yingfai的个人专页

已經知香港飲食業好難做，除非真係好差，否則都唔會寫食評，當做下善事，可惜呢間真係差到離譜，要寫差評等其他人避雷！點心放題，星期六連埋加一，$200位真係算平，但唔代表你可以俾垃圾啲客食，除咗炸雲吞係ok之外，其他一律係極差，所有有肉嘅點心，啲肉係霉嘅，啲點心皮勁厚勁粉，連紅豆沙都係水咁。唔使諗住同經理投訴，因為由帶位，傳菜，收銀，每一位啲態度係好差，傳菜阿姐每放低一樣嘢，我哋都有講唔該，反而個阿姐係西面放低，就走人，由到尾，唔該/多謝一句都唔會講。食呢餐真係一肚氣，一路食一路x, 所以冇乜影枣，未食過咁難食嘅點心，同埋啲training可以咁好，每個人啲態度都咁差😂…查看更多

好耐冇行過荃豐，近門口原來開咗新鋪，見價錢都係平民價，一試無妨$3x蚊一碗腩什河，算幾多料，啲腩什鋪滿成碗，湯底好清甜，夠鮮味唔會過咸，坐位唔算寬敞但裝修走年輕路線所以環境唔錯，總括黎講呢間都算幾有誠意既小店，出品唔錯，希望下次黎都keep到水準同維持呢個街坊價錢啦…查看更多

大王好少主動叫我寫食評, 但係呢間野同我地expect既相差太遠喇.....大王叫我俾個''OK''....我都係過唔到自己個關.....真係要俾個喊面叫左芝士同肉醬兩款, 加多兩件煙肉薯塊(唔記得咩名)以為真係講到咁好食.....其實係比難食好少少, 不過以成30蚊一杯既話, 非常唔值D薯條唔脆, D芝士唔使幾分鐘硬哂一舊舊, 芝士還芝士, 薯條還薯條, 想點?個個所謂既煙肉薯塊.....好求其唔好食之餘仲要咁辛苦一路行一路食, 為乜?…查看更多

生日流流, 大王話去乳豬大王斬料返我娘家食, 又話好好食云云,去到見到半隻$125, 例牌$115, 我地就買半隻, 其實百幾蚊都OK,而家D豬係貴左好多俾完錢就係cashier附近等, d阿姐經過我地身邊, D面口衰到不得了,擺明係覺得我地阻住佢地, 大佬, 三十幾度我無理由同你係門口等下嘛?如果你好聲好氣同我地講話阻住你地傳菜既話, 我地都會企門口一陣都可以,但係佢地塊面黑得太緊要, 好似唔憂做咁，我真係睬你都傻之後臨走個陣問個阿姐要多包乳豬醬, 個阿姐仲要話''個袋裡面咪有囉?!''我夠知有啦, 要多包都係度咁多野講, 我買百幾蚊盒燒味我點解問你攞包醬都好似乞咁?!…查看更多

一行五人來呢度聚舊, 環境幾好, 裝修幾靚, 但係就好嘈, 幾個朋友傾計傾得好辛苦, 待應態度都麻麻地, 叫個待應幫我地影張相都黑面(個陣仲要係9點幾10點, 佢地開始得閒)...要好大聲先聽到對方講咩, 野食方面比我想像中好, 不過始終都係kln city既金蘭花好食+抵食好多!!!馬拉盞炒通菜 - 最好食呢個金柚沙律 - 個汁好開胃, 又係必叫小食拼盤 - 普通豬頸肉 - 個汁好好味, 豬頸肉好香, 但係切得太薄菠蘿炒反 - 無食....雖然好細個但係幾個人都食唔哂, 應詃好食有限印度薄餅 - garlic味普通, 無乜味; 荵味個個幾好, 脆脆地, 好快清哂黄咖喱(雞) - 啱唔鍾意食spicy既野人食, 但係好普通..可以唔叫埋單都覺得算抵食, 但係如果要好好食既話去九龍城好過, 係因為覺得交通無咁方便先揀佐敦…查看更多

大王想黎食好耐, 話宜家間餐廳成日係好評十大, 咁我地就搵日一齊放假就黎呢度試下啦....結果要第一次俾喊面我叫咗個雞脾意粉, 唔熱, 個汁唔記得係咩汁喇, 白色既, 但係食唔出係咩味, 係無味, 要我加tobasco+茄汁先食得哂大王就叫咗個雞扒芝士火腿意粉, 好鞋, 搵唔到有芝士, 又係要加茄汁先食到肉丸, 唔可以話難食, 但係都唔值得山長水遠黎食, 請我黎食都係咁話好乾, 加上好唔鍾意佢個汁, 我寧願食pizza hut個意式肉丸好過,寧願貴D都唔要難食!薯條 - 淋既個tiramisu算係最正常架喇, 但係正常還正常, 呢隻係無酒味既, 唔啱我平還平....如果要平我寧願去茶餐廰好過!…查看更多

