Waltz的个人专页

同爸爸慶祝父親節，之前食左太多次西餐，今次換換口味～12點去到，已經有好多人等緊位，我地肯搭枱，所以好快可以入座～特色小籠包：沒有特色蟹粉小籠包：有蟹味，不錯，但是湯汁不夠多，沒有上海吃小籠包的爆湯感～薰魚：跟我在京滬吃的不同，肉質很飪，咸大於甜～烤芙：與京滬相比，味道比較淡～擔擔麵：這個最好吃，麻醬充足，有少許辣，很香～排骨蛋炒飯：蛋炒飯很香，而且排骨頗多～淨排骨：與排骨蛋炒飯的排骨是一樣的，本來以為是炸的，誰知道只是煎加上黑椒而已，味道一般～不過份量相對大～蒜蓉油麥菜：可以～蝦肉水餃：一般～牛肉麵：這個也很好吃，牛肉很多，炆得很飪，而且湯底是牛肉湯，很香～芋蓉包：包皮太厚，平時在普通酒樓吃的還比他好～八寶糕：忘了正式的名字了，反正很一般，外型似白糖糕，但沒有任何甜味，很後悔點了這款甜品～整體來說，食物質素只屬一般，份量很小，要完全吃飽必須多點菜，所以價錢也不菲，所幸服務還算不錯，綜合而言，應該不會再來～…查看更多

葡萄牙對北韓世界杯撞正食飯時間，為左兼固睇波同食飯，就揀左呢間新開的餐廳～七點鐘去到已經係最後一張枱，可見世界杯的魅力～因為睇波的min charge係＄１５０／ｐｅｒｓｏｎ，所以就點左一個set dinner，散叫一個pasta～set dinner包括appetizer，soup，main course，dessert同drink～appetizer：所謂是巴西魚柳，本來以為會有一小碟，豈料是跟餐湯一起奉上的一小塊......味道是不錯，但份量未免太小了～黑松露忌廉湯(+$25)：有很多菇，夠creamy，味道不錯～羊膝配蕃茄飯($208)：羊膝煮得很飪，飯很creamy，沒有甚麼蕃茄味，比較對我們的胃口～carbonara($76)：sauce夠多，如果煮得杰一點會再好些，但整體不錯～bread pudding：送的甜品，份量小得一口就能吃光，中間居然是菠蘿，有點始料不及～心太軟($48)：賣相漂亮，味道也不錯，但流心效果不足～整體味道不錯，不過份量實在太小，沒有甚麼飽腹感～服務很好，雖然人多，但加水也非常勤快，也會熱心解答菜式問題～裝修簡約，基本是黑色，不過店鋪小，人多就顯得有點擠迫～以地段來說，屬於比較貴的餐廳，未必會時常光顧～…查看更多

唔經唔覺，同沙漠王子就一齊左四年，雖然沒甚麼大風大浪，但係平平安安咁過四年都唔係容易，所以當然要紀念下呢個淨係屬於我地兩個的特別日子今次係沙漠王子揀的，原因係呢間可以自帶酒水，前提係要order飲品～book左7:30，去到......一個人都無成晚得我地一張枱（居然無心咁包左場？），真係好有氣氛！Main course+$120就可以有4-course meal，所以點左兩set：Appetizer：鵝肝配蘋果：幾好味～青口：個汁好好味，之前用左黎點包～Soup：包包＋自家鵝肝醬：包即焗，很脆很好吃，醬有鵝肝醬，牛油同一隻不知名的酸醬，據說鵝肝醬係個日厨師首次試做，所以送俾我地試～鵝肝醬配多士一流！包可以無限添，因為Ｄ醬實在太好食，所以我地encore 左三次Truffles soup：好creamy，又夠truffles香，好正！Lobster Soup：似紅湯，都唔錯～Main Course：意大利雲吞：看上去份量小，但因為汁非常充足，非常食落都幾滯，但係好好味！ram rack：呢個真係細份，味道可以，不算特別Desserts：所有desserts都好吸引，係一番猶疑下，揀了－－－心太軟：係成個set中最大份的，而且很好味，非常有流汁感，朱古力味濃，推介！apple crumble：有多重口感，沒有心太軟甜，也不錯～雖然每個course睇落細份，但食落都好飽！環境很好，服務也很周到，值得在特別日子來！…查看更多

