Jayatlife's Profile

佢地新店就開喺屯門市廣場，地點超方便我，以後唔使出市區都可以食到啦！今日一口氣食齊三款口味：原味、芝士味同期間限定嘅蘑菇味，每款都有驚喜！🍔 原味漢堡排：基本但絕唔簡單！肉香爆棚，和牛嘅油香同美國牛嘅濃郁平衡得剛剛好。上枱時大約六至八成熟，可以自己喺熱石上面再燒吓，調校生熟度。必試隱藏食法：戳穿隻溫泉蛋撈飯，再加埋肉汁，最後鋪上漢堡排，真係無得輸！🧀 芝士味漢堡排：面頭鋪咗一片芝士，再刨上大量芝士碎，砌成一座「芝士山」，賣相超吸睛！一啖咬落去，濃濃芝士鹹香同肉汁交融，罪惡感滿分，但好滿足！🍄 蘑菇味漢堡排（期間限定）：三款之中最驚喜！蘑菇醬汁濃稠掛肉，面頭鋪滿大量鮮菇，菌菇香氣超級突出，鍾意菇菌嘅朋友一定要試！另外要大力一讚佢哋每日現磨嘅日本東北「虹煌米」，飯粒粒粒分明，口感煙韌，仲有日本新鮮雞蛋，質素好高！而且西蘭花、白飯同麵豉湯都係無限追加，日本米咁好食，添飯真係毫無難度～…Read More

有無諗過食韓式拉絲芝士餅既地方都可以食到醬油蟹？😁😁🟣 醬油蟹最近葵廣既10分麵包推出新產品醬油蟹 ，好多膏好吸引😍😍😍300一樽3隻，堂食/買返去同屋企人Share都得，好正！🔴 拉絲芝士餅 佢地最近都推出左啲新味，今次我地就叫左腸仔泡菜、朱古力味同原味，新款式既腸仔泡菜，酸酸辣辣咁好惹味😍😍😍另外一款朱古力味都好濃好香口，亦都有拉絲效果，正！🔵 韓式拉麵自助吧有好多唔同韓式公仔麵，仲有配料，例如豆腐、蝦、魚板等等。另外，仲有韓式罐裝飲品可以選擇，成個餐真係好飽好滿足🤣！…Read More

今次帶左屋企人嚟IFC呢間高質中菜，環境一流，坐窗邊可以望住維港夜景，每道菜精緻得嚟又好食！今次試咗佢哋嘅 「世味人生」Tasting Menu😚🟩甜椒醬蟶子皇 蟶子超級爽脆，配秘製甜椒醬，微辣帶蒜香，好開胃！ 🟪百香梅茄 茄子配百香果汁，酸酸甜甜，清新又醒胃！ 🟫20年花雕浸鮮蝦 一上枱就聞到濃濃酒香！蝦肉吸晒花雕精華，入口鮮甜帶酒香，食完個嘴仲有回甘～ 🟦杏汁燉螺頭湯 湯底好濃郁，螺頭夠淋，仲有驚喜嘅哈密瓜粒，清甜滋潤！ 🟥蟬衣玉帶 帶子好厚身，面頭嘅炸芋絲超脆口，口感配搭好正！ 🟦海苔銀鱈魚 魚皮炸到超脆，魚肉超嫩滑，一啖咬落去外脆內軟！ 🟪子薑欖豉蒸雞 雞肉超級嫩滑，子薑微辣，欖豉鹹香，墊底嘅木耳吸晒雞汁，超好送飯！ ⬜️香芒雪燕烏豆花 芒果超甜，雪燕滑溜，豆花香滑，飯後甜品完美收尾！…Read More

