candicen的个人专页

將軍澳popcorn 有間芽莊輕便version ! 咩野叫輕便version 呢？ 就係呢度嘅選擇比平時中環銅鑼灣尖沙咀分店小野揀啲！類似越式碟頭飯形式咁。我就最鍾意食撈檬啦…查看更多

話說啱啱收工， 到將軍澳已經九點，攰到一個點，同老公諗住試吓麻布茶房，之前未食過.....叫咗個聲稱係美國牛扒， 特價左都要百幾蚊，仲有天婦羅冷烏冬餐......天婦羅油到一個點，咬落去成口都係油！ 仲要天婦羅殻甩晒出嚟！ 牛扒等左大半個鐘，牛扒係有雪味，仲要一啲牛味都無！.....最好係個烏冬撈豉油..... 個餐跟一個甜品，未上之前已經聽到隔離枱話個甜品酸酸地，凍嘅粟米湯係酸味，好明顯係壞咗......估唔到佢會完完全全咁比返個壞嘅粟米湯俾我一定無下次！…查看更多

今日係老爺奶奶嘅生日，而且老公又啱啱升左職，所以一家人就去到金鐘三寶之一嘅萬豪酒店食自助餐自助餐當然係食海鮮啦，香港人嘅心態要回本呀嘛，而且海鮮又唔肥囉講冷盤方面，有龍蝦、長腳蟹、麵包蟹、蝦同青口！龍蝦鮮甜！長腳蟹有海水鮮味！麵包蟹多糕而且味濃！蝦新鮮爽甜，青口就正正常常。至於熟食，啲例牌野燒牛扒羊架，燒味意粉嗰啲就唔多講啦。想講嘅係佢呢度有龍躉，燴花膠，炆鮑魚，唔係間間自助餐都有㗎！花膠炆得好淋，最啱養顏！鮑魚亦都唔會硬！不過小心食得太多會滯呀…查看更多

同老公搬左入澳南都差唔多一年，由於呢到新樓多，商場都未開晒，所以係美食沙漠！最近對面海翩滙入伙，開左間日本浜燒！星期六lunch 得閒就去試下啦點幾鐘一入去都滿左7成，佢有獨立房，都有普遍枱，都幾闊，坐得幾舒服Lunch 有lunch set, 因為好多嘢都想食，諗左好耐最後我揀左魚生飯，老公就食牛扒餐先講我個魚生飯，啲魚生係幾新鮮，無雪味！而且厚切，粒帆立貝仲要幾大粒。油甘魚爽甜，吞拿魚係用中toro 位，爽而不利。個飯底同醋比例啱啱好！至於個牛扒飯，生熟比例剛剛好，係燒所以唔會覺得好油膩，亦都有牛味。 其實呢度主打浜燒！已經同老公諗住搵日晚餐嚟食多次燒海鮮啦😻…查看更多

終於捱到星期5啦！ 當然要食返餐好！所以同老公去左fashion walk 睇下有咩食！因為老公話想試下coedo full set beef, 所以就入左去啦。Coedo 最出名當試係beer la佢個beer set, 每一杯都配搭一款串燒。 每一杯嘅味都唔同，我就最鍾意紅赤，甜甜地，又帶有小小nutty 嘅香氣。shiro 都唔錯，有少少果味，飲落仲有少少香蕉味添！適合女仔飲！串燒方面，最好食係香菇同埋牛舌啦！我地仲叫咗個焗牛油果不過就麻麻哋啦！主食方面就叫左吉列牛舌飯，都唔錯嘅牛舌都唔會炸到乾晒，幾好啦！Overall 都唔錯, 幾啱星期五happy Friday! …查看更多

又到1月啦.....令人沮喪的peakseason 又到啦.....做嘢都要食飯㗎，今晚又要OT啦， 同幾個同事去公司樓下金記食啦。因為貪佢呢度有我哋細個食開的風味，而且價錢又唔貴，食物質素又OK！ 今日叫左呢個焗牛舌意粉平時去茶餐廳都好小叫意粉，因為好驚會煮到淋晒！ 本人唔鍾意食淋嘅粉。但佢呢個真係做到剛剛好，唔會太淋，又唔會唔熟。雖然要焗，但係上菜都幾快呀！啲蕃茄汁同啲粉嘅比例啱啱好！牛舌又夠淋，焗完之後都仲juicy!分量對我來講就有啲多，不過對男士應該啱啱好。…查看更多

今日係我最鍾意嘅聖誕節呀，同屋企人飲完茶之後，同老公行到去海港城shopping買聖誕禮物。行到攰攰地，就搵間Cafe坐下食個Tea 先。話晒都係聖誕節，梗係要食啲甜啲sweet 啲既啦。 減肥聽日先啦平時唔飲甜野嘅我，通常都會叫latte ! 因為今日聖誕節， 特登飲杯朱古力之前都飲過佢嘅朱古力，佢唔似其他用粉冲，佢係用朱古力溶出嚟㗎，所以特別好飲！飲啲咁甜嘅朱古力，當然要食過refresh d 嘅cake 啦🎂🍰 酸酸甜甜嘅熱情果，同杯朱古力真係好夾。話曬都係法國brand 質素當然有番咁上下啦…查看更多

新一年送舊迎新，放完長假返到公司，見到樓下間東南亞野已經執咗，變成我最鍾意嘅鰻魚飯！成個星期lunch 經過都見到好多人排隊，今日同同事特登早啲去， 終於食到喇！呢到基本上只有鰻魚飯呢個選擇，你只要揀要大定要細！我見到店入面大多數人都係揀我呢個呢度啲鰻魚全部都係炭火燒，喺入口你就見到有個玻璃廚房，見到啲廚師係入面燒緊啦。味道都尚算唔錯，當然冇得同京都米之蓮一星嘅廣村比較啦。呢個價錢呢個質素，中規中矩啦。好處係佢新鮮燒，啲鰻魚仲熱辣辣。個鰻魚汁都唔錯，但個飯底其實有啲少，男仔可能唔夠飽啦。總括來講都OK啦會再嚟！…查看更多

今日終於到星期三，返多兩日工又到星期六。難得今日無咁忙，早餐又無乜食野，lunch 就同同事去樓下牛氣打個邊爐先🤤其實成日都食牛氣嫁啦，因為lunch 又平又可以食好多菜，感覺好heathy 咁😂Lunch $100蚊有找，係cwb 算幾好啦，仲要係任食任飲喎！同其他日式邊爐放題比較，我就鐘意呢間啦。次次啲肉質素都正常，唔會話比晒啲肥肉你囉，又唔會切到勁薄chi chi 咁喎！所以呢到真係唔錯的lunch 地點！…查看更多