ข้อมูลส่วนตัวร้าน cyelee

放工老婆話食泰國東南亞野，我公司附近有一間新泰，我食過唔錯，介紹我老婆試下。我哋都幾肚餓，食泰國菜，我一定叫冬陰公湯，湯料多，辣度剛好合香港人口味，就算叫左細其實份量都好夠。主食叫左泰式燒雞，雞肉有肉汁，香口脆嫩，又入味，平時唔係好多地方有呢個水準。下一道菜就係燒豬頸肉，佢有小小好惹味既焦，口感唔錯，食落好惹味。之後就是越式蟹肉炒粉絲，蟹肉多，絕對唔係比幾條敷衍客人，炒得乾身，爽口，唔會油，正！呢個既職員服務好有heart ，反好快。上菜亦快。而家位置闊落，傾計唔會好似嘈到人。老婆講會嚟多d。推…ดูเพิ่มเติม

星期日想去食D好野，同老婆去左九龍灣既牧羊少年。呢度好受食客歡迎，星期日要等一陣位。入到去坐位好闊落，傾計唔會怕好似同旁邊D人分享咁。 當日比較肚餓，我地叫左好多野，頭盤我叫左小食金沙咸蛋鳳尾蝦，小食拚盤，牛油果莎莎墨西哥脆片。小食拼盤真係乜都有，有雞亦，有花枝丸，有德國腸，樣樣都好好食。而我特別中意個鳳尾蝦，咸蛋味好濃，蝦又彈牙，超好食。 主食係蒜香牛肉碎意大利粉同鹽麴燒比目魚件澳洲西蘭花，我本身係中意食魚既人，賣相好靚，魚味鮮口感滑，燒得香口，我同老婆都好中意食。 野飲方面，我叫左芒果冷酪，勁好飲好FRESH既果味，老婆則飲左抹茶牛奶，佢話都唔錯。 呢D環境好高雅，交通方便，但唔似係鬧市中一般普通餐廳，係度食野特別relax。 好適合一家大細嚟。 …ดูเพิ่มเติม

想秀茂坪探親戚，到走時肚空空，去到屋邨街市既揾食。見到呢個陳儀興粉麵，就走入去試下。我同老婆叫左兩碗粉。我叫左雲吞牛腩雙拼麵，老婆又叫左牛丸雲吞河。牛腩有咬口，牛味香，雲吞雖然唔係好巨大，但勁鮮味，麵又好爽口，比一般粉麵店好唔少。老婆話牛丸好彈牙，河粉滑漏，口感十分好。我地幾肚餓，再叫多個炸魚皮油菜，送粉麵是完美組合。值得一提既係呢度既職員好友善，比人感覺親切，食野都開心啲。如果你嚟開呢頭，我推薦嚟呢度食野。…ดูเพิ่มเติม

星期六去港島行街，聽講有間幾特別既fusion 英式中菜係上環，就上去試下。店主係英籍華人，十分有禮，亦好有心機介紹餐廳同推薦食物。先叫左兩杯Cocktail分唔係Susie Wong 同be my honey. 我哋叫左個頭盤，首先是香酥鴨，食法同我哋平時既片皮鴨差唔多，不過鴨肉就變為鴨絲，搶口香脆，我會推薦比每一個嚟呢度既人。另一個signature 既前菜就係蝦多士，大大隻蝦係炸到金黃既又多芝麻既多士上面，好醒胃又有層次。主菜我地叫左燒牛肋條，牛肋骨成條起左出嚟鐵板上。牛夠焾索哂d汁juicy 同濃厚牛味，呢個菜最好趁鐵板熱時食。另外我呢個飯桐，叫左兩蛋炒飯，炒得乾身好正。如果食普通中西餐食到悶，又想有個有格調既地方食嘢，真係要食下呢度。…ดูเพิ่มเติม

好耐無同老婆食好野，今日帶佢來銅鑼灣食呢個宮崎肉本鋪。呢個係一間環境好好既烤肉店，比較清靜，唔迫，佢每台客人都有一定距離，好岩傾計。而家窗口好大有維園靚景，食都開心d。 今日我地叫左個宮崎A5櫻花牛極上放題，入面有10款牛，成盤件放係台，真係好壯觀。 其中大大塊既肉眼，好juicy ，另外我最中意係肩口肉，口感結實，好正。另外最中意是和尚頭，口感嫩滑味濃。雖然我唔係牛既專家，但一次過可以試晒牛既咁多部分，我相信一定滿足到大家。除左牛，呢度仲有好多野食，有60幾種。例如魷魚，蟹味甲噌羅燒等唔同類形既依物可以任點。我相信一般人食量，一次都好難試晒所有提供既肉同熱食，所以我會同朋友都來。我誠意推薦。…ดูเพิ่มเติม

