pompom_nai的个人专页

環境裝修得好靚，乾淨舒適，有千秋比客人玩同打卡，仲有beer pong同桌球。食物都好高質！西班牙海鮮拼盤 $148拼盤有煙三文魚、鯷魚、魚子醬搭配蒜香多士同阿根廷黃金螺。擺盤好靚好精緻，食物好鮮味，鹹香十足，用黎送酒一流🥂經典卡邦尼意大利粉 $168意粉醬汁好濃稠，軟硬適中，煙肉、蘑菇等等既配料份量都好多，十分出色👍🏻👍🏻推介💕香烤深海比目魚 $268 比目魚好嫩滑，唔腥，醬汁十分出色！好香濃，配埋魚肉食好夾，正！另外仲有前菜同甜品，前菜方面有煙三文魚同巴馬火腿配哈蜜瓜，仲有蘑菇湯，入面飲得出有蘑菇粒，好creamy蘑菇味好出😚是日甜品係比利時朱古力蛋糕🍰唔會甜到好膩，餅底係脆脆，食落口感好豐富…查看更多

通常啲越南餐廳都要60幾蚊一個lunch，但呢間越南餐廳午市套餐真係好抵食好多選擇，可以搭配河粉、檬粉、金邊粉、粉絲同飯，最正既係套餐可以揀餐飲或者甜品👍🏻我就揀左生牛肉湯檬配熱黑糯米 $52估唔到碗湯檬咁大碗，牛肉份量都好多好足夠😋牛肉質素唔錯👍🏻食晒碗粉已經好飽，但碗甜品真係好好味，結果都食晒😂😂 黑糯米加左好多椰汁係上面，好香，個甜品唔會太甜，好好味！咁既價錢係太古坊附近食到質素都幾高既越南野，真係好抵食！…查看更多

呢間馬拉菜位置真係好隱蔽，雖然地址係士丹頓街，但原來入口係俊榮里😂店員服務態度好好，feel到係一間好用心既店👍🏻 我同朋友揀唔到食咩，就揀左兩款店員推介既招牌菜同一款甜品😆 火熱砂煲香濃肉骨茶配油炸鬼、手工蒜香米餅 $165佢地特登用左無骨既豬軟骨去煮，煮得好軟爛好入味。湯底方面既藥膳係調較過既，好啱女士補身飲，男士都飲得～因為店家驚香港人飲唔慣正宗既肉骨茶湯底，所以自己用新鮮蒜頭整左個蒜泥醬，可以根據自己口味再加入肉骨茶湯調味。玫瑰酒煮卜卜大蜆配蒜茸包 $218蜆肉好飽滿鮮甜，脆卜卜既蒜蓉包蘸埋帶有甜味既玫瑰酒真係好香🤤炸香蕉配蜜糖粟米片 $72甜品超有驚喜💕脆脆既焦糖包裹住軟軟既香蕉，加埋朱古力醬，蜜糖脆片令成個甜品口感更豐富，真係好好味！…查看更多

鰂魚涌區真係好多茶餐廳，全部都快靚正！呢間茶餐廳一坐低未叫野食已經問你要唔要羅宋湯，要既就即刻上比你😂個湯份量好足，夠味，真材實料！ 佢竟然仲特登有一個素食餐牌，都幾多選擇😮鍾意食齋既可以試下！ 我嗌左香煎雞扒拼豬柳漢堡洋蔥汁飯。上餐速度勁快！野食送上黎仲係熱辣辣架！好多汁😂撈飯一流👍🏻雞扒大大塊但煎得好嫩好香，好好味！豬柳比雞扒遮住左，就係普通既麥當當豬柳漢堡😂大大碟一定夠飽，又送湯同野飲，好抵食！…查看更多

一個人食lunch唔知食乜好，呢間啲員工好積極主動咁係門口招呼客人入去，咁咪試下囉😂 餐牌唔多選擇，得十二三款左右，我就揀左最穩陣既蔥油叉燒炒滑蛋飯配熱奶茶（$52）。啲蛋煮得好靚好滑，份量都好足，叉燒都好好味，肥瘦適中，但係美中不足既係無乜汁，好乾，如果個飯加返多啲甜豉油就正啦👍🏻👍🏻👍🏻 杯熱奶茶就正正常常啦，茶底都幾滑，唔澀，咁既價錢係鰂魚涌區算ok ar！重點係啲員工態度真係好好👍🏻抵讚！…查看更多

店內座位都幾多，但坐得幾舒服，最重要係枱面夠大！餐牌超多選擇，我揀左常餐A，蕃茄濃湯餐肉粒通粉配4.3牛乳炒滑蛋、厚多士。如果唔鐘意餐肉粒可以揀牛肉。本身以為餐肉粒係正方體咁細細粒既，點知好大塊，而且份量都唔少！湯底蕃茄味幾濃，正！通粉好好味~好有彈性，唔係個啲煮完會變左大大粒又淋既通粉。炒蛋份量有啲少，雖然我食完個通粉都飽左😂，塊多士都有啲淋，有啲失色😮。整體黎講質素都唔錯，係附近返工既可以試下！…查看更多

