MnMMami的个人专页

星期日係北角滙睇完戲就係商場搵食。 因為近1pm，每間餐廳都開始多人。平時見到哩間open kitchen出晒煙咁，好似好特別。就襯今次去試下。 哩間都要㩒飛，不過無兩分鐘就可以入座。 點餐時，一個戴眼鏡既男職員好體貼咁問洗唔洗兒童餐具。 雖然只係一個碟同普通匙叉，但對於未識用普通筷子既小朋友真係好有用。 我地坐個位好大風，請個男職員調細風力，佢都好樂意幫忙。 首先到係炸雞。 $38，份量不少（圖中已被小朋友同男人搶走2件）。個雞炸得好透，咬落有少少油，配埋個芥末沙律醬，幾好食。亞仔都食唔停.跟住個沾汁麵（白）就到。我鐘意沾麵個口感，粗粗地有咬口。個汁好濃，不過食多幾啖麵就開始覺得個汁鹹左d。嚿豚角好濃味，有一半望落係全肥膏，食落都真係肥膏。食左一半就放棄左。至於條腸就一般。請問條腸係咪間麵店signature? 真心覺得腸同拉麵唔多夾。 因為小朋友一齊share，所以加配左一份慢煮叉燒（$20）同半份麵（$15）份叉燒原來得2塊，仲要極薄切。 咁就$20，仲要加一！ 最重要係唔好食， 肉好「鞋」。亞仔完全唔願意食。早知叫多份炸雞算。半份麵比個沾汁麵遲一段時間先上。送到枱上，碗邊位好明顯有條粗黑短髮纏着麵條。 一上枱就見到，咁明顯，無理由唔出聲啦。 早前個位男職員同另一女職員見到即時道歉收番。 個男職員仲叫「煮過碗新既俾佢地」。 但十零秒後，個女職員就拎到新一碗番黎。 我地勁愕然。真係十零秒！收走到返番黎，前後半分鐘都無。同埋哩碗又無第一碗上黎個陣既少少熱煙。🤔🤔🤔之前我地等左十幾分鐘先等到個半碗麵。就係哩碗麵喇...最後送上既係虎尾拉麵。 男人話係普通拉麵一碗，不過不失。 佢話沾麵好食d. 總結一下， 對比隔離間食店既拉麵既湯係好味少少，濃味d（味精都重，日本野， 預左）。麵合格，餸料就較少。炸雞好食。正常拉麵價錢。 不過基於個半碗麵，我唔會再去。 …查看更多

見單張上選擇多，好似好好食，就嚟咗試下。開頭冇睇清楚以為有堂食，原來係外賣店。試咗麻辣豬肚刀削麵同醉雞刀削麵配杯豆漿同一盒紙包飲品。打開外賣，刀削麵同藥膳湯分開。雖然好多餐廳都有咁做，但呢個都還是加分位。藥膳湯聞到有淡淡藥膳味，飲落都係淡嘅藥膳湯味。如果濃味d會更好味。刀削麵算不錯，有煙韌感覺。部份位都有少少淋，唔知係唔係外賣盒焗咗佢一陣。麻辣豬肚有辣味，但冇麻辣。整體感覺一般。同埋梗係覺得麻辣同藥膳唔係好夾，感覺麻辣豬肚放入湯會蓋過藥膳味。同事就話醉雞冇醉雞味，同埋鹹咗少少。$45/一個麵同一杯飲品，喺中環來講算實惠。整體來說，刀削麵正正常常，但唔係特別好食。短期內未必會encore。…查看更多

路過好多次，見佢價錢唔平，但都排晒長龍，都好奇有乜咁出名。有次心血來潮去OpenRice check哩間食評，先知佢pizza出名好好食。月初老公生日，就經外賣熊貓試左佢個火箭兵團（rocketeer)同超級撒亞人肉腸（pepperoni super Saiyan). 原來真係好好食。 外賣送黎都一段時間，個pizza微溫，火箭兵團超多火箭菜同蕃茄仔，好足料。 我哩個火箭菜fans非常滿足。 超級撒亞人肉腸就超多pepperoni. 我地都覺得多左少少，令pizza鹹左d. 不過都係好味。 食過一次後，我地成日想試下去餐廳食即焗既pizza. 想試埋其他款。 今日終於有機會喇！老公放假，帶埋亞仔接我放工。亞仔想出街食，我地就決定去mother of pizza. 本來老公約左朋友食晚餐，只係陪我地坐下， 食一件半件。仲話怕我地2個食唔晒13寸pizza. 結果佢都食到唔想停。 6pm到店， 得幾枱客， 本來坐門口位，但正有人係門口彈琴，有d嘈，職員就幫我地轉左入面坐。 今日我地點左個我的帕爾馬拼加拿大人。 等左十零分鐘就到，亞仔即刻開動。亞仔係唔多鐘意食野既細路，今次佢都自己拎住不停食。 加拿大人有大蘑菇同美式肉腸。肉腸數量適中，所以冇上次超級撒亞人肉腸嗰個咁鹹。個番茄醬底酸酸地好開胃，令人好想食完再食。至於另一半係我的帕爾馬。 當中有我最愛嘅Parma ham同火箭菜，所以就梗係超好食啦。我個人喜歡薄既餅底，加上佢係放入火爐高溫焗，同放入焗爐焗嘅感覺唔同，好食好多。雖然價錢唔平，但材料十足，味道好，令食客覺得物有所值。 唯一美中不足嘅係個Pizza好快凍，食咗兩塊已經凍哂。可能因為喺風口位？！ 係有微風，但我又唔覺好大風。 仲有，今晚食到尾時成日聞到榴槤味。唔知係咪職員喺廚房食榴槤？定係佢某啲材料個味重到好似榴槤咁？？個味重到我食榴槤嘅人都覺得太濃食完哩度既pizza真係會返唔到轉頭。 雖然埋單好貴（單叫左哩個pizza,加埋一$273），但個pizza真係好好食，令我好懷念以前係歐洲食到既pizza. 同平日粗食Pizza Hut真係好唔同。 我地會再黎試埋其他款式。 …查看更多

