揾食開心貓的个人专页

黃大仙不但係市區, 又係旅遊區，價錢應該會比純住宅區貴得多，但又唔係喎，超級抵食。 兩個人，三個點心，新春價，約七十蚊，呢個絶對係驚喜價呢。年初二，和屋企人去黃大仙飲早茶和拜神…晨早約9點多到，根據前兩日既經驗，人應該不會多…意料之外，超級多人。不但唔可以揀枱坐，仲要搭枱…好奇怪…住呢區既人特別喜歡飲茶?遊客多?... 其實係街坊客多，雖然也有遊客，但只佔約一成…到落單，噢…更明白了，原來價錢非常便宜, 簡直是平日價…另外, 仲有晨早優惠點心紙…前一天去另一間酒樓飲早茶，是並沒有任何晨早優惠點心… 相比之下，差太遠了…服務方面，參考之前食評，完全沒期望。但又唔覺得有之前說的咁差，因為我地一坐底，待應就走來，同我地講優惠點心就過，要盡快下單…鳳爪排骨飯($13.8): 排骨有肉，絕不會全是骨…北菇棉花雞($16.8): 完全係非常抵食之選… 棉花有三大件既呢，北菇和雞亦不少，底部也有件大芋頭…香茜牛肉腸($16.8): 腸粉軟滑，牛肉餡料充足，不會有半條係布拉腸，所以每一啖都有濃濃既牛肉味…好味……查看更多

年廿九，同屋企人去維園行花市，順路去附近飲早茶…本來因為一個月前既食評，有黑椒魚雲而選這酒樓, 但好可惜, 已轉了點心紙，只有剁椒魚雲，應該會好辣，放棄食了…一大早，人不多。有好多枱可以自由選擇…因為怕坐位太凍，我地試坐完一張又一張，服務員不但無黑面，仲俾佢啲心得我地…攪到我都有啲唔好意思…坐底, 好快就送上茶壺，之後添水換水既速度都好快。我地係水怪, 不停飲, 不停添…. 服務員又好健談, 有時會同我地閒談下，但又唔會太打擾我同屋企人傾計…屋企人都好開心呢…銀魚排骨煲仔飯: 屋企人好鐘意食銀魚仔呢，一口接一口。結果係我無機會試，應該好好食既… 哈哈…飯就軟硬度適中…鮑汁鮮竹卷: 好感受到係朝早新鮮炸的，之後再放籠仔蒸，因為完全感受唔到任何油益味…正…鮮蝦炸雲吞: 這碟上枱時，仲係熱既呢。熱騰騰…我地仲要等一等先敢食，當然，入口係脆卜卜啦…真是驚喜……查看更多

1月中，朋友生日。不能正日慶祝，十分唔好意思，再擇一個日子補救吧。想找一個地方坐坐傾計，和可以暫時存放生日蛋糕既地方, 朋友攪手就提議呢間食店，朋友已經和男朋友去過數次, 信心十足。一行4人，叫咗唔少食物，全部都可以清晒。除咗因為其中一人胃口不少，食物亦都好美味。叫咗一個二人套餐，外加散叫幾碟食物…套餐沙律，三文魚沙律: 有一朋友喜歡食蔬果菜類，套餐沙律外，另加三文魚沙律…蔬果, 三文魚亦好新鮮…法式芝士洋蔥湯: 單憑外表圖片，絕對估唔到。湯面放了一塊香脆既面包類既干餅，可能我接受能力比較低，比較能接受傳統既西式餐湯… 香烤安格斯牛柳: 叫咗5乘熟，牛柳非常諗，肉內多汁，太好食, 更大塊會就更好了…哈哈, 有點貪心呢…黃金四色芝士pizza (配蜜糖) : 呢個朋友極力推介，果然唔錯，食法相當特別。食時自行加蜜糖係Pizza上面, 芝士配蜜糖，有啲驚豔…龍蝦意粉, 烤雞意大利飯: 龍蝦新鮮，意大利飯軟硬度適中… 香蕉朱古力Pizza:  呢個甜品又是令人驚喜，一開始已經想叫，但覺得個組合有啲怪，朋友提議一試，食落…哇… 唔太甜，底部又脆口…正..結論: 這店既Pizza 係絶對值得一試既…有機會再試試其他Pizza …查看更多

年初一, 食店啟市嗎? 已經係一個問題… 而屋企人新春期間係要出外揾食既. 今日去咗屋企比較遠少少既酒樓飲茶, 這食店年中都會去一兩次…待應比較特別, 喜歡招待相熟既客人, 因為清楚佢既運作, 知道今次去食服務唔會太差, 就安心去食…只係擔心會不瘋狂加價, 加3加4是常識吧.去到, 合乎預期, 服務都算滿意, 相熟既待應都係度…價錢, 竟然意料之外, 只是加1服務費呢, 點心價錢都非常合理… 食物質數亦合乎預期, 好食, 京式小籠飽, 內有好熱騰騰既湯呢.. 薑汁雞飽仔, 飽肉混合咗一條條既薑絲, 口感唔錯熱騰騰的食物絕對係吸引我地一去再去的原因……查看更多

從來我都好懶, 唔太鐘意做野, 只係鐘意飲飲食食…所以一路以黎都無意寫食評, 只係睇完人地既食評, 多好評既就跟住去食…覺得就算自己寫和其他人寫都差不多, 根本無需加入, 上兩星期同兩老食完, 睇法好有出入喎, 唔得, 一定要講….訂位兩個月, 啊~~~ 嚇暈了….究竟有無咁好呀…兩老其中一個係坐輪椅, 去到門口, 點入呢... 自己一個去門口問斜路係哪? 門口職員:”我去推吧, 你係呢度等等.”就係咁, 我只要手指一指, 職員就推到門呢…超窩心…去到餐廳, 兩個職員就好主動咁走去照顧兩老舒舒服服坐底..環境清靜光猛. 枱同枱之間有足夠距離, 私隱度好高…首先, 帶行動方便既去揾食先, 食物款式唔算特別多, 但都唔算好少既, 熱食, 凍食, 甜品, 刺身, 海鮮, 尤其鮑魚仔, 好新鮮, 好好味, 回到到枱, 依, 點解已經有食物呢, 嗶, 原來職員又走黎, 問行動不便既想食咩…?而且亦攞咗些熱食了…呢一刻, 真係覺得, 等兩個月係值得…食到中段時間, 職員又黎問兩老, 口味合唔合呀…?閒談間見到兩老前放咗碗印度紅花飯, 細心既職員就知道老人家去哪都要食飯… 但可惜全場只有好硬既紅花飯, 未必咬到… 就好主動問, “呢啲飯有啲硬, 應該唔合你心水…不如我攞啲白飯俾你吧?...白飯, 係全場都無既呢…我估應該係去隔中菜館攞既呢, 可以做到咁貼心既服務, 食完都再三回味...去食店, 有時除咗要食物既味道, 服務都好重要…呢份尊重, 呢份服務, 幾多錢值得…兩老每次提起, 都好開心咁話畢生難忘…有機會會再去……查看更多