redred1224的个人专页

自從青衣城新建了二期，食店選擇變得更多，二期整個2層全是食店，一早與友人約好試試。今天去了食日本菜Tiger San！菜品選擇種類很多，有漢堡、烏冬、拉麵、意粉、鐵板橈、小食、沙律和咖喱，總會找到想食嘅野。京都車站沙律 ($68)大量新鮮生菜混合沙律汁鋪底，再放上牛油果、蟹肉同蟹籽，份量很足，呢個價錢非常抵食。牛油果鮮綠，入口即溶，好好味！味道清新，作為開胃菜最適合不過。爆脆雞配甜酸汁 ($39)上菜速度很快，剛食完沙律，小食便上桌。雞肉炸至金黃色，色香誘人，外皮香脆，內裡雞肉好juicy，配點沙律一起食，又是另一番滋味。至尊老虎鐵板燒 ($158)呢個鐵板入面有牛、豬、雞、海鮮同大量蔬菜，一次過滿足好幾個願望。美國安格斯牛肉漢堡牛味十足，肉質軟腍，大大塊同朋友share啱啱好！帆立貝鮮味彈牙、雞翼香脆可口、香腸口感剛好，不太咸，再配上溫泉蛋和蔬菜，滋味又滿足。玫瑰拿鐵 ($38) & Movenpick意式奶酪味(+$12)見門口有咖啡機，所以試左玫瑰拿鐵，玫瑰味好香，咖啡順滑。最後當然少不了甜品啦！…查看更多

周圍個個朋友去旅行，我唯有食下日式放題過下癮先。因為友人九龍返工，所以揀左呢間至尊滿屋日本料理，其實之前食過一次，佢地嘅waiter好nice，手腳快之餘，都好有禮貌，又少漏單，所以印象幾好。呢到座位都幾多，都坐得幾舒服，果日我地落完單無幾耐，都好快坐滿左8/9成，可能因為抵食。有9張紙揀野食，選擇都幾多，因為我同友人得兩個人，但又樣樣都想食，所以都揀左好一陣。落完單，緊係出去拎飲品同甜品，食住等。鮑片好好味，夠彈牙又唔會太韌；大赤蝦大大隻，幾鮮甜，同友人都好鐘意，encore左兩轉。螺刺身幾有咬口，會忍唔住夾黎食。豉椒炒蜆好入味，少少辣，好惹味，啱晒送啤酒。平時好少食瀨尿蝦因為剝殼麻煩，而家有搞掂晒嘅瀨尿蝦壽司緊係要食，都幾好味，最正係唔麻煩。鰻魚壽司多左芝士同蟹籽，口感更加豐富，好好味。芝麻雞翼好香脆，又唔會太油膩。每次放題必不可少一鍋蟹粥，呢到加左粟米同紅蘿蔔，所以特別鮮甜，仲可以去膩添，兩至三個人分啱啱好。最後仲有movenpick同haggen dazs雪糕揀添，食埋個雪糕真係超完滿呀！…查看更多

我與友人都好鐘意食韓國菜，每次約食飯都一定揀韓國野，今次黎左中環Goobne Chicken食烤雞。7點入座，唔使等位。不過愈夜愈多人，8點到係差唔多坐滿，可能中環人多OT，好晏食飯鐵板芝士泡菜炒飯望落好吸引，顏色搭配得好好，而家睇返相都好想再食。因為芝士超多，所以撈勻左都一樣可以啖啖食到芝士。芝士鹹香，配上微辣爽口嘅泡菜炒飯，口感滿分之餘，滋味都滿分，仲有D火腿添。等緊烤雞果陣會忍唔住不停食。果味蒜香烤雞賣相都一樣超吸引，因為加左蘋果檸檬醬汁，所以有種bling bling嘅感覺。一口咬落去，好香嘅蒜味，跟住係甜甜嘅果味，而且啖啖肉，好好味。另外，呢度嘅烤雞外皮好脆，好似食緊炸雞咁，同平時想像嘅烤雞好唔同。我同友人對於呢方面都真係好驚嘆，哈哈有happy hour，都幾抵飲。不過我地想試新飲品 – 香桃韓式米酒，甜甜地，好易入口，幾啱女仔飲，不過我就鐘意多返少少酒味啦。份量好多，兩個人飲好夠。整體黎講，我同友人都好滿意呢餐飯，樣樣野食唔單止好味，賣相幾靚可以影下相呃like。呢到仲有好多款烤雞同唔同小食、飯麵，好啱一大班朋友食飯傾計。…查看更多

