lailolo的個人專頁

今日一早拎嘢去荃灣，完成後趕得切早餐時間，去咗呢間試下，之前見炮台山都有，應該吾差吧！我想試下呢間啲五香肉丁，雖則係罐頭嘢，但吾係間間一樣，有啲肥膏多過肉，味道怪怪，對於我呢啲吾好肥肉嘅人嚟講吾太鍾意，呢度五香肉丁都ok，吾係太多肥膏，味道幾好，瘦肉硬少少好過肥肉食吾到浪費……唯一有點要留意，係餐牌相中五香肉丁係有幾片菜，但我果碗沒有……商品說明條例不乎……吾知係廚師忘記了，定已取消咗吾會有菜，若然係，要更新餐牌免得有爭議……奶茶ok…個餐包似係紫薯定香芋，都幾好食……感覺呢度員工友善有禮貌，整體都吾錯嘅………查看更多

印象中呢間午膳時間經過，排長龍，隔離另外兩間茶記從來都冇呢個情況，心諗係咪真係好出名，又好食呢？但又冇想嚟試吓嘅心態……今晚因為趕睇戲所以要快食，拔兄話見呢間裝修企理揀了呢度，在無心插柳下就試下，我哋坐了卡位，叫咗個炒貴刁及乾炒豬扒意粉，點知個阿姐話個乾炒豬扒意粉，冇意粉，咁我問轉米粉得吾得，佢話吾得，一係乾炒豬扒公仔麵，咁我話要乾炒肉片意粉，佢又話冇意粉，當時我有點勞氣，講咗好耐，原來佢話佢哋係冇意粉呢樣嘢，從來都冇意粉，我話個餐牌係寫意粉喎，佢話佢哋冇意粉……，之後我叫滑蛋炒肉片河……炒貴刁及炒肉片河，味道都ok嘅，不過貴刁同河粉一樣樣，正常貴刁粉粗度應該係有啲吾同……呢間冰室，咁基本意粉都冇，應該在餐牌上delete晒有意粉嘅菜式啦，寫出來做乜呀？……櫈都未坐熱就同我講個卡位係四人，如果有客嚟就要坐一邊（佢哋真係好有信心晚巿有人排隊），的確，後來係有客來，要搬位坐一邊，冇問題，明白嘅……好在今晚趕時間，吾係坐好耐（一小時也沒有），相信下次未必會再來，因為冇一個舒服感覺去品嘗啲食物（如果係好食有水準的話）………查看更多

開咗已來，見個門口裝修好似幾有氣派，menu上有啲食物都想試下……卒之今晚有機會喇，同咗媽媽及姪女嚟……姪女話我哋吾食得辣又吾食牛，做乜揀呢度，我話試下啫……在有限條件下揀咗幾樣嘢……1.砂鍋酸辣肥腸（少辣少油）～吾算好辣，味道一般，份量很少，紅綠辣椒份量佔了一半……（128元）2.經典酸菜鱸魚（走辣）～魚、配菜份量吾算多，個湯味道吾錯，魚質滑，不過有啲“泥味”，酸菜幾好食，吾會太酸且腍，但有好幾片魚都帶有魚骨……（158元）3.糖醋酥肉～呢個味道ok，但要趁熱食……（68元）4.鹹蛋黃燒麥～呢個要趁熱食，有粘糯感覺，都ok……（39元三粒）呢度晚巿似冇得book位，叫我直接嚟等位，等咗十五分鐘左右，手機掃code落單，服務正常，座位ok闊落，食物不過不失，以這些水準，價錢貴了dd，姪女吾太欣賞大陸集團式食肆，可能太多大陸人，環境都幾嘈，廁所冇水、且污糟……都係試一次就夠喇………查看更多

今早食完早餐約十一點幾，行咗一陣有點倦，要揾個地方坐下、飲杯嘢，但吾係好肚餓，行左一圈，搵左呢間，只叫了一份紅豆西多士share+一杯熱杏仁霜，及單叫一杯菜蜜，志在唞一下、坐下、傾下，其實都有點吾好意思……未見過出面有紅豆西多士，所以想試下，其實樣子同普通西多士差不多，只係加咗啲紅豆，不過呢份D紅豆好少，主要放在中間，如果多番多啲紅豆應該會更好……不過真係有D甜，試一下無坊的，下次都係搵番邪惡的"芝士西多士"好D，好耐冇飲杏霜，呢間都沖得幾好飲，吾會“稀了了”……因為坐卡位，所以都幾舒服…查看更多