已經同朋友去過幾次，覺得幾好！位置喺大鴻輝，方便易搵，入到去見到啲懷舊海報，有種舊式歌舞廳嘅感覺。餐廳裝修有特色，復古風幾吸引，仲有個舞台，每晚都有唔同表演者同樂隊現場唱歌，氣氛輕鬆。一邊聽Live Music一邊食飯，或者同朋友飲杯酒傾計，幾寫意。🟨潮汕撈汁花甲（冷盤）花甲份量足，新鮮無沙，撈汁酸辣開胃，食落好爽口。🟥珍寶海鮮Pizza蠔餅必點推介！有蠔仔、魷魚、蟹柳，煎到外脆內軟，似Pizza，仲有Pizza刀畀你切。口感香脆，材料多，味道唔錯。🟧啫啫通菜煲呢個係店長推介，上枱熱辣辣，通菜新鮮爽脆，啫啫汁好香，配飯一流，食完一碗仲想再添。🟦蝦醬蒸五花肉蝦醬味濃，五花肉爽口唔肥，配上吸汁嘅豆卜，味道有層次，幾滿足。🟫超級水果茶水果好多，有唔同款生果，飲完可以食埋，清新解膩，夏天飲啱晒。…Read More

前幾日去完灣仔做野，行過呢間，睇到啲焗飯餐好似幾平又多選擇，就入去試下啦，佢啲餐份量都幾多，我同朋友都食到勁full！🟥迷你焗の選佢入面有分A餐$52 (迷你焗飯+前點)/B餐$59(迷你焗飯+前點+小食)，最重要係樣樣都試到，今次我就叫左焗鮮茄豬扒飯、炸魚薯條同炸饅頭，性價比十足！🟧set dinner鐵板紐西蘭牛肉眼扒伴煙肉脆皮腸入面仲可以跟飯/意粉，鐵板一到，即刻聽到高溫既滋滋聲，再淋上濃濃既黑椒汁，即刻香氣四溢，塊扒size十足，好抵食。…Read More

今次去大西洋火鍋打邊爐真係幾過癮！入到去一坐低，就即刻揀湯底先，我地叫左好吸引，麻辣湯底同金湯花膠雞，湯底仲有一啲其他特別嘅選擇，好啱鍾意試新野嘅朋友。最開心就係佢哋有好多食材我都鍾意食，特別係黃鱔、鮑魚、牛肉同埋其他新鮮海鮮(即撈)😍黃鱔個口感超滑，湯底吸咗啲鮮味，好開胃！牛肉就咸香滑嫩，搭配辣椒醬汁係正，仲有蟹同埋花蛤，係海鮮控嘅天堂，我地食果時啲蝦岩岩先送到黎，所以都係好新鮮，最特別就係仲有椰青同新鮮榴槤！椰青清甜，飲一口超級解渴；至於榴槤，啱啱打邊爐之後嚟一啖，榴槤控記得要試下啦！總括嚟講，質素比我想像中好，下次再帶屋企人/朋友一齊黎食先！…Read More

同朋友係紅磡行街又唔想掃街係條街到食野，就走左入去慢慢坐低食返碗車仔麵。食車仔麵梗係要叫多3餸或以上先high！🟥豬紅雞翼尖蘿蔔銀針粉好開心有銀針粉，豬紅正常發揮，雞翼尖入味，蘿蔔幾甜又冇渣，呀姐話鍾意食辣要落個魔鬼辣椒醬真係冇介紹錯，真係好夠辣食到好爽！🟧豬腸牛腩魷魚豬肚油麵另外果碗，朋友就揀左油麵底，豬腸夠晒淋，牛腩啲汁入晒去好正，魷魚佢係細細條 有少少辣好爽口，呢幾款餸加埋落個麵度真係夾🤣🤣我地仲叫左碟腐乳通菜，食車仔麵食返碟菜中和下🤣…Read More

