breadieee的個人專頁

街坊麵包舖竟然有麻薯波😍 見到真係俾佢嘅size嚇親，係我見過最巨型嘅麻薯波波！麻薯球$4 外皮偏硬同厚身，面層有少少類似菠蘿包皮咁，咬落微脆，食到牛油咸咸地嘅味~內裏組織就好似麵包咁，有好多又密又細嘅氣孔，空氣感少，所以口感上做唔到煙韌，而且偏硬，味道就少少甜甜地，同咸酥嘅外層幾夾，食完一個會有d飽🤣 佢似係用麵粉加糯米粉整成，冇用到木薯粉，所以質感唔似平時食開嘅又軟又煙韌，但係四蚊咁大粒麻糬波波真係好抵，下次經過我都會再買！另外黑芝麻糯米糍都好抵食，又大粒又足料，煙韌外皮包住流沙芝麻餡，可惜真係太甜，所以唔係我杯茶😢…查看更多

豪大大本身係賣雞扒，所以對佢嘅芋圓冇乜期望，點知唔伏喎！嗌咗碗芋圓豆花($36)一打開蓋見到成個碗都鋪滿曬芋圓地瓜圓，真係嚇一跳，目測都超過二十幾粒！我嗌咗走糖，而佢嘅芋圓都冇浸過糖水，食落只有微微甜味👍🏻 芋圓食落冇乜芋頭味，一次過食幾粒先有淡淡嘅芋頭香; 地瓜圓嘅地瓜味就比較出，味道十分天然😋質感方面兩樣中間有少少實，唔算非常煙靭，但係都好彈牙，唔錯！豆花就麻麻地，又硬又冇豆香，勝在份量夠多，不過芋圓始終係主角，我都估到佢唔會好食😂…查看更多

近年芋頭、芋泥的產品大熱，我去完台灣之後都會掛住嗰邊嘅芋頭牛奶，難得見到呢間店舖用芋頭做主題，就入去睇下有咩好飲~除咗芋頭系列之外，佢都有其他台式飲品同小食，而我最後就揀咗杯芋頭風暴(中size, 無糖)以$33黎講，size比我預期細，但係店員的確落足料，芋泥:牛奶1:1，冇溝水👍🏻芋泥綿滑幼細，味道非常天然，無額外添加糖份所以我十分滿意😍(有啲店舖會預先係芋泥入面加咗糖，客人冇得自選甜度呢一點經常令我卻步)底層嘅oreo亦為味道、口感添上層次，令芋泥牛奶飲落冇咁濟，三者撈埋都無違和感，唔錯！小建議: 要撈勻先好飲，如果唔係飲到最後芋泥同oreo會變得結身，好難用飲筒吸🤣…查看更多

呢排好想食芋圓，見葵廣呢間黃店有好多好評，就黎試下~店員話兩款糖水都係預先煲好，冇得揀甜度😥椰汁西米三色芋圓$37一拎上手真係好失望，椰汁底好水，完全冇椰香味，純粹係少量椰汁溝咗大量糖水三色芋圓分別有:地瓜圓芋圓紫薯圓，三款都偏硬，唔夠煙韌，而且食唔出有味👎🏻西米就正正常常，唔會過未熟或者煮到溶曬，但份量唔多$37碗芋圓以咁嘅份量同質素真係唔合格，唔明點解會咁多人推介，睇在佢係黃店份上條氣都順翻少少，但係絕對唔會有下次…查看更多

個人唔好拉麵，但屋企人鐘意食咁就黎試下啦~我叫咗雞骨醬油拉麵配牛肉，雞骨湯底唔會過咸，幾清甜👍🏻拉麵本身配有半隻溏心蛋，蛋白入味蛋黃半熟。粗曲麵掛湯力較強，略嫌唔夠彈牙; 牛肉則用上肥牛片，雖然份量算多，但可惜太肥，冇乜肉味😣另外點咗幾個小食蒜香和牛粒: 和牛粒唔會過老，生熟啱啱好，配上大量炸蒜十分野味😍芝士玉子燒: 玉子燒質地紮實，面層燒得焦香，味道偏甜，如果芝士份量多d就會更滿足自家製炸手羽: 上枱時新鮮炸起，熱辣辣，雞皮香脆唔油膩，雞肉保持鮮嫩多汁，唔錯！拉麵店食物高質，下次會再黎食😋…查看更多

