VickyLo2391的个人专页

今次嚟到大角咀覓食係OpenRice見到呢間咁受歡迎嘅餐廳 咁就慕名而來 滿心期待入嚟食西班牙菜大家介紹嘅相片都好吸引咁我哋今次就嗌咗西班牙海鮮炒飯 黑松露扁意粉 同埋德國鹹豬手我哋見到好多台都嗌咗西班牙海鮮炒飯我哋好期待 結果一嚟到友人食咗一啖話冇味 仲以為係佢重口味啦 我哋再一人是一啖 如果瞌埋眼食嘅話 我會以為自己食緊白飯 真係超級失望 仲要成$300跟住黑松露扁意粉 叫做好返少少 但都係唔係好食最滿意都係鹹豬手 炸得唔錯但係我真係唔明白點解咁多人介紹西班牙海鮮炒飯！真係食到我哋一肚火跟住開頭俾咗兩碟脆片 仲要收$80 真係食得好唔開心 服務人員嘅態度都唔係特別好 唔會再有下一次！…查看更多

今次揀咗平日嘅放工時間過嚟試一試我哋大約七點到達舖頭 門外有10多名顧客等位舖頭入邊已經爆場大約等咗20分鐘入到去喺門口嘅時候一路睇餐牌發現咗自選魚生飯今次叫咗$115嘅魚生飯 包括兩片中拖羅 同埋四款自選刺身飯嘅種類都有好多 有白飯 醋飯 冬菇醋飯等等咁我都係揀返最普遍嘅醋飯而自選刺身有差不多40款今次揀咗火炙左口魚 帆立貝 海膽魷魚 赤蝦首先講一講主角中拖羅 拖羅入邊冇根 識落都好肥美火炙左口魚 認為如果再燒多幾下會好食啲 但係入口嘅感覺都係好肥美 有油脂感帆立貝 大細適中 鮮味都十足海膽魷魚 配飯一齊食好夾 要大大啖赤蝦就普普通通呢間舖頭最好嘅係對大食嘅朋友 飯可以任添…查看更多

今次係第二次到訪呢間餐廳第一次是都返銅鑼灣分店吃午餐午餐也是非常推介的 包一個main 然後其他是半自助餐形式 在午餐的這一次 就已經試到呢間舖最出名嘅青口真係令人回味無窮今次一同三人到鰂魚涌分店食晚餐餐廳嘅佈局都係比較昏暗 好適合朋友聚會傾偈起初我哋願望仲以為冇開門我哋今次叫咗三樣主食包括牛排 青口 及一個意粉青口跟醬汁融合得令人一個接一個吃 青口也是非常新鮮今次初嘗左牛排五成熟 真係令人喜出望外一入口牛味十足 配合煎既味道 牛既肉質都好鬆軟好喜歡這個牛！拿起酒杯碰個杯 完美了…查看更多

現在香港實在太多珍珠奶茶店以往在銅鑼灣實在太多選擇黑糖都開始飲到悶嘅事候朋友呢一日同我黎到荃灣就馬上說超推介這杯王牌大甲芋頭鮮奶我地就一齊買咗黎試平時飲開微糖既我 今次店員竟然話呢杯嘢飲係唔可以少甜 我仲諗一定好甜啦但係竟然非常驚喜甜度剛剛好 充滿鮮奶香味 加上芋頭芋泥 口感非常好 5分鐘不用就將佢飲哂！接下來每次經過我諗我都會忍唔住再買一杯呢杯真係係香港都飲過好好飲嘅奶類飲品🤣🤣真係超級推介大家去試試！…查看更多

