如果大家想食晚市，首先要17:30過嚟攞籌，然後人17:00就已經有人排緊隊等緊派籌，到17:30攞到嗰張籌，分分鐘已經係要第二輪先可以入座，所以好似我同朋友咁，今日就等到2nd round 20:10先入座我地叫左All in set，本身餐牌沒有標明All in set有幾多道菜式，所以本著隨機心態嘗試，但亦因為其他YouTuber拍片的時候有牛扒這個菜式，所以本身滿心期待會有牛扒，點知今晚佢就俾咗芝士龍蝦通心粉俾我哋。。。都明龍蝦都貴嘅，不過佢得龍蝦鉗肉就真係削咗少少。。。冇辦法，好難冇落差感後來俾錢買單嘅時候發現咗佢俾漏咗布袋芝士🧀亦都因為餐廳已經last order咗，所以佢都好無奈淨係同我哋講話可以俾半打蛋撻我哋，但係大家都食飽晒仲要半打蛋撻都冇意思，問佢可唔可以第二日攞，都好勉為其難先應承。。。 如果唔係廚房漏單，前場經理就唔使咁無奈… 如果可以餐牌可以做得好少少列明大約有幾多道菜品，又或者係照盲盒形式，但落完單個下brief一次大約之後會有咩食，一來唔使左估右估，二來唔會到埋單個下先知漏上菜，成件事應該smooth好多。。。同朋友嘅一致comment係，只能夠講呢個價錢配嘢食嘅質素正常，都好食嘅，但咁多道菜式入面反而係前菜嘅麵包最驚豔到我哋，因為個麵包上嘅時候仲出緊煙，做到外脆內軟，再配埋佢自家製嘅醬，真係好食！同埋大家過嚟食就要衡量吓個time cost，要諗吓點樣拎完飛之後再喺個商場度Hea兩個鐘ps: 特此補充，最後因為漏了布袋芝士嘅關係，經理主動提出以半打蛋撻代替，於是第二天便去找經理拿回蛋撻，醉了經理實牙實齒話入去攞新鮮嘅蛋撻，點知轉個頭拎上手食係凍嘅，所以即使有補回，也做不到service！(因為我哋係嗌一個set嘅關係，所以佢漏咗一個餸應該冇得退一個餸嘅錢，所以唯有主動提出補回半打蛋撻)(中肯反映事實，不是要為挑剔而挑剔！)…查看更多
