kcheng的个人专页

本身係深圳食過一次 覺得幾好食沙田開咗一排 都長期多人 心諗質素應該keep到咁就試試 都等咗好耐 終於叫到我張籌不過唔係即刻入得 要等果枱埋單唔掂 唔係真正空咗出黎先叫 又要企門口乾等5-10分鐘款式唔多 啲枱幾逼叫咗個炒黃牛 花椰菜 糖醋酥肉咁係深圳食過 有晒經驗 啲花椰菜應該好辣 所以又叫咗杯巨型野飲上菜喇 酥肉幾難咬 要成舊啪落口 不過OK好食既 份量還好黃牛 真係好普通 唔辣而個花椰菜 無辣味 激似屋企炒既菜而且又炒得唔夠乾身 個碗底出晒水然後講講個白飯 一pat野 似胡仔 係難食跟住食完 都要清潔下new下牙 然後個侍應埋黎示意出面有人等緊 要我地埋單 咁佢都係有禮貌既不過體驗真係幾差 快餐都比啲時間人落格丫認真 無下次…查看更多

叫咗個上海粗炒望落色水正常菜超少，菇同肉都多個粗炒 激似一個用醬油炒既烏冬仲要係無味道 食唔落另外叫咗個小籠包非常容易夾起 吾會怕夾爛然後倒啲醋落個小籠包入面 一野啪落口哇啲醋'那'到丫個喉嚨表示頂唔順搞唔掂下次試其他款 希望會正常啲…查看更多

餐廳算細，而且好多人食完都係照坐，所以排隊排咗3個字都有先入到安排坐係樓梯位，其實又無話唔得既，但係果個位好明顯唔應該用黎放枱櫈而且係後門位，垃圾車出入既路徑，衛生始終唔係咁好餐單方面，價錢偏貴，而且中菜好少選擇，數埋唔夠10款，唔知係佢廚房細還是間間都係咁咁就叫咗個剁椒蒸倉魚同埋菠蘿咕嚕肉咕嚕骨份量偏少，味道還可以剁椒魚，好少豉油，係有少少辣，普通差唔多食完，我後面果枱，仲早過我入黎，竟然仲未上到佢個豬手煲…查看更多

無揀2人餐因為好多都要加錢，咁就散叫一個pizza，一個意大利飯pizza係廚師發辦，啲料係普通料，11吋有拉絲既效果，個邊位比較硬牛面頰意大利飯飯份量偏少，牛面頰3塊有2塊係幾硬，得1塊正常因為牛面頰正常應該係淋身呢道菜 一般整體黎講pizza係最好，只係偏貴不過如果每款pizza都可以揀尺寸就更好…查看更多

第一次食，餐廳坐無虛席，而且見有好多都係熟客佢地都係點咗保濕豬鞍，好厚身，下次可以試試餐廳唔大，不過坐位都OK唔算逼Order咗個benedict手撕豬酸種麵包，及麻辣雞意粉首先上咗個蕃茄湯，好飲手撕豬賣相可觀味道方面，有隻蛋較為熟而手撕豬，口感有啲似煲湯既豬𦟌，汁還好麵包脆口，正常麻辣雞意粉，有幾條辣椒係面，感覺好fusion食落好似去咗四川咁，真係麻辣，都幾辣建議menu隔離加多幾條辣椒意粉質地唔錯，個人中意意粉偏硬身而雞肉正常成個意粉嫌佢底下太多汁水，如果炒到成個乾身，就好…查看更多

叫咗個滷蜜汁排骨便當、牛三寶麻辣拌面排骨相當大份，魯肉飯上面加上肉鬆，撈埋一齊啲汁好充足，我就覺得啲飯太過濕排骨好大塊，都算係淋身，唔會好硬好難咬味道唔錯牛三寶麻辣拌面，麻辣味好唔錯，真係會鼻水都流埋牛肉唔係算好淋牛筋好多，食到有啲膩牛肚正常拌面份量又係好多整體都唔錯…查看更多

Order了指定信用卡優惠既2人套餐，$268套餐包括有無骨海南雞飯、油飯x2、單骨鹹蛋王雞翼、馬拉盞炒通菜、木瓜大蝦沙律、2杯飲品好快就上咗海南雞飯，雞好滑漏，飯都幾香雞翼充滿鹹蛋王，好香口，而且單骨方便進食通菜少辣，正常發揮食到咁上下，碟菜都食完，雞翼又清埋，都仲未上沙律同野飲催一催，再等左一陣，沙律到喇，但係變咗柚子沙律叫換又等左陣，先上啱生木瓜切條上，豆角都係生，個人覺得味道太青，唔係太接受大蝦2隻，正常野飲又係要催先上到，而且又係搞錯咗凍飲個杯比較細，好快幾啖就飲晒其間不停有人黎上菜，唔知係侍應落錯枱號定係點，感覺相當混亂…查看更多

睇個名以為日本菜，原來係多國菜全場滿座，環境都算舒服睇睇餐牌，第一次睇真係好複雜，又多選擇又日本又泰國又馬來西亞咁而且套餐又好複雜足足用左十分鐘去消化個餐牌然後自助落單又比佢複雜既選項fake左初初以為得套餐，焗住要叫原來碌低少少有散叫冬陰公海南雞金邊粉冬陰公湯唔錯，海南雞好滑，兩款醬料都好特別日式牛小排飯上面有個生蛋撈飯因為飯太多，生蛋唔夠撈牛小排份量都幾多，味道好濃味，要配飯食加$12兩塊泰式魚餅完全無泰國香料味，普通，少辣另外泰國奶茶，味道嘛嘛…查看更多