天氣已經凍左好多日，最啱食番餐熱辣辣，今日與友人相約到大煲皇煮廚食海鮮! 可以選擇打邊爐或者蒸氣石鍋，既然想食海鮮的我們，當然選了後者。蒸氣石鍋海鮮餐共可選擇３款粥底，包括南瓜排骨粥、瑤柱鮮淮山粥和健康五穀雜粮粥。而海鮮除了各種貝類和美國龍蝦，可自選５款海鮮，再任選其他配料。落左單，侍應很快送上前菜 – 炸三文魚骨香脆可口，炸好後的三文魚骨撒了點椒鹽，所以咸香可口，我一連食了好多件。友人不想食活魚刺身，可以轉例牌燒鵝，一上枱，已經聞到好香，燒鵝皮色澤金黃、皮脆肉嫩，不會過咸，沾點酸甜醬滋味非常。首先上枱的海鮮是龍蝦和貝類，可以用同一個時間蒸，所以可以一齊落鍋，咁就可以不停蒸不停食，唔使望住等到頸都長。哈哈。龍蝦超厚肉，仲有好多膏，真係望到都流晒口水呀！肉質鮮味彈牙，就算唔沾醬汁都好夠味，反而沾點膏一起食，鮮味更突出。我同友人都食到舔舔脷！貝類雖然都幾厚肉，但就相對普通，不過都無沙同鮮味。日本元貝真係超大粒呀，大過個拳頭呀，元貝肉吸收左炸蒜的香，再加上本身的鮮，超級好味，仲要啖啖肉，好滿足。群邊都好好味，彈牙爽口，粉絲吸收晒兩者既味，更加滋味。象拔蚌雖然細隻Ｄ，但都好厚肉，夾埋粉絲炸蒜一齊食，好味！而鮑魚可能蒸耐左，比較韌。肉蟹真係好厚肉，仲好多膏添！肉質鮮彈，夾埋膏一齊食，好邪惡但好滋味。下面仲有Ｄ撈左炸蒜的糯米，吸收左肉蟹的鮮味和蟹膏的香味，食得好滿足，冬天食仲好暖胃添！另外仲叫左蟲草雞，好滋補。雞肉都好滑，而且食左咁多次蒸鍋，真係第一次食蒸烏冬，又幾好味喎！肥牛片都好味！不過唔太鐘意肥既我就稍嫌蒸既方法去油唔夠啦。最後食埋個瑤柱鮮淮山粥！頭先食過既咁多款海鮮的鮮，再加埋瑤柱的咸鮮，個粥真係無得頂，明明已經好飽，但都忍唔住食左兩碗！…查看更多

