Christy Lau Shan Shan的个人专页

天氣開始凍啦～當然要食番暖笠笠嘅食物啦！對於鍾意食烏冬嘅我，鰹烏冬出了壽喜燒鍋，牛肉仲要係安格燒牛肉，肉質鮮嫩；壽喜燒湯底嘅鮮甜味喜出望外，不會覺得太咸；烏冬吸了湯汁嘅味道，簡直係完美。見鰹烏冬仲有柚子胡椒豚肉鍋＆酒煮牡蠣豚肉鍋，要再搵日去試下先得。…查看更多

食烏冬都可以很健康，山見烏冬即山藥烏冬，烏冬已經夠滑，連山藥都滑，全碗烏冬真係可以食晒都無負擔，對於不喜歡食肉嘅朋友，值得一試 再另外叫了天婦羅雞件＆新出嘅鹿兒島紫薯甘栗餅，天婦羅雞件外層鬆脆，粉漿夠薄，雞塊夠嫩夠juice，係我最鍾意嘅炸雞質感；至於新出嘅鹿兒島紫薯甘栗餅，紫薯嘅甜味唔會搶走栗子嘅味道，栗子是一粒粒的，兩者混合在一起，真不同平時食嘅薯餅，紫薯我是一般的，但這個可以再encore這間分店真值得推介給大家，間中就會有新品出現，所推出嘅菜品又能夠迎合到很多人嘅味蕾。…查看更多

牛頭角店班底去了長沙灣，當然跟隨他們啦～其實之前長沙灣店嘅烏冬煮得真係過左時間，所以才會轉往牛頭角食，現在竟然員工去了長沙灣，可以唔使去到咁遠。因為食得出有用心去煮的，尤其是烏冬，煮過火真會唔好食，但食開好食嘅，真會食上癮。彈牙嘅烏冬真係唔係到到食到，更何況冷烏冬有海苔味，柚子味，夏天食就一流，對於不喜歡食冷烏冬嘅我，真令我對冷烏冬改觀。店舖除了食烏冬外，還有其他小食可選擇，雞皮餃子，天婦羅櫻花蝦什菜餅，天婦羅雞件，天婦羅廣島牡蠣，竹篋魚扒，乜叉雞中翼，唐揚魷魚圈，番茄青瓜沙律。有呢d小食點綴一下，令到呢餐晚餐食得特別開心。還有係會有驚喜，期待又有新品可以嚐試。…查看更多

價錢與食物質素成正比嘅火鍋。首先來個龍蝦鮑魚海鮮拼盤，有新鮮龍蝦，鮑魚，蠔，龍疐片，鱔片，蜆，蝦。蝦，蜆，龍疐片，鱔片任食，仲有其他值得重覆任食嘅火鍋料，都值得食。牛，水餃，鴨血，走地雞，菜，烏冬等……2.5小時不會太趕。仲要可以任飲紅白酒，凍與室溫飲，兩樣選擇都有。店員教導，火力最大維持4，食完明白，火力太大會好快令海鮮過熟，4嘅火力剛剛好，海鮮煮得剛剛好，任何食材都不會煮過火。火鍋除了個鍋底及爐，材料新鮮之外，要煮得適中，先不會浪費食材。服務又好，侍應會主動收走不用嘅碟。畀4粒星，係因為任何地方，就算好，都要留有繼續進步嘅空間。另可加30蚊，將龍蝦頭斬件炒成避風塘龍蝦，上枱已經超香，又好食。如果想就咁生食，因需另外處理，每位加50蚊，就可以食到新鮮嘅龍蝦刺身。…查看更多

午餐＆晚餐食得多，牛頭角店還有早餐食，當然要食烏冬啦～我叫了雞扒加炒蛋烏冬，大大碗，烏冬依然都這麽好食，以價錢及質量來睇，的確係較吸引的。😋😋😋👍🏻👍🏻👍🏻…查看更多

返工做到攰一攰，最想搵朋友飲杯啤酒之餘，還可以有野送酒食。呢間鰹烏冬除了烏冬好食外，晚餐都有另一選擇，可以一路傾一路食。食物份量絕對足夠，豚肉鍋，炸雞，炸魚，大份又好食。炸雞大大件，炸到外脆內嫩，還保留到肉汁；炸魚唔好睇佢大大件，每一啖都是肉來的😍😍😍；豚肉鍋以一人份嘅量來講，真是很足夠，最重要好食，豚肉肉質唔錯，蔬菜又足夠。想與朋友聚聚，這裡是不錯嘅選擇。…查看更多

有質素，又有人情味，環境簡單的小店。👍🏻👍🏻👍🏻我幫襯過漁樂已有兩次，真係好好食的。我最鍾意去骨鱭魚，因唔使落任何調味料，檸檬汁都唔使落，都食到新鮮嘅味道，因新鮮嘅野落調味料就浪費左食物本身嘅味道，連我唔鍾意食魚嘅朋友都話好食；魚仔濃湯魚湯嘅鮮味再加紫菜及少許蔥花，提升魚嘅鮮味，這個湯男女老幼都啱飲，天氣凍的話飲佢更加正；冷泡麥茶係老闆自家製，冰凍嘅麥茶，入口完全有好香嘅麥味，如果鍾意麥茶嘅朋友值得飲。這漁樂還有啤酒，尤其是西班牙啤酒，好味又抵飲，用來送炸魚絕配。😋😋😋漁樂老闆又好好人，又有人情味，會介紹自己嘅餐牌裡嘅食物，會主動與顧客交談。我咁耐以來都未見過咁有人情味嘅老闆，這已經是令我會繼續回頭幫襯嘅小店。😊😊😊環境簡單，兩個汽水箱加木板已經是一張枱，感覺好似去了日本旅行。🤣🤣🤣…查看更多

