ShumTsuiYan的个人专页

$10串起就有交易，收工朋友去咗附近一間新開嘅串燒店happy hour。平時食串燒都最少$20一串，呢度居然有$10串串燒，仲要味道唔差！除咗抵食之外款式都幾多，鍾意食雞串燒嘅推薦七里香，一咬落去非常之鬆脆，另外雞腳筋就唔係度度都有得食。串燒以外估唔到藤椒魚皮都咁出色，爽口彈牙仲要份量十足。最後仲叫咗大大隻燒生蠔，而家做緊買一送一優惠我地一個人忍唔住食咗兩隻。老闆仲話會不定期有live show 表演🎤可以一邊食好野一邊飲酒聽歌。…查看更多

今次去咗圓方平台花園上面嘅 Luigi’s 意大利餐廳 食lunch，環境真係好舒服！靠住花園坐，四周都係綠意，完全冇壓迫感，入面又好有歐陸風味，坐低就覺得好chill，好啱hea住慢慢食。我哋叫咗個 二人share set。頭盤係 meat ball，一上枱已經香到爆，肉丸夠實淨又多肉汁，配埋酸甜啱啱好嘅番茄醬，味道好正。仲有店員即場刨芝士落去，濃香得嚟又唔膩，真係食到停唔到口。之後嘅主菜係 蜆肉意粉，蜆肉好新鮮，啖啖鮮味，加埋香濃嘅汁同埋煙韌嘅意粉，完全好match。最後甜品就梗係 Tiramisu 啦，甜度啱啱好，帶少少酒香，上面仲有 Luigi 嘅logo，好有特色。因為天氣太熱，我就叫咗杯 Diet Coke，冰凍又清爽。整體嚟講，Luigi’s 嘅午餐真係食得開心又抵食，下次一定會再去！…查看更多

和朋友相約晚餐，餐廳氣氛很好，店員十分親切。本身想一試西班牙海鮮飯，但我們只有兩個人，店員亦推薦了很多菜式，最後決定主力食Tapas，可以多叫幾款。上菜速度很快，首先上菜的自家製肝醬，口感很滑，配上熱辣辣嘅麵包，好吃！之後就上蒜油蝦，店員提議我們用麵包沾油吃，十分不錯。跟著還有牛肉他他，mushroom croquettes ，烤青椒和十分出息嘅松露火腿芝士Bikini。每樣食物都有豐富的味道和口感，配上Sangria，令我們吃不停口。十分推薦大家一試，但記得要先訂枱，晚餐時不少外籍人士想walk in但都無法安排。…查看更多

而家出街越嚟越少人食中菜好味嘅順德菜更加難搵，今次就特登帶父母嚟試最近好多人討論嘅龍尾軒。地點位於大尾督，喺大埔轉van仔入嚟20分鐘左右，一落車入到村會見到一間有中式格調嘅餐廳，喺門口隔離仲整左個涼亭，如果日頭黎可以坐出面真係幾有風味。講返野食，叫咗媽咪心心念念嘅順德煎釀鯪魚，我第一次食但都feel到果種手工味，魚皮又薄又香脆同入面鯪魚嘅香味配搭出層次感。另一味豉油王乾煎海蝦，D蝦大隻又入味，絕對係今餐嘅亮點。成日聽人講炒飯係最睇到廚師嘅功架，食完呢道鮑汁雞粒炒飯就明白曬。原來呢道嘅主廚曾經喺富豪飯堂福臨門廚師主理私房菜，唔怪得連平平無奇嘅杏仁茶都可以咁好食。…查看更多

雅蘭中心一直都係旺角區搵食之選，今次行過竟然見到開咗間新嘅日本餐廳，而且裝修睇落似fusion新派日本料理。前菜叫左個名為柚想蝦你嘅沙律，材料非常豐富，包括生蝦，牛油果，蝦子，生菜，沙律菜，海帶，萍果，柚子和車厘茄。食落好清新直頭有泰式沙律果份清爽。另一道係櫻花蝦原條茄子燒，上面淋滿左櫻花蝦味道估唔到同茄子咁夾。最後係名為火山嘅招牌菜，上菜時會點火，好啱打卡。火山嘅食材有兩件壽司藏喺火山裡面，外面放有蝦，帶子，蟹柳賣相精緻之餘味道都好鮮美。…查看更多

