tamtwiny的个人专页

那是一個悠閒的星期日午後，我走進一家咖啡店小歇。點餐時，目光被餐牌上「失存西多士」吸引，標價108元。照片中的西多士金黃誘人，讓我心生期待。然而當西多士上桌時，卻讓人大失所望。它浸泡得過於軟爛，用刀切下時毫無阻力，入口濕潤得如同漿糊，完全失去了西多士應有的外酥內軟。相比之下，咖啡雖不算出彩，但至少順口溫潤。這次體驗讓我明白，照片與實物往往存在差距。下次還是繼續探索其他咖啡店，希望能遇見真正令人驚豔的西多士與咖啡。…查看更多

今日7 人。 放工觀塘附近搵食。我們是遲到了。但服務生態度十分差。像我們阻收工。今時今日咁嘅服務態度。有好食既食物都無用。 希望服務生態度改善，才會考慮再光顧。.。。。…查看更多

中環蘭貴芳多酒吧，西餐廳真係間間都各有特色，無乜中過伏。今次揀咗食蠔。店裏環境燈光柔和，另外有個生蠔bar。環境舒適。今日生蠔有七折，我叫左3款生蠔，由淡到濃1. American pearl 口感肉質好厚好creamy , 2. Lambert 肉厚比較薄，海水味比較多。3.krystale 我覺得同第二差不多。至於朋友個牛扒，都試左兩啖，基本上唔洗要個汁已經好夠味，食落好有肉汁，亦唔會硬。燒得剛剛好外脆內軟，值得一讚。總括來說，食蠔嘅好地方，地點又方便放工可以即刻過嚟，睇得出老闆非常用心經營，必定會再翻食。…查看更多

今日放工約咗班朋友一行6人去大角咀搵食，大角咀唐樓比較多，食肆唔太集中，但係竟然有間高質粥底蒸氣火碢，今次特登嚟試長腳蟹，要6位以上先有得叫。海鮮種類好多，我揀左海鮮套餐$398先黎帶子，好大隻厚肉又新鮮！揀咗小食雞泡魚干再有三種貝殼類，貴妃旁、刀貝、番薯貝，多肉但有沙！清甜！唯一失分嘅地方。不得不說今日主角，長腳蟹多肉多蟹膏，即叫即劏，蟹膏多到不得了，用咗嚟煲粥，牆腳蟹新鮮多肉超正！一定要試！！！生猛新鮮，清蒸已經好正，重點靚新鮮嘅海鮮，唔需要調味料已經好好！ 再黎蝦、生蠔、鮑魚，樣樣都好新鮮清甜。最後有隻蟲草花正煮黃油雞烏冬，雞肉鮮嫩，新鮮。仲有蔬菜，再加埋蟹膏粥，食埋個綠豆餡糯米糍！大滿足！ …查看更多

今日黎到寶林搵食， 呢間日本野次次經過都好多人，今日終於要排隊試吓！好彩等左一陣間就有位。店內樓底高，雖然人多，但係冇壓迫咁，舒服！先黎個野菜牛肉鍋，湯底醬油味濃。牛肉唔靭。醬油滲入野菜中，令野菜充滿醬油味。另外加左份烏冬！烏冬放入湯入面滲入醬油比較好食。再叫左個蟹肉忌廉薯餅，呢個有點腻。食唔到蟹肉。有點失色。之後再黎銀雪魚定食。汁燒雪魚香脆多汁，正！定食既麵豉湯，有點淡。最後送上抹茶Mochi ,抹茶味濃好煙靭，入面涼涼的。唔太甜。抹茶控的我，大愛。…查看更多

今日去到九龍城，唔係食泰國菜，係黎食日式串燒。平時食港式食得多，今次真係不一樣。店裏環境安靜，整潔！仲有樓上雅座。先黎一碟前菜，八爪魚一坐得叫完野食就上，以為係送既，原來要每位$10。今日叫左鹿兒一口牛，牛肉juicy ,入口即溶，上面有法式黃介茉醬！👍🏻再黎大虎蝦，香口新鮮，但肉好少。汁燒飯團，上面係香口飯焦，唔錯！芝士年糕，正！煙韌，唔油！呢個一定要試！最後叫左蒜香生蠔！熱食既，半生熟比較細隻！ 總括嚟講，食材唔錯，唔係港式串燒！ 但價錢偏貴！ 如果想食好少少，貴啲都可以…查看更多

