熊遊世界的个人专页

尖沙咀是吃韓國野嘅熱點，今晚就和一個一樣愛吃韓國菜的朋友來晚餐，我們選了這一間，主打韓式湯品，也有拌飯和餃子。餐廳是韓國小店格局，座位不多，滿滿家庭式感覺，店員是韓國人，看來是韓國人主理～🥘 炒豬肉石鍋芝士拌飯 $138滿滿的材料蓋過了飯，加點醬汁拌均它，看著也餓了！牛豬肉很嫩滑，甜辣醬汁令米飯味道更豐富，仲有好多配菜：翠肉瓜、紅蘿蔔絲、紫菜、芽菜、豆干...一拌開五顏六色超開胃，芝士半溶拉絲效果滿分！🥣 釜山豬肉湯 $148自從去過釜山，就愛上釜山豬肉湯，原來這裡也有！它的湯頭濃郁，湯底好鮮甜，豬肉片軟嫩，有韭菜同豆芽，飲落好暖胃～加入特製醬料及小蝦可增添鹹香味道！🥟 蒸泡菜餃子 $78泡菜味夠濃但唔會太辣，餃子皮厚薄適中，餡料豐富，它另外還有大餃子可選擇！整體性價比高，兩個人食到飽飽，又好似飛左韓國食，都只是$400！想食正宗韓國媽媽味，又唔想排隊嘅朋友要mark低啦～…查看更多

太子豐信餃子一向都有人等位，不過都好快可以入座，餃子係我嘅Comfort food，間中就要食，呢一間個湯特別好飲！🥟 日本櫻花蝦蘿蔔鮮肉煎餃 拼 純素蘿蔔煎餃(7隻)超喜歡這個蘿蔔系列，煎餃外皮金黃酥脆，不油膩，餡料蘿蔔一絲絲清甜的，有肉或侮辱都一樣好吃，下次都想再吃！🥟 雲耳椰菜鮮肉湯餃 拼 紫菜鮮肉餃配上海粗麵 （10隻）配酸辣湯酸辣湯比較似麻辣湯，辣到比較高，帶點麻香，反而酸比較少。餃子皮薄餡多，雲耳同椰菜增加爽脆口感，粗麵彈牙有咬口，紫菜餃味道清鮮。🥟韭菜鮮肉餃 拼 椰菜鮮肉餃 （10隻）配椰子海帶鮮雞豬骨濃湯不得不說，這個湯真是招牌菜，湯10分濃郁香甜，有家的感覺。餃子皮薄，餡料新鮮，沒有太多調味已足夠，韭菜及椰菜鮮肉餃子，都是這裏的主打。🥢 涼拌小食雙拼・海蜇｜爽脆開胃，帶點麻油香。・涼拌雲耳｜口感爽滑，帶點麻辣風味，愈食愈上癮！🍶 飲品・豆漿｜濃郁順喉，解辣一流・菊花蜜｜清甜潤喉，淡淡花香總結：餃子款式多變，煎煮湯拌各有特色，小食同飲品都高質。兩個人食到飽飽都係$200左右，CP值高！下次想試埋其他口味～…查看更多

灣仔高質西餐✨除生蠔外 PIZZA豬鞍都很讚!🦪灣仔THE OYSTER HOUSE絕對值得推介！餐廳情調氣氛不錯，晚上燈光柔和，雖然很多客人卻不會過於嘈雜，很適合約會或朋友聚餐👫✨🦐海鮮拼盤$199（星期一/二只$99！）CP值爆燈！拼盤包含：▪️法國黃金螺兩隻 ▪️北海道帶子兩隻 ▪️新鮮空運生蠔兩隻 ▪️紐西蘭青口四隻 ▪️日式磯煮飽魚兩隻勁抵食的海鮮拼盤，全部海鮮鮮度不錯，我們四人叫兩個拼盤，生蠔大小適中，有海水味。🌟單點食物：🦪Black Pearl No.2$69/隻海水味超濃郁！蠔身creamy中帶清脆餘韻，生蠔愛好者必試！🍕辣肉腸pizza $169pizza是有驚喜的，是我最喜歡的薄批，芝士份量多及溶到剛好，有拉絲效果，和酸甜蕃茄醬好夾，辣肉腸薄片香濃不硬🐖炭燒加拿大天然豬鞍 $249今日的MVP竟然是豬鞍！肉質軟嫩多汁，完全沒有豬膻味，帶點炭燒香氣，配上露筍及薯蓉，薯蓉有粒粒口感，吃完想再吃！🍤鮮海膽阿根廷紅蝦刺身 $99放在湯匙造型餐具上，造型精緻！海膽與紅蝦鮮，配搭無得輸～🥑蟹肉牛油果醬塔 $149像藝術品般的三層蛋糕：▫️上層：奢華黑魚子▫️中層：鮮甜蟹肉▫️底層：綿密牛油果醬口感層次豐富，post story即有朋友問！整體來說食材高質、價錢合理，絕對值得一再回訪！…查看更多

