ng_angelina的个人专页

和民早餐系列：- 壽喜燒玉子朝食 (牛肉&通粉) $38要讚既係用上”有紋通心粉”, 但通粉湯底淡而無味。要一啖牛一啖通粉送口，最後索性將通粉倒晒落碗鰹魚湯送口⋯⋯壽喜燒牛肉好味道(係吉野家嗰種)，份量偏少鰹魚湯較為清淡，但都好過碗通粉⋯⋯呢個朝食早餐好岩病人/老人家食，有營養又唔濃味😅- 和風叉燒玉子麵$29 另加牛角包$1x似福字麵底，叉燒兩三塊⋯⋯就咁食叉燒麵一定唔夠飽牛角包係嘉頓質素，唔好expect係香脆好味嗰種— 總括而言：$80食完唔飽，只係環境較為舒適闊落。同價錢我會寧願幫襯茶餐廳，起碼會飽肚。…查看更多

同屬Chicken Factory/漁樂/itaMoMo/意樂/牛奶冰室等同一個連鎖餐飲集團旗下, 米籽專食米線同湯泡飯類。食物水平同其他同集團都係咁上下，食物有啲味精(食完會口渴)，但價錢就比較經濟。- 🦞龍蝦米湯海鮮泡飯 $61係香濃既蕃茄龍蝦湯味(有味精，會口渴)，海鮮同龍蝦肉份量都算多，每一啖都食到有海鮮肉而唔係淨係得飯。泡飯面頭灑左啲脆口既米通係錦上天花。雖然食完呢碗都幾口渴，但考慮到佢啖啖肉唔孤寒，如果忽然有一日突然想飲龍蝦湯既，我會再幫襯既😂😂- 🐔孜然雞翼$19/3隻 平過譚仔，雞翼大隻亦多肉過譚仔，推介！- 🍹青蘋果錫蘭紅茶 $12(加配價)伏！又甜又藥水味，好難飲💀💀- 🍲蟲草花鹿茸菇燉雞湯飯 $61出色既燉雞湯，湯水好飲夠香濃，碗湯份量大，雞size還可以，不過隻雞就無乜味(無淹過)同鞋口啲。想食清淡啲既揀呢個湯飯都唔錯 ，又滋補！…查看更多

是次光顧星期六既buffet晚餐，外賣平台 買一送一($802 / 2個人), 講真$400一位buffet晚餐係好平，但我會寧願用$400去食第二間更好酒店即lunch buffet，起碼食物款式同選擇會多d，味道會好味d，食完有少少後悔 🙈呢間餐廳俾我既感覺係serve 商務客/短暫停留轉機客，食物唔好有太大expectation。當初選擇幫襯<<磊>>既原因係被佢西班牙主題吸引左，心諗:”我book星期六既晚餐，應該會係最豐富嗰晚掛？”但事實唔係，我最期待既 西班牙海鮮飯 同 蕃茄凍湯 都無出現 (只有熱蕃茄湯，味道就係平時西餐嗰啲)，我有點失望。其他menu上提及既西班牙菜式都有如常出現既，eg . 肉丸，香草白汁大鱸魚(無再refill，全晚係一條) 、炸尤魚圈、燴牛尾、八爪魚、薯仔蛋批，tapas開胃小食 etc⋯⋯惟味道普通。Drinks: 任飲：冷熱檸茶，milk，coffee，水Refill比較慢。碟吉左要等一陣先會refill當晚既海鮮：長腳蟹(瘦削)、龍蝦開邊(ok)，海螺、青口、蝦當晚Carving：西班牙乳豬，和牛 (當晚並無羊脾😕)。 和牛係少數當晚比較好味同會encore既⋯⋯燒得幾好，唔會過老，生熟程度適中甜品：比較弱，各款cake唔推薦試，嘥quota。幸好 ，我最懷念既西班牙油條churros當晚有出現，有香肉桂味👍🏻 雪糕有 Movenpick同 Cocoberry 但從未refill ，早啲食先可以拎到榴槤味⋯⋯cocoberry 嘅榴槤雪糕係另外一樣當晚最好味既食物⋯⋯其他食物就普通野，種類都好少，食到尾聲已經無乜食物想encore，食沙律算😅 關於沙律：沙律菜唔夠新鮮，有氧化啡邊同開始dur皮，同埋沙律corner係有隻烏蠅縷住，感覺唔係幾好要讚既係：酒店新開，仲係好新淨，酒店環境好好，廁所乾淨，人唔多，感覺好似唔係香港咁 ，有時間建議可在日照時間上天台享受美景，天台都好靚😊當晚有現場Live band，幾好聽，現場氣氛不錯，Let it go同Baby shark一出，現場小朋友相當興奮👍🏻每位服務員也很有禮貌，收碟速度好快，值得一讚👍🏻…查看更多