第一次食，等咗一張枱入得，入面原來幾大，而且坐位私隱度高手機order食物，第一次用有啲複雜，有時搵唔到食物但之後摸熟咗都OK叫壽司為主，上枱速度好快海膽軍艦唔錯，無怪味中拖$30/2件，驚喜，幾乎入口即溶藍鯨大拖$30，口感同中拖差唔多其餘壽司有赤蝦、墨魚、玉子、帆立貝整體中上生啤係惠比壽呢餐食得都幾享受…查看更多

上次食過一次LUNCH SET，滑蛋豬柳飯而鑑於上次有感豬柳嘛嘛今次點返滑蛋豬扒飯，散叫，沒有LUNCH SET首先黎咗兜芝蔴，然後加咗豬扒汁落去，mix佢然後滑蛋豬扒飯賣相好好麵豉湯入面有蜆大量椰菜絲，解膩，可refill豬扒真係一啲都吾韌，炸皮薄，又脆咬落有肉汁，吾乾滑蛋嫌唔太滑，而且出水令個飯濕晒，不過係好難避免食食下真係好膩，要食啲椰菜絲中和下…查看更多

店舖不起眼，時間未到6點，仲可以食lunch餐叫咗個干鍋跟飯，同埋酸菜魚寬粉（加3蚊）干鍋叫咗肥牛、豬頸肉、蓮耦、花菜惹味，肥牛有啲un，其他都唔錯飯稍為淋咗啲，唔夠乾身酸菜魚湯都夠味，但寛粉比較少，魚份量反而多越夜越多人，平時無咩留意呢間，可以一試…查看更多

今次係第三次幫襯 對上兩次體驗都還好今次叫咗個銀雪魚虎蝦 同埋 牛扒本身有薯菜但係佢仲有白飯或者意粉都好似都好多野食先上湯同沙律個湯基於佢無乜料，而且唔係我平時飲果啲味道不過我憑佢隻色估計應該係羅宋湯卦普通得黎 又好似落咗啲獻汁咁 怪銀雪魚基本款，但隻虎蝦偏細重點係牛扒 首先 落單果陣無問到要幾多成熟然後普通碟上 塊肉外表睇落 都算大塊同厚身黎料喇 据果陣 張枱好似地震咁少啲力都唔掂 切開血淋淋而我認知港島餐廳既扒都係咁 不過人地係易切既咬落去 好似趙緊擦膠咁 完全係食唔到据到成個碟好似屠宰現場咁想知啲廚師 有無試下自己既廚藝最後原來係要靠個白飯/意粉 填飽個肚講下杯咖啡係大杯 但係真係沖到淡晒 無咩味又講下服務 普普通通埋單要自己走去餐廳最入我諗如果真係又有下次 我會揀返意粉或者飯。…查看更多

menu食物種類過多，令人有太多選擇，有排揀價錢方面，一件件計算，唔算平見menu 有得揀壽司少飯，因為第一次食，唔知壽司飯有幾多，所以無理會上枱見舊舊壽司都同平時元X既大double咁價錢又好似唔算話貴既，不過食佢舊飯就好快飽咗每舊壽司都要分開2-3啖食，真係太大壽司飯又無咩醋味軍艦啲紫菜好快淋咗，淋到咬唔開，又大舊，可想而知幾咁狼狽海膽有少少味，其餘都還好而佢果個火炙三文魚腩組合（3舊）啲壽司飯又正常size，覺得偏細添火炙三文魚腩，燒得唔夠，做唔到入口即溶和牛串唔錯，可以一試而員工態度，對客還好，對自己人就差啲元朗區暫時未搵到邊間壽司舖係好食…查看更多

平時經過都唔多覺眼 網上搵先知有呢間餐廳入到去就感受到老闆娘及員工的好客熱情點了2人餐有酸菜魚 有干鍋 有小菜 有甜品干鍋可選3樣食物 份量適中 啱啱好花菜夠晒惹味 小辣覺得唔算好辣小菜 葱爆牛肉 亦好惹味雖然唔大碟 但係牛肉份量都多酸菜魚 裡面有啲粉  都夠味 可更酸 魚份量亦多最後係糍粑x42個人可以食到好飽3個食可能啱啱好食既過程都不斷有客 而且不乏熟客川菜黎講 都好正宗…查看更多

第2次食有咩驅使我要食第2次，係半價雞煲半隻雞半價$74另加青瓜小食再叫多個腩肉炒花菜配白飯重慶雞煲方面，無麻辣味，小辣亦都唔太覺得有辣而雞肉實，雞皮厚，完全唔夠入味腩肉炒花菜，啲花菜食落口，有好濃烈既薯條味不過可能佢個鍋上一手炒緊土豆絲卦而腩肉有啲好薄，所以炒到好似豬肉乾咁有啲又厚，唔太均勻白飯個人覺得偏濕，唔夠乾爽整體黎講，唔太合格不過佢服務還好…查看更多