April131400的個人專頁

一入到見到好多Figure，啱晒鍾意睇Marvel既朋友仔，仲有蝙蝠俠既朋友仔，仲有好多部大電視，可以比鍾意睇波嘅球迷睇吓英超，另外，仲設有一啲房間可以一大班人唱K。揀咗個海鮮餐，有三款煲選擇，招牌麻辣雞煲同麻辣鴨血，毛血旺可以食完再添加，金湯酸菜魚就只可食一次。呢個餐送本地手切牛頸脊，有時令海鮮拼盤（每位有五款）有鮑魚、蠔、海蝦、帶子、青口。佐酒小食，有木耳、麻辣雞腳、合桃。冰鎮鮑魚每位一隻。時令刺身拼盤一份。食完可以揀湯底再打邊爐，有多達30幾款火鍋配料任食，自製冷泡茶、樽裝可樂、紙包飲品、罐裝飲品任君選擇。除咗夜晚套餐抵食，午市同宵夜都係百幾蚊，好抵食，價錢先經濟實惠。夜晚開到凌晨兩點㗎！…查看更多

首先一定要介紹炎蔵「極致」6點拼盤$588拼盤有和牛肉腿肉、和牛上等肋肉、和牛龜之甲、和牛芯芯、和牛貝身（腹牛柳）、和牛友三角。和牛芯芯有個響亮的別稱『夢幻赤身』，是和尚頭中最稀有的部位，也是日本燒肉店超人氣稀有商品。 具有清爽的油香和甘甜細膩的肉質，可以感受濃郁和牛赤身的部位，值得一試！除此之外，和牛的其他部位都很可口，和牛的肉多汁細嫩、風味獨特，營養價值極高，肌肉脂肪中飽和脂肪酸含量很低、口感極佳！海鮮三味$188三味有帆立貝、蝦、魷魚。賣相已經見到好新鮮，但要燒得好食，好講火侯。帆立貝同蝦不用任何技巧，燒熟即可，魷魚燒既時間要剛剛好，唔會咬唔開，彈牙。石鍋和牛牛肉拌飯$128平時出面石鍋拌飯食得多，配和牛又另一番風味！…查看更多

檸檬雞肉沙律 $108沙拉的外觀就係色澤鮮艷、美觀可口、鮮嫩爽口、解膩開胃，主要係好食既基礎上仲可以減肥。用檸檬汁代替以往沙律既醬汁，非常病新鮮感！火灸牛 $98呢個菜式特別在於上菜既時候，侍應會用火槍即刻燒熟牛肉，唔使膽心會唔熟或者熟到咬唔開，廚房處理左，再配合埋火槍燒一燒，恰到好處！驚喜二重奏 $258有一塊小鐵板上放頂級肉眼牛扒同炸雞，仲有沙律伴碟。牛扒既色澤同香味都令人垂涎欲滴，香噴噴既炸雞，張嘴咬一口，滿嘴流油，雞肉既酥軟又嫩滑，真係美味無比。千層牛肉醬油鍋配手切面 $148套餐入面有泡菜同沙律仲有飲品，不失不過既菜式。烤牛肉水冷麵 $128其他商店水冷麵一般只配青瓜絲、蘿蔔絲、雞蛋、泡菜，第一次食用己炸過既秋葵及烤牛肉配冷麵，口感搭配好新鮮，值得一試。…查看更多

天氣近排凍左好多，好岩食D暖烘烘既野暖身。過去既聖誕同除夕都食左好多西餐，難得入到科學園，想搵D中菜食下，醫肚。行下行下搵到間食中菜既八方棧，照假期人流都唔少，但都唔需要等好耐位，入到去，就有侍應招呼，開茶擺位，俾QR Code落單，非常之快捷。烤魚配煲仔飯$498醬香野菌味烤龍躉仔(約1斤) 龍躉肉質爽脆，味道鮮甜，仲配有其他配料可供選擇，我就揀左萵苣﹑蓮藕片﹑鮮腐竹，以上配料配埋醬汁，非常合適！臘味排骨煲仔飯，臘味有臘腸﹑潤腸﹑臘肉仲有排骨，唔會飯多過餸，用砂做既煲仔飯真係有飯焦，將米的香氣、餸料的油香很好地融合，正呀！一定要食甜品。香滑燉鮮奶$51。入口的感覺不管是口感或味道，只能用一個字形容濃! 認真不錯！…查看更多

本身非常中意食辣，但食過呢個紅油湯底，完全唔敢講自己食得辣，雖然揀左小辣但食落都好似大辣咁，可以話小心謹慎揀。食物都好新鮮，份量都好足，半份既千層肚同肥腸都好多，一行四人都夠食。肉類除左呢啲都有好多比較冷門選擇，好似黃喉、豬腦都一樣有。不得不讚下師傅們既刀工，切到好薄，每個餸都好似花一般。色香味俱全。一定要介紹既蝦多士炸到好香口，唔只睇落金黃色，食落冇油溢味，越食越想食。環境設計都好有心思，古色古香…查看更多

