hangryfattyfoodie的个人专页

永光中心有好多間日本餐廳，都試過唔少，今次食6樓呢一間。我都幾鍾意佢嘅裝修，好有日本居酒屋嘅感覺，燈光柔和，環境都好合識同三五知己飲酒傾計。叫咗支梅酒，平時唔太鍾意梅酒嘅甜味，揀咗呢支「辛口」嘅梅酒，無咁甜反而更易入口。食咗唔係好多嘢，有啲都無影到相誠意推介炸蠔，炸粉唔厚，隻蠔又夠juicy。牛肉鍋亦都好味，湯底唔會太重味精，加埋有水準嘅靚牛肉，百零蚊其實都好抵食。秋葵就燒得乾得濟啦。呢度食物價錢相宜，食物質素、環境同服務都好，好值得再黎…查看更多

呢間餐廳已經喺度好多年，以前好多時都黎食lunch，快靚正。今日就試吓晚飯。望過啲set唔係太吸引，所以決定散叫。食開都知，呢到調味都幾重手，鍾意嘅覺得惹味，唔慣嘅會覺得又咸又重味精。我覺得可以接受，香料味比較強，孜然、麻辣呢啲唔少得。手撕雞肉係滑嘅，羊肉就甜甜地唔羶易入口，土豆絲係酸嘅幾開胃。每碟份量都唔細，加上都幾油膩，好快就飽晒呢到仲有隻烤全羊，需要預訂，一直都好想試，不過就要湊夠大班啲人先有機會食啦！…查看更多

西營盤嘅請坐同阿元食到悶悶地，試吓呢間台灣嘢。叫咗一個滷肉飯同埋鹽酥雞，兩樣都唔錯。滷肉飯唔會太油，肉嘅份量剛剛好，最重要係有隻滷蛋碟雞香口唔肥膩，又唔會太老太韌。下次再黎試吓牛肉麵！…查看更多

希雲街一帶有好多細細間嘅餐廳，唔起眼但係好有水準。行到入希雲街街尾就會見到呢間cafe，星期日下午都幾full架喎。咖啡就真心麻麻地好飲嘅...個人認為太苦太酸，唔太啱我口味。食物方面，叫咗Chicharrones, 脆炸肥豬肉天氣咁凍食呢個真係好啱feel，雖然成舊肥肉放入口，但佢感覺唔肥膩，香口到不得了，食到停唔到口。而個burger用corn bread, 吸埋啲肉汁之後好快軟淋淋，唔太夠口感。啲sweet potato fries 反而仲吸引。…查看更多

一行五人行過登龍街，唔知食咩好，日本通朋友一眼望到呢間個招牌，話係日本連鎖式餐廳。既然有人識，咁我地就入去食啦！餐牌選擇都唔少，有啲小食，又有飯麵烏東。但我地最主要係被啲雞翼吸引住！大家都唔係好食得辣，都驚食唔到太多，先叫左一份。但原來佢唔係好辣，係有胡椒味，惹味香口嘅。食唔停口，要叫多份先夠食。其他嘢食都已經唔係重點只係覺得所有食物味道都好濃，食唔慣嘅可能覺得偏咸。但佢嘅雞翼，值得我再黎一次…查看更多

灣仔囍滙真係好旺，成條街都係人，兩邊嘅舖頭應該旺丁又旺財朋友話想飲makgeolli，所以就入咗呢間餐廳。前菜啲泡菜好辣，辣得黎好好味。叫左石鍋拌飯，係真.石鍋飯，有飯焦架另外海鮮鍋個湯好甜。蒜香雞翼皮脆香口！叫咗細份嘅makgeolli，3個人輕酌都夠飲。整體黎講，呢到係食飯飲嘢傾計唔不錯之選…查看更多

食串燒嘅地方好似越開越多，今日試呢間銅鑼灣嘅地舖，除左串燒之外，仲有其他嘢食，唔洗咁單調。星期日晚飯時間，好彩打黎book左枱，否則要等一個鐘。叫咗唔係好多嘢食。炸雞個皮略嫌厚咗啲，明太子芝士蛋卷好香好惹味，和牛鍋就不過不失無咩驚喜。整體價錢略嫌有啲貴嘅，不過環境幾好可以坐得耐傾吓計。…查看更多

是夜late dinner，喺蘇豪一帶行左個圈，都無咩心水食邊間。行過南亭，諗住都貴貴地所以無考慮，但諗諗吓，又唔係太餓，食少少都唔會貴得去邊一入去得3-4枱客，我同朋友選擇坐bar枱，望住師傅燒串燒。雖然係open kitchen，但佢嘅抽煙系統做得好好，所以舖頭一啲都無油煙味，唔會食完之後全身嘅衫同頭髮都臭晒，呢樣已經值得加分。叫左好多串，即叫即燒，個豆腐外脆內軟係有驚喜嘅。白鱔個皮亦都香脆甘香。秋葵好新鮮無草青味。肉類方面中規中矩，唔太突出，火候啱啱好，唔會韌。呢到服務好好，侍應十分有禮貌，落單上菜加茶執枱等都唔快而準，仲聲聲「多謝」「唔該」「唔好意思」此起彼落，客氣到我地都唔好意思…查看更多

呢間係一間想試好耐嘅餐廳，一路都聽好多人讚好多人講，但始終怕要排隊而無試過。適逢大年初一，佢開門做生意，收15%服務費，完全係可以接受。夜晚7:15去到竟然唔洗排隊，機會終於都黎啦明太子意粉係出名嘅，點都要試。果然好食，creamy 得黎唔太膩，個汁同意粉嘅比例恰到好處。薯條亦算不錯，睇個樣都覺得有松露味啦餐廳古怪嘅規定係每人必須叫一杯飲品，好彩都好多選擇嘅。叫杯朱古力，好似係有榛子嘅，唔係好記得個名。呢杯嘢飲記唔太impressive lol已經太飽，無機會叫甜品，waffle 就要下次啦....如果有機會再黎嘅話 …查看更多

