美食花花's Profile

香港開店咁耐，真係未食過，聽見要排長隊就頭痛，怕怕今日經過此新分店，正要搵食，見門口等位人數不多，即刻攞飛等門外有壽司型座椅等候區悶悶地仲有幾部扭蛋機，真正，15分鐘左右可以入座，面積好大，座位非常多，可能咁等候時間短了疫情這幾年都冇食回轉壽司喇，好開心可以再坐晌輸送帶旁，睇中就伸手攞，ipad 點的都由輸送帶快速運來太正😘魚生新鮮，飯細細件，多食幾款都可以，價格親民大家都好清楚, 性價比高，可惜只有宣傳片段見到有海膽，Menu內沒有的…Read More

太耐冇食日式野，月初糧頭，豪一下座位唔太多，預先訂位比較好Lunch set有多款選擇選呢款有5種魚生，賣相好吸引，配有沙律＆麵豉湯，魚生雖然是新鮮的，但似乎解凍過度，質地食落太腍喇，少左啲爽口彈性樓面員工數量少，壽司bar師傅都幫忙留意食客須要，互相照應，真係…Read More

之前在樓上體育館做運動，都冇察覺有這間小冰室，相信新開不久。今日運動完，落黎試試🙂正正在1樓兒童遊戲室後面（不是熟食大樓那座啊），出𨋢左右兩面都兜到入去，樓底高幾百呎樓面，9張枱，感覺闊落舒適；近牆嘅層架放了圖書＆ 桌上遊戲，隨食客取出玩耍，今天正有兩枱在玩board game好舍意，另一面有個落地大窗，外出是樹、海，炎炎夏日跟朋友家人歎住冷氣一邊食個Tea一邊玩遊戲睇書，正啊餐牌有港式台式食品，點了香蔥滷肉飯+凍🍋T, 只是$53，當然試埋質素，才可判斷性價比。杯凍飲好快就到，運動完飲即刻降溫🧊❄️, 奇怪係等左個飯十幾分鐘都未來，以為係煮定滷肉，淋上飯就成，反正地方舒適，太陽光充滿餐廳，涼下冷氣，人都冇咁急躁、唔想催，不久有個年青人走來問是否滷肉飯未到，一臉唔好意思咁話會好快出，say sorry，噢…真係好多餐廳都唔會留意到客人有食物未上，更不會主動走過來講唔好意思，而且係後生仔，心裡立即畀左個👍佢。再等一陣，又係同一個男仔捧住碗飯來了，繼續講唔好意思，我估可能咁啱飯未煮熟先遲左，冇詳細問，因見到隻🥚條菜滷肉擺得靚靚，非常吸引，相機食先，再進食，嚴格來說，不是正宗台灣滷肉，沒有肥肉，似肉醬意粉啲肉醬多啲，但味道滷汁唔錯，不太咸，剛好撈飯，是日本米煮的飯，𡁻落好有彈性，飯粒分明剛熟，煮得剛好； 我都係嗰句，食物只要好食，就值得讚＆分享🥰，管它什麼菜！收銀counter至廚房，都係幾個年青少男少女，有魄力有禮貌，認真工作，沒事做時都不見他們look手機真心讚：食物不俗、員工有禮貌、地方舒適寬敞乾淨，又歡迎客人玩game睇書，難得…Read More

假期赤柱隨意遊蕩，隨心所至，行經此店，入口在橫巷內，橙色嘅外牆，給人歐陸feel, 看似幾捨意 ，正餓了，入去試試。食客不多，有的是附近住客，有的是來逛赤柱，室內好寧靜，環境舒適，裝修有點點舊式，Menu選擇蠻多，亦有套餐，冇興趣套餐的話，如只要maim dish, 另加$45就有是日甜品+飲品。同行友人點了天使麵，芝士味濃郁，掛滿麵條，yummy，頗期待我點的南瓜帶子risotto 。risotto 一上枱，OMG, 啲汁多到浸晒啲飯，試啖先，甜甜地嘅，雖然係有啲啲南瓜味，但這個甜不是南瓜嘅甜噃飯不是al dente, 煮過左些小喇，唯一3粒帶子剛剛好，好嫩滑反而送上嘅麵包涼的，但表面保持脆內軟，又有點nut，唔錯最後悔係另加嘅嗰杯cappuccino ，沒有拉花（亦不強求老伙記拉個花畀我），飲落口稀到奶水一樣。冇得旅遊嘅日子，志在周圍去hea下，forget 呢餐，今日就係好日😄…Read More

