shatinlin的个人专页

餐牌上叉燒鮑寫明是扣鮮鮑，結果上菜是一粒手指公咁大嘅罐頭鮑魚，同個女侍應反映，問佢為何不是新鮮鮑魚，佢話「幫」我問吓，結果一去冇回頭，首先你唔係幫我，係你應該要做嘅職責，到碗麵食咗大半都係冇人嚟同我解釋，我唯有再追問，先至有一個好似高級啲嘅阿姐嚟同我講話啲鮑魚唔靚，所以安排咗1粒X記罐頭鮑魚俾我。我話做乜唔係落單前就同我講，成個感覺就係要焗我食完呢碗1粒罐頭鮑魚麵咁，麵都食完，冇得唔俾錢。要食罐頭鮑魚麵我自己煮得啦，洗鬼嚟你度食佰幾蚊咩？唔好當人三歲細路哥咁，鮑魚唔靚？點唔靚法呢？日日街市都有新鮮嘅鮑魚供應，你就入唔到貨嘅，而且又會即刻有X記罐頭鮑魚供應代替嘅, 所以有理由懷疑佢一直都係用罐頭鮑魚。又跌錢……大家小心中伏…查看更多

住九龍城朋友介紹，話新開，見成日食泰菜，咪膽粗粗同老婆試下囉，點知又有d驚喜喎。刺身烏冬定食，lunch 定食都俾埋冰底，讚！因最怕食到d室溫/暖既刺身，我就較為鐘意粒帶子，超甜美，其他就我老婆隊曬，佢都話好掂。天婦羅定食我至愛，唔油，夠脆，冇得彈。仲有跟餐個麵豉湯一d都唔馬虎，好鮮，粒蜆大粒到呢......，最後個炸豆腐有d蝦乾仔響面亦都十分之香口侍應招呼亦十分殷勤，成個lunch非常有驚喜，因為價錢很合理，性價比好高…查看更多

預約7:30 dinner, 7:45都未有枱，到有枱時又俾左 book 7:45既，都算啦，我話我book 7:30架喎，你地抄底我電話，有枱打俾我啦，點知佢話今晚好full 呀⋯⋯我都知full, 如果唔係我洗鬼book 枱咩！最後等左一個鐘都冇call back, 係成晚都冇再call back! 慶祝紀念日搞到一肚氣，永世blacklist, 你幾黃幾好食都冇用，竟然一句sor 都冇！…查看更多

雲吞入面有透明膠，咩玩法呀？消化唔到喎雖然係平，我亦冇諗住叫你換過佢，但你都唔係就咁由得佢吓嘛，做樣都講聲唔好意思啦。話會同廚房講番咁就算，咁我點呀？碗麵得三粒雲吞，冇左一粒係咪收平啲架？⋯⋯一流服務呀！…查看更多

带位的肥婆有好幾張空枱都唔俾坐，係要人迫埋一齊，食到好辛苦佢就開心喇，簡直變態。當然我唔會坐，但佢又死都唔俾我坐空枱，咁其實正正係隔離枱啫，你又話剩番50分鐘9:45pm要離開，當時又冇客等，你又就收工，我睇唔到亦唔明点解個肥婆带位要咁做，我同佢講，都係執一張枱，邊一張枱都一樣啫，唯一解釋係佢唔想做野，要趕客，企到收工為止.最慶係我唔食走人，佢覆我一句：好呀，拜拜👋，個樣好似中六合彩咁開心！！呼籲大家不要再幫襯呢間野，直到佢地炒左d咁廢既員工…查看更多

食物精美，味道中上，叫左2個set dinner, 包埋2杯sparkle wine, 見一路都唔上就問佢，佢話冇酒牌所以俾唔到......，咁你個menu又寫？我落單時又唔講，我唔出聲就由得佢，當冇左見事（提外話：隔離有枱客想叫酒飲，但佢冇得賣，自己去買呢佢又話要收開瓶費，結果人地book左枱都唔食，嬲到走人，講真，食西餐冇wine,係扣分既）另外，龍虾湯同豬肋骨個人俾85分，餐飽加搽焗左既蒜頭，好味，可惜佢地咁做生意，相信唔會再去。…查看更多

中環食野貴，所以公司最鐘意叫呢間外賣，50伶蚊，價錢合理吖，味道又ok。我就最鐘意食牛油雞翼飯，今次堂食原來仲好味，又香又脆同事們都係照舊食湯粉，佢地都話堂食仲好味，天氣涼左，湯熱d，加d青檸辣椒，冇得彈…查看更多

麵有小昆蟲，都算，換第二樣野食，係咁追你問改乜，10秒都唔俾人諗下，趕收工咁，又算數喇，點知改左個飯，四眼老闆應左我，樓面阿姐應埋我，最尾冇人落單，漏埋.....，我嘈佢，佢話要時間整喎，但老闆在玩手機，師父企係度等收工咁，當時冇單的，唔好當我傻仔咁啦。另红燒排骨麵得4小塊排骨，餃子勺到皮爛哂，所以完全冇味，都唔明d餃子皮咁厚都可以爛，勵害，係呢間舖先做到！永不回頭！！…查看更多