來大澳遊玩，來到第一時間搵野食，見到呢間價錢唔太貴就試下。在餐廳點了一個鹹魚蛋粒炒飯（$70）和一個豉椒鮮魷炒麵（$75）。兩款比較之下，炒飯表現更佳——飯粒炒得夠鑊氣，口感新鮮不乾，鹹魚和蛋粒的份量也平衡得剛剛好。至於豉椒鮮魷炒麵，主角鮮魷雖然不韌，但鮮味明顯不足，吃起來有點空虛，不禁想問：鮮魷的「鮮」去哪了？不過值得一讚的是，底下的麵條脆身，口感不錯。整體來說，這次用餐體驗中等，如果鮮魷能再入味一點，應該會更完美。…查看更多

天氣話變就變，突然急跌十度仲要大風，即刻約 friend子去打邊爐暖下身！今次去牛牛鮮試下佢個潮汕牛肉放題，$288有150分鐘（8:30後入座），平日夜晚都全場爆滿，真係唔講得笑！🥩牛魔王天堂：手切五花趾、吊龍、匙柄、雪花肥牛、牛胸油全部任點任食！潮汕牛肉偏瘦但肉味濃，有咬口～🦐 驚喜海鮮拼盤：每位送一份海鮮拼盤，有鮑魚、桶蠔、海蝦同沙白，海鮮超新鮮，特別是桶蠔同肥蝦，好食到想encore⋯⋯而我發現自取區都有沙白可以自己拎，結果狂食咗幾轉，鮮甜嫩滑抵到爛！🍲 湯底推薦：揀咗牛骨湯底，一開始湯底較清，點知煮咗一輪食物後越來越濃，飲落超暖胃，可以加啲紅薯粉、烏冬、芋絲拌湯同配料食～🥟 必食精選：▫️手工韭菜鮮牛肉餃／鮮蝦餃：皮薄餡靚，爆汁入味！▫️避風塘炒蝦：小食區自取，好惹味，要拎就快，發尾發現無咗～▫️落單點的小食：炸墨魚、酸辣鳳爪、炸雞翼全部水準之上▫️飲品驚喜：蘋果Cider、手工飲品、樽裝奶茶都好正，仲有暖嘅菊花茶同洛神花茶，啱晒凍冰冰飲！仲有紅白酒啤酒任飲，150分鐘慢慢食超舒服，捧住個肚走都係$288，性價比爆燈！…查看更多

趁公假前夕，帶爸爸去荃灣半島漁港晚餐，餐廳平日晚竟然全場爆滿，人氣非常旺！看來$1優惠真的好吸引，香港人都喜歡吃抵食的餐廳！🍽️【上海焗阿拉斯加長腳蟹 + 薑蔥焗本灣桶蠔】$428這個是精選海鮮孖寶組合，蟹腳份量十足，而且已剪好，殼軟易食，啖啖蟹肉好鮮甜。底下鋪滿伊麵，吸晒蟹汁精華，口感滑溜。桶蠔大大隻，焗得夠香，薑蔥味濃，啖啖都好入味，海鮮控必試！🔥【至尊燒鵝 1/4隻】$1（平日限定優惠）燒鵝皮香脆，鵝肉厚實又多汁，最貼心係用小火保溫，食到尾都仲係暖笠笠，性價比爆燈，1/4隻都有好多！最後送上紅豆沙，甜度適中，紅豆煮得綿密，為豐富的一餐畫上完美句號。這晚不止食得開心，仲同爸爸傾咗好多心事，感覺好溫馨。半島漁港真係值得一試，無論係家庭聚餐定朋友聚會都啱晒！…查看更多