玖子茶位於青衣長發邨商場入面二樓一個當眼位置，好容易搵到。入到去已經見到有好多古色古香嘅燈籠掛起，不知是平日嘅擺設還是為了中秋節掛上。店鋪左手邊有幾個小亭，三五知己一齊傾下計。周圍都有好多懷舊招牌都好有feel我認為食肉骨茶一定要同肥肉一齊食，否则就將好好嘅肉骨茶浪費了。脂肪會帶有甜味，能刺激食欲，增加唾液分泌，使食物更美味，再加上濃濃藥材湯嘅味道，非常可口！星馬雞嘅肉質細嫩，滋味鮮美，我本身唔食雞皮，但呢隻雞連雞皮都好滑，值得一試。另外，都有好多台式飲品。好似珍珠奶茶、各式各樣紅茶綠茶。仲有近排大熱嘅鴨屎香檸檬茶，銀花香單叢，俗稱鴨屎香，產自廣東潮州，為鳳凰單叢茶中的一種香型，因種在「鴨屎土」(黃壤土)，茶葉葉形似鴨腳木而得名。…查看更多

黑木亭係一間日式料理餐廳，有刺身﹑火鍋﹑壽司或是炸物都有，好多不同種類的食物都有提供，而且都好多選擇，唔會千篇一律。店員推介龍蝦刺身，可以有三食，三食好少係日式料理聽到，出於好奇心就試下。龍蝦刺身太有驚喜！美味鮮甜，清甜無腥，個人認為唔需要加任何調味都好好食。龍蝦鉗蒸蛋，賣相很吸引，不會有孔洞，蒸蛋都好滑，再搭配埋龍蝦的肉同汁，絕配。龍蝦蜆肉濃汁燴飯，燴飯比較似意大利飯的口味，吸收湯汁的鮮美、與醬汁達到完美結合，達到外部柔軟而中間仍帶點米心的口感。白飯魚干脆片，好香口的小食，但唔會有油溢味，好岩送酒食。什錦炸物拼盤入面有吉列廣東蠔﹑吉列蝦﹑炸薯條﹑炸雞軟骨。仲有三款醬汁，黑松露汁﹑茄汁仲有另外一個唔知咩醬！…查看更多

可以坐低慢慢食既串燒店真係唔多，而且裝修得唔錯，座位夠寛敞串燒既種類有好多，肉類都分左豬、牛、雞，細分雞既種類都有雞翼、雞軟骨，牛都有分牛肉串定牛舌。除左肉類仲有海鮮，魚都有細分三款、多春魚、秋刀魚、鯖魚。菜類都有燒茄子同燒韮菜，呢兩項串燒必食除左有好多串燒選擇，唔夠飽都可以點返碗麻辣燙，加多個麵底，湯底麵可以有辣有唔辣，任君選擇，仲可以點酒高興下，飲品最估唔到有熱既花茶，天氣咁熱，冬天先試花茶啦⋯⋯…查看更多

頭頂天花掛滿七彩繽紛唔同種類嘅花，好似置身花園一樣，梳化座位俾人一種放鬆既感覺，好岩三五知己嚟食飯。旁邊仲有一個充滿渡假風情嘅牆壁，影返張相可以呃下人去左旅行🧳精選晚餐可以選擇沙律🥗/湯再加一個主菜/另有飲品（咖啡、奶茶、檸茶、檸水）秘製法式龍蝦🦞濃湯龍蝦湯的精髓在於以龍蝦殼炒製熬湯，經過多重工序，味道濃縮再濃縮。龍蝦汁鐵鍋海鮮炒飯經過多種食材的翻炒及海鮮的調味...每一口都吃得到豐富又有層次的味道喔!伊比利亞豬肩肉配薯菜豬肩肉就算全熟都冇咬唔開，加埋醬汁好入味皇胎菊清火明目, 特別適合上班一族飲用，一個養生嘅茶甜品係朱古力蛋糕入口即化，膏狀的口感含在嘴裡慢慢化掉，賣相吸引，蛋糕面放上士多啤梨🍓同花花做點綴…查看更多

一入到去坐，座位都係木造。有一個開放式廚房可以見到係入面煮麵，好有日本feel，但侍應就俾左一個QR code自己落單，先知道原來係台灣菜，牛肉麵、台式小食、台式乾拌麵、飲品。牛肉麵可以揀湯底既濃度，有分三個等級亦都可以揀麻辣湯，有分辣度等級。湯底揀左中度，唔會濃到好似醬汁咁，又唔會淡到冇味，配菜用左油麥菜吸埋湯底，牛肉都吸晒湯汁，肉咬得開，麵底麵冇發漲晒，份量好岩兩個女仔開心share，好滿意呢碗麵…查看更多