終於！！沙田區終於都有堂食既餃子店，唔洗再出九龍先有，餃控表示很感動🥹本人向來是餃控，知道石門區新開左餃子店，急不及待要衝去試下。依加試左返唔到轉頭，2個禮拜之內已經幫襯左3次 🤪🤪普遍味道都好好，水準以上，皮薄餡超多，粒粒都咁大粒，菜多肉少，每一款餃我都好喜歡。湯底真材實料，每碗必包含蟲草花/杞子/粟米/紅蘿蔔，另偶然會食到准山粒同花膠。湯唔會好淡，濃度適中，真心好飲。是有種屋企煲湯既味，我每碗都飲清光。(有沒有味精我食唔出，但起碼食完唔會係口渴)第一次光顧：堂食， 叫左2 set拼盤 (先試云晒所有口味)。1. 風味三拼 $68/9隻  (煎餃，另加 $3跟多一碗湯 )煎餃煎得幾好，香口 (係有少少油，但叫得煎餃就預左，避免唔到)係我喜歡既煎法  (我心目中煎餃第一位依然係 北方餃子源🤫)每碗都跟一碟香醋 及 辣菜脯 <--- like👍🏻2. 養生三拼 $70/9隻  (湯餃，配花膠准山鮮雞湯)紫菜粟米豬肉餃我個人超級喜歡！！呢隻味出面比較少見，食落有種梅菜豬肉餅既味道 haha3. 牛油果沙冰  加配價 $12 帶少少牛油果青味，唔算話好杰嗰種，但都足料，$12黎講收貨4. 木瓜雪耳桃膠豆奶   加配價 $12 桃膠份量有好多，不過桃膠好淡，是原味(建議用糖水先洽一下)雖然整體偏稀身，但佢真材實料，有木瓜茸同大量桃膠，$12黎講很可以。 第二次光顧：  堂食雙拼湯餃 (芫茜馬蹄豬肉餃 & 韭菜豬) $50芫茜馬蹄豬肉餃：馬蹄爽口，成隻餃既芫茜味好勁，岩晒茜人 (不過對我黎講太強勁添🙈)韭菜豬肉餃：超級多韭菜，食完個口仲係充滿韭菜味😂另$12加配西瓜沙冰食完熱野飲很消暑解渴，會encore第三次：外賣平台外賣自取黑松露蟹籽鮮蝦餃 & 帆立貝萵筍鮮蝦 雙拼湯餃 $65.2帆立貝萵筍鮮蝦：有蝦有帆立貝，足料，味道配合得不錯黑松露蟹籽鮮蝦餃 ：Gas味唔算強勁，但都唔錯…查看更多

我唔係榴槤愛好者 ，但我好鍾意食椰皇燉蛋白，而朋友們就好喜歡吃榴槤類甜品，大街小館可以一次過滿足我地既願望😋😋😋- 椰皇榴槤燉蛋白- 榴槤雪山甘露 x2 - 椰皇蛋白燉桃膠榴槤甜品我並未有試味，抱歉未能提供食評🤣整得好好，燉蛋白有好香嘅椰子味，桃膠份量不吝嗇，食落爽身。我連椰肉都刮埋出黎食，成個殻清晒🤪🤪大街小館值得一試，亦打算再次encore P.S. 現場唔覺得有好濃烈嘅榴槤味，唔鍾意食嘅朋友光顧應該問題不大😂P.S. 觀察所得，此店應該係Collar 粉絲🤪…查看更多

