dare.toeat的個人專頁

燒賣包之前就有食過,咖哩魚蛋包我真係第一次聽😳,見佢細細個仲要賣緊4蚊咋😱😱咁抵食梗係要try try 先🌸咖喱魚蛋包 $4咖哩魚蛋包的的骰骰size袖珍,比起平時麵包佢嘅size會細啲,包住1粒咖喱魚蛋, 咖哩味道比想像中辣得多😵, 麵包同魚蛋好似分開食緊兩樣嘢咁🫣,係基本上唔融合嘅🤣同埋魚蛋可能放得係麵包到太耐,變咗會冇咩彈牙嘅口感,不過$4咁平又抵食買咗唔啱口味咪當試吓新嘢🤣🤣﹍﹍﹍﹍﹍﹍﹍﹍﹍﹍﹍﹍📍金屋麵包西餅新蒲崗𧗠慶街44號地舖…查看更多

太子地鐵站附近嘅呢間懷舊餅店,經過都會聞到一陣陣香噴噴嘅曲奇餅味道,招牌嘅牛油曲奇更加係成日賣晒!牛油曲奇最少可買4oz, 約有10款選擇,有朱古力醬曲奇,士多啤梨果醬曲奇,藍莓果醬曲奇,咖啡味曲奇等~🌸牛油曲奇 $68 半磅@3隻味原本其實只想買4oz ,但要半磅先可以揀3隻味,掙扎下都係寧願食耐啲試夠3隻味🤭, 牛油曲奇只得號碼牌,冇標明味道,所以都係憑賣相去揀, 我就揀咗朱古力醬, 紅莓果醬同杏仁呢3款😚曲奇牛油味重,口感鬆化,令你忍唔住食下一塊又一塊,款式雖然傳統但簡單得嚟依然好味,可惜食多幾塊就有少少乾,揀有醬嘅曲奇就會好啲🌸朱古力醬曲奇朱古力醬呢款好受歡迎,見差唔多個個買親曲奇都會揀,果然係最好味🤤鬆化嘅牛油曲奇配一pat邪惡嘅朱古力醬,好香甜美味🥹🌸紅莓果醬曲奇酸酸地嘅紅莓果醬配上曲奇,味道甜甜酸酸咁, 所以食落唔會咁易膩🌸杏仁曲奇見呢隻味淨返唔多諗住咁多人揀係正野就叫左佢🌝,點知呢隻少少伏,主要係杏仁太硬好難咬,配埋曲奇我只感覺係乾上加乾😶﹍﹍﹍﹍﹍﹍﹍﹍﹍﹍﹍﹍📍車厘哥夫太子彌敦道760號聯合廣場地下G29號舖…查看更多

念念不忘必有回響,店主取名念念大概就係希望食客「念念不忘」吧😚由專賣甜品嘅網店月食·甜點研究所到開設工廈𝘊𝘢𝘧𝘦, 廣受好評嘅甜品一試就知道佢多人鍾意嘅原因,原本係見𝘊𝘢𝘧𝘦設計簡約舒適,環境靜謐休閑,又可以探下貓店長🐈而去,但我諗下次再度回訪嘅原因其中之一一定係為甜品而去🤤👍🏻 𝘊𝘢𝘧𝘦 座位有限,假日去都要有心理準備等位需時～𝘊𝘢𝘧𝘦 雖無華麗裝修,但處處裝飾物都可見貓嘅蹤影,貓畫,貓形門鈴,牛奶盒型貓屋,貓抓板以及無數貓玩具,足見店主對4位貓主子嘅疼愛,將𝘊𝘢𝘧𝘦打造成一個日常都能比貓貓輕鬆玩樂嘅地方, 當日去更加見齊4隻貓貓😻😆,睇住佢哋玩樂食嘢瞓覺, 一邊觀賞可愛貓貓一邊享受甜點🍰真係令作為貓奴嘅我𣊬間感覺被治癒🥰🌸抹茶無花果卷蛋 $55除咗招牌甜品𝘵𝘪𝘳𝘢𝘮𝘪𝘴𝘶 牛角窩夫,卷蛋亦都相當受歡迎,當日去到只剩低呢款,好在本來就想食抹茶卷蛋😆,卷蛋內包住濕潤軟滑嘅抹茶𝘤𝘳𝘦𝘢𝘮 ,而且茶味十足, 濃度令人驚喜🤤🤤成個卷蛋濕潤唔乾,無花果天然嘅甜味加添果香,私心希望佢會出埋抹茶麻薯卷蛋🥺🌸玄米茶拿鐵 $44呢杯玄米茶拿鐵茶香較清淡, 賣相冇佢其他茶飲/咖啡咁靚🥲,都係試咖啡更好～貓店長、精緻甜品、悠閑氛圍、柔和音樂，創造出繁忙觀塘區中一個舒適嘅𝘊𝘢𝘧𝘦～相信食客到訪此店都會一如店名一樣「念念」不忘❤️﹍﹍﹍﹍﹍﹍﹍﹍﹍﹍﹍﹍📍念念觀塘成業街15-17號成運工業大廈14樓1403室…查看更多