等佢開等咗好耐, 唔知點解要裝修咁耐, 之前成日去CWB個間食, 真係覺得好好, 特別係小籠包, 今次同屋企人食生日飯就黎呢間食啦, 不過兩年無食, D野貴咗好多, 同埋D野細碟咗可以訂位, 俾咗張辟靜D既卡位俾我地, 無咁嘈, 不過衰在就無乜侍應會行過, 所以成日都無人收野上菜個pace比較差, 成日都係食完一個先上一個, 小籠包($26) - 湯汁好多好鮮, 皮薄, 但係又唔易爛鮮肉鍋貼 - 熱辣辣, 好多汁, 我平時麻麻地鍋貼都覺得呢度做得好好醉雞 - 一上枱就好大陣酒味, D雞幾滑, 不過少左D皮肉之間既啫喱酸辣湯($32) - 都唔差, D料好足, 不過好細碗糖醋魚 - 呢個好掂, 個汁酸甜適中, D魚塊唔似雪藏魚喎黄金蝦 - D旦黄唔夠多同香鱔糊 - 媽咪話D肉好霉担担面 - 好多花生, 個湯好濃, 不過好辣, 下次要叫佢少辣上海粗炒 - 應該係一早整定再暖住既, 無鑊氣高力豆沙 - 好快上枱, 以為佢係預先整好哂, 又唔係喎, d豆沙熱辣辣既拔絲蘋果 - 仲諗住叫俾媽咪, 因為佢未食過, 等佢有得玩下, 點知原來係浸好哂先上枱, 仲要係少少暖咋, d蘋果又唔爽, 好唔得…查看更多

之前去過易牙妙手同埋茶軒同食過所謂既台灣麵線, 都係好難食, 一pat野, 不知所謂, 好似食緊魚膠粉漿!但係呢間真係唔講得少, 味道好似好似台灣西門町個間, 我男友未去過台灣都話呢間可以encore, 加左蚵仔仲好食, 因為第一次yim佢既大腸俾得太少, 第二次加錢加大腸, 再係隔離買杯我最愛既honey lemon珍珠奶茶, 真係可以當一餐!我諗佢冬天生意仲好!…查看更多

因為吉之岛真係無乜好野食, 唯有上黎睇下附近有無邊間多好評既, 見呢間都就腳(就腳過小曼谷), 又好似幾平咁(最近兩個都銀根短缺)....間野都算多客, 裝修好新, 我諗開左唔係好耐, 本身想叫個二人餐既, 有小食拼盤, 炒通菜, 咖喱蝦/蟹, 菠蘿炒反 都係200蚊左右, 我見隔離枱叫左呢個餐, D野都幾大碟不過大皇話想食生蝦($58), 同埋佢鍾意食豬頸肉($33), 就叫左呢兩樣, 另外再叫左菠蘿炒反($30) - 炒得幾香, 不過無乜料, 得兩隻蝦, 少少尤魚, 菠蘿少得可憐, 無提子乾(最鍾意食)酸辣海鮮沙律($38) - 完全都唔似泰式既海鮮沙律, 又無粉絲, 個汁又唔同味, 不過唔難食, 但係同我想像差好遠囉生蝦.....都算新鮮, 但係佢放哂係D冰度, D冰又係咁溶, 變左一定要好快食哂佢, 如果唔係D蝦會浸左係D冰水度, D冰水又流落張枱, 唔知想點, 佢應該學小曼谷咁, 係D冰上面鋪一層保鮮紙..豬頸肉 - 呢個更加唔好提, 燒到好乾, 又細塊, 個汁又唔夠味, 好差lung眼冰($15) - 幾好飲, 好多lung眼肉, 又唔會太甜椰青($18) - 好大個 無乜野特別好食, 但係咁既價錢, 可以俾多次機會佢…查看更多

煎旦免牛反($20餐) - 好香好濃, 個反唔算好大....但係食完好滿足! 以后放工係友愛轉車可以買外賣返屋企食!沙嗲牛包($7) - 我覺得麻麻地, 個汁夠色唔夠味雞亦薯條 ($17餐) - 最唔抵呢個, 得一隻雞亦, 薯條亦都完全無薯味…查看更多