因為大家都忙，未有時間搵食咩，所以同友人邊行邊睇下D廣告版啦。友人話想食放題，我想打邊鑪，所以揀左呢間又可以打邊爐，又可以放題既瀛喜。先來一份刺身船，大大隻蝦、肥美既三文魚、鮮帶子等。都算新鮮。跟住仲有小龍蝦，小龍蝦好多膏，望落已經超吸引，食落啖啖肉，彈牙鮮味，唔使一陣，我都友人都消滅左佢。跟住上枱既係卜卜蜆鍋，份量超多，鋪滿蒜蓉粒、莞茜，再加左少少辣椒，滾左陣，己經見到蜆開始慢慢開口，啱晒呢排涼涼地既天氣呀，蜆肉吸收左蒜味同辣椒味，香辣惹味。而且蜆都幾肥美，啖啖肉.食完卜卜蜆，跟住打邊爐就緊接住上枱，我地揀左椰子雞湯底，香甜的椰香味好啱配海鮮食，唔使order，侍應已經送上呢盤海鮮，有鮑魚、鮮蝦、元貝、蟶子、蠔等，果然係航母級海鮮盤。鮑魚同蝦肉質都幾彈牙，幾鮮味。魚肉好滑。元貝夠晒肥，啖啖肉。另外，仲有大量火鍋配料可以order，豬牛雞、丸類和蔬菜，食到捧住個肚走呀!放題食物選擇都好多，所以想食埋放題都一樣無問題。…查看更多

平時經過Grill都見到幾多人飲住酒，食住串燒，氣氛唔錯。今次和友人幾個月未見，想簡單食個飯，傾下計。Grill可說是個不錯的選擇。串燒選擇不少，有5款，豬牛雞海鮮和蔬菜都有，總有口味啱心水。另外，仲可以order隔離Thainan Chicken的食物，咁就唔怕淨係食串燒會唔夠飽啦! 飲品就有差唔多二十款選擇。明天還要上班，所以和友人都只叫了Somersby Apple Cider，少量酒精，又唔怕醉。 串燒叫左牛肉、雞翼、豬頸肉、露荀、粟米仔、魷魚鬚、白鱔，另外仲叫左青木瓜沙律，而友人則叫了去骨泰南雞飯。青木瓜沙律份量好大，新鮮爽脆的青木瓜堆到成座山仔咁高，再配上超多嫩滑雞絲，汁另上，咁就可以按個人喜好，加幾多都得啦。個汁酸酸甜甜，好開胃。串燒可能係即叫即燒，所以食左差唔多一半青木瓜沙律先開始上枱。先食魷魚，魷魚好彈牙，辣辣地，好惹味! 如果唔係太飽，都會encore呀!豬頸肉都唔錯，未食已經聞到香噴噴，微焦的表面份外香脆，肉質爽口，雖然燒過，但都仲係好juicy.平時食串燒好少食白鱔，所以難得見到就試下啦，同平時食既白鱔口感味道都唔同，幾得意，可以一試!食左咁多肉，食串粟米仔，好味爽口去油膩!幾款串燒都好好味! 同埋推介大家食埋青木瓜沙律，開胃之餘，又可以去油膩。因為太飽，仲有D串燒未有機會試，下次想舒服D chill下，都會再黎呀!…查看更多

近排天氣好熱，但又好想燒烤，所以朋友提議一齊去食有冷氣嘅任食韓燒！心動不如行動，即刻book枱。甫坐下，侍應便遞上Menu俾我哋選擇，選擇種類頗多: 豬、牛、羊、雞，仲有多款海鮮，而且更有熟食選擇！啱晒我哋呢班餓底。和友人在menu上選擇了多款食物後，便到飲品吧自己揀嘢飲，有汽水、果汁、茶。旁邊是醬汁，可以自行混醬。話咁快，小食先上枱，有我超鍾意的炸魷魚鬚，炸粉唔會好厚，薄薄一層，配上魷魚的彈牙，超級滋味，我們忍不住encore左幾碟。炸雞都好好味，啖啖肉，香脆可口。另外仲有韓式炒粉絲、烏冬、辛辣麵等多款麵食選揀，但想儘情品嚐燒烤的我們，便想留待一陣燒後先決定order。食緊小食的時候，燒烤食物陸續上枱，我與友人急不及代將他們放上烤爐，望住肉的油脂不斷滲出，肉慢慢變熟，香氣撲鼻，與友人都擺定姿勢，期待將肉放進口中。烤過的大蝦肉質緊實彈牙，我們又忍不住encore幾次。帶子則相對軟嫩，燒過的表面帶微微的焦黃，外脆內軟，口感滿分。五花肉是我到韓燒店必點的項目，尤其燒的過程，見住油脂慢慢滲出，五花肉漸漸變得焦黃香脆，我尤其喜歡剪到一口大小，一口一件，很快便可以消滅了一碟。當然，五花肉又怎可少了配生菜來食。一塊生菜、兩片肉、一片泡菜、少量芽菜，包起來一啖放入口，既食到新鮮生菜的爽脆，又食到五花肉的滋味，再配上泡菜的酸辣，回味無窮。牛肋骨亦是不錯的選擇，燒過後緊緊鎖住肉汁，微焦的表面，軟淋的內涵，好味！我與友人又食了牛舌、雪花牛仔肉、帶子、雞腎等多款肉或海鮮，很多都不錯！我們都不好羊，所以便沒有點了，但見menu上都好似有兩款選擇。最後，當然少不了學電視劇的人，叫一碗冷麵，配着烤肉一起食，一熱一凍，好味的肉感加上冷麵的Q彈，熱辣辣得黎，又好涼爽，好得意。食飽後，以一枝MELONA雪條作結，適合不過！…查看更多