行過見到呢間野食好似幾啱食，價錢又唔貴，所以就入左去～一來唔想諗，二來想試多Ｄ野，三來價錢合理，所以就點左$99二人餐，可以揀一款意粉／焗飯，一款mash potato，湯，蔬菜同小食～拿破侖海鮮長通粉：沒有甚麼味道，一般～湯（＋８轉冬蔭功）：很辣！mash potato：揀左蝸牛，薯蓉好難唔好食０既～白汁西蘭花：OK啦泰式豬頸肉：這個很好吃～送的甜品：芒果布甸，送的就唔好咁多要求啦！份量略為細碟，不過都夠食，雖然味道只算不過不失，但價錢真係抵，因為唔駛加一，下次會再去～…查看更多

上完堂食少少野返教堂，沙漠王子流鼻血唔食得泰國／韓國野，所以就近試下呢間～入去先知原來係天主教的，裝修全用天主教外，也有天主教遊戲玩（雖然還未被拆開），連食譜也打宗教旗號，如＂信，望，愛＂冰沙等，幾特別忌廉汁三文魚意粉：汁不夠，也不夠creamy，一般carbonara：相反這個汁非常足夠，所以不錯green bonfire：wasabi+apple mousse，搭配獨特，入口wasabi味蓋過一切，一點都不甜，很難感覺自己在吃蛋糕，不過wasabi感覺提神，看來是想模仿宗教象徵。還有一個red bonfire，是用chili的，這次沒機會試，看看下次有沒有機會吧～carmeral coffee：很淡，很普通的咖啡這裏食物普遍細碟，但OK精緻，雖然價錢偏貴，但當支持教會，無計啦！…查看更多

約左FD去telford食tea，唔想食太多野，就去italian tomato食個cake set傾下計～因為呢度係cafe，所以無pasta，只得cake/sandwiches～我要左個cake set($38)，+$12試tiramisu caffe焦糖香蕉批：cameral cream+banana slice+cameral mousse+chocolate cake+chocolate tart，cameral layer得很薄的一層，仲要被香蕉片霸左不少空間，朱古力蛋糕很乾而佔的比例又多，實在不討好，朱古力餅底又唔香，令人食得很不滿足Italian Tomato D cake真係越來越差，cheesecake少左料（加埋細件左），non-cheesecake又很普通，真係唔會再買黎食～Tiramisu caffe：雖然細杯，但外型漂亮，只得上面的cream有少少tiramisu味，下面杯coffee就係普通咖啡，唔落糖偏苦～telford呢間開係lift底，無乜私人空間，座位不多，不過勝在可以慢慢坐，都幾舒服～…查看更多

原來Zoe初九先開一場去到希慎道，就去利園cova食tea～tea set(3:00-5:30)得3種：1. tea buffet ($168)2. tea set($128) 3. cake set($118)價錢差不了許多，又想坐耐Ｄ，就試下tea buffet～tea buffet食物款式不多，只有pastries, salad, snacks, cake, mini sandwiches，包一杯juicy及餐後coffee/tea雖然要減肥，但難得來到，還是每樣都試了一點snacks有cookies,mini pizza，cookies牛油味不夠，味道只屬一般，有一種內裏包火腿及芝士的脆面包味道反而不錯～Pastries整體來說是所有食物中質素最高的，各種tart類都不錯，牛油味很香，尤其是一種酥皮包著提子及果蓉的pastries味道最好，忍不住encore了一次cake則令人非常失望，款式不多之餘，味道也非常一般，跟我昨天吃的美心差不多尤其是tiramisu，入面居然是果粒令我懷疑是不是忌廉saladgreen tea mousse沒有綠茶味，很奇怪～puff的皮也不夠香，整體來說，cova甜品不值得浪費quotasalad只有fruit salad，賣相很差，沒有試的慾望～juice：我本來點菠蘿汁，他來錯了tomato，便將錯就錯，多送了一杯給我，可能因為我太喜歡jenny bakery的菠蘿汁了，所以我覺得cova不夠菠蘿味，反而有咸味，味道好像浸在鹽水的菠蘿～tomato都是很咸，我覺得果蔬生活更好喝Mocha：coffee不是一般的coffee，可以揀款，我要左mocha，細杯是意料之中的，咖啡味很濃，朱古力味亦香，泡打得夠滑，是一杯不錯的mocha～如果你是熟客的話，waiter會對你服侍周到，但對生客就不是如此了。由你進來一刻，就會不斷問你要不要tea buffet，點餐時只會不斷推薦buffet（令你感覺不點tea buffet會很對不起他），到了四點半就會問你還要不要再拿東西吃（明明buffet到5:30！），而且不會給你加水今天去人很多，不過地方寛敞，坐得很舒服，雖然食物味道只屬一般，但坐上兩個小時聊天還是很不錯的～…查看更多