今日係第一次去深水埗食早餐，所以昨晚已諗定幾間，原來汝州街都有幾間茶餐廳，見呢間有位，就試呢間先……我叫左個B餐--煎豬扒轉通粉、多士配煎蛋飲好立克，我覺得個豬扒吾錯，都好腍，個早餐算吾錯呀，因為呢昌鋪叫"澳葡"，又有葡撻，所以叫左一個同拔兄SHARE，吾知係太早冇HEAT住，定隔夜，個葡撻吾係好熱...不過味道係OK，之後聽到吾知係咪個老闆娘回來話：冇開個爐嘅，吾怪之吾係好熱啦...呢度地方吾算大，長方型，全場一邊係長梳化，一邊係椅，方便客人人數多時，拍埋張枱，地方似係新，都算乾淨，服務係正常。…查看更多

之前試過星期六去旺角牛站，試過walk in都安排倒入座，今日諗住去銅鑼灣呢間試下，我今次三人冇book位，諗住walk in等位，問咗原來今日電話訂枱已full，如果我要食到4點，要等有人no show或取消先可以安排入座，12:30後先會知，如果食到兩點就可以即入座……我照攞飛先，大概差不多12:25開始叫飛，但只叫二人枱，由A1叫到A6，於是我問係咪有二人取消的，就比二人飛，我三人的，就要等有三人取消先有枱，佢話有一張三人枱未到，如果吾嚟就比我，隔咗陣，佢話吾好意思，三人果張嚟咗，所以如果我要的話，要等到兩點後（兩點後？我駛乜仲響度食呀？）…………真係令人好失望的安排，我係咪應該攞一張一人飛，一張二人飛先大機會有位？？三人四人五人walk in 想食吾駛諗了，要咁啱有三人或四人或五人的booking取消先有機會，早知佢no show／取消的意思係咁解，我吾會等……二人枱飛，有二人取消就可以安排，等三人枱的，冇三人取消就冇得安排，吾知咩玩法，有六張二人枱，都吾可以將兩張二人枱改比三人坐，做法死板，得失客人，咁早嚟攞第二個飛（三～四人），都吾及後來先嚟攞飛的十二人，完全係失敗的安排！安排吾倒梗係走啦，請負責人檢視一下既定嘅入座安排吧………查看更多

今早約了友人去太子食點心，舖面細細，我哋選了卡位，不過侍應想我哋坐方枱，講明如果多人時要坐一邊（即搭枱），我哋話“ok”，算了……我地叫了叉燒腸粉、鯪魚肉燒賣、小籠包、蟲草花棉花雞及老火湯，叉燒腸都ok，冇乜果陣油“益”味，鯪魚肉燒賣都特別，因為在出面未食過，不過少少少少腥但我食倒，小籠包及棉花雞正常，個湯都夠熱（忘記了係咩湯），啲點心都夠熱，好在我哋都吾係飲咗好耐時間，未有好多人嚟吾駛搭枱……呢度應該係新開，都算整潔，服務正常………查看更多

正值八月十五中秋，同媽媽想試呢間好口碑的新派齋，我都知時間太趕十五訂位難，我前一日打去問，佢話6點果輪已full叫我8點後去應該不用點等位……結果，7點半去到，話要等多陣，我照攞了飛，D人出出入入，店員就叫晒訂咗位嘅入去先，即係有第2輪可訂位，但同我講吾駛訂，得我攞飛等（全晚冇人walk in🤔 ）……我等到八點十分左右入座……可能疫情過去，座位似坐番100%，座位同座位間好密……我地坐入面的路口位，食物集中放在餐廳一角落，款式都多，REFILL都算快，每個客人送一客鮑魚及燉湯....我食了3轉左右，食物味道都OK，鮑魚、刺身都造得幾似真，因為我地都算係第2輪，吾知係咪鋪頭趕收檔，食到21:15就催人埋單，根本吾足90分鐘，話收21:30，其實在8點幾時，我出去攞嘢食時都已見D阿姐好勤力在清潔，奇怪係用到清潔劑及布抹枱上裝住食的盤邊,,,,仍然有食物架喎，D清潔劑有冇彈到D食品真係吾敢肯定...呢度服務都OK，都企理乾淨，不過人太多感覺有點迫，樣樣搶咁...試過就算了,,,,…查看更多

