櫻桃久美子的个人专页

呢度嘅afternoon tea好特別，有一盒魚子醬、迷你龍蝦湯、生蠔同大大份嘅tiramisu,仲有靚靚嘅海景，未食已經覺得身心舒暢～龍蝦湯好香，第一道菜飲龍蝦湯，暖下胃，唔錯唔錯。食落生蠔都尚算新鮮，魚子醬冇乜特別，但食個下午茶包一盒魚子醬，已經好好。最好食係Tiramisu,個底有酒味其他食物普普通通，建議加魚子醬落最底層嘅食物都一齊食，冇咁鹹。餐飲可以揀無酒精飲品，好過飲茶，望到咁色彩繽紛嘅飲品，人都開心啲…查看更多

去荃灣Don Don Donki朝聖發現隔離有間東北菜，$138半隻片皮鴨，好吸引。但8點半仲要等位，排到我既時候已經無晒......唯有食其他京燒羊肉$128，一路玩手機一路等食，突然聞到好香，孜然粉同羊味，抬高頭見到侍應拎住碟野，仲有一步先到我張枱。阿姐一放低，我即夾，點知好熱，大家唔好學我甘心急。塊肉好有層次面層脆 ，中間勁有羊味（我唔怕羶的）仲有層脂肪溶化出黎，好好味呀！我鐘意煎京蔥羊肉餃子$51賣相扣晒分，完全無排列過，塊皮又唔方薄甘，睇到都唔係好想夾。不過咬一啖後，發現多汁到好似食緊小籠包咁，好驚喜，我都忍唔住要影低佢，而且好有羊味紅油炒手$48，紅油呢？？哈哈，一啲都唔紅既，開頭仲諗緊叫唔叫，怕會好辣，點知一啲都唔辣，只有甜豉油味，我建議大家叫其他餸最後，有糖水送，蛋花桂花丸子，普普通通啦，送既算唔錯…查看更多

準備同朋友食聖誕大餐，一去到餐廳，覺得有啲迫，啲枱好密又坐滿人，直覺話比我知，依間餐廳有質素嘅保正，跟人氣永遠唔會好伏。有兩款聖誕大餐，我地叫左下面$1,380 果款，再加左個海膽天婦羅兩杯飲品好夢幻，藍色有啲似檸檬味，紅色個杯有啲果味，好彩冇藥水味。牛油果海鮮沙律，有好多海藻，啲汁酸酸地，好醒胃。刺身都算新鮮，無驚喜，普普通通，正正常常蟹膏軍艦都幾足料，吞拿魚小卷味道唔錯蟹味噌甲羅燒，有專人幫忙燒，侍應仲特別提示，要盡快食，唔係會變鹹。之後自己喺面加啲蒜，再放係梳打餅上面食，層次都幾豐富，同埋咁樣食冇咁鹹。燒蠔嘅汁係麵豉味，雖然冇咗蠔嘅鮮味，但咁嘅配搭都幾合襯牛油燒帶子，勁多牛油，個心想要塊法包帶子剪開左，方便食，燒得幾好，唔會韌海膽天婦羅，唔係好多地方有得食。外面脆卜卜，入面卷左海膽，熟咗有啲似蟹膏嘅質地，仲卷左啲好似年糕咁嘅嘢，煙煙韌韌。口感好特別，可以一試依個鍋，就係全晚嘅主角先講個湯底蝦味非常濃，好好飲。飲完兩碗之後再放隻龍蝦落去，出人意表嘅事就發生啦！即係龍蝦明明已經劏開咗一半，我分開兩次擺入鍋度，隻龍蝦竟然仲識得郁，非常生猛，感覺好新鮮，但亦都非常之殘忍！最搞笑的是，個侍應見到咁樣的情況馬上走過來用隻筷子撳住隻龍蝦，然後同我地講話驚佢跳出黎，彈到我地，笑死我啦！龍蝦熟咗之後肉質好爽口彈牙，新鮮就係新鮮，味道零舍不同！正！依碗海膽炒飯，其實得隻手掌咁大，好細碗，但我哋兩個女仔食完個龍蝦鍋之後好飽，一啖都食唔落，要打包返屋企，不過打包要加$5之後每人有杯雙球綠茶雪糕，明明好已經好飽，但女仔食甜品係用另外一個胃既，竟然食得晒。食完火鍋熱辣辣，要食返啲凍冰冰雪糕，爽最後要一讚嘅，就係侍應嘅服務態度真係非常好，雖然地方好迫，但佢地殷勤嘅服務，足以彌補番空間嘅不足…查看更多

