萌妃的个人专页

我最近聽朋友講，呢間嘢好食左好多，叫我上去試一試，我心諗呢間嘢之前食過好唔掂🤢，啲嘢又咸🤮，老實講我真係唔想去試囉，見佢係咁叫我去試，唉😮‍💨就順下佢意啦⋯⋯今次去到係唔同咗，餐牌都唔同咗，咁我就叫左幾幾個菜，生虾、蒜蓉包、冬陰功湯、菠蘿炒飯、小食拼盤、芝士蝦球、蒜蓉蠔等等。不過食落去味道同質素都唔同曬🥹，真心好味😋，而且個老闆會時不時問下我地意見，改善下食物及質素，我覺得佢好有heart👍，跟住我就直接問佢，係咪轉曬啲人，佢話佢係新接，連廚房都換晒，我都直接同佢講之前嚟食過一次，太難食🤮都唔敢再嚟，今次都係個朋友食完覺得好味叫我過嚟試，就當試完後寫返個食評比大家，難食嘅話👉🏻以後就唔再過嚟食，好食嘅話就幫佢洗底🤣所以今次我去試菜，佢哋係成功洗底，我下次會同老公過嚟食，因為佢都好鍾意食泰國菜😆我誠意推介佢哋嘅冬陰功湯，芝士蝦球，生虾👍⭐️特別⭐️要提一下，我杯椰汁沙冰，老闆仲好貼心咁問需唔需要少甜，可能大家會覺得無咩嘢，但係我去咁多間泰菜館食飯都無人問過我杯沙冰需唔需要少甜，所以呢個位係值得加分💖…查看更多

今日約咗個朋友去食個下午茶，咁佢經過龍城冰室，就買咗個👉🏻黑松露雞批比我食👅，佢話佢之前食過好正，所以專登買一個比我試，咁我就梗係要試吓啦。嗱老實講，我作為一個麵包精，所以就成日周圍去啲麵包舖買嘢食，試得多就會有一啲食野方式分享比大家，好似食雞批咁，我通常就先將佢係中間切開一半，點解呢？因為首先可以睇到佢份量足唔足，二來可以知道佢個批身嘅鬆化程度，呢個係我個人小分享啦😉講返個雞批先，佢個批身係唔濕，乾身而且鬆化，唔會好似平時食果啲雞批咁，因為個雞餡啲白汁黏住個批，食落口一pat pat嘅感覺，所以批身值得一讚。雞餡夠足料，而且真係食到黑松露味，唔係果啲落左少少，連味到食唔到果啲，睇得出同食得出，無欺騙食客㗎🤣仲要講下佢地嘅雞批係用咗煙肉，唔係用火腿，所以食落去勁香，而且同黑松露都幾夾，鍾意食雞批嘅朋友真係要試吓，值得推介同回購👍…查看更多

我見到網上面話荃灣麗園有海鮮$45超抵食，我就走去排埋一份，我去到條隊都排到轉曬灣，啲人多到😮‍💨不過都值嘅，因為真係好抵，我一盒一個餸，今次我買左兩盒炒蜆，兩盒椒鹽蝦，一盒辣酒煮花螺，一盒長腳蟹同一條鹽焗烏頭，今日返到屋企太多盒啦，所以就用碟裝住嚟影相俾大家睇😆首先講吓個蜆先：味道係夠味，炒得好食嘅，但係我自己就覺得喊咗啲，如果減返啲鹽就Perfect啦🤣長腳蟹：我就覺得乾得滯，味道方面可以講無咩特別，所以我唔會考慮回購，除非轉第二個煮法☺️椒鹽蝦：呢個都好味，啲蝦都係新鮮蝦炒，無咩特別可以介紹，但椒鹽蝦係值得回購嘅😋辣酒煮花螺：呢個味道都唔錯，可能我食得辣啦，我就覺得如果辣啲就好啦，但係都係好味嘅，而且仲食到有酒味😋最後就係要推介一下條鹽焗烏頭，呢條魚就唔係$45果啲小菜，但係大家如果鍾意食魚就一定要試吓，佢條魚真心好食，而且果啲黃油都漏出嚟，啖啖肉，加埋黃豆醬無得頂👍所以今次嘅購物體驗係超值，盒盒都大大盒，而且仲係$45盒，排咁耐都係抵，但抵過自己煮。…查看更多

自從上次老公買咗蛋撻返嚟比我食，我就心思思又想食龍城冰室嘅酥皮蛋撻，真係真係非常酥脆同有層次，我諗旺角茶記唔係幾多間做到。其實上次我老公買返嚟我都有寫食評，但係唔知點解唔比出，算啦，唔好講呢樣，講返我今次想寫嘅新嘢，我第一次食就當佢新啦，因為我唔係成日出旺角，所以唔知出咗幾耐我今次介紹「芋頭QQ軟包」睇佢個樣又唔係話好吸引，但芋頭就吸引到我嘅注意，因為我都鍾意芋頭包，但多數都係好甜，所以我通常試一次都唔會再試，想食就唯有去惠康買果隻6個裝$18.9果隻中式芋頭包食，因為佢係我暫時覺得好食嘅芋頭包，講返龍城個芋頭包，初時睇佢個名QQ軟包，心諗個樣一啲都唔Q食落口先發現Q喺邊度🤣原來中間係有麻薯，識落好煙煙銀銀口感都幾好，包身好軟熟，而且仲有淡淡的芋頭香味，芋頭蓉同麻薯係夾味嘅，重點係芋頭蓉係唔太甜，食到芋頭原本嘅味道，呢樣嘢值得讚，包面啲白色粉應該係糖霜，可以做到互補嘅效果，仲點唔會搶咗芋頭本身嘅甜味，所以鍾意食唔太甜嘅芋頭包嘅朋友我極力推介龍城冰室嘅芋頭QQ軟包…查看更多

今日上堂之前有啲肚餓，咁就去咗意樂食返個下午茶，今日就食豬扒包配呢個薯條，個包都幾大個，焗到個包好脆，塊豬扒好Juice，好軟幾大塊，以$35價錢識到我覺得係超值，四周圍就算美心食個公司三文治加埋杯嘢飲都$40啦，所以佢哋嘅下午茶係抵食嘅…查看更多

今次我係第三次黎食我先寫呢個食評，湯底多選擇，肉類款式多，丸選用振興丸，口感超正，而且座得都舒服，果啲前菜選擇多，而且味道都唔錯，飲品都多選擇，基本上係值得食嘅。但係如果選擇最平果個嘅話就另計，因為如果最平果個基本上選擇唔多，所以建議選中間價錢就多食物選擇，整體OK嘅…查看更多

我自名係一個麵包精，見到龍城冰室終於開張，入面勁多人，又不時有d待應係門口拉客，老實講...我真係唔會入去入面坐底食囉。不過見到佢地有新鮮出爐面包，就買左個菠蘿包黎試下，咬落去菠蘿皮勁脆，而且麵包係超軟,我果一刻就諗，可能係啱啱出爐，咩包都好食啦，我就買多個返公司，放到下午茶時間先食，咁試個包都係軟軟,唔會好似我公司樓下買果d咁，而且擺左一段時間，食落仲好過翠華果個菠蘿包。我已經差不多試曬佢地嘅麵包啦，最值得推介係，菠蘿包、牛角酥同蛋撻…查看更多