ying903的个人专页

經過見到有間’新嘅‘（可能純粹係我唔知佢開左）印度餐廳，見到價錢又唔係好貴，就入去試下喇裡面裝修同門口係完全唔同feel, 一開始覺得好特別，之後再睇其他食評先知原來係用返上手餐廳嘅裝修設計，不過都OK嘅，坐得幾舒服。入到去其實冇乜人理我，總之搵到個位有QR code就坐低自己落單我叫左個黑豆咖哩雞飯，賣相唔錯，份量十足，但係佢唔係用印度米有啲失望。雖然啲雞肉夠嫩，但係個咖哩就好淡冇乜味，係另一個失望嘅位😌我唔知點樣為之正宗印度咖哩，但係論香料/辣度/味道我就唔覺得係我食開嘅印度咖哩，唔係特別欣賞😅…查看更多

我到依家先第一次去the Southside行街街，見到哩間餐廳裝修幾靚，價錢都OK，又有咖啡又有泰式越式同西式野食，同埋商場主要係連鎖店，其他地方冇乜點見過哩間餐廳，就入去試下喇。我地五點幾去仲係下午茶時段，用自己手機落單，叫左兩個餐配野飲同甜品。上菜都快，餐具精緻，味道亦都好唔錯～菠蘿炒飯雖然冇連埋半個菠蘿咁上碟，但係味道唔錯，覺得幾好味另外叫左個番茄..意粉，嗰個就遲啲先上菜，所以唔記得影相😆 相比下我鍾意炒飯多啲。泰式奶茶同咖啡都幾好飲，最鍾意佢用嘅杯好靚靚😍甜品都好食，杏仁tiramisu蛋糕好食，大大件topping豐富多，甜度都算適中👍🏼另外仲叫左個芝士蛋糕，味道清清地，唔錯唔錯，有機會佢Southside都可以試下…查看更多

原來哩間cafe已經開左半年以上，我竟然依家先至第一次幫襯！！除左老闆娘好好人之外，哩間cafe啲嘢飲都好特別，今次試左佢個玄米鴦走，咖啡味唔算太濃，配合佢淡淡嘅玄米茶香係出乎意料地夾，味道啱啱好，唔會話其中一方啲味太搶😋😋 我差唔多黃昏時候先去，咖啡唔會太濃搞到夜晚訓唔到覺，亦都可能係老闆娘知道我唔想飲太多咖啡特登幫我沖淡啲😆😆室內環境簡簡單單，光線充足，配合好多貓貓壁畫，三五知己響度傾計係幾舒服嘅～ 係一個我會想再黎多次嘅地方。下次再黎可以試下佢啲糕點同熱食😁😁…查看更多

哩條街嘅街頭同街尾係完全唔同感覺，由熱鬧嘅英皇道一路走入黎，經過中式餐廳小店，再去到手作小店，最後上到街尾一大堆車房對面就係Dozy喇。哩度嘅格調同出面嘅環境可以話完全唔配合，但係真係坐得好舒服，室內設計走工業風，但係又有好多木傢俬同植物，成個感覺係型格得黎又唔會冷冰冰。食物同飲品都好正！個明太子蟹肉溫泉蛋意粉好惹味，好足料，非常值得推介🤩🤩另外叫左杯hojicha latte, 靚靚拉花+焙茶味十足😍價錢都算係抵，我覺得響哩個環境以哩個價錢係完全值，下次有機會會再試其他菜式…查看更多