本身以為立食店要企係到食，但原來店入面係有位坐架🤣🤣牆身同餐牌都有圖示註明唔同部位既牛肉既特點同煮法，唔洗望住餐牌上牛肉既名一頭霧水😂阿久根和牛涮鍋 $148套餐包括三塊胸腹肉、兩塊三角肋肉、一塊肉眼A4、蔬菜拼盤、生雞蛋、粉絲及烏冬。餐單上見到胸腹肉分為前、中、後、上及下，前、後胸腹肉油脂比較多，今次套餐內既係前胸腹肉，唔知可唔可以轉呢🤣百幾蚊食到咁豐富既和牛壽喜燒性價比真係超高👍🏻風味和牛定食 $98定食包含胸腹肉2塊、肩胛1塊、肉眼A4及牛肚2件。燒和牛真係好好味呀，油脂超豐富。食完意猶未盡，想試埋其他和牛既部位，所以再散叫左一啲和牛，包括牛舌、三角肋肉、後腿肉、西冷A5同刺身A5。全部都好嫩，油脂分布均勻，好滿足呀❤️❤️…查看更多

係太子食過呢間點心店，今次試下筲箕灣店。環境好過太子分店，闊落啲新淨啲，不過食物方面好似就太子店好味啲啦。 籠太子蝦餃皇 $16@2鮮蝦燒賣皇 16@2兩樣都正正常常，無咩特別，燒賣幾好味，蝦餃真材實料。 多汁蟹籽小籠包 $26小籠包唔夠熱，有啲失望🥲，無湯汁，皮少少厚，上次係太子店食既熱辣辣又有湯汁，正好多🙁 海皇芝士千絲卷 $28千絲卷有啲普通，唔係太食到芝士味，同埋好易食到好污糟，唔太推薦🥲 不是炸兩 $28呢碟好出色，油炸鬼入面仲有蝦做餡料，油炸鬼夠脆，包埋腸粉皮再蘸埋甜豉油真係絕配！ 蒜香蝦春卷 $25炸得幾香脆，內餡幾香口，蘸埋醋食唔錯👍🏻👍🏻 …查看更多

呢間位於旺角次素食自助餐一向大獲好評，趁初一十五就去朝下聖啦，點知非常失望！ 環境比我想像中細同迫，拎食物既區域無特別區隔出黎，每次拎食物既時候都一定會撞到人/櫈，感受唔太好。 另外，最誇張既係炸物款式非常少，同埋一refill完就比人搶晒，然後好耐都無再refill，成個下午茶時段淨係食到一次炸物。我搶到炸茄子同炸菇，味道偏鹹同埋好油，食完之後成個碟都係油。 由於地方較細，食物款式都唔多，仲要好多款食物都係得返好少，好似廚餘咁。不過佢既黑松露伊麵係唔錯，黑松露味好重，好好味。 鹵水野我明係會偏鹹，但個鹵水豆腐係鹹到入唔到口！ 飲品方面款式反而幾多，有唔同既茶包比你自己沏茶，仲有檸檬蜂蜜水都幾好飲，解下膩，真係太油。 員工態度係幾好，但餐廳又細又迫，食物款式少，又refill超慢，真心吹大左，劣評❌…查看更多

係銅鑼灣發現左間幾有格調既樓上西餐廳，環境幽雅，食物賣相幾靚。佢地連menu都十分用心，每一本都係手工製作，圖文並茂，超靚✨Lunch set可以選擇雜菜沙律或者餐湯，當日既餐湯係椰菜花湯，幾特別，幾少見。椰菜花味十分濃郁，口感好creamy 龍蝦汁松葉蟹鉗意大利飯 $138醬汁好出色龍蝦味好突出，包裹住每一粒米飯，飯粒軟硬適中。蟹鉗好清甜，一啲都唔腥。 香辣蒜片鮮蝦扁意粉 $128蝦好新鮮彈牙，扁意粉有嚼勁，最令我印象深刻既係佢既辣味，十分突出，易入口又唔會蓋過蝦既味道。 16小時慢煮法國油封鴨髀 $328其實食完lunch set已經好飽，但佢既招牌油封鴨髀真係好多人都讚，所以忍唔住嗌左隻試下！油封鴨髀係每日限量，想試都要睇下運氣好唔好架😆油封鴨髀係用慢煮既方法去製作，所以十分嫩滑，而且十分容易脫骨，用刀叉都可以方便食到，唔驚食到無晒儀態～…查看更多