自從之前試過蒸海鮮後, 便很喜歡在火鍋後來碗粥作結 感覺健康點. 哈哈!阿爺粥品手工涮涮鍋是這個月才開的, 可能附近也有住宅, 所以晚上客人也很多. 店內的枱很大, 所以即使兩人也能坐得舒舒服服, 聊聊天天, 享受美食.甫坐下, 先選擇粥底, 分別有有米粥、魚鍋、大蝦鍋和黃蜆鍋, 我和友人當然亳不遲疑選了有米粥啦! 食物選擇有很多, 海鮮、豬牛雞、丸類和蔬菜當然少不了, 還有多款小食和刺身選擇, 樣樣望落都好吸引, 所以我們都用了不少時間去落單.下單後, 侍應便會奉上火鍋調料, 蔥、生/熟蒜、辣椒等, 雖然食物未到, 我們手也停不下來, 立即混醬, 哈哈!粥底很快便上桌, 然後所點的食物也很快奉上. 友人與我都很餓, 所以先食了小食- 順德炸脆奶. 果然如其名, 外皮非常香脆, 配上軟滑的鮮奶, 一口接一口停不下來. 而且份量不少, 足有4條! 三色油炸鬼則是炸過的油炸鬼包裹著魚肉/ 蝦肉去炸, 甫落枱, 已香氣撲鼻, 忍不住夾到口裡, 三色油炸鬼香脆可口, 配上彈牙的魚肉和蝦肉, 味道配合. 放到粥裡泡兩下, 更增添香滑口感, 又是另一番滋味.我們特意點了花蟹仔和特長蟹柳, 打算煮個蟹味粥. 特長蟹柳起碼是平時3條蟹柳加起來那麼長, 而且蟹味更突出. 花蟹仔則冰鎮出場, 好有氣勢, 雖然細細隻, 但都幾多肉和蟹膏, 必點!玫瑰花豬爽肉也就是豬頸肉, 造型如玫瑰花般, 連平時不是相機食先的友人也忍不住影張相, 哈哈! 豬頸肉爽滑彈牙, 好味!鮮蝦雲吞超大粒, 包住大大粒的蝦和豬肉, 抵食之選!即炸響鈴超大條, 份量又多, 很香脆, 食一條已感覺很飽. 所以我個人還是喜歡細細條, 食得方便D, 同埋可以再試其它野.最後當然少不了一直煮的蟹粥啦! 煮左差唔多一個鐘的粥鮮香美味, 粥身綿滑, 更吸收了各配料的味道和油份, 盛一碗來為今晚的晚餐作結最好不過, 這也是我喜歡粥底火鍋的原因!…查看更多