Parma ham with burrata mousse偏咸嘅Parma ham 搭上幼滑burrata mousse，再加上沙律菜，清新開胃Crab toast金黃鬆脆嘅多士，鋪滿藍蟹肉，賣相精緻，味道亦不錯Linguine Vongole蜆肉鮮甜，意粉彈牙惹味，色香味俱全，十分推薦Grilled beef steak牛扒外焦內嫩，帶有炭燒香氣，再配搭幼滑薯蓉，口感豐富Tiramisu口感creamy，濕潤絲滑嘅tiramisu 劃上完美句號，滿足的一餐😊…查看更多

今次我去咗一間充滿歐陸風情的意大利餐廳Pizzaria Italia，入到去就感受到濃厚的意大利文化。餐廳裝飾得非常有格調，令人一見就覺得好有氣氛。首先試咗佢哋嘅特色拼盤，拼盤上有三文魚多士、蕃茄、青瓜、橄欖和芝士，仲有魷魚圈同炸雞肉卷，啱曬三心兩意咩都想試嘅人！之後我哋點咗個意大利粉，配上清香的橄欖油，味道一流，粉量都啱啱好。再試咗蘑菇雞肉Pizza，Pizza的厚度剛好，口感軟硬適中，味道亦非常合我口味。最後，甜品點咗士多啤梨Tiramisu完美地為呢餐晚飯畫上句號。整體嚟講，呢間餐廳的食品質素高，無論係拼盤、主菜定甜品連咖啡都十分香醇，絕對值得推薦！…查看更多

呢排天氣開始轉涼，係時候打個邊爐暖下身！朋友話太子有間蕃茄薯仔坑腩鍋一定要試吓。先講湯底，果然無介紹錯，正所謂打邊爐最緊要係湯底，超濃嘅蕃茄味真係值得再試。配料方面都幾多選擇我哋就揀咗佢哋嘅西洋菜餃、本地手切肥牛同埋廣島蠔。西洋菜餃皮薄多汁，估唔到幾有驚喜。廣島蠔都算大隻，份量亦都唔少。要數最出色係碟本地特級手切肥牛，肉質滑嫩，睇賣相已經知係好野。口感同肉味絕對唔輸蝕比和牛。總括嚟講，樣樣野都係水準之上下次帶多幾個人嚟試埋海鮮同刺身！…查看更多

之前已經食過呢度嘅姊妹店Asian Lab，今日特登試吓越南嘢菜！叫左拼盤炒飯同呢個金邊粉，雖然拼盤炒飯都唔錯低特別推薦呢款越南大頭蝦配蝦頭油炒金邊粉，真係好好味！餐廳話呢個菜要多啲時間準備，但做出來嘅味道真係一流。大頭蝦大到足足有半隻手掌咁大，肉質鮮嫩，蝦膏十足，口感超級正。炒金邊粉用咗蝦頭油，好香，味道好入味，蝦同粉配搭得天衣無縫。呢個菜式有種避風塘蝦嘅感覺，咸香味濃，食完之後真係令人回味無窮。絕對冇令我失望，下次一定會返轉頭🥰🥰…查看更多

假日都要返尖沙咀搵食🫣今次嚟到尖東海旁附近嘅正宗意大利🇮🇹餐廳。兩個人各自點咗個沙律做前菜。招牌IBP 意式沙律配有吞拿魚、風乾番茄、雞蛋、沙律菜和清香橄欖油，色香味皆一流。另一款牛油果沙律配以新鮮牛油果、車厘茄、沙律菜及橄欖油，味道比較清新。主茶方面叫咗蜆肉意大利麵，啖啖蜆肉鮮味，配以蕃茄和橄欖油，味道清甜。意大利pizza 就試咗兩隻唔同味，一種口味主打磨菇，另一種芝士+風乾蕃茄，兩種味道都非常特別。最後當然唔少得甜品，ilBel 旗下本身就有專賣gelato嘅舖頭，Gelato果種幼滑絕對係必試。另一款甜品係名為Lucky cake 嘅意式蛋糕。…查看更多