琴晚試左銅鑼灣個間馬祖，覺得好食。發現公司附近都有間，第二日即刻介紹同事去食，點知好令我地失望見琴晚個麵咁大，今日叫左個藥膳雞肉手工麵同花枝丸share。雞肉睇落好「鞋」，食落係ok. 手工麵都照樣好食，但個湯真係好鹹。 咬到紅棗元肉就更鹹。 唔浸到湯又有d乾，浸住又太鹹。花枝丸（有5粒）真係好食，但又係同一個鹹湯。 唉.....唯一吸引係佢樽茶，幾好飲，個樽又靚。 真心唔明點解會咁鹹。 係比琴晚銅鑼灣個藥膳濃汁手工牛丸湯底鹹好多仲要中環哩間又貴d. 一碗麵，一個小食同2樽茶要$155. 唔會再去中環哩間。…查看更多

早幾日見人介紹藥膳湯麵，睇到藥膳二字已經覺得出街食都好健康咁，即刻約朋友黎試下。平日晚上7點9左右到達，可以即時入座，店內亦有唔少食客。 到我地食完9點零都仲有食客黎。 店內座位不多，但枱與枱間唔算太迫。 店面職員不多（2個），但又唔洗都等好耐就有人落單。點左2個套餐，香辣藥膳牛肉湯手工麵同藥膳古早牛肉湯手工麵，配鹽酥墨魚春卷同藥膳上湯濃汁手作牛丸。 香辣藥膳牛肉湯手工麵睇落已經令人有食慾。湯好濃，藥膳味無我想像中咁勁（我鐘意重藥膳味），牛肉量多，肉質淋易咬，蘿蔔大大件，好淋。我最鐘意個手工麵，好好咬口。 碗麵份量大，食唔晒，但因為個麵好味，幾飽都想食埋佢。 藥膳上湯濃汁手作牛丸哩個湯就真係我想要既藥膳湯。 好濃藥膳味 yumyum 牛丸無特別引起我注意，個湯就好好味。鹽酥墨魚春卷哩個無乜特別，正常墨魚春卷個餐另外有杯飲品，我點左凍無糖茉莉花茶，朋友點左蜂蜜茉莉花茶。 普通茶一杯，無特別。 如果有得叫珍珠奶茶，個感覺會更好 哈哈兩個人埋單$216。 銅鑼灣簡單食，地方都叫坐得舒服，咁既價錢都算抵。…查看更多

今日去左太古城行街，順便食埋晚餐先返屋企。 每次帶住2個細路（未夠2歲同岩岩4歲）出街，都要揀間坐得舒服既餐廳。今次就揀左Dan Ryan. 一早網上訂位，準時入去唔洗等位。 一坐低職員就搬張bb椅，放低籃麵包同俾氣球🎈兩個細路。兩個人仔都好開心。 小朋友最記得就係間餐廳有波派同有火車睇。 奈何今日架火車壞左，要過完新年先有得整，仔仔即刻好失望。6pm都坐左一半客。係我地枱邊有少少垃圾，唔知係咪執枱時跌左唔知。 枱與枱之間隔離唔大。 我地同後面枱只係隔左一個侍應拎住餸過到既身位。我地點左半份芝加哥拼盤（$198），carbonara（$142），啤酒黃金炸魚（$205），三重芝士焗洋蔥湯（$88）芝加哥拼盤有3件buffalo wings, 4塊芝士煙肉焗薯皮同4-5塊炸洋蔥圈。 buffalo wings好好食，辣辣地，再配埋個醬，真係想食多幾隻。 洋蔥圈係deep fried,食落有少少辣（小朋友話辣既），焗薯皮就一般啦。 Carbonara 係最好食。 好creamy, 煙肉少少鹹，但可以接受。兩位小朋友食到停唔到口。如果可以shave 多d芝士碎上面就更完美我知係我錯，去美式餐廳唔應該叫英式菜。個炸魚樣望落ok，但所有野都係林既。 個皮好厚，好似炸得好勁，但一放落口「林啤啤」，塊魚都麻麻地好食，連薯角都林既，真係好失望。最伏既係個湯。 我都預左佢個味會重，但無諗過鹹到咁，好似飲豉油咁。諗住唔好浪費飲多少少，但最後我飲左無1/3就放棄左佢。埋單時忍唔住同個侍應講聲個湯好鹹，個經理即刻幫我取消番個湯。之後我飲左好多水，到走時個喉嚨都仲係「確確地」。其實佢地最好唔好做哩個湯。之前黎都點過ribs, burger同risotto都好食，今次諗住試下其他，點知就出事。 係我錯，去美式餐廳只可以點ribs, burger個d. 下次我會聽話喇。我係中午係另一個booking app度訂左枱，6pm入去有40% off (正價散叫同飲品無折）。 佢取消左個湯後，折完$3xx埋單。如果原價食，配今日d食物，我會覺得超唔抵。 有6折， 就可以接受啦。哩間店最值得讚既係員工，serve 我地個後生仔侍應同個男經理都好有禮貌，好有服務。希望下次再去火車會出現番。…查看更多