本身好鐘意食餃子🥟，平時都會周圍試下新餃子店。早排係網上見到有介紹呢間餃撚串，湯底竟然有我至愛既椰子雞湯底，咁特別，毫無懸念，即刻出發。光顧時間：週末中午- 韭菜豬肉餃 😋- 雲耳椰菜豬肉餃 😋- 粟米芝士豬肉餃 😋- 蒜蓉燒茄子🍆👍🏻- 明太子雞翼 👌🏻- 燒蒜蓉扇貝 👌🏻- 燒牛舌落芯 🫤先講下個椰子雞湯，好香椰子味！係預期中既椰子雞湯味。拼餃子都幾夾 ，I like it。我仲飲晒成碗湯😂食嗰陣見到佢地係現場包緊餃子，所以肯定啲餃子都係100%自家制。 我揀既餃子款式都係平常基本款，正常發揮，size算大粒，餡料比例撈得唔錯，好味。串燒忍唔住，叫下叫下就叫左四樣⋯⋯大部分都落左孜然粉，好搶味😂 茄子唔錯，惹味👍🏻扇貝真係好細粒肉呀⋯⋯唔抵食牛舌燒太耐，肉好un! 整體嚟講，餃子可以一試，串燒類就普通，性價比低，叫一兩碟食下過下口癮就可以了。…查看更多

光顧時間：週末14:301) 洋蔥薯仔牛肉餃 拼 南瓜忌廉雞肉餃囉(配蕃茄薯仔湯) 2) 西洋菜豬肉餃 拼 韭菜豬肉餃 (配蕃茄薯仔湯) 餃子皮太薄，碗內五隻洋蔥薯仔牛餃有四隻係穿左 🫥 平時見到一隻半隻穿係可接受，但同款五隻入面有四隻都爛晒皮係咩玩法？(唔通呢款餡易出事？) 餃子最基本既要求都做唔到，我有一刻真係想叫佢換過碗俾我 (廚房煮嗰陣，夾上黎唔會睇唔到，但佢選擇左照樣上菜)🙂(圖中照片係未食，已經好輕力夾，有四隻都係咁🫣)洛神花茶幾好飲，我很喜歡👍🏻豆漿係外來貨，香港製造(忘記牌子名)所有餃既味道都正常發揮，餡有餡既味。菜肉餃就偏向菜多肉少，多餡而皮薄。蕃茄薯仔湯底都好有味，鮮甜。平時幫襯啲餃子店，通常嚟到都係熱辣辣(要吹凍佢嗰種熱)，是次光顧甜記，兩碗餃子嚟到嘅時候，温度只係正常暖( 唔洗攤凍，入口係暖)。估計餃子係預先淥熟，有order再翻淥。因為佢啲餃子皮已經唔爽，有少少粉粉地pat pat地(梅左)既感覺。(再加上穿皮事件，都幾肯定啲餃子處理得唔係幾好)總括黎講，今次體驗係失望既，甜記餃子咁出名，我會期望自然高啲。只能說，佢唔係我杯茶😅…查看更多

這間餐廳之前都光顧過數次，水準平穩，就是那種港式越南餐廳。食物普遍都弄得不錯，是次光顧點了一set 二人餐 $185 (2碗麵+香茅雞翼+灼生菜+2杯特飲)先說越南牛肉河的湯底也不錯，香濃，雖然應該都是有少少味精，但味道算是對版 (相比有些店那種淡而無味的湯底…真是幫襯過一次永不回頭，越南pho最重要的是湯底呀...)。粉麵類的份量女士吃的話還OK，男士就可能會爭dd了。他家的炸物也炸得不錯，香茅豬扒、香茅雞翼食落口還很juicy，並沒有煮過火乾柴。(雖則是油了一點)另要讚一下，坐底後店員奉上的那杯茶好特別，是麥茶 ，每次茶都是香濃，好味。 (用來洗筷子的話就太可惜了)…查看更多