太古城apita food court裝修完多左幾間餐廳，其中一間就係Tonkotsu 8 by 三田製麵所 餐牌都幾多選擇，有湯拉麵、咖哩飯、鐵板炒飯等等，最特別既係佢仲有撈麵揀😆下次試下先👍🏻東京風味醬油湯拉麵加配自家製小食大滿貫 $112拉麵有一塊好大既叉燒、筍同半隻溏心蛋，拉麵麵質彈牙，湯底濃而不鹹，醬油味香。叉燒煮得頗入味，但又唔會太乾。小食大滿貫有三隻餃子🥟、三塊炸雞同一罐飲品，炸雞超嫩滑💕而且炸粉應該有調過味，好好食！ 吉列豬扒咖喱飯🍛 $78咖哩汁好多呀🤣正！啱晒我呢啲鍾意汁撈飯既人！豬扒幾厚身，炸得鬆軟香口，啖啖肉💕…查看更多

係堅尼地城行行下街發現左間應該係新開既串燒店，因為店面既紅色紙都未摵😆啲串燒都幾高質，啱晒一家大細或者一班同學仔一齊食宵夜呀🤤🤤 蒜蓉燒原條魷魚啲汁一邊食一邊滴😆燒得好juicy呀！ 燒脆脆香燒賣燒賣控一定要食燒燒賣啦😋外皮燒得好脆好香口，加埋啲辣粉真係好惹味👍🏻 蒜蓉燒大大茄子燒茄子係食串燒必嗌既野食😽呢度啲茄子最好既就係好易夾，唔會痴晒係層皮到😆 燒脆香雞皮熱辣辣既雞皮真係好好味，建議大家一定要趁熱食，又脆又多油脂🤤🤤！ 錫紙燒蒜蓉娃娃菜呢間好貼心❤️，會將啲菜切細做一口既size，唔會食到成個口都係汁咁污糟，抵讚呀！ 厚燒午餐肉個午餐肉真係勁厚！好好好滿足呀！ 燒雞腎燒雞腎爽爽脆脆，好有咬口💕 雞肉棒串雞肉串燒完都仲保留到肉汁，幾嫩😋 燒日本一口和牛粒呢個性價比好高呀😆本身以為個和牛串得4-5粒，點知份量有咁多，串滿晒成支籤呀🤣🤣 錫紙花甲粉呢個花甲粉強烈推介呀！碗粉分量好大，花甲分量超多，有十幾二十粒，粒粒都好飽滿，而且個粉既口感好爽口，唔會浸得太耐就腍晒，好正！ 兩個人食到好飽埋單都唔洗四百蚊，如果多啲人一齊黎可以嗌啲有半打優惠既串燒，超抵食呀🤣呢間串燒店仲有甜品食架，不過我太飽就無試，下次試下先～…查看更多

成日經過門口都聞到好大陣羶味，今日lunch諗唔到食咩，經過門口就比佢陣味吸引左入去試下😋😋 餐牌都幾多選擇，有飯、湯飯、米線。我就揀左羊肉酸辣大碗米線，真係好大碗🤣🤣🤣細食既女仔嗌細碗米線都夠飽！ 原本以為啲羊肉食入口會好大陣羶味，點知又唔會喎！入口無咩羶味，但係啲羊肉又幾嫩幾好食！仲有啲豬油渣同蘿蔔做配菜😋😋😋 雖然佢湯底望落似清湯，但係入口又真係酸辣湯黎，愈食愈辣tim!真係好惹味😆😆…查看更多

餐廳座位都闊落，坐得幾舒服，叫左餃子拉麵、吉列豬扒拉麵、自家製叉燒拉麵同自家製豬軟骨拉麵，每人送一碗沙律，味道唔錯。 叉燒份量略少，但味道可接受，唔乾，入口有油香，肥瘦比例適中。 自家製豬軟骨拉麵，豬軟骨幾入味，配埋豬骨湯底正呀！ 餃子係炸既，外皮仲脆既，唔算油膩，加埋沙律醬一齊食正既，拉麵就正正常常，溏心蛋好味😋 吉列豬扒炸得幾靚，不過有少少細塊🤔🤔男仔就未必夠食啦！總括而然味道中上，但份量略少，大食既男仔就未必夠食啦，不過加埋沙律同飲品呢個價格都ok ge…查看更多

一坐低就會有店員拎小食過黎，係蝦片呀！脆卜卜幾好味！ 食物方面我揀左灸燒雞叉燒腸粉湯，第一次聽雞叉燒，食落其實就係普通既雞肉變左叉燒咁樣🤣🤣但腸粉湯幾特別，腸粉好滑！溏心蛋整得好靚，抵讚👍🏻本身湯底偏清甜，但係佢個辣椒醬真係好正！加少少已經好辣，我加左好多落左變左辣腸粉湯，正！ 我朋友揀左灸燒玫瑰雞槌湯粉絲，雞槌份量都唔少，有4隻，整得幾香口，杯蜂蜜百香果茶甜左少少🤏🏻，整體都ok ge味道偏清淡既，但加左辣椒醬既話會加好多分！不過覺得價錢偏貴，如果平返啲就會想encore😆…查看更多