好耐冇食個牛肉飯，見到餐牌封面有牛肉飯無諗甘多即刻叫，叫完醒起依間餐廳叫讚岐手打烏冬專門店，哈哈哈，點解我會叫左飯嫁！ 個蒸蛋好多料所以叫埋試試～牛肉飯足料，仲有紫菜、酸薑。牛肉味道方面，入味，唔太咸唔太淡，甜甜地，幾好。牛肉質感方面，厚左啲，有啲韌。蒸蛋隻匙羹幾可愛喎！蒸蛋有冬菇、嗚門卷、甜蝦、雞肉同蟹柳。隻蝦好爽，但無味；蟹柳有啲甜味；雞肉個樣，唔吸引我食佢；同埋唔知點解，啲蛋用匙羹一舀就碎....…查看更多

旺角兩間聰嫂結業，又見到發記有榴槤浴缸鴨仔，幾得意，所以幫襯。直入唔使等位，鋪頭只係得六成滿，已感不妙！個甜品有好多款雪糕口味揀，上枱同Menu一模一樣，真係幾得意影咗好耐相，都無溶。點知個甜品只可以比相機食.....浴缸內嘅食物，層次豐富，但味道......頂隻鴨仔食完都唔知係咩，感覺同食緊冰一樣。面頭層泡泡，有啲榴槤味。之後再有層榴槤蓉，都有榴槤味，唔算好濃或者甜，最好食呢一層。最底係布甸，可惜無味。雪糕過左十分鐘仲係硬都匙羹都插唔入.....食咗兩啖就放棄左…查看更多

行過K11 見到有鵝肝漢堡嘅廣告，即刻心心眼左去到唔駛等位，但餐廳都八成滿。環境係一貫漢堡包餐廳格局，座位以高枱高櫈為主。法式鵝肝burger竟然係最平，梗係叫法式鵝肝burger啦加$30仲有松露薯條、加$20有洋蔥圈，加$5有汽水嘩，仲有聖誕樹裝飾，有心思同氣氛喎入邊有兩塊鵝肝，大大件忍唔住就咁食咗啖鵝肝，好滑，入口即溶個漢堡，唔錯，好多肉汁，食到成手都係。松露薯條都幾脆，但唔係好聞到香味。洋蔥圈燶咗少少…查看更多

係日本平價壽司回轉店，嚟到香港竟然係K11開，搖身一變為貴價壽司店！🍒我甘鐘意食日本嘢囉，梗係要去朝下聖，睇吓有咩咁巴閉星期二6:30去到已經見到一條人龍，差唔多7點已經截龍有好多人黎到見到截龍，好失望。等呀等，等到腳仔軟，仲未入得，越等越肚餓，結果8.：45先入到去，好肚餓呀好好彩坐左係日本師傅前面，嗱嗱聲叫返兩個特上壽司拼盤先。叫完要等多差唔多一個鐘先有得食。不過件件壽司上面既魚生都切得厚，食落好滿足大吞魚壽司油脂豐富，細嚼後滿口油香，滋味無窮。海膽壽司非常新鮮，啖啖醇香，滑落喉嚨後，餘韻還留在舌尖上。最驚喜係右上角既參魚壽司，即係深海池魚肉質爽身，彈牙好驚喜，推介蟹腳壽司一啲都唔孤寒有三條，雖然幼左啲但有鮮甜味，唔係蟹柳既假甜味。其他壽司都好味，可惜中間既鮑魚壽司有啲硬。…查看更多