之前經過見到哩間北海道過江龍已經好想試，今日終於試到喇！N年前去北海道都有食過湯咖哩，當年食邊間已經唔記得喇，我淨係記得響北海道試過次係好辣🥵 所以今次我係選擇原味湯底，BB辣都冇叫😅揀左個招牌雞塊湯咖哩烏冬，個湯我覺得好好飲🤣🤣 佢有啲似洋蔥湯，濃郁得黎又好似有少少香料味，我諗如果我加啲BB辣會更惹味😋我好鍾意佢有好多蔬菜配料，好入味，反而啲雞串有啲失色，基本上冇調味咁滯😅😅 烏冬係好入味，可能有啲人會覺得唔夠彈牙，但係我覺得幾好食😂😂份量適中，唔會好似食一啲拉麵咁覺得太膩。一開頭覺得淨係得兩舊雞肉好似好少咁，但係佢仲有其他配菜我又覺得唔使咁多肉都OK總括黎講係唔錯嘅，環境都乾淨企理。夜晚冇套餐，哩個湯咖哩$98+10%，我冇叫飲品，所以就咁百幾蚊埋單，香港黎講價錢係OK嘅，但係如果響日本食會抵好多😌😌…查看更多

身為北角街坊的我，成日經過都見到哩間cafe排長龍，直到有個週末我朝早十點幾經過終於有位唔使等！見到價錢都合理就試下喇～雖然話唔使等位，但係其實裡面都已經好多人食緊野，座位係比我想像中多之餘都有八成滿。我叫左個egg benedict + salmon, 都幾好食，以一份早餐黎講份量係啱啱好，唔會太多，佢中間啲醬好似加左啲芥末？定唔知咩，食落去有啲啲辣辣地好惹味～ 墊底個包一開頭見個樣以為會好硬，但原來係幾軟熟同好味😆😋黎到冇理由唔飲咖啡啦，叫左杯鮮奶咖啡，個侍應竟然會問我要nutty定fruity, 我諗哩次係第一次有咖啡店問我哩個問題（可能係我孤陋寡聞😌），我覺得好貼心，我本人係鐘意nutty啲嘅咖啡☕️ 加左奶嘅咖啡係難啲試到咖啡豆嘅原味道，不過我都係鍾意加奶，感覺滿足啲同滑啲，一早飲哩杯咖啡飲得好開心😆總括而言哩間餐廳係值得再黎嘅，係啲侍應cool左啲，不過都係嘅，大大間咖啡店想比人舒服自在嘅感覺，又好難要求好似茶記啲侍應咁街坊式同你打招呼嘅😅…查看更多

話說我果日請左假，下晝睇完牙醫行行下就去到哩間cafe，見到門口靚靚哋又冇乜人就入左去喇入到去先知原來佢唔單止係一間由社企營運嘅咖啡店，仲有提供按摩服務！等客人可以完全放鬆咁享受響哩間cafe休息嘅時光😇除左咖啡，仲有啲輕食，如蛋糕、曲奇、鬆餅等而靠窗一格格獨立位就係佢地提供按摩服務嘅地方，可惜我去果日撞唔啱佢地有按摩師傅駐場嘅日子😌野食方面我叫左杯香橙咖啡+OREO味芝士蛋糕，礙於我當刻整完牙麻醉藥未過，唔係好feel到啲texture/唔係好敢用牙咬，但係我覺得味道係OK嘅～ 雖然係OREO味，但唔會話好甜好膩。香橙泡沫咖啡真係貪得意叫，好似本身已經有落少少糖？ 甜甜地咁，我諗我會鍾意普普通通嘅鮮奶/泡沫咖啡多啲😆😆裡面環境真係好舒服，可能我果日係平日下晝舖頭靜啲，唔似有啲cafe好嘈/好多人響度用電腦做嘢咁，令到我哩啲真係純粹想飲杯咖啡放空下嘅人會覺得自己響裡面變得格格不入咁😌 同埋啲staff都好友善，裡面又有啲書俾人睇，所以好想推介比大家。下次我要再黎試下去啲按摩手勢先得😆😆…查看更多