前前後後都幫襯過4-5次，次次黎Ciao都係忍唔住叫返牛肉burger，今次想試下啲未食過既款式Lunch set 已包 自家製餐湯/salad  及 餐飲：1) 自家製手撕豬肉漢堡🍔 $108- Burger內夾著一大pat手撕豬肉， 豬肉撈埋d醬 (類似BBQ醬味)，醬料有點過多，cover左d肉味。- 豬肉真的撕得很碎，要混合醬汁才不會跌出來，所以我會用"一pat pat"黎形容佢呢個餡- (burger內含幾塊大長酸瓜, 不喜歡的話，建議要求"走酸瓜")個人還是比較喜歡Ciao的安格斯牛肉漢堡 ，這個手撕豬肉漢堡試過就算 ，哈哈2) 西班牙黑毛豬火腿薄餅🍕$128上次試左蒜香雞肉pizza，今次就試第二款。Pizza上的餡料都很足料 (cheese, ham,火箭菜,茄醬etc)，即叫即焗所以餅底得脆，Ciao的pizza真的很合我口味~~~多次幫襯Ciao也未曾失望，餐廳的食物保持一貫水準，當然會繼續支持小店，加油💪🏻…查看更多

奧莎既蛋撻真係馬鞍山一帶最好食（以前麵包城啲蛋撻都OK, 不過近年退左步），蛋漿做得好好，有蛋味甜味，顏色吸引。每次經過都一定會買。佢啲麵包都好好食，好出色，價錢經濟實惠，又飽肚，味道當然好味，選擇多個人特別喜愛：牛角包(各款)，黃金芝士條(菠蘿包蓋，芝士陷)，肉桂冬甩弱項就係蛋糕甜品類，估計都係來貨，佢同motto 差唔多味咁，所有芝士蛋糕款都好似差唔多味題外話：其實唔知奥莎同麵包城係咪真係有關係，佢哋既麵包/曲奇/甜品係差唔多，款式外貌相同，會唔會真係同一集團？ (聽左好多年既傳聞🤪)…查看更多

Chicken Factory第一城分店由八月起更改了餐牌，取消了原有的特價時段$48烤雞🐔(再沒有平雞買😢😢)，只剩下$58原隻烤雞 (900g)🐔，以及新增多一款"增量版烤雞"$88 (1600g)🐔。下單後只需等候數幾分鐘就能取食物了，這次已是我第二次購買"增量版烤雞"，兩次水準相約。(之前都多次幫襯購買原隻烤雞，水準平穩)拎到返屋企仲熱辣辣 (是辣手的程度，熱到難以徒手撕開😝)，增量版烤雞的size真的很大 (跟標準版比較)，撕出黎既雞肉真的有 好 多 ！😱 (有沒有足料1600g我不知道，但就真係多肉過標準版好多)2人吃(當一味餸)是吃不完的，份量多得要留待下一餐再吃。面層的肉是醃得很入味，惹味非常。唯一要彈就係香料去唔到內層雞肉 ，導致有部分雞胸位會無味(就只有雞味)，因為雞實在太大，肉太厚。(店家會另外俾一盒醬汁，無味就點下醬汁，所以都OK啦)盒醬汁味精有點重，我好少會點黎食，平時就咁食烤雞都好夠味。有d雞胸位肉質會鞋d ，但大部分位置肉質都得嫩滑。Overall 增量版烤雞都好滿意，要是價錢可以再平多少少，相信會吸引到更多人購買。以下圖片是比較標準版同增量版size，真係大好多架😂…查看更多

一年前有幫襯過佢豆腐花仙草芋圓，印象普通，唔算話好出色，我以為係我揀得唔好，無揀中佢signature dish。嗰陣仲有求證過佢同河畔間豆乳狂人係咪有關係(註：豆乳狂人前身係叫豆腐巴克)，佢地有講過話呢間係第二條line⋯⋯有乜理由兩間質素咁大分別🤦🏻‍♀️今日再俾多次機會，真心係好失望，我唔知係咪轉左手定同豆乳狂人再無關係，真係好大分別，豆乳狂人真係出色好多⋯⋯我今次係叫左 ：豆乳豆腐花$18 +另加 $8 芋圓(外賣加$1) 食第一啖已經知中左伏，首先個豆腐花係完全唔甜，亦無牛奶味(我仲加錢叫豆乳，我倒不如叫返普通豆腐花⋯⋯)，個豆腐花本身係正常，但唔甜既豆腐花真係唔係太好味⋯⋯好寡。屋企又無糖漿，寡到我忍唔住要加蜜糖🤦🏻‍♀️🤦🏻‍♀️🤦🏻‍♀️然後個芋圓又係無味既，亦都唔甜(好明顯係用清水滾，正常係用糖水滾)，紫薯嗰款只有好微微紫薯味，橙色嗰款直頭唔知乜味，係有啲趙口，texture係好有咬口既，但真係無味⋯⋯豆腐花已經唔甜，芋圓又唔甜，我食到黑人問號😥總結：份量唔大，就係一隻外賣白飯碗。同一個價錢，隔離河畔可以係佢1.5-2倍份量，芋圓仲要出色好多好入味，好明顯兩間店既貨源係唔同。太大分別，我真係唔相信兩間有關係⋯⋯Sorry 有碗話碗，有話直說，希望店家見到可以改善🥲…查看更多