呢間糖水舖已經開咗一段時間，bookmark咗好耐，終於有時間去食。佢主打芋圓，menu上面有好多唔同配料嘅配搭，我揀咗自選冰(芋圓+地瓜圓+粉粿+芋頭)😋 一拎上手就知好足料，底層放咗碎冰，上面鋪滿配料，芋圓地瓜圓夾夾埋埋都超過都十幾粒，另外有三舊芋頭同埋四大舊粉粿，算係抵食👍🏻芋圓同地瓜圓偏大粒，口感實淨彈牙，食得出微微原材料嘅味道; 粉粿滑溜煙韌，甜甜地，同我喺台灣食到嘅一樣; 芋頭亦都煲得夠淋而又未至於粉爛，保持質感。 但可惜成碗野對我嚟講實在太甜，芋圓地瓜圓本身浸緊係糖水入面，令天然材料嘅香味都被蓋過，芋頭亦都落咗太多糖，令到佢甜得好犀利。雖然我已經叫咗走糖水同少煉奶，但仍然過甜，連碎冰都減低唔到甜度😢 除非你係螞蟻人，如果唔係要慎選！…查看更多

麵包舖位置較偏，一入門口見中間的櫃放滿迷你包，好多款式，價錢係以g計，感覺好均真，包控表示可以一次過試好多款好開心😋迷你紫薯芝士: 個樣幾特別， 但其實只係一個麵包加幾粒細細粒嘅紫薯同少量芝士係面。芝士同紫薯粒都冇乜味，而且兩樣都有d硬，似係食咗一個普通偏甜嘅包迷你朱古力冬甩: 初初夾嗰陣見到墊底張紙好油，以為會似放題食到嗰d一pat油淋淋嘅麵粉漿咁，但佢唔係！唔單止一d都唔硬唔乾，食落仲唔油膩，偏軟熟，淋喺面嘅朱古力醬就唔太突出，純粹只係用嚟裝飾，整體甜味比較低，有驚喜！迷你朱古力牛角酥: 中間有少少朱古力醬提升咗甜度，但就同我預期嘅一樣唔酥脆，亦都較油，欠牛油香芝士qq波: 細細粒，一啖食得曬，外皮唔乾身亦都唔油，內裏煙煙韌韌，有咬口👍🏻芝士味唔會好淡亦都唔會好濃，咬耐d芝士味就越黎越香，食完之後芝士嘅鹹味先會出，第一次食到咁嘅芝士麻糬波🤤我total買咗5粒芝士波，以上甜包每樣1個，夾埋只係$23，幾抵食！下次會試埋其他款😋…查看更多

呢到d麻糬波波大大粒，脹卜卜，除咗成日見嘅芝士同朱古力之外，仲有菠蘿皮款，一於每樣都買黎食😋$5/1, $13/3芝士同朱古力味道兩個都偏淡，朱古力味係用咗朱古力粉整，表面望落以為有朱古力粒，但其實係冇嘅，朱古力粉落得唔夠，感覺只係用黎上色。芝士味有少少芝士醬嗰隻甜味，咬耐d會食到微微芝士香。菠蘿皮嗰款就比較特別，係原味麻糬波加菠蘿包上面嗰層酥皮，咬落又香又鬆脆🤤一路食d皮係咁跌，食得好'le hea'🤣味道黎講三款都較淡，口感上偏軟但仍然煙韌有咬口，同時亦唔會甜或者油，以咁嘅size黎講價錢可以接受！…查看更多

麻糬波波粒粒都脹卜卜，size算係中間偏大 $9/2, $16.5/4我唔鍾意食芝麻，所以就買咗另外兩款味，俾錢嗰陣唔知點解2粒係$7.9，不過我都冇理咁多😆芝士味可以見到有dd芝士係面，包身少油，咬落去外層微脆，芝士味都出，食到有少少咸香👍🏻紫色嗰粒我食到好淡好淡嘅紫薯味(其實都唔係好肯定係咪紫薯，佢似原味加d紫色😂)雖然佢大粒同高身，但內饀空氣感都唔算大，口感偏軟身，少少煙韌。個人嚟講呢度嘅麻糬波波唔算十分煙韌，但 整體味道唔錯，芝士味出色，對得住個價，經過會再買👍🏻…查看更多

都有一排冇幫襯過a-1，今日經過見d麻糬波波幾靚仔，粒粒都脹卜卜，所以買咗黎食。$5/1, $21/5 有朱古力,黑芝麻,同芝士味我照舊都係食朱古力同芝士🤣唔知係咁啱今次d麻糬波較新鮮定佢進步咗，拎上手冇以前咁油，外面偏乾身而且微脆，入面依然咁軟糯。朱古力味係原味麻糬波加朱古力粒，所以唔會有好香濃朱古力味。係面嗰層嘅朱古力粒焗完之後會變到焦焦地咁，令外層更加脆口，有少少似食緊曲奇餅咁。佢整體甜度係黎自入面半溶嘅朱古力粒，甜味比一般牛奶朱古力低，就算一次過食幾粒都唔覺得過甜！芝士味雖然外面望落有d芝士絲，但其實好淡，似原味多d，要咬多一陣先會有微微嘅芝士香，但佢就比朱古力味軟身同煙韌，空氣感亦較低。…查看更多