今次初三叙餐罕有地選擇了西式，西式連鎖店大部份都嘗試過，所以就去捕捕Tony Roma's這尾漏網之魚法包配香草牛油：送了四大條法包，雖然不熱，但仍頗脆，配上香草牛油，味道不錯～Appetizer Sampler($108)：芝士焗薯皮，chicken wing同炸條，我只吃了焗薯皮，芝士多過薯仔，味道還可以～Ribs Combo($208)：Honey ribs，肉質夠飪，但不夠juicy～Roma Feast($298)：有栗米，腸仔，焗雞同Ribs，這次是用BBQ sauce，不過我覺得味道跟honey的沒多大分別～白汁雞肉幼麵($98)：白汁夠，味道不錯～Cookie Sandae w/ ice cream($58)：賣相漂亮，大大球雪糕，曲奇餅厚厚的，牛油夠香，口感鬆化，不覺得膩～Chocolate Milkshake($38)：朱古力味很香～Coffee Shake($38)：味道比較淡，比朱古力遜色～Tony Roma's食物份量很大，我們一行七人都吃撐了所以建議大夥人去，可以share，不會太膩另外，Happy Hour(4:00-8:00pm)酒水buy 1 get1，比較划算地方寛敞，環境舒適，可以慢慢坐和聊天服務很好，Happy Hour到8點，waiter會提前提醒你落order，點甜品時又會問你多少人share，再預先放上相應數目的碟，惟獨是沒有提供公叉，share時有點不便～七人吃了$1126，吃得非常飽足，食物雖然不是最好，但從價錢，服務及環境綜合評價，性價比相當高呢！…查看更多

2010情人節　沙漠王子心血來潮地選擇了去美利樓吃情人節晚餐，一search之下發現King Ludwig評價最好，便預先訂了位，完全忘記了這間跟生日時去合和的那間是同一間本來希望情人節可以試新地方的，不過天意如此，也只得隨遇而安了情人節套餐$880/2，散叫則人均最低消費$280，套餐不合心意，決定散叫，今次budget增加，可以試一些平時不會試的東西德國腸沙律：份量較小，腸仔很多，但跟平時吃的沒太大分別，沒覺得有醬汁，蔬菜也只有一點點，實在不值得再試～海鮮湯：$70一杯實在很貴，湯夠creamy，也有海鮮味，但實在有點太貴了～薯餅煎蛋肉眼扒：$90份量很足，三大塊薯餅，外表金黃香脆，內裏是切絲的薯仔，保留薯味，非常好吃！煎蛋是太陽蛋，肉眼扒即是火腿扒，整體不錯，值得再吃德國咸豬手：每次必點，與合和分店相比，這裏燒得更香脆，感覺皮比肉多，味道還是一樣的好～蘋果餡餅：其實King Ludwig的dessert沒有我喜歡的款式，點蘋果餡餅是覺得比較特別餡餅即是pancake，是熱食的，蘋果餡很多，與rasin配合，酸酸甜甜，不會太膩，配上custard，味道實在不錯，可惜依然不是my favoriteStrawberry Smoothies：冰打得不夠碎，與一般fruit smoothies一樣，流於藥水味，只為一試而已情人節每枱有錦盒作為情人節禮物，內有兩顆流心朱古力，很好吃呢！Waiter會幫每枱情侶免費拍一張即影即有照片，waiters們服務很好很nice，加上一路有live music相伴，令整個用餐過程非常enjoyable最後，謝謝你給我一個這麼浪漫的情人節！…查看更多

