道普通，都頗清淡，墊底蘿蔔更吸引。…查看更多

之前食過旺角店掛住佢個蜜汁豬扒所以再去食。點知蠢咗去咗太子分店。路痴嘅我，覺得兩個舖位好似。太子分店環境明顯比旺角分店迫，舖細好多。估唔到連餐牌都有分別，記得上次去旺角果間晚巿套餐有十多款選擇，呢間一頁就睇哂。不過最失望當日冇蜜汁豬扒蛋包飯，但有豬肋骨。其實豬肋骨都唔錯，不過食就冇豬扒咁方便，啖啖肉。豬肋骨煮到夠哂淋，肉唔會好痴⻣，都易咬開。味道方便，唔知係咪上次個豬扒個汁太出色，今次雖然都係蜜汁，但總覺得冇上次咁好食。蜜汁 燶邊部份唔夠多。…查看更多

馬六以前係西環食過一次，印象都唔錯。今日係土瓜灣做完野就同同事去呢到食，試下係咪間間分店都咁好先。今次都係食返呢個冇⻣海南飯，又真係好得，海南雞嘅份量係好大。另外值得一讚係佢無骨嘅，同唔係好熟嘅同事食飯，都唔驚失儀態。 三款醬汁，三種口味，我最鐘意橙紅色果款醬，甜甜酸酸同凍凍地海南雞好夾，天氣熱時食就更開胃。飯唔係普通白飯，係油飯。齋睇色澤淡黃色的，就知佢唔會好油，岩哂我口味。仲有湯跟住，清清地，我好鐘意。…查看更多

呢間餐廳早幾年去過，印象唔錯。今次帶屋企人去食。一入坐職員就要求我地每位最低消費一杯飲品，好似board game 同貓貓cafe嘅模式。當年印象冇設最低消費。飲品普偏都40幾蚊以上，對於唔鐘意飲野嘅我係唔情願抵下夾硬點咗杯。小食併盤-小份 （$92）餐牌上就寫咗好多款炸物小食，上枱就冇咁多。命運賭城，我估個名有意思，就係睇運數，上咩就食咩，冇得你揀。 黎到有炸雞，炸薯角，炸魚手指同炸洋蔥圈。新鮮炸起嘅，熱辣辣，夠脆口。卡邦尼意粉 （$92）份量唔算好多，味道正常。黑松露野菌飯 （$106）呢個飯口感唔錯，不過味道好淡，除左黑松露味，唔係好食到其他味道。三個人雖然點咗唔係好多野，不過食完都好濟好飽。整體食物普通，設最低飲品消費後價錢偏貴，另外餐廳音樂有點過大。…查看更多

呢間18樓第二次去，環境寬敞舒適。雞煲同樣有辣味程度選擇。小辣去到打邊爐階段會愈食愈辣，唔食得辣嘅朋友要留意返。 雞煲雞肉都算嫩滑。醬汁味道好濃，除左辣味仲帶點甜，如果唔鐘意咁濃味可以加少少湯底溝淡。份量多，我同男友兩個去都食剩好多雞。套餐我地揀咗第二貴果個，多左幾款食物選擇。不過個人覺得食最平果個已經好足夠。呢到落單用qr code，完全冇漏單情況。我覺得三款肥牛， 雪花肥牛最好食。另外兩款就一款多肥肉，一款騷味重。海鮮蜆，蝦，鱔都幾新鮮。不過扇貝就差咗啲，去過兩次都一樣咁多沙。響鈴大大舊，好脆好食。豬紅正常。飲品自取，除左一般罐裝紙包飲品，仲有健康茶飲。個冬瓜茶係我致愛。又解渴，又唔會太甜。呢個奶凍最平個餐冇嘅。味道好好食，奶味濃，又夠滑。甜品仲有雪糕。…查看更多