Fast Gourmet最近係尖沙咀新開咗分店, 位置方便而且200幾蚊就食到3個Course, 有晒主菜,前菜同佢哋最出名嘅招牌鹹味流心牛角包,呢個套餐真係抵食,價錢夠親民,仲要高質🥹做得foodie成日都會周圍食唔同新嘢,真係比較少會想再食同一間餐廳,但呢間真心想再encore 佢嘅流心牛角包🥐！😍🌸Three course soft opening signature menu$238 per 1 ppl▫️招牌鹹味流心牛角包▫️🌸法式龍蝦湯流心牛角包 對蝦敏感所以只係試下味食咗少少😂其他都係朋友食晒🤭味道好似海鮮酥皮湯😂,一切開龍蝦湯即刻流晒出嚟🤩, 熱辣辣嘅湯汁夾埋酥脆嘅牛角包,做到外脆內軟嘅口感🌸爆醬日本蟹膏流心牛角包 （+$28）雖然呢個要額外再加錢,但真係超好食🤤🥹,成個牛角包毫不吝嗇,塞到滿滿嘅蟹膏一切就會瀉晒出嚟,可見相當流心又足料,蟹膏嘅鮮味搭配牛角包原來都好夾🥹我要encore!😍▫️前菜▫️🌸慢煮雞胸凱撒沙律 最基本嘅一款沙律, 凱撒沙律上鋪上慢煮雞胸,再撒上一啲芝士粉,味道正常,我本來就唔太鍾意沙律😂🌸招牌流心布拉搭芝士沙律 （+$38）大大個流心嘅布拉塔芝士放喺新鮮嘅車厘茄上面,邪惡芝士配搭清新嘅車厘茄,平衡咗油膩感▫️主菜◽️🌸法國藍青口酥皮火山煲一見到呢個就即刻覺得好特別😍,上枱時會附上小槌仔等你扑開面頭嘅酥皮,夠晒有gimmick, 成個酥皮煲好吸睛啱晒打卡📷，酥皮裡面係忌廉汁煮藍青口, 將酥皮浸落忌廉汁到,索咗啲汁食好濃郁,藍青口細細隻但好入味食個不停👍🏻🌸英式威靈頓牛柳 （+$48）估唔到平平哋嘅set連威靈頓牛柳都有得食👍🏻,除咗牛角包,佢哋嘅酥皮亦都好好食,牛柳係全熟,肉質較靭有少少唔夠鮮嫩🙈🌸荔枝玫瑰紅茶芝味特飲 $52佢芝味真係極濃出乎我意料🥹,係芝士控會心動嘅一款, 面頭有濃郁嘅芝士奶蓋,荔枝玫瑰紅茶對比之下就差啲,茶味比較清淡,冰溶咗之後差唔多冇晒茶味,所以要襯快係未溶冰之前飲🫥﹍﹍﹍﹍﹍﹍﹍﹍﹍﹍﹍﹍📍Fast Gourmet尖沙咀彌敦道100號The One 6樓L608號鋪…查看更多

皇甘栗除咗一系列涼果,現炒栗子之外,仲有鮮果肉雪糕賣,當中最特別嘅係有話梅,栗子🌰,脆杏仁,開心果等味道嘅雪糕, 襯仲係夏日炎炎都值得試下,而佢哋以栗子最為出名,今次當然要試佢哋嘅栗子軟雪糕🍦🌸栗子軟雪糕 $38栗子軟雪糕標榜加入現磨栗子🌰,選用北海道3.5牛奶🥛,裝雪糕嘅可以揀窩夫筒,甜筒,朱古力甜筒同杯裝,栗子味唔算特別濃郁但勝在唔係人工嘅栗子味,奶味比較突出,滲透住淡淡嘅栗子味,甜味適中,雪糕夠滑,有啲似食緊栗子鮮奶露,如果能夠出個double 版栗子雪糕,加埋栗子泥係面相信更能滿足栗子控🤓﹍﹍﹍﹍﹍﹍﹍﹍﹍﹍﹍﹍📍皇甘栗鮮炒乾果專門店大埔寶鄉街51號華樂樓地下B號舖…查看更多