今日黎到尖沙咀食下串燒，黎到亞士厘道樓上串燒。店入面細細間，全部都係高既枱凳。今日叫左7樣串燒，分別係安格斯牛柳粒、燒羊架、肉汁燒雞翼、雞泡魚干、汁燒原隻魷魚🦑、蒜蓉廣島蠔、蒜蓉茄子先講安格斯牛柳粒，牛肉味濃，不過熟咗少少，唔會好肥，味道可以，再嚟燒羊架，羊架偏羶，味道一般。再講原隻魷魚，成隻食幾過癮！ 汁燒味香甜，魷魚唔會太乾。唔錯！汁燒雞翼，外脆內軟，肉汁仍然保留。雞泡魚干，笑得剛剛好唔會乾。正！廣島蠔，肥大肉厚！ 蒜蓉茄子，加了生熟蒜，夠香口！ 😋9:00 後啤酒仲有$88兩杯！宵夜好選擇！ …查看更多

我又打邊爐啦！ 今晚放工係銅鑼灣京都廣場搵食！台式火鍋，見到湯底好特別，就去try try! 店裏中式裝修，乾淨整潔！仲有天燈玩！😜美人緊係要配反美人湯底啦！湯底足料，美人湯係藥膳湯，有烏雞，南棗，非常滋潤，正！ 女士養顏滋補！👍🏻先黎台式臭豆腐，用了台式豆腐，有點像香港的！仲有鹹蛋炸魚皮，正！不過兩個一齊食有啲肥膩！哈哈！邪惡！ 安格斯肥牛，呢個唔錯，油脂分佈細密，肉質香嫩。再黎香菇貢丸，唔錯！娃娃菜，清甜！ 仲有碟寬條粉，似水晶薯粉，好煙靭！要咬多幾下先碎！仲有杯杭菊露，菊花味濃！可以下火，打邊爐咁曬！總括黎講！ 可以值得一試！ …查看更多

朋友介紹佐敦新開左間煲仔飯， 店裹環境舒適，乾淨，很好👍🏻！放工7:00 唔使等位！ 服務員態度新切👍🏻先黎杯檸檬薏米水，味道清淡！ 唔會太甜，剛好！ 呢到除左煲仔飯仲有其他野食，先黎個手工黃金麵，香脆可口，配上酸甜汁，有點似炸雲吞。再黎碗酸辣湯空心麵，味道似重慶酸辣粉，配上臘腸，味道偏濃！ 再黎叫左個蒸土豬肉，肉質不會太肥，配上香葱豉油！正👍🏻，之後有碟清蒸臘味拼盤，臘腸唔會好油，臘鴨偏鹹。不過配埋上湯浸菜心就啱！最後甜品御髮膳粥，即係紫糯米糖水，多豆唔會太甜！👍🏻…查看更多

太子站基隆街好多野食，其實我真係幾鐘意打邊爐！ 放假星期日$198火鍋，就試下，店裏裝修比較舊，環境乾淨度不太好。叫左個海鲜火鍋。粥底要預定，只好叫日式鰹魚昆布，個湯就好似用面豉湯打邊爐，哈哈！ 你地想像下啦！ 再黎個海鮮盤，鮑魚，竹蝦，大蜆，龍躉，多肉無沙！清甜，材料都算新鲜。再黎手切鮮肥牛，呢個唔錯，油脂分佈細密，唔會話一舊舊肥膏，肉質香嫩。不過份量就比較少，同埋牛肉只係餐單上面其中一樣，只可揀6款嘅食物。如果想食多啲牛就要另外叫啦。仲有手打牛丸，自製墨魚丸，兩款比較彈口， 我覺得太彈， 味道還可以整體來講材料係新鮮嘅環境就不太好！ 簡單食， ok 既. …查看更多

放工去到旺角波鞋街，行過見到大大個牌$198 任食火鍋，就上去試下，店裏裝修簡單，環境乾淨度就一般。先你個雪蓮椰子湯底。好多椰子，好香好甜，清潤。可以先飲下湯再黎個海鮮盤，鮑魚，竹蝦，象拔蚌，大蜆，生蚝，多肉無沙！清甜，材料新鲜。仲有花胶仔，睇落顏色好白，但係食落有花膠味。有質感。再黎安格斯牛同埋小牛排，呢兩個有驚喜油脂分佈細密，唔會話一舊舊肥膏，然而厚薄適中，肉質香嫩，咬口油香陣陣。正！不過份量就比較少，同埋牛肉只係餐單上面其中一樣，只可揀8款嘅食物。如果想食多啲牛就要另外叫啦。仲有兩個脆肉腩都係。但係仲有其他菜啊水餃啊都可以任食。整體來講材料係新鮮嘅環境就一般，不過都值得一試。…查看更多