星期日想食holiday mood 既野，食漢堡最一流，有人介紹大埔Kimbo 韓式漢堡。兩個人叫左兩個餐，一個是signature 既Kimbo 經典漢堡，紫菜肉鬆豬柳漢堡。經典漢堡牛肉好鮮味，又用肉汁，唔係一般連鎖快餐店貨色可比。呢個就係誠意既問題。配餐既小食雞亦都十分香口好食。另外，太太就叫左個紫菜肉鬆豬柳蛋堡，呢個配搭好新鮮，好fresh，而小食魷魚圈，細細個但好惹味，配合埋氣水真係一流另我地又叫左個韓式炸雞，熱騰騰，一口一件，好滿足。大嚟嚟到大埔可以嚟呢度Chill 下食下。相當高質。…ดูเพิ่มเติม

老婆話想試下西班牙晚餐。咁Happy Friday 去左尖東既Iberian . 呢度氣氛好好，牆壁係一幅好長既畫，好似講緊個故事。餐湯我地分別叫左紅甜椒忌廉湯同龍蝦湯，一款開胃，一款香濃，我作為龍蝦怪當然飲龍蝦湯，一流。之後上既就係牛油果蟹肉沙律，我一向中意牛油果，但配蟹肉第一次，好match 。老婆話想試加利西章魚，一口一件，鮮味彈牙，好睇又好食。同賣相好精緻，色同味都上承。主食係西班牙海鮮炒飯，有蝦蜆同魷魚為配料。配料足，飯浸左海鮮味，但同時飯都夠乾身，相當好。 飯品我地分叫左兩杯Punch。如果兩個人，或三五知己，想係尖沙咀揾別緻又精美既地方大快朵頤，可以試下呢度。…ดูเพิ่มเติม

油麻地既人氣店，我諗村爺爺一定榜上有名。一到食飯時間就大排長龍。今次同老婆嚟叫左幾樣野。首先我要左一碗鮑魚花膠螺頭雞煲翅飯，成隻雞上，高湯鮮味到極點，真係只要個湯嚟撈飯都已值，加上好足料，真係有鮑魚有翅，無取巧無魚目混珠。我老婆就要左個真盛龍蝦湯泡飯，唔好講笑，半隻龍蝦，唔係講笑，食泡飯食到比個鉗開龍蝦你，你就知真材實料，唔係得一條半條龍蝦肉架。其實配料有，帶子，青口，蜆肉，等等，真係海鮮大餐一樣。小食就叫左個，墨魚手指拼魚腐，都好好味。飲品方面，我就要左個即磨日本炭燒咖啡，都十分香濃，老婆就要左杯梳打。呢度性價比超高，用呢個價錢食到呢啲咁正既野，一定回頭。…ดูเพิ่มเติม

而家潮流興食酸菜魚，烤魚。開到成行成市，要揾間好食既唔易。有屋企人試過油麻地，㕵旺烤活魚，星期日同朋友去試下。首先要讚下呢度坐位好闊落，唔會有好迫既感覺，坐係度傾計都好舒服。我地諗左一陣，決定食好啲，就叫左招牌酸菜烤沙巴龍躉。等左一陣，好快就上菜，龍躉相當大條，魚索哂d酸菜汁，勁鮮味，肉地結實，好有質感。只係食魚當然唔夠，叫左蒜蓉烤大元貝，好大隻蒜香撲鼻。最後加上必食燒烤組合，就剛剛好夠飽了。當然食左咁多香口野，梗要飲下啤酒下火。飲飽食醉都是700幾埋單，價錢比較合理。…ดูเพิ่มเติม

香港人幾中意意大利菜，我都係其中之一，最近放工約埋朋友試左係又一城既VA BENE Italiano . 首先要讚下呢啲既職員非常熱心友善，絕對令你有VIP既感覺。當日我地係坐左室內一個比較清靜既梳發位，好chill 好relax 。頭盤係鮮帶子刺身簿片，帶子好鮮味，為味蕾熱下身先，酸酸地好醒胃。首先嚟個黑松露多重芝士簿餅，黑松露味濃烈撲鼻，所謂多重，係佢有四種芝士制作，一咬落去真係勁多芝士多到拉到絲，勁濃郁。跟住之後，就係Canadian Pork Rack 加拿大豬鞍 ，300 g 十分厚切，火喉剛好而肉汁豐富鮮嫩，配番蘋果醬襯托，甜甜地配豬鞍肉香，係一個好特別既組合。至於飲品朋友叫左Strawberry Basil 佢就滲出淡淡既草香。因為我鐘意薄荷味所以我就叫左杯Mojito 。最後仲有甜品Tiramisu 靚相好靚好好味。總括來說，呢度環境有格調，食物上乘而服務又貼心。我會番頭再嚟。…ดูเพิ่มเติม