雙魚小姐連個店名都相當可愛呢～即刻諗起可愛嘅雙魚座家人🤣 呢間甜品店由網店經營到尖沙咀開咗實體店喇～店舖裝修高雅亮麗,黑白色tone主調搭配花飾散發優雅氣息,放滿排列相當整齊嘅樽裝飲品,罐子蛋糕同各類scone、軟曲奇,大概強逼症嘅人入去都會滿意🤣🌸松露奶油芝士卷 $48松露奶油芝士卷係佢哋招牌之一, 特調芝士奶蓋面灑上咸蛋黃碎, 搭配起芝士卷有驚喜,好似神還原奶蓋滋味😋,芝士卷底部仲沾上手工黃糖奶油醬,食起上嚟鹹甜交加,但怕甜嘅我覺得係有少少微甜😣🌸Latte $40樽裝飲品真係超方便,連包裝都富有簡約美,佢哋嘅咖啡都係人手沖製,採用無糖或低糖配方,有得揀明治4.3牛奶/燕麥奶調配,無添加同無防腐劑,所以只有幾日保存期私心我都係試最愛嘅latte😚口感香滑,咖啡同奶味平衡,飲得出冇另外再加糖,甜度低👍🏻latte真係日常不敗款🤣~ 除咗咖啡仲有海鹽黑朱古力奶,伯爵奶茶,抹茶牛奶等都幾多款揀﹍﹍﹍﹍﹍﹍﹍﹍﹍﹍﹍﹍📍雙魚小姐尖沙咀漢口道5-15號漢口中心地下9A號舖…查看更多

要數2023年嘅人氣王其中一個一定係千層吐司🍞,但有冇諗過千層吐司仲有個max級？😌就係萌爆嘅貓貓🐱款千層吐司喇!貓貓款吐司就見得多,千層吐司真係第一次見🤩先同大家say sorry先😣,今次出post又係享樂烘焙😂🙈,但新品係貓貓千層吐司仲要係黑朱古力味堅係難抵抗呀!😌😍🌸小黑喵千層吐司 $38差唔多40蚊1個千層吐司都有少少肉赤,但賣相咁萌🥹,又係邪惡嘅黑朱古力味當然想試🤭一開始少少唔知從何撕起😂,但搵到開端後都可以一片片撕到,千層吐司做成貓貓🐈‍⬛款仲可以撕成一片片,超犀利😂味道雖然唔算好驚喜,但依然好味😚入口充滿黑朱古力香味,唔會太甜膩🤓又保持到鬆軟濕潤嘅吐司口感👍🏻﹍﹍﹍﹍﹍﹍﹍﹍﹍﹍﹍﹍📍享樂烘焙新蒲崗大有街3號萬迪廣場地下E號鋪…查看更多