好似新開張了一段時間了，天后區嘅台灣菜食肆較少，試試有冇驚喜？回頭指數多高？一入餐廳，整潔光猛，共有兩層，相信座位不少，坐得舒適； 侍應先問想食飯或麵，再殷勤地介紹有關嘅午餐，整個用餐時間，都見員工們好耐心有禮貌介紹食品、留心食客須要，老闆亦不時詢問食客意見，佢仲特地推介入貨自台灣嘅醬汁𠻹。點了椒麻雞排飯，少少辣少少麻軟滑，胃口大增，3款莉菜，送熱茶，搞笑嘅係，佢用個類似學校飯堂膠盤，一盤放晒前菜、雞、飯，方便清洗，聰明。雞排大驚喜就冇，但食得舒適，味道不俗，可以下次再來試試其他…Read More

天氣熱，捨拉麵，試試期間限定蝦汁拌麵蝦汁味香濃帶微微甜，麵條煙煙韌韌，炙燒豚肉+隻溏心蛋，一大掇櫻花蝦、蔥＆芫荽，味道估唔到咁夾，整體好適合夏日胃口店面積細細，掛滿燈籠，裝飾太有日本fu…Read More

假日嘅中上環格外寧靜，最適合與朋友Tea、hea、吹水。這裡，座位數量有限，Tea set更加要預約，環境好cozy大大嘅窗，光線頗充足，食客好斯文，T time畀足90分鐘，可以慢慢嘆。個set細細，但都有8、9款，甜品佔比例亦低（咸點my favorite😘)最喜愛當中scone（配有果jam & cream)，牛油果鮮蝦撻，黑松露蟹肉酥＆雜菌鮑魚酥。其他幾款都好平均，實在醉翁之意在chill＆ hea, 400有找(for2)，換來輕鬆時光，不錯。…Read More

只係未試過，所以來試試，想不到有驚喜喎。合理午餐價錢，$55一大碗酸菜魚米線，份量都唔算少，飲埋個湯，湯好鮮味，大滿足喇。唔食得太辣，一定要叫少辣🌶啊，少辣都食到我冒汗😁魚片好滑，完全係冇魚腥味，仲食得到係新鮮魚，酸菜唔算太酸，只是少少咸，另外仲有芽菜、雲耳，都落足料值得一提，係買完可以走去樓上1樓，有座位隨便坐，地方細細，但冇人，炎炎夏日，嘆住冷氣靜靜地吃酸辣，真爽😉性價比咁高，梗係要再回來試下其他啦…Read More

應該係剛剛開業，試業中1）晚上7點幾，就賣剩排骨、雞＆台灣腸，麵冇晒，只有飯，小食就賣剩丸類，想試三星蔥餅，賣晒2）枱面唔貼“xx出行”，搞到以為枱上嘅落單QR code係出行code,又要騰番出門口du3）出菜亂，先落單者（同一種餐）反而遲啲有得食😐滷汁ok，排骨鬆軟，初初食都juicy, 因為太大塊，可能啲熱力繼續溫住，食到最後，開始有啲乾香酥排骨，聞落都吸引，份量好大（女士來講）總體味道＆質素唔差，至於係咪台灣味道，sor, 只食過排骨，分唔到，希望遲啲預計好啲入貨量，唔使晚市乜都冇得揀、賣晒，試多幾款野再判定。…Read More

新野，要試下。午餐有set, 有得揀100g, 100g, 300g我哋幾個人就選幾款試試， 不同份量都點啲: 牛腹肉、豚肉、雞肉食物好快送到，一個托盤剛剛好可fit在枱上那個凹位，放得穩陣有心思估唔到一個小碟100g 都有好幾片肉爐火不是太猛，諗住安心慢慢燒但記住用餐只有60分鐘，要快快吃估佢唔到，牛腹肥肉佔一半，燒烤時，啲肥油搶火勁過豚肉，而且冇乜牛味，見隔離枱叫另一款牛，又冇咁肥膏噃，揀錯部位🤔😥？？定講彩數？反而豚肉＆雞肉👍，雞肉嫩，豚肉相比牛腹，冇咁油膩亦有少少肉味3款醬汁，辣味薑汁、燒汁、蒜蓉汁價錢人均$90左右，可以接受嘅，但真係要睇清楚揀邊款冇咁肥。…Read More

