SoeLee的个人专页

食咗10年嘅泰國餐廳，以前個個星期都會同家人去幫襯，雖然已經搬離荃灣但都會久唔久就返去食😋衛生好似無以前乾淨，檯面油蠟蠟，地下又有垃圾😅不過食物水準一如既往的好，味道正宗，奶茶亦好好飲😋👍🏻…查看更多

食物質素差，擺盤賣相差😓叫咗個蟹粥，蟹係梅同臭的，生蠔叫咗兩隻，叫第一隻唔新鮮，好腥，叫第二隻OK，叫第三隻就唔上了，問咗幾次到我走人果刻都無嚟😓大部分職員態度差，特別係個著有領恤衫嘅女職員，應該係主任還是經理？嚴重漏單😡基本上隔離左右張張檯都要催單，呢D情況其他分店未試過，唔明點解呢間分店會這樣，而且我每次都係一件起兩件止咁落單，唔係狂嗌果種，叫每樣嘢都30分左右先至嚟到，有D新菜式或者赤身更加耐，甚至最後都唔上，問多兩次就黑面，大大聲話催過，食到成肚氣，絕無下次👎🏻…查看更多

食物水準比之前低咗好多好多，換咗廚師？特別係個披薩可以用難食嚟形容，燒帶子墨魚汁意粉分量少得可憐（有圖），細食小朋友都食唔飽嘅分量，個石鍋飯裡面嘅甘筍仲要係酸叔嘅😖整體都好失望😞價錢唔平，唔明點解出品可以差到咁，短期內都唔會想再幫襯，以前真係食物質素好穩定嘅一間餐廳，無論同家人還是朋友聚會大多數都會揀呢間餐廳，因為D坐位夠闊落，但一排無去，今次陪小朋友係又一城溜完冰都係揀佢，點知宜家差成咁，極度失望，真係趕客😓…查看更多

叫咗兩個午餐，蔥油雞飯完全無味，好似雪藏雞白拾，因為有雪味仲又凍又肥，非常難食，最後叫職員拿豉油送飯勉強食咗😖最恐怖係個所謂蔥油（其實係油浸住嘅薑溶、蒜溶）無味唔香都算仲要係苦的，我老公食完個口臭咗成日🤢個奶茶又酸又鞋口，實在飲唔落，同員工講咗都換咗杯奶茶比我不過態度就麻麻，換咗雖然無咁酸但都係鞋口，茶太老，飲咗兩啖無再飲，其實兩個餐都想換但驚會被“加料”所以無換到，辛苦老公幫我啃咗個雞飯，個吉列豬扒飯又乾又薄，但比起雞叫做好小小，碗飯就好似隔夜飯，食過最難食嘅飯🥲從未食過咁難食嘅餐廳，見到好多客都係中學生，果一刻覺得D學生如果日日要食D咁嘅質素飯餸真係好可憐，有時做餐飲雖然要掙錢但都需要有小小良心，唔好去到咁盡，咁樣做生意真係一次過，絕無下次😓…查看更多

食過最難食嘅吉列豬扒，D嘢上到嚟唔係好熱，最多只能夠話係暖，唔係熱，食落豬扒係100%返炸、唔係即炸，豬扒好乾、好鞋、好薄、炸粉好厚、好硬，絕對無可能係即炸，奶茶無茶味，淡到好似飲緊水溝奶，香港地飲過最難飲嘅奶茶，68蚊連➕飲品$5➕服務費10%總$80真係好唔值，主要實在太難食，絕無下次，難怪次次經過都見無乜人食，係有原因，其實好想在港支持本地飲食業，但真係好唔掂，勁失望，有時候真係要反省下，其實80蚊食個飯真係唔算平，但點解唔可以做好D呢？無奈…查看更多

得一隻雞亦、雞亦尖、兩舊雞肉仲有肥膏一兩舊雞皮，雞皮仲多過啲雞呀，又凍冰冰，食落成口油🤮，啲飯仲衰，上面啲炸乾蔥硬到咬唔到，我以為食緊膠，啲飯好硬，食過最差嘅海南雞飯，外賣都唔駛咁呀？趕客咩……真係無下次，食到想嘔，做生意唔係咁做架，街坊生意更加不應該這樣，無良心，仲寫咩一日限售100份，以為有幾好食，諗住差極有限，點知失望至極，食到心情好差💔💔💔💔💔💔💔💔💔💔💔💔💔💔…查看更多

職員同客人鬥氣，食到好唔開心，今天一行四個人去幫襯，想坐出邊卡位，但職員有位都唔比，話四個人嘅位只能坐兩個（理由係：疫情期間要同隔離檯隔開），OK，算，但平時我地經常三個人去係坐得，基本上一個星期幫襯幾次，次次都坐得，今日四個就唔得？問題係隔離檯無人坐，咁樣唔係已經同其他檯隔開喇咩？最嬲係我地食完出嚟，同個位置竟然可以四個人坐，點解我地就唔得？好心換個過經理喇，管理到亂七八糟又寸，真係趕客…查看更多

食到成肚氣，刺生好多都有雪味鰻魚飯多油到食唔到，梅酒甜到飲完會“辣”口，唔敢飲，驚飲完有糖尿病，擺盤更是毫無技巧、心機，味道已經唔掂連個樣都唔得真係擺唔落口，相都唔想影，呢個價錢真不應該，仲衰過百幾蚊位果D，同我上年食時完全唔同，變曬質，走時有同個男服務員反應以上問題，希望有改善，如果唔係遲早倒自己米，好難再維持落去，雖然今次銀聯有8折，但我情願佢無折但D食物有返上年嘅質素，隔離檯有兩公婆食到發脾氣食到一半埋單走人，個老公同個類似經理嘅男士反應問題，佢好串咁叫佢地下次去D再高級嘅地方食#唯一雪糕值得食…查看更多