最近發掘到一間藏身觀塘的滬菜小店——滬玥茗居，雖然不是大酒樓規模，但裝修雅緻，環境舒適，人不會太多密集，不會很嘈。它主打精緻滬式點心與湯品，款款都見心思，絕對值得一試！松茸竹笙燉螺頭湯 $88份量雖不算多，但啖啖都是精華，湯底清甜滋潤，仲有松茸竹笙瑤柱等，可以邊喝湯邊吃。臘味蘿蔔糕 $36嘩！啖啖都是蘿蔔絲，真是與別不同，口感豐富，煎到外層香脆，臘味香氣撲鼻，超足料，必食之選！黑松露蝦餃 $38黑色外皮超有型，內裡有幾隻小蝦及豬肉，鮮味十足，黑松露香氣提升整體層次。黑蒜三色燒賣 $38黃、綠、黑三色燒賣好吸睛，一口咬下去，黑蒜味突出，口感豐富又有驚喜，不會太油膩。羊肚菌鮮菇餃 $38紅色水晶皮包裹着細緻菇菌，口感滑嫩，味道清新，無論是否素食者也會喜歡。蜜汁叉燒包 $28外皮軟熟，餡料鹹甜適中，叉燒份量剛剛好，蜜汁香氣令人回味，絕不膩口。蟹粉小籠包 $8.8 (新張優惠)新張優惠$8.8有一籠蟹粉小籠包 ，每籠四隻，小籠包皮薄不易穿，內裡湯汁豐富，蟹粉香濃，真的超值。…查看更多

原來長沙灣開了一間專門食豬雜的店，這天來到平日午膳時間非常繁忙，可見它很受歡迎~足料豬什皇$50這碗真係名副其實的「豬什皇」！豬潤、豬腰、豬心、豬肚、豬肺、粉腸、生腸、大腸、黃喉、豬橫脷、蝴蝶腩，樣樣齊全，件件都大大件，完全唔係平時食開嗰啲細細碎碎的豬雜。每啖都食得出新鮮又乾淨。湯底可以揀清湯或胡椒湯，我揀咗胡椒湯，湯底較清不會很辣，而配的河粉相當多，我都吃不完。菜乾豬肺蝴蝶腩湯$33呢碗湯真係超值！湯底清甜，似屋企煲嘅湯，菜乾份量多，配上豬肺同蝴蝶腩，可以食又可以飲，又健康。…查看更多

當你活得像旅行🌏，在香港都可以感覺自己在日本，有旅遊的好情。這次走進中環的 Tempura Jiro，由日本人主理正宗天婦羅，Lunch Omakase 有三個選擇，我選了中價$880的這個set。餐廳提供四款鹽調味，當中最常配的是海藻鹽，還有檸檬汁及蘿蔔蓉天婦羅汁，讓每件天婦羅都能找到最合拍的伴侶。🍣 醬油漬吞拿魚赤身赤身口感柔軟，入口即化，醬油的鹹香滲入魚肉，鮮味層次分明。🦐 炸蝦頭蝦頭細細件，炸到酥脆香口，含豐富鈣質，正適合我，海藻鹽帶出海洋的鮮味。🦐 花竹蝦兩吃薄漿炸蝦清爽，配鹽和檸檬汁，鮮甜突出；厚漿蝦則沾蘿蔔蓉天婦羅汁，口感更豐富，厚漿不厚重，恰到好處。🌰 愛知縣銀杏 & 北海道百合根愛知縣銀杏炸得香脆，入口軟糯，帶微微苦味，配鹽後更突出堅果香。北海道百合根質地柔軟，帶自然甜味，炸後仍保留細膩口感。🐟 北海道柳葉魚柳葉魚的造形好有型，咬下去先感到外層的脆，慢慢吃到魚肉，它沒有細骨，入口滑順，檸檬和鹽令魚香更清新。🐟 秋刀魚天婦羅現在正是秋刀魚當造季節，不時不食，師傅把它捲成圓形如小餅再炸，造型吸睛，配特製的酸汁蘿蔔蓉，中和油香，非常開胃。🍄 德島縣香菇 & 奈良縣柿子香菇肉厚多汁，柿子軟甜，想不到水果都可以炸，不過這時才吃到一半，未是結尾。🐟 沙追魚魚身和魚骨分開了，沙追魚比較厚肉，魚身有啖啖肉的感覺，沾天婦羅汁，魚骨點鹽，骨酥脆。🍵 海苔茶碗蒸茶碗蒸非常滑嫩，海苔香氣滲入蛋香。🐚 北海道哈夷鮑魚天婦羅 (+$450)北海道哈夷鮑魚和平時食的不同，它的口感實在，但不會韌，彈牙得來又細嫩，啖啖鮮味，配鮑魚肝醬濃郁鮮香，令這個餐享受UP~🍣 三文魚子配海苔天婦羅爆汁魚子放在酥脆的海苔上，帶來不同的口感，在口中融合，鹹香鮮甜，有趣。🌰 熊本栗子 & 甜番薯天婦羅外脆內甜，栗子香濃，番薯綿密，頗飽肚。🍄 菇味噌湯（赤味噌）選用赤味噌製作，濃郁鹹香，啖啖吃到滑溜的菇。🍚松露飯以為已經完結，因為已吃了很多道菜，已經頗飽，卻來一豐富的飯：有天婦羅蝦、天婦羅流心蛋、松露片，撈勻加豉油後香氣撲鼻，令人再度開胃。🍨 焦糖綠茶雪糕兩個口味混和的雪糕，頗有特色，焦糖微苦，綠茶清香。這頓飯不只是享受美食，也令我感覺來了一趟小旅行，回味一個人在東京到處趴趴走尋找地道美食， Tempura Jiro，值得一試。…查看更多