響飲食網站見到哩間屯門店響屋炮台山開新店，放工經過就買左六隻芝士粟米鮮肉煎餃黎加餸😁餃子比我想像的大隻同足料，皮薄餡靚，好彩冇加撈麵，如果唔係我真係食唔曬😆 我幾欣賞佢嘅辣菜脯，對我哩啲唔係咁食得辣嘅人黎講係易入口得黎又惹味，食完好暖胃～佢除左多款煎餃，仲有湯餃同生餃賣，熟餃可以配撈麵/上海麵，亦有素餃可以選擇。舖頭細細主要做外賣生意，其實果條街有好多細鋪都好多好嘢食😋因為我收工差唔多七點先去買，好多餃子都已經賣曬，芝士粟米鮮肉煎餃嘅味道幾特別，同平時啲鮮肉餃好唔同，我下次再試下佢地嘅韭菜鮮肉餃先🥟…查看更多

話說週末黎開哩頭睇戲，沿路行過黎見到哩間老字號茶餐廳，門口寫曬馳名蛋撻奶茶咁，就決定睇完戲之後黎整個下午茶🫖餐廳坐位唔算多，而且樓下冇位就上左上層，環境就係一間有歷史嘅茶餐廳咁，唔會好光猛，啲嘢唔會好新淨，但係感覺都係乾淨企理嘅～我地兩個人叫左兩杯熱奶茶，我地都鍾意嘅曲奇皮蛋撻，同埋一份西多士～我覺得西多士係合理期望，不過可以再脆啲同香啲😛蛋撻都幾好食，唔會太甜，可能我地食左西多士先，到食蛋撻果時已經唔再熱辣辣，同埋如果個曲奇皮再香啲會仲正！我覺得重點係杯熱奶茶！！完全出乎我意料嘅好飲！！茶味香濃得黎一啲都唔苦澀！仲要幾滑添🤤🤤 可能有人會覺得太濃冇咩奶味（不過用黑白淡奶都.. 應該冇咩奶味㗎下嘛？😆），但係我就係覺得佢啲茶味真係夠香，超鐘意！！果日我午餐飲左杯咖啡，下午茶飲左哩杯特濃奶茶，夜晚都冇訓唔著😆✌🏼價錢我唔係好記得，因為係假期，所以冇任何下午茶餐優惠。總括黎講哩間茶記都幾好啊，下次有機會再黎就試下佢啲咖啡☕️…查看更多

前陣子同屋企人去康城行，誤打誤撞見到哩間日本餐廳，有飯有拉麵好似幾好咁就試下啦（因為屋企人唔鍾意食魚生，疫情又唔想食火鍋，我地又唔食得辣，中菜有好似好普通，又唔想飲茶….）今次我冇特別影相，因為啲食物賣相同佢菜單/其他人影嘅都差唔多😛我覺得哩間餐廳好乾淨企理，坐卡位三四個人坐係夠闊落好舒服😁😁食物質素其實係比我想像中好，同埋份量足，完全對得住個價錢～我揀左生薑豚肉飯，佢裡頭的豚肉+洋蔥嘅份量比我預期嘅多，飯同餸嘅比例好好，唔會話用白飯填飽你個肚。而啲豚肉唔會好肥，口感好好，又嫩又爽口又入味得來又唔會太鹹/太濃味，非常之唔錯👍🏼屋企人叫左個南蠻炸雞飯同埋和牛烏冬，佢哋都好滿意，食得好開心😋😋 我地冇轉餐加湯同沙律，反而叫左個炸薯仔牛肉餅（可樂餅）同埋一個炸豚肉芋泥餅。兩個炸餅都幾好食，就算放左好耐凍曬，個炸皮都仲係脆脆地㗎😃😃😃總括而言，哩間餐廳係超乎我預期嘅好食，而且價錢都算係咁，響大商場裡面人均百幾蚊食一餐都係合理嘅～ 同埋我地咁啱響佢一開門就幫襯，唔駛等位。我地離開嘅時候出面已經有人排緊隊等位喇😌我依家先知原來佢有好幾間分店，主要都係響大商場裡面，遲啲可以再去其他分店試下😆👍🏼…查看更多