天氣突然又變凍左，最適合打邊爐! 其實不論天氣凍定熱, 都好鐘意去打邊爐, 大家烚下烚下, 傾下計, 好開心! 不過今次諗住試下新式火鍋 – 台式! 今次同友人2個人來到101手工涮涮鍋, 一試台式火鍋新滋味! 我們選擇了極上“吃到飽”套餐 – 每位$268. 先來選擇湯底, 共有5款鍋可以選擇, 因為友人不食牛, 而我又不太食辣, 所以選擇了沙茶雞涮涮鍋.落單後, 前菜麻辣麻醬手撕雞和麻辣木耳便送到了, 手撕雞帶有麻醬味香濃, 再配上微辣香氣, 滋味開胃. 麻辣木耳則較辣, 麻麻的口感配上木耳的爽脆, 也是開胃之作. 沙茶雞甫落枱, 已聞到很香的沙茶味! 立即想起前段時間在台灣食到的味道. 吸收了沙茶味的雞肉嫩滑好味, 一件一件停不下來.食過雞後, 接下來也到了打邊爐時間. 我們選擇了西班牙伊比利亞黑毛豬肉片, 肉質爽滑彈牙, 涮過沙茶湯底後, 濃郁的沙茶味與黑毛豬肉份外夾, 又是食到停不下來.除了雞和豬外, 套餐內還包括了多款特式丸類和餃子拼盤、手工即炸響鈴和炸魚皮, 更可以無限追加各款火鍋配料: 如蔬菜、麵、肉、魚片、丸和餃子等! 另外, 飲品也是任飲, 有多款選擇, 如砂冰, 奶茶, 水果茶等!! 一大班朋友黎食都完全可以照顧到每一個人的胃口! 哈哈!我平時也好食響鈴及炸魚皮, 這店的份量超大, 響鈴比我隻手掌還要大! 香脆好味! 第一次食墨魚汁鳥結糖, 是墨汁味道, 口感煙韌, 又幾得意喎! 幾款芝士丸的芝士味香濃, 好味!其實套餐提供的食物份量很足, 基本不用再追加配料也很飽!最後當然少不了甜品作結, 雖然天氣時凍時熱, 但能食得滿足, 也算是開開心心過日子呢!!…查看更多

新一年, 也要繼續到處食好野! 新一年當然要試試新野, 和友人去了位處深水埗的米苔目餐廳! 熟悉的台灣食物不外乎牛肉麵、大雞排、肉燥飯等. 原來米苔目也是台灣食品, 更是台灣著名風味美食, 但對於我和友人來說, 卻是新嘗試!米苔目多是加入內臟的配料, 但為配合香港人口味, 老闆特意把米苔目結合車仔麵, 有超過20款配料和5款湯底供客人選擇. 另外還有多款小食. 雖然餐牌只有兩頁, 但選擇可不少, 而且牆上貼了各款美食的相片, 樣樣望落都好吸引, 我和友人樣樣都想試, 都揀左一大輪, 先終於落完單等野食!最先出場的是日本櫻花可樂, 粉紅的外型相當討好! 我和友人忍不住拍了好幾張相, 哈哈! 櫻花可樂沒有平時可樂的味道, 但味道清新微甜, 我和友人忍不住說要買枝之後飲. 涼泮皮蛋 – 皮蛋擺放如花型, 秀色可餐! 淡淡的麻辣味在口中揮散, 不會過辣的感覺讓人忍不住食完一件又一件.軟橋招牌Q彈豆腐 – 果然食如其名, 口感Q彈, 質感軟滑, 雖不像平時所食的豆腐, 但香口滋味, 而且份量十足.花雕醉香豬雙脆 – 如果喜歡花雕味的你千不可錯過這道小食, 豬舌軟腍, 豬耳爽脆, 再配上花雕味和香口芝麻. 好味!主角登場了! 牛肉鮑片豬骨湯底米苔目.先試米苔目, 米苔目外型有點像狗仔粉, 小小一條, 但口感彈牙, 香滑美味, 而配料牛肉肉質香滑入味, 鮑片彈牙滋味, 偶而把米苔目配著椰菜和韮菜食, 滋味滿分! 份量十足, 我和友人食得超飽.當然, 一餐美食又怎可少了甜品!兩顆甜心 – 一顆可愛的心型糯米糍放到另一顆切開的白色糯米糍內, 賣相吸引. 口感軟糯, 蓮蓉甜度適中.嘉義麻糬 – 口感更軟糯, 更甜.…查看更多

