minimind73的个人专页

一心諗住嚟食晚飯，落order搵個位坐低，等左四個字都未出嘢食，諗住沙律同湯都可以畀住先掛？點知望廚房見啲員工好忙嘅pack外賣，心諗唔係以為我地外賣呀？點知真係😒點會default個客係外賣…落單都無話外賣，員工亦無問…等左勁耐點知要拎走，仲諗住食完叫埋甜品，咁無計啦咪返屋企食…點知外賣份量勁少…我叫黑松露帶子意粉，帶子細粒過一蚊銀仲要劏半，洋蔥多過意粉，杯鮮檸愛玉微甜走冰，淡到好似茶記啲一片檸水咁….男友叫燒春雞，等緊個陣見隔離叫左好似都大份，外賣打開變雞仔…其實外賣個啲客又坐晒啲檯到等，真係有人堂食都唔知坐邊，真係堂食嘅又畀員工外賣送走…好差嘅晚飯體驗，無下次！…查看更多

尋晚去呢間食，上菜極慢，點完菜到追佢上菜到上到菜足足廿五分鐘，當時只有一半場嘅客，我得兩個人，點兩個菜，都咁慢...見到隔離早過我哋好多到都未上菜...仲要啲菜質素真係麻麻...鮑魚雞煲啲鮑魚韌到練牙力咁韌，碟炒雙蚌細碟得可憐...另一檯走咗，成半句鐘到我哋走都未有人執檯...而又唔係真係好缺人手㗎喎，啲阿姐喺度行嚟行去，仲得閒撩隔離檯嗰BB玩都唔執檯(定係嗰陣九點幾無下輪就唔使執？)。最後仲要收多我哋錢，酸菜無嚟又收我酸菜錢，張卡碌咗唔做void單但畀返現金$12我哋，但係酸菜加一嘅錢就係計返，用咗九折卡，張單係有減咗廿幾蚊呀，但總數其實無減到...因為事後先發現就無去追返.....呢間煌府同the one嗰間爭得遠，寧願去遠啲食...…查看更多

繼上次試過之後，呢排番風又有少少掛住d小籠包， 於是今晚翻兜涮得棧！ 做緊promotion醉雞煲同肥牛有特價！2-6人可以嗌半隻，7人以上可以嗌一隻， 今日夠晒人數就叫夠一隻！今日終於點到三文魚刺身 每碟有五片，都算厚切，幾新鮮， 不過無Wasabi提供極上黑豚肉羊肉片手切肥牛 今晚點左三款肉， 三隻都超正！ 肉味好夠，而且厚薄適中非常快就灼得熟！ 一流小籠包 呢個真係必食！ 我翻兜都係為左佢！ 凍冰冰食呢個熱辣辣嘅小籠包仲正！ 岩岩滾起真係要小心辣嘴～ 入面個湯汁真係好好味～～～ 仲啖啖鮮味餡料，皮夠薄，食小籠包梗係要咁樣食！老友鬼鬼娃娃菜 仲有好多餸已經顧住食無影到相！ 墨魚滑啦、豬潤啦、芋頭啦、芝心丸啦、桂花蚌啦、鳳城水餃啦… … 真係正到不得了！ 最後埋單千令二千蚊， 雖然唔算最平但係真係物有所值！ 特別係佢嘅肉類同海鮮類！ 樣樣新鮮～ 仲有佢個男經理超好人，我都有少少鍾意左佢XD…查看更多

Green Monday，今日唔想食生冷野，放棄左西餐，結果係openrice搵到常悅，就去試試。我地兩口子都幾鍾意叫餸食飯，食中式野都岩數，點左個木瓜湯，芋塊拼炸蝦，東坡肉，兩碗白飯，凍豆漿。只係影左兩個餸，個湯幾好味，足料，有合掌瓜、雪耳、等等。個芋塊炸蝦好味炸蝦雖然係素蝦但口感像真度好高！點埋個甜酸醬好開胃！不過個東坡肉就有少少失望，舊肉做得好好，肉質幾似，層肥膏都好真，仲唔使擔心食太多會油膩但個醬汁就唔得喇，東坡肉個醬汁唔係應該係甜架咩？呢個醬咁咸既？ 豆漿似係自己做，至少唔係工廠貨整體黎講都係滿意既，仲有好多款餸菜揀，可以再黎～…查看更多

