chanyan90的个人专页

今日嚟到嘅時候只係七點，但係都已經有好多人排隊😭😭😭。我哋等左一陣，餐廳嘅經理已經非常殷勤咁拎咗一張凳比個伯伯坐，然後仲非常估唔到咁拎咗一盤小饅頭，免費比等緊位嘅幾台客食！啲饅頭仲係熱辣辣添㗎 ！真係好鬼死體貼架！入到去，我哋居然安排到有卡位坐呀，五個人坐非常之闊落。今晚一大班人嚟食，我梗係做咗功課啦，呢度最出名就係燉湯🐓🐓🐓！雖然唔平，但係真係好入味，好足料，幾個女仔都食得好開心！個京式烤羊腩真係驚為天人，有趣又鬆軟，熱辣辣，放入口又唔會辣親，又爽又脆好似食薯片咁。明明知道啲腩肉好肥，都係忍唔住食咗幾舊。總之未食過就會形容唔到啦！最後叫左個山東一口牛肉包，一人一個啱啱好，外脆內軟，小小油，多多脆，以牛肉汁滲晒落個包到，香氣四溢呀。之後忍唔住，再再再最後又叫咗個煎鍋貼！肉汁充盈，脂肪爆滿，爆汁爆到成腳都係，去左洗手間清理🌝🌝🌝。。。醜死鬼啦！…查看更多

老細請食午飯，當係春茗啦！咁一大班人上到103樓，梗係唔少得睇吓個靚景啦。點知嗰日個天又有啲煙霞喎，咁其實成班人都唔係影到乜靚相。不過算啦，又唔係我俾錢嘢食方面，本來好鬼死大期望，咁食自助餐喎，梗係早餐都唔食死沖埋去啦！點知食落，其實都係普普通通，魚生…真係有啲普通囉，我以為自己食緊爭鮮咋！尤其隻長腳蟹，拎咗兩件，諗住好開心啦！食落好鬼死乾，又冇晒未，唔怪得知冇人拎啦甜品，都有啲入到口嘅，但係真係尖東任何一間酒店都好食啲囉。不過值得一題係佢嗰幾塊芝士，我都唔知幾鍾意食芝士，而佢啲芝士又真係幾OK ,尤其嗰塊藍芝士，平時嗰度都成舊水㗎啦， 一件咬落去都要20幾蚊。又真係幾回本位嘅。其他就真係冇咩好講啦，係瘋狂拎啲湯黎飲囉，個蟹肉湯都還見得人嘅以食物質素來講，真係食放題都仲好食呀不過都係食個景啦。…查看更多

本人絕對係食椰子雞嘅始祖。其實呢種椰子雞喺大陸真係唔少，既然朋友話佢係大陸好出名咁我就試吓啦。入到間舖，好似睇緊一個唔識嘅人既演唱會咁。台上有人唱歌live band係佢哋嘅賣點。我唔識台上邊嗰個人唔緊要，但係佢係咁叫台下既食客俾反應佢，搞到我好似入嚟撐佢場咁。大佬我入嚟食椰子雞㗎🙏真係比佢搞到冇晒心情人哋好多音樂餐廳，唱歌都只不過係一個背景，佢就搞到好似音樂會咁。食物方面，椰子雞湯應該係選用椰皇汁，所以特別甜。但係over左，甜到好似飲緊糖水咁。其實正宗椰子雞無咁甜架， 加上佢啲湯好少，煲一陣就乾咗lu。好似吹啲客好趕咁淥晒啲嘢🙄。啲雞又細又un，食椰子雞啲雞係最重要嘅，好明顯佢地就無將啲雞擺在眼內。餐牌上嘅食物唔係好多，唔多選擇，連配椰子雞最緊要嘅竹笙都無。唉，我對佢真係好失望。總括－真係好普通，好多地道細舖都好過佢。…查看更多

咁啱接個朋友放工，佢又遲咗成兩個鐘，搞到夜麻麻先食飯，仲以為工廠區冇嘢食添！之後佢就帶咗我來呢間，之前黎嗰陣都唔係呢間，個陣冷冷清清，而家今日晚上九點幾都仲有一半枱有人食緊野，睇怕都冇事聽說呢度啲泡飯，咖喱，蛋達都唔錯。樣樣都好似幾好食咁。我揀咗三個字，都未諗到食乜，好彩佢哋都冇吹我揀嘢。最後叫咗個乾炒牛河，又冇河粉喎！我最後都係揀咗個星洲炒米，估唔到幾多料喎！睇落啲材料都幾新鮮，個米粉炒得啱啱好，唔會太乾，又會太濕。份量仲好大添，如果兩個女仔黎，叫一碟都夠兩個人食…查看更多

好抵好抵好抵好抵好抵！痴線咁抵食！晚上急急腳睇完戲無食飯，咁睇完戲就埂係好肚餓啦~本來行過黎係想去隔離食米線，點之先至發現原來呢度開咗間新嘅茶餐廳。咁見佢個樣新新淨淨又幾好坐咁就入嚟坐啦，門口個待應就問我，你係咪想食消夜餐啊？咁我一望發現好似真係好抵喎，佢就叫我坐低等多10分鐘飲定杯水，一陣就有宵夜食㗎啦。超好服務！我仲以為要喺門口出邊等添！其實Menu上面樣樣都想食！不過我覺得吉列豬扒好似最考功夫，就考下個廚房係咪真係咁叻啦！煮到出嚟真係好唔錯，又脆口，個豬居然都唔韌!壁布上面仲有十二門徒xddddddd真係好有心機呀！…查看更多

早兩日行左陣街忽然想食小籠包就入左黎，無下午茶set都算。。。已經好肚餓架啦，成間餐廳得個幾枱客，幾個待應都仲係企係張枱望都唔望。我地同另一枱客企左幾分鐘先過黎理我地，想餓死我地咩！一黎就sell我地食個兩舊水的雞煲！。。小籠包明明幅圖就有6粒！黎到就得個4粒？？？🤬🤬🤬仲要一拎起啲汁就漏！其他都勁普通，由其個羊肉睇見隔夜咁既樣都唔開胃，食落口個包皮又厚又韌，個羊肉又咸又無肉味，唔知食緊乜咁，食左兩啖就放低左。。。…查看更多

行完花墟，忍唔住又黎食明明又要等，又要受氣，又要隔住斜對面坐，不過都好過無得食既。。。Btw 明明上次黎個陣都仲係bar枱座位，忽然變左摺枱既？唔通我有萬德拉效應？😂😂😂同契爺過黎食火鴨翅，一人叫左一碗，等到頸都長埋喇真係，不過真係太好食。。。契爺第一次黎，佢都話好重火鴨味，愈食愈好食添呀！不過好似而家真係太多木耳，無以前咁濃味，咬極都仲有雖然都係門口排晒隊，不過都算等一陣就有位，睇怕下次都會死死地氣黎😭…查看更多

好開心好浪漫呀！晚上黎慶祝，本來黎係想食個細，但係大pizza 又只係差幾十蚊，就叫左大！Friday night 有steak 優惠，買任何steak送左一杯紅酒🍷，嘻。周圍啲人都唔係好嘈，兩個人慢慢食環境相當不錯。好多人揸車去門口叫外賣pizza食，一晚都有成四五個咁嘅客，證明啲Pizza🍕🍕🍕都真係新鮮焗就多人食。個牛叫咗Medium rare，都好不錯，好好入口。結果都係食唔晒，打包左兩塊Pizza同少少牛肉第日朝早做早餐添…查看更多