今個星期天氣突然變凍, 當然要食番個火鍋暖一暖身! 鐘意海鮮的我, 當然選擇蒸氣火鍋啦!今日與友人來到位於堅尼地城的潮福蒸氣石鍋, 一嚐好滋味! 甫入門口便看到各式海鮮, 新鮮生猛!室內是中式酒樓的設計, 寬敞舒服.我地二人二話不說便選擇了任揀任飲任食海鮮餐, 一於樣樣試齊! 不過menu仲有好多選擇, 可以散叫, 小炒, 飲品和不同的海鮮餐等.首先奉上足料老黃瓜燉唐排, 滋潤一下. 侍應很快奉上色澤金黃的乳鴿, 香氣撲鼻. 乳鴿外脆內軟, 肉質嫩滑多汁, 好味!!接著便開始今晚的海鮮盛宴啦! 別忘了先到汁醬區調配喜歡的醬汁哦~花甲、北寄貝、青口鮮甜味美, 不一會便消滅掉了.龍蝦雖然望落有點小, 但原來啖啖肉, 而且清甜滋味, 配上蒜蓉, 好食到停不了口.再來的鮑魚上舖了蟲草花, 別有一番滋味. 象拔蚌鮮味彈牙, 蒸海鮮中我每次必食. 墊底的粉絲吸收了鮮味, 超級好食!聖子和元貝也是啖啖肉, 再眾多海鮮中, 一點也不失色, 鮮甜好味.最後當然少不了吸收了以上各種海鮮鮮甜味的粥底啦! 清甜綿滑, 拿來作為一餐海鮮餐的作結最適合不過了!…查看更多