已經有接近2年冇踏足過泰國突然好想念泰國既味道咁就拎起電話嗌咗泰國菜外賣九龍城非常多選擇 今次隨意叫咗一間今次5次叫咗4個粉麵飯包括泰式炒粉絲 泰式炒金邊粉 泰式炒河同埋蟹肉炒飯 蟹肉炒飯炒得好金香 入口品嚐到蟹肉 炒飯好有鑊氣 而今次最喜歡既係泰式鳳爪 酸辣味並重 好開胃 茄子豬頸肉有小小失望 因豬頸肉數量實在太少豬肉碎生菜包味道辣番d會更理想 但係味道都係好的 而生菜嘅數量都好足夠呢餐飯都總算解咗我嘅想念之情 尚算不錯👍🏽…查看更多

喺尖沙咀想搵台式飲品 一搜尋最多人推介嘅就係小黑塘我哋今次點咗咗兩杯嘢飲古早珍珠奶茶（$24）同埋 葡萄柚四季春（$24）星期一嘅晏晝時分都有幾個人排隊大約等咗10分鐘拎到嘢飲葡萄柚四季春 3分甜 甜度都非常足夠甜度都有覆蓋到葡萄柚少少苦澀嘅味道 配合得好完美 推介推介…查看更多

今次喺將軍澳覓食工作嘅空檔時間嚟咗呢度食下午茶因為工作繁忙 因而三點幾先可以食晏晝肚餓嘅我哋見到台灣野 就即刻入咗去坐低 呢度落單係需要行去收銀枱度落單 但係佢會有專人送餐過嚟你嘅枱面 唔需要自取下午茶價錢真係好抵食價錢都係大約$50以下 有埋嘢飲今次叫咗鹽酥雞扒麵 加配小食 涼拌青瓜同埋滷蛋鹽酥雞扒麵 配埋台式紅燒湯底 非常夾 呢個價錢真係覺得非常之抵食涼拌青瓜如果有埋辣汁仲會更加完美用咁抵食嘅價錢食到咁多嘢 味道又唔錯 我都非常之滿意…查看更多

星期五嘅晚上 口痕好想食酸菜魚咁今次我哋二人黎到旺角覓食搵到呢一間酸菜魚過嚟試試因為今次得兩個人 我哋就叫咗一個人見人愛酸菜魚加寬粉 同埋一個土豆絲涼拌菜人見人愛酸菜魚加上寬粉真係人氣配搭寬粉加上酸菜魚嘅湯 真係非常滋味酸菜魚魚肉好滑 小辣亦都唔會好辣魚嘅份量亦都唔少 我哋兩個人食好足夠酸菜配合埋魚真係冇得頂 令人回味而土豆絲涼拌菜味道比較普通 下一次會再試其他小菜本身都好想試埋麻辣香鍋 但今次只有兩個人食唔晒 下次多啲人再試埋先得！…查看更多

是老熟客了 每次在深水埗都會諗起呢一間食店食咗一次之後真係返唔到轉頭成日都心思思諗住佢 平時喺出邊食嘅餃子多數都係豬肉餃同埋韭菜餃呢度最特別嘅同埋最好食嘅係上湯西洋菜餃簡直可以用完美來形容 皮薄餡靚湯底係用魚湯 飲落都好正 次次都會飲埋湯西洋菜餃依家$30一碗 有八隻 食完都好夠飽叫多一杯豆漿 真係滿足晒嗌多一份煎韭菜餃 真係錦上添花兩個人share一份就啱啱好另外仲有生餃可以買返屋企煮 不過我都係鍾意喺現場食多啲 因為可以飲埋魚湯…查看更多

今次用咗商場嘅優惠券 買一送一平時我哋都係食開Very healthy mix但今次詢問過店員之後 話要買指定款式咁我哋今次就試咗$62既日本士多啤梨乳酪雪糕真係非常之抵食雪糕入邊有日本士多啤梨 麻薯 脆餠 Brownie 同埋焦糖餅碎 士多啤梨百力支入邊嘅配料同雪糕真係好夾 最鍾意係焦糖餅碎配合埋乳酪雪糕一齊食開頭仲以為自己食唔晒 點知食下食下好快就已經KO哂一杯 試過呢一杯之後 真係有少少返唔到轉頭 覺得佢仲好食過平時食開嘅very healthy mix…查看更多

