要笑笑就笑 的个人专页

唔講唔知！原來香港有兩間牛角J，專攻一人燒肉市場😲食燒肉最緊要唔係個爐，係啲肉呀！連鎖飲食品牌，尤其專做放題式餐廳嘅品牌嘅肉係無需質疑地好味，而且諗落如果係同牛角用同一個貨源，都真係好抵✨今次嗌咗有牛舌同兩款牛肉嘅餐，其實就係平時食到嘅質素！每個set都係百零蚊好抵食🤣我仲加咗粟米同牛角飯！牛油粟米嘅忠實fans表示：好好味！建議大家喺買set嗰到直接加購牛油粟米（平幾蚊）！牛角飯就⋯⋯其實我唔係fans🤣食到好濟…查看更多

其實我好少喺香港食生蠔，一直都覺得好似好容易中伏🤣不過同行嘅朋友好鍾意食，所以就試試佢生蠔真係好大隻！令和之怪物，係差唔多有我手掌咁大，完全冇怪味好鮮甜！而且師傅仲會有少量配菜調味，好正😭壽司方面就係同一般中高價位嘅壽司質素差唔多，海膽比較有驚喜，又係甜到好有印象！總結：尖沙咀高質日式餐廳…查看更多

沙嗲王除咗食沙嗲、白咖喱之外，呢個蟹粉豆腐鍋都好值得一試！先講賣相，金黃金黃令人非常有食慾😍上面仲有真蟹肉，勁正！我諗佢咁金黃係應該有蛋黃？豆腐嘅大細適中，唔會太大難以入味，又唔會太細好似碎咁，送碗白飯就啱啱好～個人覺得午市都幾抵食，雖然都要八字頭，但係包一杯嘢飲，其實都係lunch time幾好嘅選擇嚟最後提提大家( ´ ▽ ` )ﾉ啱啱上嚟嘅時候熱辣辣，食嘅時候真係要小心！（PS之前一直都係食佢嘅白咖喱系列，其實白咖喱都唔差）…查看更多

啲牛一啲都唔柴，勁香勁好食。不過個價錢當然都唔係「平民價」，但可接受啦。我見到佢哋社交平台嘅和牛牛丸影得幾靚，特別加咗2粒，係真係不錯～但好似唔夾個飯，如果當小食咁分開食應該好好多…查看更多

基本上嘅無限新鮮海鮮種類係：蟹、鮑魚、蜆（幾種蜆），可以自己出去撈。其他位有啲蝦呀、小龍蝦呀、蠔呀咁～啲kol都有講，拍晒片話唔夠時間食，我覺得佢哋係啱的，所以入去前同朋友分工合作！最後覺得鮑魚、蜆、蠔呢3樣喺時間/味道上嘅性價比最高🤣俾大家參加下～…查看更多

燒肉的好味 無需解釋(๑>؂•̀๑) 今次揀咗lv3嘅肉，會話係對得住個價錢嘅肉質，頭盤放得好靚！仲有寫明邊隻打邊隻！我覺得其他所以放題店都應該要咁做😭😭Waitress 仲提我哋放入邊，很貼心我覺得大部分都好好食，其我本人最鍾意係方方正正嘅嗰款肉🤣菜嘅部分選擇都ok，一定要講：牛油蘆筍好正😭自助bar本身應該有日本蕃薯仔，但當日就未見到，好想食蕃薯(｡ ́︿ ̀｡)飲品就真係相對無乜選擇，不過佢又有梅酒、清酒、啤酒，好似都抵返（？）最後實在係太飽了，無拎到甜品，拎咗2粒綿花糖，結束晚飯😋…查看更多

今日行過見到開咗間新舖，就入咗去食。最普通嘅招牌，但因為我驚佢好多蔥，所以走咗蔥😂但影相發現好似冇乜色水～睇個名都知道佢係專做雞肉嘅舖頭，所以啲雞又真係好滑嫩好食。不過啲醬汁就比較少，搞到比較多飯係冇乜味，而且整體嘅份量都唔算好大碗，我算係比較細食嘅人，晏晝食完都好快肚餓。最後可以讚一讚張凳幾舒服！…查看更多