之前試過夜晚經過幾次，舖名叫茶檔，但吾見門口放有餐牌，又吾見有咩客，以為打佯，費事入到去如果冇嘢啱食而走吾好意思……不過今晚可能大家有緣，拔兄話去呢度試吓……入到去當時冇其他客人，我哋隨便坐下，店員奉上2杯我以為係水，原來係湯嚟....幾好飲，不過冇問係咩湯...睇下餐牌，菜式同一般茶餐廳有DD吾同，有中有西，有ALL DAY，價錢比一般茶記貴DD……不過上碟上枱的樣子係HIGH CLASS 少少。。我揀咗滑蛋蝦仁叉燒飯同焗鮮茄厚切豬扒意粉，雖然菜式似普通，但感覺係用心製作，有花心思，不是馬虎……1.滑蛋蝦仁叉燒飯---可能我鍾意食偏硬D嘅飯，所以我覺得D飯好好食，义燒同滑蛋都OK，撈埋飯一齊好味2. 焗鮮茄厚切豬扒意粉---有香香芝士味，豬扒厚但夠腍吾硬呢度吾大，座位OPEN，好似FOOD COURT咁，3排枱櫈，如果人流吾多時應該坐得鬆動舒服，服務OK...…查看更多

今早係個特別日子，可惜只可自己放下午去食個有質素的TEA....沒有咩準備下去睇邊度食，吾想浪費時間，就在北角周圍睇下....幸好係閒日冇咩人，知道呢頭有D食肆，發現呢度有CAKE有COFFEE....而且有海景..正....好開心安排比我坐窗口位...當時2點幾冇咩客..個商場好靜...可以真真正正享受一下環境及食物...雖然話得90分鐘用餐時間...我好似過了都冇被催埋單....因為一心只想食件蛋糕及飲杯咖啡，所以冇點SET，但因為係有最低消費(忘記係$120定$150)，所以我加左個薯條....首先嚟杯咖啡、之後蛋糕、因為又係相機行先，所以到飲咖啡時，凍了少少....但都OK嘅...個蛋糕係玫瑰荔枝慕絲蛋糕...因為都好鍾意ROSE陣花香味，而荔枝嘅味道又係好香甜，所以想試下...係甜了少少，不過都幾好食...到黑松露薯條上枱，香噴噴熱辣辣、 點上D黑松露蛋黃醬，真係勁好味，D薯條都厚身大大條、好味到停吾到口，下次一定要再嚟食...因為坐到窗口位，雖然出面吾係咩大靚景，望到東廊，但有藍天白雲，附近又有樹木，望出去都好舒服...好relax感覺…查看更多

今晚原本諗住食好耐冇食嘅燒味飯，見隔離有檔食京川嘢，望吓有晚餐套餐又吾算貴，所以入去……坐下聽到服務店同服務員之間講嘢好大聲（似係國內人，但又講廣東話），又見到有一大枱人（似旅客）……雖然地地方細但原來有閣樓可招呼一兩枱遊客……我地每人叫咗個set，我叫上海粗炒麵，拔兄叫回鍋肉，每個餐都會跟飯、前菜(青瓜)(及一個生菜，湯或飲品，兩set都吾錯好食，有鑊氣，個飯好好食，我揀左湯，係蓮藕湯，都ok啊...呢度吾多位，當時6點幾，未滿座都仲有位，算坐得舒服...不過因為有遊客團，老板招呼D領隊所以環境都比較嘈...…查看更多