間中都會去大角咀，之前都有去開一間好好食既泰國菜，最近發現由原址博文街搬左去附近既利奧坊，又見無嚟一排就同屋企人過嚟試下新鋪。新鋪都好闊落，裝修精緻幾有優閒感。當然，重點係食物。我搶閘點左個冬陰公蒸烏頭魚，條魚相當大，熱辣辣惹味，夾d魚肉索下d冬蔭公湯超正。 食得泰國菜生菜包都差唔多必備，肉粒辣辣地好夾生菜flesh 既味道，而且份量好夠，4個人食都好夠。我一向係是牛魔王，見到餐牌有個炭燒牛肋骨，一試就中意，肉質肥瘦均衡 ，肉味膿，點小小泰式辣汁，好似去左泰國食既風味，我真係"泰"中意。 屋企人好中意食串燒，都叫左個串燒雜錦，豬牛雞各二，燒得火喉剛好，唔會太乾，肉汁仲鎖得住，唔會好乾。飲品就有好多種，我就叫芒果沙冰，配辣野一流。埋單價錢都好合理，呢個質素好值。希望舊客都會多d到呢度嘆下高質泰國菜。…ดูเพิ่มเติม

有一排無食放題，又嚟到大埔有d野做，就book 左滿屋。印象中呢度服唔唔錯，落左單食飯好快到，唔會好似有d放題咁拖好耐又嚟唔齊d野。一坐低就叫左好多野食，蒜蓉牛油凡立貝壽司，火灸三文魚軍艦，芝麻八爪魚軍艦，芝麻雞翼，燒扇貝，都是至愛。同時呢度比較特別既係竹苼瑤柱蟹肉翅，我食左兩大碗。另外，我推薦既係避風塘炒尤魚鬚，辣辣地好搶口，真係有d避風塘感覺。和風一口牛都好好味，口感適中，唔會太韌，味道可口。重點黃金燒扇貝，真係超好味，我落左幾次單。大埔區本身放題都唔多，有呢個高質既地方都係街坊既福音。應該都會經常嚟。…ดูเพิ่มเติม

放工同朋友輕鬆下，就翻放工近又好食。三兩知己想食得盡情，有人提議食燒肉放提。今次嚟呢度，食牛既牛魔王們應該好滿意，有好多種不同既種類既牛，有金錢𦟌，牛頸脊，牛小排，肩脊肉，牛胸腹，不能盡錄，呢種既牛質素不錯，全部都好夠牛味，試哂咁多種好滿足，就算唔叫其他食物都好滿足。不過，梗係有叫其他野食啦，墨魚片，大蝦，雞翼呢啲一應俱全，而且感覺比較新鮮。種類十分多，今次嚟未能試哂全部，下次一定要識多d。到於小食同熟食就有叫左唐揚雞，芝士薯餅，小丸子，辣味八爪魚等，水準都不俗。呢度係mk中心，交通好方便又易揾，一定回翻頭食。要讚多一句，呢啲職員好爽手，落左單會好快拎到食物比客人，無浪費時間。…ดูเพิ่มเติม

星期日同朋友聚會，去左深水埗附近睇電腦硬件。之後想食烤魚，而家坊間都好多，朋友話長沙灣政府合署對面有一間都唔錯，見地點近就試下。入到去呢度，環境企理光猛，枱與枱之間唔會好近，傾偈最好。我地點左個烤魽魚，之前係有d其他店食過d烤魚份量好少。但呢度份量好多，成條魚肥美，兩個人食都好夠，我地要左BB辣，對於我地唔太多得辣既朋友就剛剛好。食野除左要有份量，魚本身都好重要，條魚肉質鮮嫩，索哂d汁超好味。做到成舊夾仲keep 到唔會爛左融哂係d湯度。下次有機會要試下其他魚。呢度烤魚都算近期試過性價比最好。另外，我地叫左個安格斯肥牛，牛既紋理分明，脂肪比例唔錯，牛味香濃。下次會試下貴d既手切雪花肥牛，睇下會唔會仲正。丸類就點左我最中意既鮮蝦丸，蝦味足，同外面好多無乜蝦既蝦丸是淵之別。之後就要淥個烏冬，索下湯食埋就夠飽。最後一提係呢度既職員都好友善，服務周到，加湯呀，點菜或要其他野都好快手同nice 。總括嚟講，呢度係一個驚喜既發現，之後會再嚟。…ดูเพิ่มเติม

同老婆慶祝紀念日，諗住比個驚喜佢，就book 左銅鑼灣一間日式西餐廳Chimpz 帶佢食好野。餐廳雖然唔係好大，但佈置好有特色，顧名思義，以猩猩做背景，好別緻又好playful 。一坐低，就有職員好有禮咁比個籃我地放d 隨身物品，同好有細心咁講解食物。我地都幾肚餓，第一要左個厚切黑毛豬鞍架配香煎菠蘿及袍子甘藍，豬鞍d 肉汁鎖住好juicy，肉質鮮嫩，肉香突出。真係會回頭再食。之後我地再叫左個香煎北海道帶子配黑松露燴意大利飯，呢個水準可以話好出色，十分驚喜。帶子勁大鮮味，d飯既黏度拿捏得好好，入口好有層次，滲出黑松露香。小食方面，我地叫左黑松露薯條，香脆無比。另外就叫左蜜糖芥末雞翼，蜜糖味夾埋香口既雞翼，好搶口。我地既飲品係百香果梳打同蘋果梳打，但杯墊仲會發光，好得意。呢個餐廳無論服務同食物都好有heart ，又近地鐵站，誠意推薦。…ดูเพิ่มเติม