好耐冇打邊爐，諗起熱辣辣啲湯底同埋啲靚料，真係忍唔住流口水，咁岩最近聽朋友推薦呢間火鍋刺身專門店，話啲料好新鮮，湯底又唔錯，就同👨去試下先⬛️湯底我地今次叫左菜膽豬肺鍋 ，呢個湯底真係好有香港味道！菜膽清甜豬肺鮮香，一開波已經飲到暖笠笠，仲好滋潤，菜膽煮到好入味好正。🟪手打鮮蝦丸 手打蝦丸彈牙到不得了，每一啖都食到濃濃蝦味，啲蝦肉仲有啲微微嘅甜，落湯煮完更加鮮味！🟫日本黑豚肉 黑豚肉片切得啱啱好薄，煮耐咗都唔會韌，出面帶少少油花，入口仲有獨特嘅香味，好正！🟥迷你刺身拼盤 迷你但精緻，每片刺身都切得靚靚仔仔，鮮味十足！🟧鹽燒鮑魚（2隻） 鮑魚上面灑滿椒蒜，好惹味，仲保留到鮑魚本身嘅鮮甜味，啲肉質煙韌爽口，食完想再叫多兩隻！🟨鍾華記生麵 呢個生麵真係打邊爐嘅最佳拍檔，麵條爽口彈牙，吸晒湯底嘅精華，店員同我地講淥三下就食得架啦！🟩野菌雜菜盤 啲野菌同雜菜又健康又清甜，落湯煮完啲湯底仲香過頭，平衡整餐嘢食嘅味道。…Read More

最近係公司附近新開呢間餐廳，Lunch時間真係好多人等位，人氣好高，聽其他同事講，佢地啲餐真係幾有水準，我就梗係要去食下啦！🟧黑椒汁T骨牛扒拼腸仔配薯菜 黑椒汁濃郁香辣，配菜嘅焗薯夠晒香口，連腸仔都煮到啱啱好，成個set CP值超高，真心推介，隨餐仲有佢地既老火湯，感覺唔會落左好多味精但好夠味！🟥手撕連骨鹽焗雞飯 鹽焗雞真係入晒味，每啖都係滿滿嘅雞香味！連無論雞定飯都份量十足，食完好滿足🤣🤣🤣…Read More

今次同朋友慶生，專登揀咗呢間隱藏喺天后亨環16樓嘅高級Omakase。晚市20道菜，師傅手勢純熟，食材新鮮到爆，絕對係近期食過最驚喜嘅一餐！ ✨ 重點推介 ✨🐟 黑鯥魚刺身超罕有嘅魚種！魚肉爽彈得嚟帶微微甘香，魚皮輕輕炙過，焦香脆口，正到痺！ 🦀 北海道毛蟹蟹肉鮮甜到不得了！蟹膏多到滿瀉，撈埋醋凍一齊食，味道層次即刻昇華！ 🍤 花雕酒浸蘇長蝦蝦肉爽甜，浸過花雕酒之後帶住淡淡酒香，蝦腦濃郁creamy，超驚喜！ 🥩 A5和牛配馬糞海膽和牛入口即溶，加埋鮮甜嘅海膽，兩種極致鮮味撞埋一齊，奢侈到爆炸！ 🐚 慢煮南非鮑魚煮足四個鐘，鮑魚嫩滑到癲，仲要超級入味，師傅功力真係無得彈！ 🔥 燒吞拿魚下巴魚油香爆燈！外皮燒到脆卜卜，入面肉質超嫩，送酒一流…Read More

作為一個新界西人，想食個正既漢堡包都唔想出到咁遠，最近就發現左屯門呢個漢堡包店，餐廳以橙色為主色調的裝修風格，都幾chill幾型！🟥鵝肝牛肉漢堡 係餐廳既招牌之選，厚實多汁的牛肉漢堡扒搭配香滑的鵝肝，裡面仲有生菜同芝士，好juicy！而且仲可以免費升級薯條和汽水，超值！貼心位：餐廳好細心俾埋漢堡紙包住個漢堡嚟食，咁就唔使整污糟對手啦😍🟧鮮茄野菌芝麻雞翼意粉意粉吸收了濃郁的番茄醬汁和忌廉汁，將野菌鮮味與芝麻香氣完美結合，配搭出黎既感覺好新鮮！🟨煙三文魚芝士炒蛋班戟仔：輕食的選擇，比一般嘅包底鬆軟得多，配埋好滑既滑蛋同煙三文魚，味道好夾添！🟩蘋果果昔我地仲升級左餐廳限定的蘋果果昔，口感香甜濃郁，帶有天然的果香，令呢一餐增加了清新感！…Read More