話說大除夕去太古果邊睇戲但係度度都好多人/逼你食套餐好唔抵，我就行到去鰂魚涌果邊搵下有冇啲正嘢食～響對面街見到東匯坊後面條街好似都有好多餐廳，所以就走過去睇下經過啲茶餐廳，清湯腩，泰國菜之後，本來差啲入左經過果啲餐廳㗎喇，見到前面好似仲有間都幾簡約嘅餐廳就唔差在行埋去睇下嘅餐廳，見到有熱狗，仲有一款意粉，同埋好多野飲，同埋好似好抵食就決定試下喇😁原來餐廳用左排包黎做個熱狗包！仲要烘左！外脆內軟甜甜地好好味😋 我地叫左個千島熱情熱狗🌭️ 套餐，熱狗+野飲加埋都係五十幾蚊，非常經濟實惠😆😆味道黎講係非常之唔錯，唔會油淋淋/好膩，同埋啲醬汁+腸+芝士+個甜甜地嘅包係真係幾好味，我覺得係好有驚喜🤩配左杯泡沫咖啡，因為我實在唔係太識飲咖啡（飲主要係因為要提神🥲），個人覺得咖啡豆係nutty啲嘅，唔苦唔酸係幾好飲😆👍🏼 下次試齋啡再試真啲啲味道😝另外就係叫左佢地個牛面肉意粉，我覺得個汁好好味，唔會太濃唔會太多太稀，總之就係剛剛好🥰 可能有人會覺得啲意粉有啲啲唔夠彈牙，但我個人係鍾意哩種口感嘅，牛面肉係超冧，我諗我屋企啲老人家都食到！😆👍🏼相中係我餓得滯已經食左舊先記得影嘅相😂😂 所以佢上菜時係有多舊肉嘅😛特飲係玫瑰檸檬蘇打，出奇地好飲喎！我覺得好清新，一啲都唔會有檸檬嘅苦澀味！亦都冇啲好重嘅玫瑰番梘味！（有啲所謂嘅玫瑰特飲係香到好似番梘咁好難飲㗎嘛😖..）總括黎講個體驗係非常之好，坐得舒舒服服咁食左個美味晚餐☺️☺️…查看更多

北角和富薈哩個商場經過幾輪裝修之後，本來一大間餐廳嘅鋪位，依家整到充滿土耳其風嘅美食廣場，個個都係打卡位之餘最近仲俾我發現到哩間勝價比都幾高嘅海南雞舖～如果普通海南雞飯就$58連湯連餐飲（凍烏龍茶/罐裝飲品），要雞腿肉就$68一個餐，另外仲有蒸肉餅，但係我今次就試左個$68雞腿海南雞飯餐😁湯清清地，一啲都唔油膩，飲落去好舒服☺️除左啲雞，最鍾意食係碟青瓜前菜😆😆 佢啲汁味道調教到啱啱好，就咁食/撈飯都好好味😋😋😋😋雞腿好好好滑🤤，配埋個蒜蓉汁更加正～ 個人唔係好食得辣，所以冇乜點點佢個右邊嘅辣醬，我反而麻麻地欣賞佢仲間嘅醬油，有啲鹹得滯，可能我鍾意啲甜啲嘅醬啦.. 最後係個飯，未至於好香，但係就一粒粒好好咬口，唔會話淋曬咁，大大碗應該點都夠飽最後美中不足嘅係暫時未冇提供熱飲，我哩啲中女要養身唔係咁想飲凍野😌😌總括黎講哩間海南雞係抵食嘅，加上個靚靚環境食得好開心😁😁😁…查看更多