呢晚和朋友去荃灣逛街，去了荃灣廣場附近的呢間小店，試咗佢哋嘅二人餐，$208就有超澎湃嘅份量，三個人食都夠晒！真係抵食又滿足。🍤鮮蝦海鮮粉絲煲：粉絲多到好誇張，吸晒海鮮精華，入口彈牙有咬口。鮮蝦有三隻，肉質扎實鮮甜，仲有青口點綴，海味十足！🍜火車頭河粉：牛肉片半生熟，嫩滑香濃；扎肉厚實有嚼勁，湯底清甜不膩，用料夠晒誠意。🌶️冬蔭功豬扒檬粉：湯底酸辣平衡，香料味濃郁，豬扒切成六件，外脆內嫩，每啖都好惹味。🥤飲品方面，泰式奶茶夠晒濃郁，茶香突出；青檸梳打有整瓶泰國梳打自己添加，酸爽解膩，配搭泰越食物一流。🦐另外加咗泰式生蝦$48，味道中規中矩。整體嚟講，小越廚真係一個性價比高嘅選擇，想食泰越菜又唔想荷包痛，可以一試！…查看更多

喺大角咀搵食，無意中遇上呢間新開的小店——元滿餃子。餃子每日喺舖頭手工包製的，湯底也是用足心機熬煮。👨‍🍳店主堅持健康原則，唔用味精，唔買現成肉碎，親自買原件豬肉返嚟攪碎，確保餃子餡料乾淨新鮮。餃子日日新鮮包製，皮薄餡靚，咬落去有彈性，唔會一咬就散。🍄香菇椰菜雞肉餃配魚唇鮮骨魚湯——湯底每日新鮮熬煮，湯底香濃鮮味。餃子餡料菜肉平衡，冇過多調味，食得出椰菜清甜同雞肉鮮香，真係有家的感覺。🖤黑松露元貝豬肉煎餃煎得金黃香脆，唔油膩，咬開有松露香氣滲出，元貝鮮甜，豬肉飽滿，因為每隻大大隻，細食嘅朋友六隻可能已經足夠。🥒涼拌青瓜木耳爽脆清新，冰鎮冰糖蕃茄去皮處理，啖啖嫩滑，冰涼入心，甜得自然，係炎夏的最佳配角。🦐花雕醉蝦🦑花雕醉鮑魚，酒香撲鼻，入味帶甜，唔會太濃，啱啱好，鮑魚彈牙，醉蝦口感結實。🍗生炸南乳雞翼外皮酥脆，南乳香濃，肉質嫩滑。🥬上湯菠菜份量驚人，菜量好似食極都仲有，真係好抵食，菠菜又夠嫩。…查看更多

這間荃灣新開的泰菜小店有驚喜！由泰國師傅親自掌廚，完全感受到泰國風味。最重要是平民價錢、無加一收費！新開張晚市仲有超抵優惠：消費滿$300加$1就送咖喱青口或冬陰功湯，性價比爆燈！柚子沙律 $48份量不大但酸甜開胃，柚子清甜多汁，帶點微辣，做前菜剛剛好。泰式生蝦 $128生蝦很新鮮，配上辣椒粒和生蒜片，醬汁辣得剛剛好，能夠帶起蝦的鮮味，蝦肉爽口彈牙，超正！辣椒膏炒花甲 $98今晚最驚喜的No.1菜式！花甲完全冇沙，鮮味十足，辣椒膏醬汁不會太濃味，完美地襯托花甲的鮮甜，份量勁多，夠晒滿足！冬陰功海鮮湯$98喜歡他不會太油膩，也不會太鹹或太辣，味道剛好，而且見到他的配料很多，令味道豐富，而精髓就是兩隻大蝦都很新鮮，還有一些魷魚，及大隻的青口。肥牛湯河 $62比一般湯河大碗好多，河粉滑溜，湯底較清淡，肥牛薄切熟得剛好，亦都有很多多，性價比高。泰式奶茶 / 青檸茶 $25飲品大大杯，奶茶香濃不死甜，青檸茶酸爽解膩，配燒辣菜式一流，$25真係抵到笑！…查看更多