幾年一聚，終於阿屎約我地嘅飯期確實咗，商議後揀食意大利嘢，座落於星街……第一次在呢邊食嘢，由外籍人士serve，餐廳地方不大，我同茱迪坐下冇耐，阿屎就到……我地order咗個火箭菜沙律、大蝦蘆筍意大利燉飯、茄汁煙肉長通粉(筆管麵)、烤乳豬Burrata cheese- sicilian tomatoes rocket salad $148- 個芝士好食，沙律菜吾錯，個麵包也好好食Pawn & asparagus risotto $168- 個汁好好味，蝦爽，D飯有咬感Applewood smoked bacon sweet peas, creamy pink sauce $148- 我覺得成碟筆管粉都好好食，D汁都好好味Roasted italian suckling pig, blackforest mushroom sauce $198- 個豬係一片厚切嘅肉，望落去好肥...原來食落吾肥，伴住嘅菇整得好腍，都好好食不過呢度D碟頭吾大份……如果係夜晚輕食，幾個人share係ok的...呢度環境乾淨，食物質素很好..…查看更多

又係時間聚聚……今晚約咗戴氏夫婦及祥兄打邊爐……試吓呢間……四人居然有間不用加附加費嘅房仔，超正打邊爐前，送每二人一款小吃，我哋四人，揀咗一份芝士焗龍蝦及一份酸菜魚share 試下……都ok嘅……食完附送嘅嘢後，就開始打邊，都係一開始送一盤海鮮，有鮑魚、蟶子、蠔、蜆、蝦、魚片、蟹柳等……都幾新鮮，另外再點咗餃子、牛、豚肉、丸類都OK的……因為我吾食牛，所以比吾到意見，但冇聽到佢地講吾OK...呢度環境都吾錯，乾淨，我地有房坐就更加好添...服務都幾好呀..…查看更多

知道呢度開咗間食點心嘅舖已一段間，今午放假即管嚟試一下……正值差不多下午茶時間，好彩有卡位，吾錯，可以坐得舒服啲……因為有幾樣食都想試，所以兩人居然tick咗八樣食品1.剁椒魚頭腩（＄45）～有啲辣，都多肉食，味道ok2.蝦餃（兩隻）＄20～一般3.黑松露北茹燒賣（兩隻）＄18～黑松露很少，吃起來跟普通燒賣差不多4.脆炸北海道牛奶（＄28）～好夠熱，夠脆，甜了少少，有啲似鍊奶的甜5.叉燒腸（＄30）～腸粉都薄，ok的6.蝦多士（＄40）～好油吓，蝦膠部份很薄7.鹹水角（＄20 ）～熱辣辣，ok的8.南翔小籠包（＄30）～皮太厚吾太好食整體食物質素ok，茶錢8元一位，沒有加一，我覺得每樣點心價格已包了加一價錢……服務ok……今餐食得好包，叫多咗炸嘢，所以都覺得有點熱氣，食物中規中矩………查看更多

成日聽妹夫話呢度係米芝蓮……日間飲茶我就試過，晚飯今晚都係第一次...拔兄有一天叫我帶佢去食煲仔飯...主動話去呢間...講就講左好耐卒之今晚去....我地6:40到已排有人龍排隊...原來真係咁旺場..我地排緊時就諗下食乜....我地吾知D飯有幾大煲，所以只諗叫一煲加點心...1. 臘味飯 + 鱔($88+$28) - 潤腸、臘腸、臘肉，D臘腸臘味都好香，冇油"溢"，好食，飯係偏鬆散，吾知係特色還是係正宗....但拔兄話OK喎...我就覺得散咗啲……2. 蒸排骨 ($26)- 芋頭墊底，排骨入味夠腍吾算肥3. 椰汁粟米糕 ($26, 沒有影相)--在出面未食過所以想試下，但原來沒有粟米的.....吾知係比錯定點心紙錯 (仲話新出品)...開頭吃了一件，個糕係滑的、震騰騰的，食完飯再食，件糕開始變水冇左個質感了，莫非離開雪櫃後就吾擺得？...4. 黃金糕 ($26，冇影相)- 我在別家食過，感覺似白糖糕，少少酸比我感覺不太好，但呢度，味道又OK喎，有椰汁味吾抗拒，但一定要趁熱食....我地都覺得個煲仔飯係好味，有驚喜的...服務都OK....  …查看更多