荃灣「楊記麻辣魚館」主打正宗川味，今次試左幾道招牌菜，味道夠地道之餘，我地果日去都幾旺場，鍾意食川菜的朋友不妨一試！ 🟥炸饅頭饅頭炸得外脆內軟，外表金黃酥香，而且份量十足，點埋煉乳之後，微鹹帶甜的滋味食到停唔到口！ 🟧水煮魚魚片新鮮嫩滑，麻辣湯底夠辣夠麻，岩晒我心水，花椒香氣突出。配料豐富，豆芽、寬粉吸收晒湯汁精華🟨辣子雞雞肉炸得外酥內嫩，椒香撲鼻，辣度適中帶微麻，非常惹味。花生粒增添脆口，整體鑊氣十足，送飯一流！ 🟩油渣白菜心豬油渣＋白菜心都幾特別，兩者搭配恰到好處。簡單卻見功夫，食咁多辣野想balance返少少就叫左個菜😂…Read More

今日同媽咪係元朗行完街想食啲辣野，行經呢個位見到有間食川菜既好似好吸引，即刻入去試試先。🟥酸菜魚份量十足，啲魚肉質鮮嫩，辣度方面，佢地話預設係中辣，食得辣既人記得叫大辣或以上喔！🟦干煸四季豆好惹味， 四季豆加埋肉碎同辣椒一齊炒，辣味唔算太濃，好岩送飯，不知不覺清左一碟！🟧泡椒田雞賣相不俗，口感爽口，田雞係碎上，份量好多，夠香+辣，醬汁特別惹味，點埋啲醬一流。🟩炸饅頭超大個，一黎到都呆左🤣🤣好抵食，外表炸到好金黃香脆，點埋煉奶無得輸。…Read More

平時去Fashion Walk嗰邊行街，都見到美食街嗰邊好多嘢食，呢間韓國嘢之前朋友食過覺得幾好食，特別係佢哋嘅海膽生牛肉紫菜包飯，見到都流晒口水，濟州食材直送，真正韓國風味。🟠海膽生牛肉紫菜包飯見到呢個真係唔叫唔得，滿滿嘅海膽鋪咗喺生牛肉上面，海膽好新鮮，上面仲有魚子醬，真係好奢華但好正😍😍😍😍🟤熟成烤雞翼外皮好脆，熱辣辣送上嚟，一咬就有好脆卜卜既聲😂入邊又Juicy多汁，記得點埋個醬，味道更加提升！🟢人蔘雞湯佢哋用咗竹絲雞，勁大隻，店員仲幫我哋分開咗隻雞，方便食。隻雞就算熬咗咁耐都唔會好嚡，人蔘味唔算好濃，飲完真係覺得好補身，暖笠笠。🟡飲品分別叫咗荔枝梳打同埋柚子梳打，荔枝梳打就算溶晒冰都唔會淡茂茂好似水咁，幾好飲，夠甜😝…Read More

前幾日去完沙田買完野，就落咗去大圍搵嘢食，見到呢間馬來西亞嘢，有肉骨茶飲，見天氣凍凍地，價錢又唔貴就入咗去試吓。叫咗好多嘢食：🟥肉骨茶食馬拉野必飲，我地叫左細滲，入面勁多款料，有一字骨、豬肚、雞腳等等，好足料，仲可以不停咁添呀！🟧炸饅頭+ 咖央多炸饅頭熱辣辣，炸到金黃色，加埋煉奶，good! 咖央多甜甜地，外表都烘到脆卜卜，好快就清晒。🟨芽菜雞 啲雞好嫩滑，份量都多，配埋黃薑飯一流，本身我都好鍾意食芽菜，爽口又易送飯😆🟩黃金醬炸蠔 一啲腥味都冇，雖然蠔size唔算好大，但係炸得幾好食！🟦水魷蕹菜食咗咁多肉，梗係要食返啲菜，啲鮮魷好爽口，溝埋啲蕹菜都幾好食🤤…Read More