yamazaki嘅麻糬波波由細食到大，咁多年黎佢個size都冇變過，一樣係細細粒。以前淨係得朱古力，芝麻，同埋芝士味，而家就多咗紅豆綠茶同埋紅莓，不過我都係鍾情於朱古力同埋芝士😆 雖然朱古力味入面冇朱古力粒，但係就用咗可可粉嚟整，成個麻糬波都都幾濃可可味，唔會太甜。芝士味亦都冇芝士絲係面，不過落咗大量嘅芝士粉，係數一數二有鹹香芝士味而非甜味嘅芝士麻糬波。唯一可惜係yamazaki嘅麻糬波波比較油，用手掂一掂手指都會有少少油笠笠，而且佢哋嘅品質真係每一間店都唔同🤣好彩的話你會買到啲size比較大，外脆內煙韌又冇太多空氣感嘅，但係唔好彩就可能賣淨啲細細粒，又淋又扁，甚至有少少硬嘅麻糬波。但我覺得yamazaki麻糬波波嘅味道真係唔錯， 所以都會keep住買嚟食😊…查看更多

位於鵝頸橋旁邊，唔起眼的小店但賣我最鐘意嘅中式傳統糕點。身位煙韌控就梗係買翻粒糯米糍食😋黑芝麻糯米糍$8/1講真係有小貴，但位於銅鑼灣呢個地段都冇咩好強求。不過好在糯米糍都好重身，外皮煙韌軟糯，唔會太淋，厚度適中(個人食糯米糍嗰陣鐘意食外面層皮多過餡😂) 黑芝麻餡唔會甜，份量亦多，就算減緊肥食翻粒過口癮都唔怕！ 整體口感同味道都好啱我，唯一挑剔嘅係外皮厚度唔太平均，不過我已經好滿意🥰下次經過想再試下其他糕點…查看更多

餐廳裝修色彩繽紛，有好多得意擺設，啱曬鐘意打卡嘅朋友👭就連餐牌設計同菜式名都落過心思，好特別好搞笑🤣今次我地叫咗🍕點解個個都叫軟殼蟹比薩架 同🍝可能會失望温泉蛋明太子意大利扁麵。可能係因為即叫即整，等咗一段時間先有野食。Pizza size唔係太大，兩個人share再叫多個主菜都絕對冇問題。pizza底薄身但又唔會過硬，加上芝士、千島醬同炸到外脆內軟嘅軟殼蟹，口感非常豐富，唔會油膩，呢個記住要趁熱食！相反明太子意粉就較遜色，唔夠熱之餘醬汁有d太傑身，要撈多d蛋汁先唔會過乾，不過整體味道都唔錯，扁意粉軟硬適中，上面嘅木魚絲同蟹柳增加咗味道層次，千島醬加明太子同蟹子都唔會唔好食得去邊😋個人認為食物嘅份量偏細，如果大碟多少少就perfect！不過餐廳都幾full，如果想黎食記得book咗位先~…查看更多

身為麻糬波波控，經過黃埔又點會唔行入去aeon買翻幾粒黎食呢到嘅麻糬波波真係好抵食，$4/1, $10/3，仲要大大粒，大A-1嘅成倍有多！要分成6-7啖先食哂成個🤣佢有3款口味: 芝士 朱古力 焙茶朱古力我最鐘意朱古力🍫味道係3款入面最濃，朱古力粒數量適中，所以唔會過甜芝士🧀就略嫌唔夠濃，偏淡，冇乜芝士嗰陣咸香味焙茶朱古力呢個味就好少見🍵佢係焙茶味嘅麻糬波再加上朱古力粒，但可惜茶味唔夠突出，而且整體偏少甜，應該係要迎合翻小朋友嘅口味雖然內餡空氣感較大，但係呢度嘅麻糬波波性價比仍然好高，差唔多個個排隊俾錢嘅都買成3-6個黎食，所以清得好快，大家想食嘅話唔好太晏先去😝…查看更多

見到某app book有得半價，所以決定一於黎食炸雞🍗menu有好多唔同口味嘅炸雞/烤雞，仲有其他野食，比我想像中多菜式。對芝士0扺抗力嘅我就叫咗三重芝士脆雞🧀一上枱就好香芝士味，雞嘅份量亦都多，係炸雞底下嘅Mozarella cheese仲可以拉絲添😋點埋麵包入面嘅cream cheese醬真係三重芝士享受！可惜炸雞並唔係帶骨嘅雞件，雖然比較容易食，但感覺唔夠香。麵包係冇烘過嘅普通提子麥包，size偏細，麵包同cream cheese醬兩個都偏甜，一齊食會少膩。食耐咗d mozarella cheese會變硬，要好大力先'liu'得起，所以大家最好襯熱食啦！…查看更多