西貢白沙灣碼頭，去船p 經常去，附近亦有間酒店， 原來酒店樓下有間日本fine dinning , 經常經過都想try try , 今日終於去食佢，我係鑽石山坐92 巴士直到！店裏面佈置舒服，由窗門望出去係遊艇碼頭。一坐下，總廚就先派上卡片介紹自己。我地揀左2個set dinner 。先黎前菜三點：由左到右食起，京都豆乳，味道比較淡口，香濃豆乳味，中間係純菜山芋，純菜充滿膠質，水雲啫喱，味道酸酸地，好開胃。之後到刺身：岩手縣生蠔，配上蕃茄蒜香汁，新鮮肥美，沒有海水鹽味，但食到尾有少少醒，深海池魚，配上，冇色醬油，醬油加左桂花，味道特別。鰻魚海膽日式蒸蛋，蒸蛋香滑，正！之後仲有個麵包蟹，蟹盖入面好多蟹肉加咗洋葱配上面包，可口！日本花竹蝦手卷，有點失色，紫菜放了一下就已經唔脆。再黎客麵豉湯，可以暖暖肚。最後三款甜品，西瓜正常，紅豆黑糖上玄，食落去似旦菜高。仲有廚師特製嘅芒果雪糕，雪糕入面有粒粒芒果，芒果味濃，正！…查看更多

成日都會行上去銅鑼灣地帶行街，又會經過開放式格局的he she eat，見到餐牌有好多選擇，所以今日終於入去試試，其實大概7:30已經好多人。He she eat 俾我感覺係cafe, 如果三五個知己約埋係一個唔錯既選擇。我地今日叫左dinner combo 卡邦尼芝士汁意大利鮮蛋麵。再追加薯仔湯。卡邦尼意粉比較特別意粉蛋味濃郁，但係溫泉蛋就比較生，有點水汪汪。不過整體唔錯。薯仔湯係用薯仔打溶。有粒粒口感。配上香脆蒜蓉包,正👍🏻至於朋友叫左個牛油果芝士牛肉漢堡，都試左兩啖，食落好有肉汁，亦唔會硬。但漢堡扒有少少生，不過都可以。另外再追加左芝士薯餅波波。完全係麥xx 味道嘅薯餅，不過不失啦。再加埋杯白桃白茶，杯飲品有啲驚喜，唔太甜又有果香味👍🏻總括來說，質素可以，三五知己聚埋一齊嘅好地方。———————————————————…查看更多

今日黎到觀塘搵食，黎到工業大廈樓上私房菜店，樓下經常排長龍坐lift，餐廳係一樓行樓梯上去仲快。星期四晚上，餐廳人唔多，環境乾淨，舒服。返翻正題講下d餸先，分別叫左3個餸、1燙。首先一坐低，就有杯花茶，入面有金菊、杞子、龍眼清熱，明目。👍🏻今日叫左晚市精選，是日燉湯，椰子雪耳燉雞，味道清甜，有椰子香。唔錯！再黎一個汁燒牛柳，味道香口，牛肉有少少靭，整體可以！之後清清地，叫左個梅菜蒸菜芯，梅菜唔鹹，配上清菜，味道剛好！最後一味黃金𧎚，正！鹹蛋味香脆可口，𧎚大隻新鮮！😋總體來說，比較住家清淡的私房菜，價錢亦算合理，可以一試。…查看更多

放工去旺角睇反斗奇兵4，行到戲院附近，見到有間打邊爐，有海鮮食，價錢又唔貴，就入左去，食得多，咩清湯、麻辣、沙嗲都食到唔想食，所以今次揀左壽喜燒湯同埋海鹽牛油海鮮湯底。呢到係一人一爐，我地叫左個二人前，好多野食，海鮮有大𧎚，生蠔，帶子，大🦐新鮮啖啖肉，生蠔肥美，另外有肥牛，豚肉，我略嫌肥牛一舊舊肥膏，豚肉比較好，肥瘦適中。仲有燒青魚或魚頭，我揀咗燒魚頭，外脆內軟，能夠保持肉汁，鮮味。仲有串燒，同樣外脆內軟一啲都唔馬虎。叫咗一罐蜜桃酒同埋巨峰提子乳酸梳打。最後梗係要食埋甜品啦，抹茶卷蛋，綠茶味濃唔會太甜😋總括黎講，d料新鮮，湯底可以有唔同選擇，呢個價錢有咁多嘢食都算抵啦。服務態度亦都非常親切，質素仲要唔差。…查看更多