星期一也要食餐好!! 蒸氣火鍋在香港已經盛行一段時間了, 今天終於與友人一起來到正宗水上人蒸氣鍋專門店一試其味!!  正宗水上人蒸氣鍋專門店的Reception在一樓, 旁邊還有周中師傳的推介照片 . 餐廳要上一樓, 上引水產在入口處, 各種新鮮的龍蝦、蟹、魚和貝類在暢泳, 看來今晚定能大飽口福了 !! 餐廳設計典雅, 樓梯旁的古詩、座位旁的竹枝和掛畫, 清新淡雅. 甫坐下, 便看見這個大竹蓋, 餐具小巧帶點和式設計.今晚選了這個看著也覺得豐富的A餐, 每位$398, 包括波士頓龍蝦、奄仔蟹、象抜蚌仔、貝類、豬肉、菜和豬骨粥 . 另外亦有多款海鮮可以散叫! Like Facebook更有蝦刺身送呢!! 落完單後, 便和友人先到醬油區自行混醬 . 超過18款不同的調料, 有辣有唔辣, 任君選擇. 我個人喜歡食海鮮時沾醬油和wasabi, 所以只取了這兩樣. 友人則好中式, 拿了蔥、蒜蓉和醬油. 這裡還有泰式可選. 取完醬油回來, 今晚的海鮮蒸鍋便開始了. 店員先把米、南瓜和豬骨放到大煲內, 再放上蒸架. 第一道海鮮也登場下鍋了. 蒸鍋旁的煮食按鈕上已有計時器, 不消幾分鐘, 計時器便響起, 店員立時來到, 掀起竹蓋, 我和友人頓時一起高呼 , 胭脂蚌都已開口, 超級肥美! 店員把胭脂蚌夾到我們的碟中, 還提醒我們小心熱, 很貼心呢! 胭脂蚌超級多汁, 一入口, 淡淡的鮮味夾雜點點咸味, 滋味非常 , 而且是無沙的! 再沾點wasabi醬油, 淡淡的wasabi辣勁沒有蓋過鮮味, 味道層次又更豐富了. 今晚食的貝類中, 我最喜歡胭脂蚌!! 真想再食一餐! 第二登場的是貴妃蚌和花蛤. 貴妃蚌清淡鮮味, 花蛤則是啖啖肉, 而醬油又能再把海鮮的鮮味帶出, 很配! 象抜蚌仔每人可分到約12條, 小巧可愛, 但彈牙爽口!  一條接一條停不下來, 不消一會便消滅了! 分量也算多, 食完剛剛好! 下一道菜也趕著登場!! 波士頓龍蝦乖乖躺在蒸架上, 等待被我們煎皮拆骨 . 龍蝦超多肉, 龍蝦鉗大概有半隻手掌般大, 很期待拆出來, 然後一口食掉. 二話不說, 我與友人拿起工具, 解剝起眼前讓人垂涎欲滴的龍蝦. 龍蝦肉汁滋味, 鮮嫩彈牙 . 品嚐龍蝦的鮮甜味, 也忘了一旁的醬油了. 哈哈!龍蝦鉗沒有事先弄碎, 用剪刀也顯得有點吃力, 這時店員立即給了我們這個小工具, 只需剪幾刀, 便可以輕易把內裡的龍蝦肉輕易刮出, 一口把龍蝦鉗肉放到口中, 鮮味甜味齊出, 爽口清甜, 非常滿足!! 此時久待一旁的奄仔蟹則顯得簡單易取, 蒸前仍見蟹腳在動, 新鮮生猛! 肉味鮮甜, 滑溜好味. 友人提議把蟹膏刮出, 留待一陣與粥同食, 不妨一試!! 海鮮過後, 還未夠飽嗎? 還有怪味豬肉和梅菜菜心呢! 豬肉肉質嫩滑, 配上調料(但嚐不出是甚麼味道), 咸咸的, 不錯! 菜心平時都是炒或者烚, 蒸還是第一次呢!! 還怕會不熟, 但幾分鐘便熟了, 菜心清綠多汁, 適合一餐大魚大肉過後, 清新一下. 快樂時間過得特別快, 最後來到南瓜豬骨粥, 剛才蒸的海鮮鮮味已滲入粥內, 南瓜的甜味, 海鮮的鮮味, 和豬骨的香味, 粥香綿而滑 . 即使已經飽了, 也忍不住食完整碗! 還不忘配上剛才的蟹肉和蟹膏, 或榨菜、菜甫食呢!! 滋味行總會帶來好心情 , 今天也不例外! 加上這裡環境寛敞, 店員也友善貼心, 食物質素也一流, 定必會再來呢!! …查看更多