晚上要去沙漠王子屋企團年，只可以同爸爸媽媽食團年午餐了，因為已經成日飲茶，所以諗住團年去食下其他野，食過幾次CPK，整體印象不錯，水準夠穩定，價錢也合適，所以就去返呢間今次有四個人，可以試多Ｄ野食，呵呵Egg Roll：脆雲吞中間有芝士，牛油果等等，點上千島醬和意大利沙律醬後味道不錯，不過好似整完之後放左一陣先上，雲吞皮唔夠脆，要扣分Mian Pizza：第一次試CPK的thin crust，味道比平時的好得多，而且面積也好像比較大，皮非常脆，真係即整，餡料也夠豐富，雖然有沙漠王子不喜歡的mushroom，但因為焗得很香的緣故，所以好香口，配上肉腸香草，沙漠王子不停口的食了兩大件可見真係超級好味！蒜香忌廉汁闊麵：每次必點，今次也沒有令人失望～墨西哥雞肉闊麵：第一次試，同樣係忌廉汁，不過有Chilli,lemon中和，感覺無咁漏，爸爸頗為喜歡Royal Chocolate Banana Cake+Ice cream：係CPK最好食的甜品，ice cream每次都勁大個，蛋糕上面一件厚厚的朱古力mousse，蛋糕本身好香朱古力味，好正！CPK食物一向保持水準，不過服務質素永遠維持在Kai水平，每次都有Ｄ笑料。今次本來沙漠王子點左杯白酒，個waiter落order時一臉困惑，到最後側側膊唔多覺，無落到單我地食完dessert都未叫埋單，一個waitress就＂掟＂左本單落我地張枱度－－－仲要有錢要找俾另一枱的！令人目瞪口呆除此以後，服務都尚算中上的～食得都幾pleasant不過都係Megabox個間舒服Ｄ今次團年飯食得好開心，平時係酒樓團年人好多好嘈傾唔到計，今次去食西餐，相對人少，比較安靜，服務整體算有耐心，Good！…查看更多

年廿九的canteen意外地早關，等我放學的沙漠王子不能跟我在學校吃，只好到又一城食飯～一早知道Amaroni's Little Italy風評唔錯，但係臨近過年唔想食咁貴，所以就無提出，點知沙漠王子一見到呢間就話去食Lucky無諗過入面擺位有Ｄ亂，環境不算pleasant不過不用等位，算是一件很開心的事無謂咁多要求啦！Set餐唔抵食，所以散叫～Bread Basket：脆脆片很好吃，不過香草包是凍的，好扣分Carbonara：賣相不佳，好彩Ｄ汁係晒底，撈勻就OK，意粉好幻，已經快到天使麵的程度了，而且煮得較飪，唔夠al dente，拉個勻只屬中等水平～甜酒燴豬柳：一上菜.......中式豬扒？啡色的汁＋冬菇，似足阿媽家常菜！個味都係！雖然waitress已經報定案話味道淡，點知食落真係一Ｄ酒味都無早知＋＄１０要燒雞啦！Tiramisu：見枱枱都點，賣相好靚，自然要試！上枱時係一個非常齊整的正方體，好靚靚！而且好大份！大Fat Angelo's一倍！而且真係好好味！好香酒味，而且沒有Fat Angelo's咁一pat pat，好正！完美的句號！沙漠王子仲叫左一杯紅酒，不過佢話很難飲Amaroni's Little Italy食物份量很大，兩個人食真係有Ｄ力不從心，連咁好味的Tiramisu，我食到一半都要投降，要沙漠王子幫手清碟，雖然價錢比較貴，但係份量咁大，都值回票價下次call多Ｄ人黎一齊share是為上策…查看更多

同沙漠王子去食lunch，見$40-60有湯＋意粉＋飲品，不設加一，就入去試下～人很多，伙計都係新手，好慢，上菜非常混亂，本來想食quick lunch，居然食左一個鍾有多湯：幾好飲，夠熱夠creamy～蒜蓉包好食～芝士菠菜珍珠蠔螺絲粉：比較細份，汁不夠creamy，一般～食物是可以，但服務太慢，不會再來。…查看更多