星期六總要食啲好嘢慰勞一下自己。今日選擇咗呢間位於西營盤嘅咖啡店嘆返個brunch。Noc係中環有兩間分店，呢間係最近新開，地方最闊落，亦都係有最多食物嘅選擇。揀咗all day breakfast，雖然無我最鍾意嘅薯餅，但佢嘅薯仔gratin，外脆內軟，熱辣辣好好味。炒蛋好creamy，烘過鬆軟嘅baguette 亦都有驚喜。咖啡方面，佢地會有兩種口味唔同嘅咖啡豆俾客人選擇，聽店員介紹完再揀隻啱心水嘅。呢到嘅Flat white 唔係第一次飲，今日揀咗隻fruity偏酸嘅咖啡豆，略嫌啱係太夾，酸得過咗龍。下次都係飲返隻strong啲嘅豆。整體黎講，呢到嘅環境、食物同咖啡，係非常值得再黎…查看更多

好耐無寫食評，今日就寫篇真心推介嘅餐廳！呢度嘅小炒真係好高質架. 雖然地方窄啲，服務又唔係常常咁友善， 不過食物同價錢搭救一切。簡單一碟雞翼，皮脆肉嫩，咬落去仲有肉汁流出黎！煲仔菜一定係熱辣辣吱吱聲咁，絕無欺場。冬天黎食最開心。呢間係一間有心有力用心做菜嘅餐廳. 價錢又唔貴，幾十蚊一個餸，仲要咁高質，真係好少見。晚飯宵夜之選😎…查看更多

Hotel Icon入面所有餐廳都好出色今次再黎Green已經唔知係第幾次!!呢到環境好舒服好開揚，好啱weekend同朋友黎食野傾計無叫到set lunch，因為份量太豐富叫左兩個dish share黑豚肉肉醬闊麵，香濃蕃茄味，麵條軟硬度剛好，只係d肉有點鞋醬汁sea bass，見佢白雪雪一舊好似無咩味d肉會鞋，但一切開，咬一啖，簡直係驚喜魚肉好滑，生熟程度控制得好好，仲好juicy!用juicy黎形容魚好似好誇但真係有汁流出黎，仲有好香嘅醬汁味旁邊嘅野菌亦唔係求期伴碟，炒得好香好有鑊氣當人人都黎排隊掛到天荒地老食afternoon tea，我prefer黎食佢嘅a la cart特別係海鮮系列! 係會有衝動要黎試晒成個menu的!!呢到做seafood dish真係好掂好啦下次可能要黎dinner試個seafood platter啦…查看更多

難得放假梗係食好野黎The Chop House食lunch, 剛剛係restaurant week, 決定試下呢個期間限定set lunch共有4個courses, 先係deep fried squid salad.魷魚好脆，亦唔會太韌, 係個炸粉略嫌厚左少少Pumpkin soup, 南瓜味唔算太濃，但個湯好厚身，見到有南瓜蓉，可惜味道偏淡，好在有面頭幾條脆脆tortilla strip令個湯生色不少。Main course 叫左2個share 食Tri-Tip Steak, 全餐最正一道，牛肉好入味，亦都好冧，面頭有些少蕃茄salsa, 中和返肉同個sauce ge濃味, 減輕膩ge感覺Pan fried salmon, 雖然魚肉不會overcooked, 保持到軟lum lum ge肉質, 但我就覺得有d腥，d sauce呀檸檬呀都蓋唔過陣腥味最後有dessert, brownie 3 小粒，份量剛好，味道唔太甜，但好鬆散，一叉就成粒散開....整體，就係不過不失吧！似乎都係牛肉做得較為出色，其他都是average. Restaurant week 呢個menu都係gimmic 了吧。下次黎食burger好了！…查看更多

第一篇食評!!星期二，weekdays，即興約朋友食lunch。1個鐘頭lunch hour 其實真係好趕，但難得約到friend又想依好d!office位於上環半山，於是決定一試想試好耐又近近地ge Cafe Deadend.1:05pm去到，已經full左，waitress叫我地睇住menu等等，5分鐘到就有位。order左兩樣野share:Steak and Egg Salad隻poached egg 超級流心，d 牛肉好冧，一d都無騷味，仲好juicy，啖啖牛肉香，d菜亦好新鮮，配埋個酸酸地ge dressing，好開胃!!BLTburger個麵包好有surprise，個面係脆的，而入面好鬆軟，唔會咬唔開，而且感覺比較輕怡，唔似一般burger淨係層包都撐飽左個胃。一切開，太陽蛋ge蛋黃汁流出嚟，上層嘅麵包索咗D蛋黃汁，下面煙肉嘅香脆而唔油膩，仲有成兩塊gum多!仲配埋個yoghurt，偏甜唔太酸，一向唔係好食酸乳酪嘅我都食到停唔到口。其實仲叫左兩杯野飲，lemon ginger 同 kiwi...唔記得個名xD 都唔太特別，唔係好值40幾蚊..應該要試咖啡吧..埋單$360，因為只收cash，差d唔夠錢比!!!整體感覺好悠閒，食物質素又高，環境又舒服，同朋友坐坐下過左鐘要返office都唔覺!所以，呢份gum奢侈ge悠閒，應該留俾weekend XD但聽講weekend好full，搵日黎驗證一下! …查看更多