將軍澳想食泰國菜又多個選擇喇,餐廳地理位置幾近地鐵站,喺將軍澳A2地鐵站過條馬路就到🚦今次好多謝@thaigrillhk 邀請嚟試吓🤓,先發現到將軍澳有間價格親民抵食嘅泰國菜🇹🇭 設計用上木色調和諧舒服, 天花有兩盞好特別嘅草燈幾有度假風味🏖,牆上有「nothing bring people together like good food」嘅燈牌,無疑就係一個靚靚嘅打卡位📸設有室內室外座位,採用QR Code落單夠方便😎亦都係寵物友善餐廳嚟嫁☺️,所以可以帶埋🐱🐶一齊chill🤓🌸手打馬沙文咖哩 $88 （蒜蓉包1份+$35）食泰國嘢點可以唔食咖哩, 呢度嘅咖哩好香濃,又唔會辣,好似我咁唔太食得辣都完全無問題🤪,強烈推介要加埋蒜蓉包,烘到超脆嘅蒜蓉包攞嚟蘸咖哩汁,索晒啲汁食真係好正😍🌸泰式酸辣魷魚 $148酸酸辣辣嘅湯汁浸住魷魚🦑,食落係酸味較搶口嘅,所以我自己都唔覺太辣,魷魚底下仲鋪滿椰菜,椰菜索晒啲酸辣汁好入味🌸串燒（雞/牛）$48 三串 呢個係佢哋相當多人揀嘅小食,豬牛雞可以任意配搭,咁就可以試晒三樣/隨自己喜好揀都得,串燒燒得香脆,本身調味都夠惹味,鍾意花生味重嘅可以蘸埋帶花生粒嘅沙嗲汁,我自己就偏向鍾意食雞串😗🌸原條菠蘿海鮮炒飯 $98炒飯裡面有魷魚,青口,蝦,肉鬆,菠蘿,鹽焗腰果,配搭相當豐富,唯一麻麻地係有加到三色豆🥹,份量都幾多算係幾抵食,旁邊配有一整條已經切好嘅菠蘿🍍,炒飯配埋清甜嘅菠蘿肉,係泰國菜裡面算清新嘅一款🌸椰汁冰$38佢哋啲飲品全部都好大杯🙈,而且裝飾得好靚好啱打卡✨📸,泰式飲品一般都較甜,但呢度幾貼心嘅係佢有得揀加糖/唔加糖👍🏻,椰子本身有甜味我覺得唔加糖就夠香甜喇, 飲落有陣陣椰奶味,解辣唔錯﹍﹍﹍﹍﹍﹍﹍﹍﹍﹍﹍﹍📍泰grill 將軍澳唐俊街12號天晉匯1期地下G06號鋪…查看更多

享樂烘焙麵包真係幾乎從來唔會中伏🤤,除咗佢人氣超高嘅bagel 系列,其實佢有好多麵包都好好食🤤今次荃灣新店開張,當然要試吓佢新出嘅小山園抹茶麻薯牛角!🌸小山園抹茶麻薯牛角 $26用咗小山園抹茶🍵做成嘅抹茶cream塞滿牛角包裡面🤤,係相當有驚喜😳,好濃郁茶味而且抹茶微苦味突出,係我食過差唔多最濃嘅抹茶牛角😍,裡面仲有海量麻薯,面頭嘅抹茶脆脆雖然令成個牛角更美觀,但因為甜度相對頗高,我比較唔鍾意🌸明太子牛角 $22享樂烘焙明太子系列嘅包我都好鍾意,呢個明太子牛角一樣係好鹹香惹味,不過鹹味就有少少over左﹍﹍﹍﹍﹍﹍﹍﹍﹍﹍﹍﹍📍享樂烘焙荃灣街市街152號坤成樓地下6號舖…查看更多

荃灣嘅街坊一定知道民豐粉麵行呢間老店,無論幾時都要排隊,佢哋嘅餃子,爆餡糯米糍通通好出名,不過今次就食佢新鮮熱辣煎起嘅韭菜餅!唔知好彩定唔好彩🤣我買嘅時候啱啱就賣晒一批,所以買到等佢再煎過新鮮到爆嘅韭菜餅🌸韭菜餅 $15韭菜餅新鮮熱辣煎起真係流晒口水🤤,不過佢係屬於幾油膩個一款,成個紙袋都會沾滿晒油,成個韭菜餅唔算好脆身係比較鬆厚嘅口感,好在裡面有爆多韭菜,充滿住韭菜香,新鮮熱辣食都唔錯嘅﹍﹍﹍﹍﹍﹍﹍﹍﹍﹍﹍﹍📍民豐粉麵行 荃灣街市街35號…查看更多

呢間位於荃灣荃昌商場嘅餃子屋離遠就見到好多人等位,餃子好味到成日比人激讚,所以見到好多人等都照等位😚餃子都有幾多味可以揀,除咗韭菜/白菜/雲耳豬肉等傳統味道,仲有咖哩薯仔豬肉餃/京蔥羊肉餃/沙茶金菇肥牛餃等比較特別嘅選擇🌸芝士豬肉煎餃 $54@8隻煎餃超級大隻,形狀脹卜卜好飽滿,一隻差唔多等如人哋兩隻🙈外皮煎得極香脆,口感好正,裡面嘅肉餡好夠肉汁😳,第一次食到咁多汁嘅煎餃🙈可惜呢個味道揀得唔太好,個芝士豬肉煎餃係冇芝士味嘅🙈🙈不過好在皮脆肉嫩依然好食😋﹍﹍﹍﹍﹍﹍﹍﹍﹍﹍﹍﹍📍餃子屋荃灣西樓角路202-216荃昌商場1樓58號舖…查看更多