尖沙咀不嬲有條韓國街比所有去唔到韓國嘅人過足韓食癮🥰今次經過見到有新餐廳當然即刻去試一試。餐廳個名叫釜山商會當然就係賣釜山最出名嘅嘢食，食韓國菜當然唔少得試吓佢哋嘅特色前菜6小碟前菜睇落同平時食嘅前菜差唔多，但係味道就的確有少少唔同。主菜我哋點咗釜山豬肉湯飯、肉湯的味道特濃，豬肉肉質鮮美，平時牛肉湯就食得多豬肉湯就真係比較少見。釜山豬肉湯麵，超多超濃豬肉味，而且食麵比食飯更加入味。最後仲食咗店員推介嘅龍頭山塔辣豬骨煱係釜山著名美食，豬肋骨豬肉配上精製濃湯、特製辣醬、新鮮蔬菜同埋勁多勁多勁多嘅芝士，非常邪惡而且份量夠晒四個人食。總括嚟講如果鍾意食豬肉嘅人一定會好開心，加上釜山嘅豬肉絕對唔比韓牛失色，值得一試🤤…查看更多

而家喺香港要搵間好食嘅上海嘢真係唔容易，今次有朋友推薦試吓呢間上海老家。果然無介紹錯小籠包皮薄多汁，店家非常用心，每件小籠包都用錫紙兜裝住，唔使再驚用筷子會整爛。其他小食方面，包括雞絲粉皮雞肉嫩滑，粉皮口感特別，配上醬料，味道開胃。脆皮素鵝外脆內嫩，素食者一定會鍾意。麻婆豆腐就唔使多介紹辣味十足，係送飯首選。最後仲點咗香醋排骨，排骨香脆可口，甜酸味道唔會太膩。甜品方面，當然唔少得高力豆沙，粒粒都脹卜卜，為今餐畫上完美嘅句號。每一樣餸都發揮得非常出色，以後要食上海嘢又多個選擇🤤…查看更多

上個星期要去機場做嘢，做完嘢返屋企已經煮唔切飯唯有去斬啲外賣返屋企啦。入左逸東呢間大少燒味茶餐廳。我左個大少潛艇，份量大到足夠一個人做晚餐（最後留返第二朝早餐），潛艇配料豐富，隔夜食都仲ok。另外，叫左個小菜涼瓜菜圃炒蛋，份量都幾多涼瓜甘苦嘅味道最啱夏天食。最驚喜係燒味，叉燒肉質鬆軟，配返個白飯送飯一流。而且份量都幾多，夠曬兩個人share食。估唔到今次外賣體驗非常唔錯，唔洗做無飯家庭之餘無論係份量定味道都有驚喜。…查看更多

啲人話人人去咗北上，餐廳無曬生意，我就覺得最緊要係睇餐廳質素。好似The Pantry咁8點鐘都仲要排隊🥲烤大蝦冬蔭公意大利飯配魷魚＆草菇： 驚喜十足，大大隻嘅烤大蝦，肉質鮮嫩彈牙。冬蔭公湯底酸辣開胃，同意大利飯的軟棉棉口感完美融合。配埋彈牙嘅魷魚同草菇，成個層次更加豐富。新鮮海膽，香煎帶子及蟹肉海膽忌廉汁意粉： 呢個係海鮮控必嗌嘅意粉，新鮮海膽嘅鮮甜，加埋香煎帶子陣陣焦香，仲有蟹肉海膽忌廉汁加配滑順，恰到好處。甜品方面叫咗一份Ricotta 厚班戟，入面有焦糖牛油，楓葉糖漿＆水果。口感鬆軟，每一口都食到濃郁嘅奶香。搭配香甜的焦糖牛油和楓葉糖漿，以及酸甜的水果，口感豐富多層次，認真令人回味無窮。另外又點左朱古力奶昔，唔會太甜相反係濃郁香醇，啱曬我呢啲鍾意飲朱古力嘅人。…查看更多

樂天皇朝最近喺銅鑼灣利舞臺廣場開咗新分店，裝修典雅舒適啱曬一家大細嚟食。首先當然要試佢哋嘅招牌「特色皇朝小籠包」,八種唔同口味糅合而成,每個都肉多汁多,一咬就流出滾燙嘅湯汁,實在令人食指大動。之後點咗「皇朝魚湯酸菜魚」，第一次喺樂天王朝食酸菜魚，竟然魚肉鮮嫩夠味,份量十足,一啖又一啖,仲有大量嘅米線🍜兩個人食都食唔晒。最後甜品叫咗「香煎豆沙鍋餅」外脆內軟香濃,甜度適中。真係估唔到成餐飯最值得讚係個酸菜魚，以後除咗嚟到想食小籠包，仲會掛住呢度嘅酸菜魚😭…查看更多