冬天搵野食對我地兩個黎講都幾難，又想食得多，但係又怕太凍消化力唔好，今日係尖沙咀行行下，就去左呢間豚王。之前都有食過呢間，上次食左芝士濃湯，勁膩勁油食完個胃唔係咁舒服今次乖乖地嗌左原味普通濃度，再加腩肉試下。今次食又幾正喎！唔太油唔太膩，少少肥膩感覺岩岩好，湯底幾香，碗麵份量唔算大，女仔食岩岩好，男仔就要「替玉」加麵底喇！個腩肉肥膏位都算多，下次都係食脊肉。…查看更多

黎亞坤食完全係一場巧合，去到銅鑼灣成日都唔知食乜好..今日仲係我既Green Friday更加唔知食乜好，結果行行下發現有間樓上亞坤，就決定去試下。亞坤既裝修都幾似低檔茶餐廳，男友話新加坡個d都係咁，其實唔係高檔野。周圍有少少暗，同埋少少污糟。係門口有大家樂式收銀處，點左餐侍應會俾呢個飛碟你，對應番檯上既貼紙，侍應就會知你坐邊檯。今日食素，所以點左個薯仔沙律，侍應直接就係收銀旁邊個雪檯攞出黎俾我薯仔好大粒，個芝麻醬都ok不過就“雪”左少少男友點左喇沙蝦麵，我未食過正宗東南亞喇沙，男友去過新加坡食當地既亞坤，佢就話味道一樣，我試過一啖湯，係好重東南亞香料味，份量算細。仲有點左亞坤最出名既kaya餐，我點既係有花生醬，包兩隻糖心蛋同一杯野飲。個Kaya真係好香好脆，不過好膩好甜，其實係好食，但唔食得多！個糖心蛋真係不得了，男友教要落豉油再成隻啪入口，真係好食喎！好想自己試下整咖啡感覺係有d燶味，唔知係咪東南亞口味唔睇番食家們既食評都唔知亞坤咁多負評，但其實我覺得佢既價位同食物、服務算係岩比例，不過香港人就係咁架喇，d野食一定要較岩香港人口味先會話好食，但我又會覺得，咁樣既話又駛乜食其他地方既美食呢？？？…查看更多

今日老細萬歲，係愛蠔吧叫左d野食。蠔點左兩款，一款水中花，一款GILLARDEAU N1，兩款都又甜又肥美！赤具厚肉到你唔信！可以開半再開半都啖啖肉！北海道腳蟹真係無得輸，四百令蚊比酒店更好食！！！又甜又多肉！呢個並唔係一般嘅火腿，係香港好少有嘅60個月火腿！真係好香，好濃味，要慢慢㗳先唔會嘥野！最後仲有甜品～係芝士蛋糕！細細件，五十令蚊四件，但芝味濃郁！唔似日式個啲cheese cake咁「空氣感」，餅底係鬆軟嘅牛油蛋糕，芝士層好幼滑，唔太大件過口癮同包尾一流！呢間店仲有好多海鮮，仲有解凍、開蠔同速遞服務，正！…查看更多

求求其其就入左呢間美心MX，點左個火鍋。同吉野家比較，同一樣嘅芝士竹輪鍋，美心呢個比較遜色，個芝士竹輪唔夠多芝士又唔夠吉野家個個香，湯底我揀左醬油湯底，ok啦，無特別，牛肉份量亦唔夠吉野家多同靚，南瓜就煮極都唔稔... ...d阿姐仲驚死我地賴死唔走咁... ...九點鬆d就不斷提我地十點要走人閂門... ...…查看更多

今日Green Friday，番公司前經過Dressed就打算食個Green salad啦。今日點左Detox,Baby spinach, 烤甜菜根, 葵花籽仁都係正嘅，但係啲西蘭花同紅蘿蔔係全生嘅，未免真係太硬喇... ...其實略略拖水都好過全生丫...雖然話排毒，都唔使咁天然掛？食到最後... ...剩低左好多西蘭花... ...盡左力都食唔到... ...…查看更多

今日約左客係呢間餐廳開會，因為食左飯嘅緣故，只係點左一個熱杏仁奶茶同一個Apple Crumble。杏仁奶茶一如以往地味道好但係非常快涼，其實佢地應該好好檢視一下啲器皿，如何保溫！可能前兩日食完一個好差嘅Apple Crumble，今日呢個對比下就好好食，面頭烤到少少脆，夾埋下面類似吉士嘅mousse就有兩重口感，甜度唔錯，Size都算細份但如果女仔只係口痕食就岩岩好。…查看更多