週五嘅晚上梗係要Happy Friday la今次係第二次食呢間餐廳上一次嘅時候冇食到燒肉 有少少遺憾今次再過嚟試 我哋大約等咗半個小時可以入座9點入座食到10點 唔係好夠時間俾大家傾偈但係大家都食到好飽好開心今次我哋嗌左牛肉飯卷 燒肉拼盤 同埋年糕鍋嘢飲嗌左西瓜燒酒🤩 乾杯🍻牛肉飯卷就好似平時食到嘅飯卷咁 年糕鍋入邊有年糕 公仔麵 魚糕等等嘅材料最為驚喜 就係魚糕 好好食！公仔麵加埋啲湯汁非常入味 年糕加埋啲汁真係超好食 ！必點跟住就係嚟到最期待嘅燒肉拼盤竟然仲有oppa幫我哋親自燒肉 首先牛肉熟先 佢會夾俾你 已經覺得非常之好食因為佢超得啱啱好 大約係七成熟到 唔會太老唔會太生因為往往自己燒肉 都拿捏唔到最好食嗰個燒肉時間 跟住就係五花肉 點埋醬汁真係非常滿足包埋生菜食 真係非常好 生菜好新鮮好脆配合埋五花肉真係正仲有好多款嘢食好想試 下次一定會再幫襯…查看更多

今次經過餅店 竟然唔係比蛋糕吸引住因為今次已經買咗蛋糕 經過餅店見到日本桃子酒做緊推廣價$100見到個樣貌好吸引 就買咗喺朋友聚會度飲桃子酒一開就聞到好重嘅桃子味🥰飲落都係桃味好重 水果酒來講真係好好飲😋…查看更多

今次入住帝京酒店 喺樓下見到帝京餅店嘅拿破崙做緊優惠價$108樣貌非常吸引 價錢又好抵我哋就買咗一個晚上做甜品🍮我哋四個人分了4份酥皮做得好鬆脆 中間嘅cream都好滋味拿破崙加埋一齊就剛剛恰到好處加埋芒果真係非常之夾😋😋…查看更多

今次一行4人嚟到旺角通菜街飲茶大約12點到 啱啱好過到嚟仲有一張枱唔駛等位 入到黎即刻叫咗11個點心見到最出名係牛肉 每日用手打牛肉做點心我哋今次叫咗牛肉燒賣 牛肉球 同埋牛肉煎餅三款都好彈牙好有牛味 而我最喜歡就係牛肉球 加上喼汁好惹味另外雪山叉燒包 同埋奶皇包都好值得推介食完11個點心之後再叫多咗三個點心試咗出邊茶樓好少再見到嘅紙包骨紙包骨好好味 但就缺點係黐住喺張紙 好難拎到出嚟食 但真係好惹味同埋好少再見到而最後一個食嘅係紫薯鬆糕 呢個就比較普通 …查看更多

今次1行4人到將軍澳覓食大約下午12點10分到店 前方有大約10個人等位我哋大約等咗35分鐘入座因疫情問題 店內只可以有40名人客所以都等咗一段時間先入到我哋叫咗四個午餐以及一個小食千島醬蟹子帆立貝薄餅 芝士好滋味而且可以拉絲每人一片好滿足第二款係豬肉漢堡 特別在於佢唔係漢堡扒 而係一啲豬肉碎組成嘅漢堡 跟住係黑松露軟殼蟹意大利粉 亦都係我最期待嘅 但係少少失望 覺得佢嘅黑松露味唔係好夠 但依然其實係幾好食 佢有好多菇好正 跟住最後一度係黃金蟹肉意粉 有半個蟹殼喺度做裝飾 跟住依個意粉真係入邊有蟹肉蟹喎 呢個係今日食過最好食嘅一度菜式 非常之入味…查看更多