身為街坊嘅我，見證住哩個鋪位由間地產鋪變成間靚靚餐廳，而且日日返工都會經過，今日終於同屋企人去試下喇～估唔到間餐廳都幾大，餐廳除左餐檯及座位，仲有一個幾大嘅位置擺賣水族用品，侍應帶我地行入去餐廳最入嘅位置坐，睇落去應該可以間間房出黎，製造一個私人空間。午市套餐都係以意粉及薄餅為主食，跟沙律同一杯餐飲，轉咖啡/其他特飲就有半價優惠跟餐嘅沙律正正常常啦，冇咩驚喜都好合理，我幾鍾意啲沙律醬，酸酸甜甜咁好清新。話說屋企人叫左個雞脾菇沙律，$78都係哩啲沙律菜+煮到熱辣辣嘅雞脾菇放面，咁當然大碟好多啦（唔記得影相😅），屋企人係有啲啲失望，覺得啲菜好似唔係超級新鮮咁，不過我個人覺得冇問題😛哩杯玫瑰咖啡其實都幾香甜，都算滑嘅，拉花有又幾靚咁🤣🤣 我都知加左奶同額外嘅味道就唔係太會飲到原本咖啡嘅味道㗎喇，下次先試下佢嘅齋啡啦☕️屋企人叫左杯americano, 我冇試飲唔知味道，但係屋企人冇落糖都飲得曬咁大大杯，所以我諗應該唔會太苦，同埋望落去都唔似好濃咁，味道應該是OK的～屋企人揀左哩個炸蝦肉丸意粉，聽佢講啲炸蝦係幾唔錯嘅～我叫左哩個蒜香大蝦意粉，我個人係幾鍾意哩間餐廳啲意粉嘅質感，好彈牙爽口😆😆 意粉唔算話超濃蒜香好惹味果啲，味道中規中矩啦，係口感取勝😁總括黎講食物質素都不過不失啦，價錢唔係超貴，但都唔能夠話好抵食咁；店內環境係非常之OK，坐得舒服，服務好好，員工個個都好友善，我諗喔遲啲都會再幫襯嘅😆😆…查看更多

話說今日假期就同屋企人出街搵好野食，見到和富哩間餐廳靚靚地又幾多野食就試下喇～叫左三樣嘢，咖喱豬排農夫包，雜扒鐵板燒，同埋原條鰻魚蛋包飯。哩個農夫包係超級大份，咖喱對我黎講有啲辣份量超足，但係都係好鹹..蛋包飯樣係好靚靚，但係條鰻魚又係好鹹.. 同埋有少少腥😓😓總括黎講三碟都好鹹😓😓 除左跟餐嘅湯係OK嘅.. 今次真係有啲失望，唔知係咪我地唔識叫定咩，全部叫嘅嘢都好鹹，餐廳服務又唔係特別好，第一次幫襯嘅印象真係麻麻地... 咁價錢唔算好貴嘅.. 希望佢之後會好啲啦😌…查看更多

話說我已經係舊年11月嘅時候黎幫襯㗎喇，但係就到今時今日先的起心肝寫食評😌之前有個週末響果邊上堂，放lunch嘅時候行經過見到間舖靚靚地就入去試下喇～跟餐嘅湯+包：上菜的時候見到碗湯隔離有碟黑咪蚊的包/蛋糕，一開始仲以為係咪隔離檯叫左個brownies, 點知原來係我嘅餐包！😲😲個包黑到成舊碳咁，但係非常之有驚喜！包香脆，有蒜蓉味，果醬配搭好特別🤩🤩湯：蘑菇湯好滑，味道剛好，不錯黑松露蘑菇炒扁意粉：對我黎講意粉有啲偏硬，可能配烏冬會好味啲😛 但係味道香濃，好有中西合壁的感覺，食到最後見到碟底都幾多油😅，但係食嘅時候都未至於覺得好膩嘅😌熱咖啡：味道偏苦，帶果酸味，對我黎講要加多啲奶先OK😅應該好多食客都提過，哩間餐廳就咁睇佢啲餐具同裝修係走型格文青/北歐風，家庭小店感覺，但係我果日自己一枝公坐吧檯就對住超多figures，有眾多avengers 陪我食嘢超正！！😆😆😆 雖然我唔係figure控，但係見到咁多（相信係）店主珍藏都真係大開眼界😃😃…查看更多