同一大班朋友係泉章居食完飯耳猶未盡，就諗住去附近嘅甜品點再吹下水，轉個彎見到Captain Tong就試下啦。嗯，無期望都可以失望，個Menu係整得好有特色，但係甜品真係整得唔好!我點左好普通嘅薑湯湯圓，啲湯圓明顯係煮個個人心急攪過佢所以表皮有少少爛，薑湯唔香薑味，湯圓啲餡都未煮得好透，無流心。朋友叫嘅Apple Combo (其實係咪Crumble呢？！）Size好大，所以大家都分黎食，面頭嘅碎碎完全無Roast過咁，零香口，蘋果餡無特別，仲無餅底，食落口只有一堆粉末同無乜蘋果味嘅餡，零分。…查看更多

黎親佳記都唔係食糖水或者涼粉，因為B仔涼粉實在太大兜，兩個人真係食唔到，而且佢最吸引人嘅，始終都係獨門雞翼尖！！點左一碟雞翼尖，咖哩魚蛋同豬皮，再加一碗馬蹄露。馬蹄露太甜，果然黎呢到糖水真係唔係首選。雞翼尖辣辣地，有蒜香，真係食唔停口！咖哩汁都好香口，辣度適中不過就真係太迫喇！坐得唔舒服！…查看更多

兩口子好鍾意黎呢間甜品店，其實唔係佢嘅糖水有幾出色，而係店有種屋企嘅感覺。今晚番風轉冷，點個芝麻燉蛋白加兩粒芝麻湯圓，蛋白係新鮮燉起嘅，芝麻糊都係自己磨，唔會太甜，但芝麻唔夠香，冬天真係好鍾意食湯圓，暖胃一流。…查看更多

之前上網search醬油蟹個陣都有搵到醬缸，不過最後食左韓松，今日有咁橋得咁橋朋友想去食部隊鍋，於是又黎左呢到！無book位嘅情況下等左一陣位，餐廳比較細，位置少，但係都好有韓國餐廳嘅氣氛，侍應都有韓國人，好有禮貌同好攪笑！三個人點左個部隊鍋、泡菜餅同人蔘雞鍋。前菜有四碟：﹣冬菇＋燈籠椒﹣類似中華沙律﹣泡菜﹣魚蛋片四碟味道都好好～仲無限添食燒餅食完先記得要影相所以無影到部隊鍋材料好豐富，唔算好辣好多人都食到，份量比想像中細，不過咁都好嘅可以食多幾款餸，芝士可以再多啲，因為食到最尾湯底都唔算好厚身／好濃郁芝士香味人蔘雞鍋隻雞幾滑同稔身，湯身係偏淡口，會附埋鹽俾大家添味。呢間嘅生蟹同生蝦都要兩日前預訂。…查看更多

突然懷念起係首爾旅行時食嘅醬油蟹，一直都好想帶男友去試試呢款咁特別嘅佳餚，於是特別上網搜尋，搵到韓松韓國料理。一心去食一餐好嘅，驚去到先無位掃興，所以book左八點兩位。韓松有兩層，下層大概可以坐到30個客到，上層都可以坐到40個客到，唔算好刻意裝修但係好有係韓國個陣啲餐廳嘅氣氛，侍應有講廣東話都有韓藉人士，好好招呼好有禮貌！兩個人其實唔食到好多野，一心要食醬油蟹$400/2隻諗都唔諗就點左，（侍應表示可以點$200/1隻）有左係韓國食蟹嘅經驗，推薦男友一定要點多個白飯！食一碟餸確實有少少寡嘅～考慮左好耐又怕食唔晒，不過侍應就認為我地係食得晒嘅就點多個炖牛尾。餐具包裝得好別緻！包裝紙就係餐紙，打開仲有instruction教你邊樣野擺邊個位，好可愛！前菜有六碟：醃蘿蔔﹣酸度適中，開胃，又唔會嗆喉大荳芽菜泡菜﹣少少辣，好脆身豆腐乾唔知咩菜沙律醬油蟹上菜喇～勁興奮！唔知係咪冬天蟹季，好多膏！都好多肉！呢間整嘅醬油無我係韓國食嘅咁咸，比較甜身，唔知係咪調較左香港人嘅口味，醃到透身嘅蟹肉肉質好稔，同啲蟹膏一樣質感，男友形容似食緊海膽嗌白飯真係無錯！醬油蟹同白飯真係絕配！不過呢種蟹嘅殼都算硬身，同好多尖位，食個陣要好小心，因住會吉到口燉肉係韓國人另一道拿手菜式，呢款燉牛尾睇落細細碟，但都有成8-9件，肉質非常軟熟，牛味好香！好入味～男友仲要點多一個白飯添～雖然兩個細食嘅人食飯係好難點菜，但今晚嘅晚飯令我地都非常滿足！…查看更多