等左好耐，晚市終於可以重開。為左支持一下餐飲業，我地都即時book左碗屋既晚市放題。 一如以往， 每位可選一個special dish. 今晚選擇係鐵板龍蝦（2人可叫一客），汁煮鮑魚同燒北海道帶子。我地㨂左龍蝦。 好好味，蝦肉彈牙。好味到唔記得影相🤪之後仲點左刺身拼盤同一堆小食。 刺身一如以往的新鮮。 甜蝦大隻，個snapper好新鮮好好食。軟殼蟹炸得幾好，上菜時仲熱，但又唔會食到成口油。鴨肝我都點左幾次。海膽小手卷，蟹蓋都好食。 炸芝士波就一般。 甜品有個炸榴連大福。 以前食過幾好食，但今次佢上菜時係微暖，第二次叫佢俾個熱d既我，我唔介意等，但都係上左微暖既，味道就差少少。 不過都好食既。碗屋其實唔平， open rice 8折完，2個人埋單都要9百幾，但佢食物質料同服務真係同普通二百零蚊放題差好遠。 算不上頂尖，但我覺得對得住佢個價錢。 美中不足係佢個價錢唔包飲品（杯茶就免費）。如果再叫兩杯，就真係好貴。…查看更多

年初四中午未夠一點出黎搵野食。 本來諗住食水煮魚，但黎到商場又轉軚去左哩間食天婦羅。 假期中午時段，入店時只有2枱客，我地坐落後不斷有人入黎，食完時出面已經要等位。 叫左兩份海鮮天婦羅定食，另加個天婦羅蛋付。 唔知係咪佢放得唔好， 餐牌上有既野都有齊，但就梗係覺得個份量細左。 各式既天婦羅都一如以往炸得不錯，我鐘意佢個紫蘇鯖魚同軟殼蟹。 如果大件d就好喇。至於個蛋... 睇落ok，但只係一隻普通半熟蛋，外面有一層炸皮。 食落甩開皮還皮，蛋還蛋，仲要無乜蛋味。 唔多值$14. （可能係我期望過高）食過哩間幾次，佢d天婦羅炸得幾好， 唔會油淋淋， 味道不錯，對得住個價錢。3，4歲小朋友都岩食，方便晒我地家長㨂食物。不過佢地份量唔大，飯都係細細碗，食完唔會好飽,男士更可能唔多夠。 今日舖面只有一個經理一腳踢——迎賓，落餐，送餐，加茶，收錢。 佢都好有禮貌.店面唔係好多枱，俾少少耐性佢就回應到你。…查看更多

12月時食過一次鴨大哥，覺得幾好食。今次爸爸生日，決定帶兩老黎試下。 早一日訂左位，初三12.30到，即時有位。 因為限聚令，餐廳俾左張大圓枱我地，2人坐一邊，中間有膠板，好似酒樓搭枱咁。 中間佢地好貼心咁放左個轉轉，大家可以有距離地share餸菜。 佢地地方唔算大，但每枱有距離，唔會太迫。4個人點左5道餐牌上既推介菜。（1）雙味龍鬚黃魚 ： 造型好靚，炸得好脆,個頭都食得晒。個酸甜汁我覺得濃味左少少。 其實佢都做得唔錯，係我個人鐘意松子魚多d. （2）荔枝咕嚕肉：肉質易咬，但味道同普通咕嚕肉差不多，係多左幾粒罐頭荔枝。 有點失望（3）蒙古式炒鴨崧： 用左孜然粉。賣相同味道都一般，不太突出。（4）海鮮鴨湯泡飯： 食左兩次都覺得好好味。湯係少少濃味，不過食完想再食。 yum yum（5）北京烤鴨 ：佢地個烤鴨好好食，唔會咬到一口油。 加上佢warm 住個皮，食到尾個皮都唔會凍晒硬晒。所有食物份量都算多。 鴨湯泡飯同烤鴨真心好味😋 餐廳服務不錯，侍應有禮貌，上菜都快。…查看更多