周圍環境都好似好懷舊。有唔同既鋪頭，好似文具店、通渠🪠但要坐好入先影到好多。牆身有好多舊時既廣告牌，電話號碼仲係6位數，真係好認真。叫得茶居就一定係飲茶，好多點心都好有特色，有懷舊砵仔蒸飯，鳳爪排骨飯、鵪鶉蛋燒賣、仲有啲燉湯都有兩款，蟲草花燉雞湯同螺頭燉瘦肉湯、中式甜品，好似燉鮮奶、紅棗糕、榴連糕，手拉古法腸粉，煎炸點心。XO醬蘿蔔糕呢個好值得推介，炸得好金黃，十分香口！八珍糯米雞入面有隻鹹蛋黃…查看更多

餐廳既有一幅牆係掛滿好多繪馬，另一邊擺放一個郵筒，可以俾客人放填上個人地址的名信片。名信片寄出後，客人收到名信片，先可以留下一次消費滿$500可減$80，係一個挺特別的宣傳方式。調味料都有好多種選擇。滷水食品都有好多款式，滷水大腸﹑滷水豬腳，豬腳炆得好入味。除左熟食，仲有好多甜品。甜品好特別用以前飲茶既茶盅裝住，份量剛剛好，可以叫多幾款試。仲有台式飲品可以飲。最值得讚係店員都好友善，送餐同清走吉碟速度都好快，正！…查看更多

午餐要同同事開會，今次公司揀了銅鑼灣樓上西餐廳，這間西餐廳全是梵高氣息，老闆十分熱情，知道我們是公司開會，都有講說餐廳有包辦公司宴會，情人配對，一條龍服務 點了莫薩里拉芝士焗龍蝦意大利粉及頂級西冷沙律配柚子醋沙律汁 是日頭盤，鴨胸肉粒沙律，配上青蘋果粒西芹粒，份量看似少，但真的剛剛好，沙律菜配上黑醋汁，很開胃而西湯有野菌忌廉湯配櫻子仁包另外一碗是紅湯配麥皮包，忌廉湯口感順滑，老闆介紹98%野菌即是用上8款磨菇煮成，十分濃郁 薩里拉芝士焗龍蝦意大利粉，龍蝦肉有龍蝦鉗份量多，芝士配上龍蝦膏很濃郁，而意粉汁是芝士配車厘茄忌廉汁很夾，意粉份量十足 頂級西冷牛扒煎得很香口，生熟度剛好不太生但又容易入口，雖然牛扒份量很多，但沙律配菜一樣有誠意，起碼有一半沙律菜，可以解油膩 甜品是朱古力慕絲，曲奇餅很適合打卡，連甜碟都很令 總括，食物質素餐廳氣氛很好，老闆員工熱情，公司開會或宴會包場確實是很好選擇…查看更多

門口既環境有一個類似小拱門設計，好似去左外國既餐廳。入面既柔和燈光，有些座位設有橙色梳化，看上去就是愛馬士的顏色，每一張檯子上都設有一盞藍色蘑菇形的燈。半玻璃隔間入面見到有員工非常認真地製作緊手工制意粉，仲有一個小吧檯可以小酌一杯，餐廳最入面的檯都可以望到外面的風景，全都是落地玻璃窗。Meatballs(每份3粒)$90香烤牛肉丸﹑香辣肉醬﹑蕃茄及羅勒。羅勒口感會較不青澀，氣味也較淡，與蕃茄配合更能添加風味！同中式牛肉丸不同，唔會係食落彈牙，相反，會食到入面有好多汁。Crocchetta(每份3粒)$90蘑菇炸丸子及黑松露蛋黃醬。蘑菇同黑松露既味道好重，但兩者都冇蓋到大家既味道。Linguine Vongole$150蜆肉意粉﹑蜆﹑辣椒﹑大蒜。手工意粉經人手搓揉，表面凹凸，相對平滑的機製意粉更有掛汁的效果。…查看更多

兩個人食，大家都唔想諗食咩。直接叫左Set Dinner。同一般Set Dinner 冇差別，一樣有是日沙律有日式螺肉配沙律菜，仲有一片蒜茸包配紅菜頭湯。主菜係威靈頓牛扒，有細細粒嘅薯角做配菜。南瓜意大利飯，我中意意大利飯口感，仲有果汁。甜品係我最期待嘅環節。由於二人Set Dinner可以選擇兩款不同嘅甜品，兩個人一齊開心share，朱古力心太軟同宇治金時窩夫，兩個甜品都有雪糕，份量都唔細，成餐飯兩個女仔食岩岩好…查看更多