嘗試先講結論：至少四個人或以上過嚟食會比較好～因為食物嘅份量都比較多，而且冇半份嘅選擇，我哋兩個人食又想試唔同嘢，到最後食到勁飽😂先講佢哋嘅雞煲，印象中係招牌嚟～不過不失。因為揀咗無骨雞煲，啲雞入邊釀咗唔同蔬菜，有紅蘿蔔、西芹呢啲，但咁啱我唔食西芹🥶不過個味係幾好食！同埋BB辣都真係幾唔辣，下次可以直接嗌小辣然後就係打邊爐嘅部份，我喺吊龍同牛三角之中，徘徊咗好耐，不過佢啲牛嘅賣相都幾好。牛肉就係一樣賣相好味道就會好嘅食材！其他配菜都唔算好特別，不過因為11月有特別優惠，生日日期裏面有1字就有唔同嘢送，所以佢都送咗啲粟米餃俾我哋～如果有多啲1，仲有海鮮拼盤🤣師奶心態就係想拎埋！…查看更多

食食下先諗起要寫Openrice haha，我係不專業Foodie🤣整體肉嘅質素不錯～每個餐嘅份量都好夠1人食，我覺得牛舌係最好食，另外牛五花就排第二咁～臨走見到有放題版，個價好似around 300？有機會都真係想試試！性價比都幾高…查看更多

我勁鍾意食日式炸豬排！原因係可以磨芝麻🤣🤣好好玩～之前一直都係喺日本先有得玩，今次終於喺香港試到！重點係！舊豬扒其實都好似日本食到嘅質素😍完全唔乾唔柴，係好食嘅豚！而我哋今次嗌咗二人餐，所以有得試埋炸帶子，又係好出聲！入面係滑滑冧冧，食落喉嚨勁舒服😭🙏🏻食完啲椰菜，仲有個姐姐好貼心問我使唔使fill，實在好有日本嘅感覺(˶‾᷄ ⁻̫ ‾᷅˵)不過開得喺商場，就無可能會平得去邊，但我個人又覺得都值呢個價嘅～…查看更多

次次經過都大排長龍，不過條隊都算好快。食過幾次，有次咁啱聽到個姨姨講，如果當日嘅芒果唔靚，佢哋寧願唔開舖🤣唔知係真定假呢？不過都真係幾好食，就好似今次咁！啲芒果夠甜、啲冰夠凍，雖然無乜花巧野，但唔出事都係一種美味～話說，其實佢哋個西米露都幾煙靭，同埋好水準唔會好飄忽。難怪係附近讀書嘅人必備回憶！附近仲有其他車仔檔，但呢度keep住都係勁多人，不過好似請多咗人幫手，所以先會條龍咁快，如果唔係都唔知要等幾耐haha…查看更多

牛舌真心讚👍🏻忍唔用filter影完又影，再影多個原相機咬完中間！留住美食的樣子😭🙏🏻之前喺社交平台見到好多人推呢間鋪，以為多多少少都係廣告啦，但原來真係幾好食！玉子燒、串燒都喺水準之上，味道上我覺得自己會再幫襯🤣不過！有個大問題係上菜速度真係有啲慢，可能真係即叫即整，但實在係太慢，肚餓真係唔可能忍到咁耐，但當宵夜加餐係很可以的。地下樓面比較細，得大概12個位，不過又唔算好逼，環境似日式居酒屋～…查看更多

奶蓋真係好正！我就快飲晒全香港咁多有分店嘅奶茶店，但都真係無乜邊間嘅奶蓋比得上茶痴😭又香，口感又好！惟一有個問題係間中會打太實，一定要開蓋先飲到奶蓋😣但都係好好味(｡ ́︿ ̀｡)希望可以改善下呢方面嘅問題，例如個蓋轉做容易打開嘅版本✨🫡真誠小粉絲上…查看更多

已經係第二次食啦！上次都係食呢個蕃茄雞，不過上一次就係食麵，今次係食飯😋😋先講蕃茄湯，十分濃郁，如果食麵嘅話就會掛住啲麵，但係泡飯，可能因為啲飯本身比較大粒，食落都係有啲硬。雞排就一如既往地滑！雞皮好香，本身想健康唔食皮都被打敗😭整體嘅份量對我嚟講好大碗，不過同行朋友話唔夠飽，我諗可能都係大食細食嘅分別🤣🤣另外，朋友都推薦食吉列豬扒，現場即刻製作，熱辣辣炸得好好食～可能下次都會試試佢🙌🏻🙌🏻…查看更多

有無牛油皮愛好者！？有時下午茶食一個蛋撻就好滿足，但係原來都幾多人鍾意食酥皮，我個人就鍾意食餅皮，一嚟比較乾淨，冇咁多碎；二嚟始終都係覺得傳統嘅配搭比較好🤣今日嘅餅皮都好賣到得返兩隻😆…查看更多