去左MegaBox咁多次都無試過呢間，今次決定要試下，雖然二人set唔算好抵（同佢menu上的散叫差不多價錢），但因為想貪方便，又沒有甚麼特別想試的東西，就照樣點左二人set($198)葡式清雞湯配蒜蓉包：似茶記例湯，超級咸，胡椒味蓋過一切，飲左兩啖就唔想飲雖然我覺得葡餐應該係配豬仔包，但係蒜蓉包都可以啦～炸馬介休球＋炭燒沙甸魚：炸馬介休球係炸薯餅，可以啦～沙甸魚好腥，一定要配檸汁～溫泉蛋carbonara：溫泉蛋應該要係半生熟，佢呢度居然係全熟！全無流汁除此以外，都算正常的港式意粉～燒乳豬配蕃茄飯：超級細碟，蕃茄飯即係蕃茄炒飯，味道尚可，但唔熱，乳豬都幾脆皮～是日甜品Panna Cotta不合胃口，本來以為+15可以轉雪糕Parfrait，點知原來只係一球tofu雪糕見佢呢度D cake show晒係門口，雖然份量細，但樣子尚算對版，所以就退而求其次點cake。木糠蛋糕(+$8)：cream唔夠香，亦沒有餅味，一般～黑森林蛋糕($8)：沙漠王子認為比較穩陣的一款。真的很穩陣，雖然朱古力味欠奉，但還可以～小飛象的前身係cheese cake cafe，而且換左名，都一樣打cake旗號，可能佢cheese cake會比較好吧，我今次試的兩款就很一般了～凍熱檸茶：超級細杯！凍檸茶仲要係半杯冰坐得算舒服，服務也不錯，但食物份量普遍細份，味道也一般，如果就平日set dinner而言，樓上的CPK的性價比就顯得高出很多…查看更多

一班人聚餐，搞手選擇左呢度，人多唔好意思影相，加上小妹遲到，都唔知佢地叫左咩總之有乜食乜～記得有以下食物：雲耳炒魚片：Ｄ雲耳浮在油上面，很恐佈蟹黃豆腐：無乜味上海菜飯：無食到，但賣相一般醬肘子：肉質比較鞋鴨湯：幾好飲醉雞：無食到糖醋排骨：比較似上海食到的～炒粉絲：都好難整得唔好食煎八寶飯：未食過煎的，食落似紫米煎餅，無左八寶飯的軟熟，若唔係用八寶飯的角度去評價它，煎八寶飯還是可以接受的～上海菜應該比較清淡，呢度用太多油，變得好港式，一Ｄ都唔地道，$150/人有少少貴，不過醉翁之意不在酒，無計啦！…查看更多

上次經過先知megabox有呢間日本野，今日特登放棄德福來此一試～晚上七點幾，得不足十枱人，大多是情侶，非常寧靜，佢安排左我地坐在窗口位，對正企業廣場，環境很好看了看menu，感覺很和民，有很多和民供應的菜式如芝士焗年糕，三文魚野菜卷等，價錢也與和民相若（當然是此地略貴），暗忖應該不會太大份，所以二人點了四樣菜式：鰻魚燒玉子($52)：與魚一丁的厚燒玉子相比，這裏自然遜色很多，玉子燒得太老，口感太乾硬，沒有玉子的軟熟感覺，加入鰻魚及鰻魚燒汁，咸味搶了蛋香，效果不算理想，整體而言有很大的進步空間～傳統牛肉火鍋($58)：份量比和民的牛肉火鍋小，牛肉算多，湯底有日式火鍋的甜味，比和民的咸優勝多了～岡山鐵板蠔餅($58)：等了廿五分鐘才到，上來是熱辣辣的，賣相漂亮，也有很多蠔，份量比想像中大很多，第一件覺得很好味，但食落很滯，個人認為比和民的燒餅好吃，但比金水的遜色～豆乳湯意粉($58)：其實係湯水版carbonara，沙漠王子不斷投訴料太少，得幾粒煙肉，我反而覺得OK幾好味，雖然無平時的carbonara咁creamy，但係就相對地無咁漏～本來想叫甜品，但看見隔離枱的甜品細份的可憐，$28在和民已經可以吃一個很夠份量的芭菲了，所以最後都是放棄，轉移陣地去Mado食雪糕waiter服務很好，見我想影相，特登將碟菜放在我面前，很warm，問有關VIP的事他也很耐心回應，讓人有一個很美好的用餐時間唯一要批評的是＂茶芥＂費，一般日式餐廳都是免費提供茶水的，只有中式酒樓才會按人數收茶錢，我們很驚奇的發現這所日本餐廳居然要收取$10/人的茶水費實在非常離譜！貴不是問題，但貴得要老實！從這點來看，和民實在實際很多呀！雖然有八折coupon和VIP，但鑑於白木屋收費有欠公道，所以下次都係會去返和民…查看更多