揉然地最近新出左一系列麻薯新品, 常見嘅甜味冰心麻薯款就有朱古力,檸檬,tiramisu ,海鹽焦糖,更加創新地有鹹味麻薯😯,明太子炒蛋麻薯相當特別😳🌸卵卵明太子麻薯 $26蛋同明太子醬嘅配搭基本上一定唔會伏,麻薯裡面塞滿炒蛋,多到一切開就會爆晒出嚟個隻🤓,明太子嘅惹味配炒蛋係好食嘅,唯一一樣係同麻薯真係未係太夾, 不過都欣賞店主勇敢創造新品, 鹹味麻薯真係令人意想不到,幾有新鮮感😚﹍﹍﹍﹍﹍﹍﹍﹍﹍﹍﹍﹍📍揉然地紅磡蕪湖街155號地舖…查看更多

呢間有百年歷史嘅日本神戶麵包老店係香港一直都keep 住人氣,假日都見有唔少人排隊買麵包價錢牌上都有介紹每款麵包嘅特色,令大家更易揀到心水嘅麵包食😚除咗一啲基本法包款,穀麥包,牛角酥等,仲見到唔少款式較特別嘅,好似牛筋咖哩包🤩！而且好貼心嘅係好多麵包款都有得買半個😍,完全可以比你試多幾個款🤓🌸牛筋咖哩包 $19呢個係沖繩當地熱賣之選,所以我都好快就揀咗佢🤣咖哩包做到外脆內軟,裡面包住濃郁惹味嘅咖喱😍,牛筋食落都軟滑又夠淋,不過係細細粒嘅所以冇咩存在感🤣🌸流心芝士包 $19反而呢個有啲失望,雖然佢嘅芝士食落都好香係好味嘅,但同流心真係冇咩關係🙈,而且芝士餡唔多🙈,大半個都係包🙈🌸宇治抹茶栗子圈 $15抹茶麵包有淡淡抹茶香,有粒粒紅豆同栗子粒係裡面,甜甜地帶茶香💕﹍﹍﹍﹍﹍﹍﹍﹍﹍﹍﹍﹍📍DONQ銅鑼灣軒尼詩道555號崇光百貨B2樓30號舖…查看更多

鍾意食純堅果醬嘅人又多個選擇喇,石硤尾一間以堅果做主題嘅小店,除咗招牌係每日有限定即磨無添加無加糖嘅堅果醬（每日兩隻唔同味,其中一隻固定係花生醬,另一隻味則要留意店內/IG公佈）,仲有各類特色小食同飲品,好似榛子醬/開心果醬多士,堅果/榛子奶茶等🌸開心果醬多士 $28花生醬多士就食得多,夾開心果醬都係第一次食😗,無添加無加糖嘅開心果醬夠晒天然純粹, 配埋烘好嘅麵包係簡單好食嘅小食😋但鍾意食甜多士嘅人可能就要揀番配焦糖煉奶嘅西多士,因為呢個開心果醬多士係完全原汁原味,近乎零甜味嫁😚📍All about nuts石硤尾偉智里1-3號白田購物中心地下13號舖…查看更多

新蒲崗呢間冰室一開張時曾經食過佢哋嘅早餐,味道ok冇咩特別,估唔到今次食佢哋嘅午餐竟然有驚喜!🌸滑蛋香煎雞排王者蓋飯 $58雞排雖然唔係厚肉質地,但雞皮夠薄煎得又好脆❤️,啖啖肉又夠香口😋秘製豉油汁撈飯一流！🌸 滑蛋鰻魚王者蓋飯 $75原條鰻魚超級足料,可惜我自己本身好憎碎骨,而佢鰻魚係有少少碎骨個種😩, 不過蒲燒汁味道鮮甜好夾鰻魚, 呢兩個飯同樣地滑蛋出色❤️,食材高質用咗日本蛋,食落有蛋汁唔會太熟,可以食好多碗飯😋﹍﹍﹍﹍﹍﹍﹍﹍﹍﹍﹍﹍📍原味冰室新蒲崗景福街83-97號昌泰大樓地下1號舖…查看更多