第二度到訪ciao , lunch menu轉左，依加多左好多款式選擇，有pasta , salad , risotto, burger, pizza 同main … 我樣樣都好想試🥹🥹1) 香煎帆立貝明太子汁意粉 $98(另配餐湯/沙律菜 及餐飲)是日餐湯係南瓜忌廉湯，好好味！飲晒😋意粉出色，一貫水準發揮，個明太子汁都好惹味，略嫌得兩粒帆立貝唔夠喉者🙈2) 安格斯牛肉漢堡 $108(另配餐湯/沙律菜 及餐飲)上次食過真係太好味，今次再翻桌，依然都係咁出色，佢個麵包真係好好味，香脆鬆軟有麵包甜味，肉質juicy ，芝士流埋落啲薯條，順便有幾芝士撈薯條🤪，正。樓面男店員服務殷勤而且好體貼，本身我地前菜揀沙律，佢提醒我哋漢堡包有沙律👍🏻👍🏻👍🏻今次因為熱氣冇揀到Pizza，下次會再黎試pizza 🥰…查看更多

最近天氣好熱，想食啲fresh啲既野，想食最近好hit既poke bowl ，就上網search下邊度有。可惜poke bowl專門店都開在港島九龍，見呢間menu有就試下，過下口癮。餐廳掃QR code電子落單 方便👍🏻1) 自選天下丼 🥗主菜：呑拿魚漬 🐟+$20叫多一份刺身帶子配菜：玉子，蟹籽，沙律菜，紅菜頭粒Sauce：柚子油醋汁第一啖我有啲shocked點解個飯係暖既？我以為poke bowl會係凍飯😅 呑拿魚漬口感好有趣，煙煙韌韌，咸咸地咁，都幾好食。帶子刺身都ok，配埋啲菜同柚子sauce，係呢個天氣之下，係fresh既。2) 日式叉燒湯烏冬🍜(湯底：黑松露忌廉 // 麵底：轉拉麵)湯底重黑松露味，拉麵彈牙，叉燒正常，整體黎講都OK 3) 士多啤梨浮雪牛乳 (少冰少甜)同我想像中味道差唔多，唔知係咪因為叫咗少甜關係，味道淡左d，食到有少少真嘅士多啤梨肉，係好飲既。4) 朱古力肉桂抹茶(少甜少冰)複雜嘅味道因為有齊朱古力，肉桂，抹茶既味，抹茶味濃郁，不過飲唔慣，好似唔係好夾。尤其飲到最尾啲冰融左杯嘢都唔係幾好飲，都係普通抹茶latte好味啲🤣(後話: 因為落單嘅時候要一次過落埋嘢飲先有-$8, 分開兩次落單要同店員講返扣返$8，太麻煩，所以我哋一次過落埋嘢飲，啲嘢飲好早嚟到，食完主食，啲冰就會融左啦🥲)埋單$214，開係屋村商場黎講，性價比唔高，除非嗰日真係有乜特別想食而要一定幫襯呢間先有得食既話，先會考慮再encore…查看更多

今次係星期五嘅中午時間，門市很繁忙，入面廚房都有三四個人幫手，下單後需要等10多分鐘，店員事前已經有提醒我，給客人心理準備。今次點左角切魚生飯，白飯係底 ，面層除左有啲魚生外，亦鋪上蟹柳蟹籽碎，之前買都好似係撈好咗，今次就係自己撈。唔使落豉油都夠味。壽司飯的溫度略為有點暖，比較喜歡吃冷一點的壽司飯。魚生切得較為細小，略嫌欠一點口感。不過$50來講已經算很經濟了，會繼續幫襯，支持小店🤙🏻🤙🏻💪🏻💪🏻…查看更多