近來有很多雞湯嘅粉麵店出現，呢間在深水埗嘅醉藥雞味道好，價錢合理，選擇又多。我叫了招牌砂鍋醉藥雞米線，因這麼好味嘅湯底配米線係最好味的。湯底聞起來有淡淡嘅酒香味，飲到有好香嘅紅棗味，絕對鮮甜。內裡還有薑，淮山，雲耳，真是好味得來又健康，女士可以補補身子，調理一下。如果酒味可以再濃少少會更好下次我還想試其他款式嘅食物…查看更多

今日時間尚早不用排隊太耐，等了一會兒便到我了。我叫了經典朱古力味(大size，成個用了漢堡包盒裝住)，都食到玉桂嘅味道，又不會搶了朱古力嘅味道，如果不太好肉桂嘅朋友，可嚐試這款朱古力。因我本身鍾意熱食的，想有流心效果，向店員查詢後，可在家用微波爐或焗爐整番熱來食，我就用了錫紙包著肉桂卷，較了焗爐200度嘅溫度，焗了15分鐘，本來我想焗20分鐘，但太心急想食了。焗熱後果然唔錯，朱古力夠濃，當中帶有肉桂嘅味道，麵包質感鬆軟。由於我不飲咖啡，於是叫了handmade lemonade soda，配肉桂卷來食是最佳享受。我推薦要整番熱係最佳效果…查看更多

在網上見到這間餐廳有手調朱古力，這是我的至愛😍😍😍。手調朱古力嘅朱古力味夠濃，飲口夠滑，飲完喉嚨不會有唔舒服嘅感覺，飲過這麽多朱古力，這間嘅朱古力係我飲過最好味的。另外黑松露虎蝦忌廉意粉都好食，意粉嘅軟硬度適中，虎蝦整得剛剛好，夠彈牙，忌廉汁裡黑松露味不會搶了各自嘅味道，不過如果忌廉汁稍為少番少許會夠好。整體上都好好，睇得出整嘅人有心機去煮。值得推介👍🏻👍🏻👍🏻👍🏻…查看更多

之前上網見到介紹tardemah的麵包，見到已經好吸引，這間本身在韓國都好有名，好多人都會朝聖購買，竟然現在香港有了，這麽近，不能不去看看。在網上見到都已經不知選擇那款，何況在店舖看更難選擇，不過最終都是揀Pepperoni Gorgonzola Bread，店員的小提示是先用微波爐預熱1分鐘才食，但我不太能食用微波爐預熱的食物，放是用焗爐熱麵包。麵包外層有點脆口，口感鬆軟，材料充足，全個麵包都有香草味 ，食完我還記得麵包的味道，我本身不太鍾意食麵包，都會有下次再去購買的衝動。食完我都忍不住介紹給朋友購買，尤其是有小朋友的。…查看更多

見到咁多人稱讚這間米線舖，於是專程潮聖一下，我叫了豬骨湯小鍋米線加豬腩肉及竹笙，另叫了醉雞翼。米線真是我食了咁耐米線以來最好食嘅米線，因軟硬度適中，湯底不會太濃，腩肉有醬汁好正。醉雞翼肉質雖然實了點，但勝在有酒香味。下次試下其他款式先，可回頭再食嘅米線。…查看更多

太子越來越多的食肆，沒有吸引之處真很難突圍而出。這個樂湯雞除了價錢合理外，佢地嘅湯底絕無味精。這碗係砂窩雲吞雞配新竹米粉，湯底有很香的金華火腿味，雞湯較濃而不會太咸，配上米粉或米線是最佳的配搭，雞夠鮮辣，最後連湯都飲晒。…查看更多

我ORDER了手打安格斯牛芝士漢堡吐司，漢堡扒完全很厚，肉夠鮮嫰多汁，包裝紙都有肉汁的；吐司套餐還包一杯百香檸檬茶，不會太甜；另加8元ORDER了薯波，其實可以加12元ORDER薯塊，但薯塊經常都可以食到，決定薯波好。這裡的價錢唔會太貴，這3款都是71元，合理的價錢食到肉嫰多汁的安格斯牛，這不是容易遇到的。…查看更多

好野係要捐窿捐罅先搵到，我搵到呢間好好味嘅朱古力飲品。原豆手造朱古力，入口好滑，很有可可味嘅朱古力，可揀74%或100%可可，亦可揀豆奶或牛奶，對於我當然揀豆奶啦～74%嘅朱古力，飲完口裡還有可可味，出面嘅cafe，朱古力飲品完全比不上，仲要係呢到嘅手工朱古力飲品唔貴，40蚊咋!仲好過去cafe飲啦～朱古力控嘅我，完全被呢到吸引住啦～我會好掛住你的。呢到沖嘅朱古力，好似調咖啡一樣，認真去調一杯好味嘅朱古力👍👍…查看更多