和朋友飯聚，選擇九龍城似乎是個不錯的地方，地方便利，旺中帶靜，我們選擇了潮州菜，這間潮州菜感覺頗正宗，性價比亦相當高。滷水鵝拼盤$188鵝肉嫩滑，肥瘦適中，滷香入味，配上豬腩肉、紅腸、豆腐與蛋更添層次😃😃 食鵝肉配上酸汁更加美味😍潮州炒河粉$108火候十足，河粉乾身不油膩，鑊氣十足，令人一試難忘，亦都好足料好多蝦肉、火腿、蛋絲、芽菜、蔥等😍油鹽水花甲$138花甲蜆肉鮮味突出😃 ，份量相量多，也有粉絲食太好了😃 同埋飲過煲這個花甲的湯好飲😍😍好鮮味，粉絲也吸收湯的鮮味。潮陽梅膏骨$128味道酸甜開胃，梅膏香氣滲入骨肉，啖啖滋味😋 灑上芝麻菜式外觀更加突出😃整體而言，菜式各有特色😃 展現潮州菜的精髓與地道風味…查看更多

我同朋友去咗尖沙咀一間韓國Cafe，環境旺中帶靜，感覺舒服，由韓國人主理，氣氛好有韓式風味。我們這天lunch 早來，可以選到有水豚君陪食的位置，感覺好幸福。餐點即叫即整，但唔使等太耐，服務都幾有心。🍳 Ham Kimchi Fried Rice $78泡菜炒飯微辣，配煎蛋、芝士同紫菜絲，味道夠濃又唔膩，火腿鹹香，好有韓國街頭小食嘅感覺，橙紅色引起人食慾。🍛 Beef Curry Rice $88咖喱偏向日式風格，牛肉、薯仔、洋蔥同甘筍煮得好腍，咖喱汁濃郁但唔會太鹹，不辣，食落有家常味，好啱香港人口味。🥤 Green Grape Ade / Grapefruit Ade $48氣泡水用手工果醬整，果味天然，唔會太甜，飲落清新又解膩，特別係西柚味，酸酸甜甜好醒神。🍞 店內麵包睇落好吸引，下次一定要試。老闆仲送咗張紙仔，可以免費去樓下影人生四格，相當有心思，令人感覺窩心。…查看更多

昨晚與好友相約於銅鑼灣晚餐，選了登龍街這間餐廳，桌椅和碗碟都有懷舊氛圍，呈現舊日大排檔的風味，舊香港情懷。平日晚上餐廳都座無虛席，氣氛熱鬧，包廂內更見到有香港名人明星低調用膳，難道這明星飯堂？鍋塔蝦子豆腐 $128今晚最驚喜之選。外層炸得金黃微脆，蝦子有淡淡鹹香，內裡豆腐細滑，底層鋪上大蔥，香氣撲鼻，層次分明。椒鹽九肚魚 $138炸粉較厚，口感酥脆，魚肉鮮嫩，椒鹽調味恰到好處，適合佐酒。椒鹽鮑魚 $45/隻體型雖小，口感煙韌，咬感十足。蒜蓉粉絲蒸蟶子 $58/隻粉絲吸收蟶子鮮味與蒜香，蟶子肉質爽口，鮮味濃郁，蒸得剛好。魚仔鮮味湯 $198湯底奶白色，已隔渣，入口鮮甜，魚香自然，淡淡都是營養。乾迫粉絲蝦煲 $168原隻鮮蝦，肉質彈牙，粉絲吸盡蝦的精華，香氣撲鼻，絲絲分明，惹味非常。蒸虎杉 $398蒸得恰到好處，魚肉滑嫩無細骨，入口即化，鮮味十足，值得一試。蒜蓉炒白菜仔 $88清爽不油膩，蒜香濃郁，作為配菜亦見心思。整體而言，餐廳不但環境有格調，菜式亦見功夫，誠意十足。若想感受舊香港風味，此地絕對值得一訪。…查看更多