逛街行經，臨時找間快靚正，食完繼續Shopping門口看以為是間車仔麵店，原來吃台灣菜?! 其實餐紙都係似車仔麵，任選餸＆麵底每款逐樣選都是10蚊至廿幾蚊不等； 剔選了蘿蔔、大豆皮、牛𦟌米線。上枱時，見冇乜湯，懷疑自己選左撈麵，望望隔離附近都好似係咁，大鄉里左☺️？！食唔出湯有咩特別噃，不過因為湯份量唔多而且唔太咸嘅關係，好似食掛麵咁，都ok喎😄牛𦟌鬆軟唔痴牙，有少少牛香味，$25有厚厚5塊，算抵食喇😋大豆皮$10就只得兩片，性價比，比牛𦟌低😐…Read More

一直有聽聞這間食肆，見評價一半半，但叫得食神，都應該對自家出品有信心啩。今日放工先黎落雨，屋企又冇飯開，即時諗起這裡，即管自己來評選一下，口味嘅野人人不同，都係靠自己試好啲😉梗係來個“黯然銷魂”飯，套餐有埋湯，個木瓜湯唔錯，非例水😅，蛋輕微燶邊至於主角‘’叉燒‘’，Mmm....🤔🤔個樣似樣嘅，我只可以形容它唔韌唔柴皮囉，質地都算鬆軟，但冇乜肉味，亦冇叉燒嘅靈魂 - 香甜“蜜汁”味，果然令人黯然。如果在附近住，又想食叉燒又唔想行太遠，都可以頂下肚嘅。我就會另覓寶藏😛…Read More

西式下午茶食多了，見這個日式下午茶不一樣，專程來，嘆個靚靚下午時光。近河邊，雖然座位看不見河，但望出外開揚，已經為氣氛加分。有兩款日式下午茶，一場來到，吃個貴些少，未加一，2人5百有找，又開心左一下（太易滿足😛）來，開動！前菜，磯煮鮑魚、水葡萄、炸芝士，已經開了胃口，接著 開放式金絲雀款籠架子，再加🌸🌺襯托食物，眼睛食先，繼續加分，侍應姐姐好細心介紹各款食物，上層都是刺身魚生類別，下層是日式甜點；除了鮑魚＆鵝肝較遜色， 刺身比甜點勝幾籌，夠新鮮，特別讚蟹肉蟹膏那個。…Read More

據聞這裡牛舌厚到一個點，睇相不能體驗更多，直接來試試吧中午套餐都有燒厚牛舌，正吖當那碗牛舌“蓋飯”出現面前，遮蓋到完全不見飯踪影，每塊厚度超過隻手指，就知名不虛傳； 質素、味道又如何？估唔到咁厚，煮到軟軟的，沒有柴皮、過熟，處理得好好冇酥味，只在表面灑鹽、黑椒，味道剛好。飯被壓在下邊，很難同牛舌一齊吃，飯嘅份量相對地少，本身不食太多飯，但未食晒牛舌，飯都清光，可以添些飯嗎？沒有飯一齊食，牛舌越食變得越膩。第一次食牛舌，飽足一日，晚餐都吃不落喇😅，大滿足…Read More

一直想來試試。雖然位置少少偏，但附近環境好清靜，啱晒假日慢拍節奏。好驚喜！ 大廚有一手，煙烤豬腩煮到剛好，雖見厚厚的一件，還以為肉會好實，刀一落，切得好利落容易，肥肉＆豬皮部分咬口爽彈牙，好正，肉唔實唔嚡，辣汁微微辣、甜，配對豬腩令其消減啲肥膩感，推介！而且對自己美食有堅持＆信心，相信價錢已反應品質，不另收加一👍室內佈置令人感覺十分舒適，空間感又足，本想點個美食兼享受一下悠閒，可惜坐旁邊嘅一家3口+他們2個友人，在一個溫柔寧靜嘅氣氛內放聲高談大笑，回音困於室內，「迴響如同幻覺」，一下將場景轉到大排檔一樣，真掃興，速速食完，快快離開。做個識趣、識看環境、有品嘅食客好重要。基本上，對廚師有信心，必來再試其他食品，希望下次好運，遇上用咀來品嚐美味而非喧嘩的好食客。…Read More