lsta0205的个人专页

平時放工都會行過，上次食過d丸，都ok今次就試下佢個招牌菜煎餅果子，我仲加咗10蚊要埋佢個豬腩肉，無飲品，一共要60蚊即叫即整嘅，等咗10分左右已經搞掂，佢嘅廚房好細，企咁4-6個人，我用八達通俾錢都要行去另一邊，不過間鋪個位置對正馬路邊，我企喺行人路等唔係太方便，又冇指示叫我去邊度等。番到office一開始食，味道係唔錯，食左兩啖已經見到有1條啡色短頭髮...食到最後竟然搵到有3條啡色短頭髮！我冇染髮㗎...真係好唔衛生，可能因為近馬路邊又大風此餐廳不推薦。。。著實60蚊呢個價錢..隔離街都連埋嘢飲仲有找！…查看更多

10月第一個星期六...咁啱見到個招牌寫住...「腦細」「CLS」😂😂😂太好笑啦仲要午餐鹽酥雞飯28蚊，真係好吸引啦~推門直行，電梯上二樓，正呀，個門面好過癮😂😂😂勁有香港特式，顏色好shape👍🏻內裏係悠悠閒嘅超hea空間~好好坐呀~QR code落單，最後揀咗個腦細介紹嘅招牌菜！冰火辣雞刈包~~茶餐仲有埋嘢飲送👍🏻大大壺熱茶，揀咗白桃烏龍茶，~冰火~真係個觸感好正😝😝😝辣雞甜雪糕 vs 熱肉凍甜品味道唔錯😋腦細好好人㗎，唔係CLS啦，係好好嘅聆聽者~另外，真心推介夜晚過嚟同朋友Chill吓~有水焉🤣又有酒飲㗎👍🏻🍺🍷🍾🍻新開張嘅餐廳~好值得介紹🍻🥂係comment,like and share!利申：非廣告😆😆😆ps. 改咗三次，今次食評刪走曬所有背景，仲要避開字眼，終於可以po😑寫個食評真係難！11月都嚟緊啦！…查看更多

太和呢間餐牌價錢與app點餐的價錢不同， 套餐加配為18蚊，唯有只好要求員工幫忙落單。結帳時，發現帳單價錢不一樣.… 敏華餐廳的收費實在令我感到不知所措，如果價錢可以一改再改，麻煩重新改餐牌，一個m1套餐加個爆爆珠帳單竟然係寫60+28蚊？m1套餐根本就唔係套餐，加杯野飲都要加錢有冇搞錯？單點同套餐有咩分別？是否不符合商品說明條例？員工落錯單亦沒有任何道歉，我叫了單點，同我講送野飲，原來要加錢買套餐，之後再點單問佢係咪得一款紅豆冰，果位員工又話係，結果落錯了沒有爆爆珠的紅豆冰，請貴公司好好再培訓員工！呢間茶餐廳性價比好低，要食茶餐廳，都唔好食太興集團啦，寫信去投訴結果都得唔到公平對待，話d價錢本來就係咁。但係明明套餐就冇包任何野飲！！🙄72蚊一個叉燒蛋飯，唔抵食，成日話咩好出名，但我買兩餸飯都係30蚊，根本冇咩值得再食的意義。…查看更多

好耐冇食慢煮牛..諗住過嚟食，點知發現佢搬左去4樓。叫左兩個餐，點知冇豚肉食🥲，口頭講轉左個薄切西冷牛，我好開心咁加左15蚊試吓杯士多啤梨鮮菓乳酸，點知原來會冇左個湯，我話張單唔係咁寫，佢就無奈補番個湯俾我，服務都算唔錯🙏🏻好明顯係水同乳酸分離左....飲到尾發現成杯糖水咁😅好失望囉全部餐都係牛，牛同飯都係唔夠熱，d飯一舊舊...隻溫泉又一早已經穿左🥺d汁都痴埋曬d飯度，唉，點撈飯....唔似以前咁，宜家牛同飯係分開左擺，睇個賣相都知，唔同牆上d飯照嘅？！但係味道唔錯，都係嫩滑入味嘅牛牛👍🏻唉，牛小排整碎左，口感冇咁強烈.....🙁最令我驚訝嘅係，食到一半我先發現冇左蒜片！變左薯角！喂呀！勁多碳水化合物囉！又唔講聲？又唔問冇左個配菜要唔要轉其他？唯一可取係薯角都係脆嘅....真正做到貨不對單....🙄我唯有安慰自己，新開張嘅餐廳係咁...鬼叫呢到之前係做緊外賣店咩....229蚊真係唔抵食，新嘅慢煮屋，好失望囉，噢，呢間係叫慢煮唔係慢煮屋🙈唔好意思…查看更多

上星期五晚見佢做緊優惠，諗住近近地就食個火鍋啦，點知樂富廣場麻布茶房呢間d service勁差，d員工無train過，完全唔知咩係service，麻布茶房連投訴熱線都冇，奉勸大家真係唔好去食，又貴又唔抵!!***本身係我男友食完個火鍋，去左廁所未番黎，有個staff冇啦啦上左客雪糕，我就話我冇叫過上雪糕喎，唔係我架啵，個staff跟住問番經理，然後個經理隊杯雪糕落我枱面，夾硬塞我要，事前問都冇問過我上唔上得，佢剩係話你個火鍋有限時，我問佢到食幾點，佢話07分，但當時只係7點50分，個雪糕已經開始溶緊，叫左火鍋牛肉套餐係最貴果個A+D款，個經理一聲唔好意思一句sorry都冇，施施然就行開左，我就睇住杯新地溶……而我仲食緊火鍋……唉，員工經理都好無禮貌……隔離枱枱都係叫先上甜品，我又冇食到過唒鐘，擺明係出錯餐啦！***到我要食杯裝雪糕，叫佢個staff執一執枱面d嘢，個staff應承左又冇理我，埋單先至收番阻住我個鍋，呢d service咁差，仲要收原價加一，very bad service，total 200幾蚊其中有35蚊service charge，真係唔值得。***麻布茶房出名甜品好食，不過愈做愈差，芒果聖地唔夠濃味又浠，食m記雪糕仲好；外相因為溶唒而扣到負分；唔講service，佢有份火鍋海鮮配料都唔新鮮，完全係雪藏嘢，豚骨湯底冇豚骨味，食隔離間西餐好過。想食火鍋食吉野家，又平又抵又唔洗受氣！慶祝節日我一定叫同事朋友唔好去！！離唒譜！！…查看更多

今次唔係第一次黎呢間餐廳, 開左咁耐, 間唔中都會黎光顧下 :0今日係我媽媽的生日, 我地4個人9點正就黎到呢間鄉土風情,因為唔洗等位, 地方大而人又少慶祝媽媽生日, 係衝住佢平價點心而黎 爸爸諗住大家高興下就嗌左隻乳豬,我地諗住加多幾碟"餸"....原來唔可以又嗌點心又嗌3寶(大家, 真的要小心, 在餐牌上無寫明任何相關要求的附帶條款)最後我地都揀左食夜茶點心, 頭抽炒腸粉, 唔會太咸太乾流沙奶皇包, 裏面d黃真係流哂出黎, 夠熱牛肉球,鮮竹卷,鯪魚球, 都唔會太油膩, 不過爸爸就想食炸物..:333夜茶點心還不錯, 茶介位位$12, 收加一不過今次用餐經驗實在不愉快, 尤其是普通職員不友善的態度和過份強硬的處事手法好可惜媽媽一年一次開心既生日飯竟然搞成咁 唉!!好激氣呀真係! 希望全港唯一一間的鄉土風情有所改善啦.…查看更多