難得到銅鑼灣工作, 一於相約友人一起食個晚飯, 聊聊近況. 入夜後的銅鑼灣一如以往地熱鬧. 和友人漫步於鬧市中, 不一會便到達晚餐地點“Green Waffle Diner”. 今晚想食點輕食和甜品, “Green Waffle Diner”便可以滿足這兩個願望了.約6:45pm到達, 餐廳內幾乎滿座, 幸好一早已訂枱, 甫到達便可安排入座. 這裡使用開放式設計, 環境開揚.餐牌選擇種類不少, 有薯仔、意粉、pancake、窩夫等。因為每道菜都好吸引, 一番深思後選擇了甚麼也有的多寶鑊仔薯粒($107)和期間限定的Red Velvet Rose Waffle($78), 一探是否物如其名般美. 下單後店員細心的問了甜品是否需要後上, 抵讚! 最怕餐廳一次過上晒所有食物, 也不知道食哪款才好, 食物也可能因放置太久而影響味道.不久, 鑊仔薯仔便登場了. 薯仔加上各式豐富配料, 香味撲鼻. 薯仔切得細細粒, 一口size. 炸得香脆金黃, 再舖滿煙肉粒、牛肉粒、洋蔥、野菌、兩隻水煮蛋和芝士. 外賣相當吸精, 所以忍不住相機食先.與友人匆匆拍照過後, 便立刻把薯仔放到口中. 薯仔外脆內軟, 濃濃的薯仔味配搭不同的配料, 變化出不同的滋味. 配著香嫩的牛肉, 配著甜甜的洋蔥, 又或配著惹味野菌, 啖啖滋味, 好食得停不了口. 這個容器能保持食物的溫度, 慢慢食, 邊談心事, 也不怕會冷落了食物. 枱上還備有不同醬量和芝士粉, 重口味的食客也照顧得到!差不多完成鑊仔薯仔後, 店員又一次主動細心地問是否需要上甜品, 時間剛剛好. 稍息一下, 便看到這個漂亮的甜品了. 平時窩夫食得多, 紅色倒是第一次! 除了堅立著擺放的紅色窩夫, 還有鮮雜果、soy cream和綠茶雪糕點綴. 滿滿一碟教人心花怒放.窩夫外層烘得香脆, 內層仍保持鬆軟香滑, 加點楓糖漿, 已令人滿足. 再配點軟滑的soy cream和冰凍濃味的綠茶雪糕, 一凍一熱, 一脆一軟, 口感極豐富. 都說女孩有兩個胃, 有一個只供甜品, 對著如此色香味俱全的甜品, 當然欲罷不能啦! 偶而食口微酸的鮮果, 感覺又可以多食幾口了! 溫馨提示, 這個窩夫是期間限定, 要試的朋友仔可要儘快啦~愛爾蘭百利奶油咖啡的賣相也不遜色, 香濃的咖啡上配著綿滑的奶油, 甜甜的味道不過份, 小啜一口, 淡淡的咖啡味於口內飄散, 讓人稍稍忘掉一天疲累的工作. …查看更多

台灣友人趁假期來香港遊玩, 所以今天帶她來這間米芝蓮點心店食點心. 這裡面積不大, 但座位不少, 所以感覺熱鬧!腸粉軟滑, 牛肉入味, 配上秘製醬油, 好味! 我可以一連食了幾件.每次食小籠包時都特別害怕會弄穿漏汁, 幸好今次沒有. 皮不算好, 剛剛好, 而且有淡淡的薑味, 好薑的我特別喜歡. 內裡肉汁充沛, 滋味非常!蝦餃皮晶瑩剔透, 厚度適中, 鮮蝦大隻隻, 爽口彈牙.友人因為好奇甚麼是反斗糕所以才點的, 原來是馬拉糕, 味道不過不失, 與平時食的馬拉糕無異.這裡食物質素不錯, 而且位置方便, 又抵食, 以後也可以再帶外國朋友過來體驗香港滋味呢!…查看更多

與友人仍感聊不夠, 所以隨便選了間甜品店. 可能只是約9點, 時間尚早, 店內只有4,5人. 不過晚點時, 都差不多滿坐, 可能因為附近甜品店不多?另外, 不論是器皿, 還是甜品種類, 名字, 價錢都像滿記, 不知道是否有甚麼關係. 哈哈.我在眾多選擇中, 選了楊枝金撈豆腐花. 楊枝甘露尚算足料, 有柚肉, 芒果, 椰果等, 味道甜甜的, 配上豆腐花食很夾. 除了有啖啖芒果肉外, 亦加了芒果汁, 香甜味十足. 再配上帶點微酸味的柚子肉, 清新好味. 甜品份量不少, 味道不錯, 下次再來太子食飯時, 也可以再來這裡食甜品呢!…查看更多