LittleKong的個人專頁

仔仔啱啱病好，今朝早學完野之後，因為天氣溫暖，所以慢慢散步到龍門居搵食。期間揀選咗呢間小店，店舖唔算大，大約只有兩三張枱。因為我哋二人食量唔大，最後我哋點了芝士煙肉帶子忌廉意粉 （$58 ）上枱後，發現有驚喜！ 意粉份量唔細，而且賣相十分好，最緊要係熱辣辣上枱，新鮮即煮。味道creamy, 帶子爽口。放心，一定有下次！ 下次要試炸雞區！…查看更多

呢間店其實知道左好耐,  但每次經過都係見到一大條人龍. 現時咁既天氣真係怕怕. 咁排隊法真係驚中暑。星期日經過終於見到人流唔算好多. 所以即管排下. 不過我地一行五人, 都係要等一陣. 因為店內唔算大. 最後我地還是要分枱而坐, 不過職員好好, 盡量為我地安排最好的位置. 感謝! 我地點了:一份煎韭菜豬肉餃子, 一份洋蒽豬肉餃子 (店員推介), 一份湯韭菜豬肉餃子 ,  另加一個日本飯糰給孩子。哈哈, 因為我地太喜歡食韭菜.不得不欣賞店是用上新鮮老火湯作湯底。新鮮煲冇味精，飲完唔口渴架！餃子足料薄皮。韮菜好香。煎餃的皮很薄，所以好脆口，而且能鎖住肉汁。另外又想唔到個飯團同樣出色。好足料，好日式口味！店內自家製的辣菜莆一定要試。佢會令到餃子味道更好食。最後我哋點咗佢哋招牌嘅甜品，一個原味芝士口味，一個開心果口味嘅芝士蛋糕。開心果口味超級香濃，兩款都入口軟滑可口，有特濃芝士香味。阿仔食到唔停口！ …查看更多

下午同兒子過了屯門市廣場，肚餓了，就過嚟呢邊食嘢。我自己就未試過幫襯，因為平時見到實在太多人排隊。不過今次見人少少，可以排下。由於大家食量不大，所以叫咗一個小滷肉飯，一份海苔肉鬆蛋餅，加一杯蜂蜜綠茶。價錢並唔貴喎！雖說滷肉飯係細碗，但其實入面既飯量都好夠食，上面舖滿半肥瘦肉碎，下面飯亦充滿滷肉汁，所以成碗飯都好有味道，而且唔覺咸！主食加$10 可有一杯飲品，蜂蜜綠茶味道剛好，不過甜又有蜂蜜味。蛋餅呢！味道也不錯！入面包著紫菜肉鬆芝士，又有特製醬汁。食落好軟熟。…查看更多

暑假開始了, 經常會帶孩子到附近的圖書館打書釘。當然亦唔少得要黎呢度食個豐富午餐.孩子最愛就係呢度的六重芝士肉餅.我地睇餐牌, 有個叫 "升級版六重芝士煎肉餅飯$68平時我地都食開六重芝士呢款肉餅, 因為孩子真係好愛食芝士。今次佢自己看餐牌時, 發現到有個升級版, 所以話要試。職員話, "升級版" 原來係再多加入了紫菜混入肉餅, 令肉餅更加香。果然又係小朋友最愛的口味, 大人試過都鐘意。芝士因為濃味, 所以混入紫菜, 變得無咁漏。不錯!另外我地又叫左蒙古辣枚然牛肉煎肉餅飯 $52呢個都係平時會叫開既肉餅, 味道帶有輕微的辣粉香, 食落好有蒙古風味, 相信係枚然粉的效果。最後想食多個火腿西多士, 味道屬穩陣之選, 上面塊牛油好厚!! 好正!…查看更多

平安夜，帶埋仔仔去赤柱行聖誕巿集，行完之後就出返大街搵食，不過時間都夜了。部份食肆都關門。見到附近仲有堂食既都要排隊，所以最後黎左呢間。當然都係要排隊啦。因為在巿集入面食左少少野，所以今餐唔洗食太多。我地叫左：黑毛豬煙肉卡邦尼意粉 $162叫黎招呼小朋友，不過呢個好好味，醬汁超多，每條粉都掛住醬汁，啱晒我！入面既煙肉，食極都仲有，好多。美國西冷牛扒 10安士 $285乳酪凍餅 $62呢個甜品好好食，TOPS有好多，有干果，有水果乾，有杏片等凍餅酸酸甜甜，好醒神 又唔漏。…查看更多

今日約左朋友過海短聚，去左IFC。第一次黎呢間GLASS HOUSE，因為㼈境好多落地玻璃，所以感覺好舒服，但係枱就比較迫喇。入過咁多間食肆都唔洗check針咭，呢間真係第一間。我地唔算好肚餓，五個人，叫左唔多野。和牛漢堡配黑松露蛋黃醬$158海南雞燴意大利飯$ 168呢個配搭幾有趣，其實都幾夾既，不過飯既份量太少。雞件都滑，但冇乜雞味炸雞粒併單骨雞翼$88熱氣小食黑胡椒醬烤雞炒意粉 $158烤餅…查看更多

難得齊齊放假，所以同埋仔仔出去行下，今日去左南豐紗廠行下，黎到呢度食LUNCH。地方好闊落，裝修好modern, 主色是水泥灰。我地點左：炸魚柳牛角飽配墨西哥粟米片$118不過職員話冇粟米片，所以轉左薯條俾我地。賣相好靚，好新鮮，食落都係很新鮮，因為炸魚好脆口、加埋牛⻆酥又係好鬆脆。連埋入面既沙律醬，口感味道都一流。青醬煙雞肉牛油果意粉＄128望落平平，但食落有驚喜，因為唔係齋青草味道，入面仲有少少蒜香，雞肉又好嫰滑唔鞋口。最後自己叫左一杯MOCHA…查看更多

下午同姐妹同仔仔過黎食TEA，叫左兩份下午茶餐，賣相好吸引。紅豆鍊奶多士、炸雞脾薯條。之後仲叫個拉絲芝士菠蘿包，真係好邪惡呀，但又真係好好食。之前諗過想叫，但好快會賣晒架！爆漿芝士…查看更多

暫停了返教會的日子，早上就到附近黃金海岸的法國飯店，食個豐富早餐。客人唔算多，坐位又安排可以望到避風塘，感覺好悠閒。我地點了兩份早餐，嗯，比起較之前我去過的CAFE，再加埋個價錢，我就覺得呢度略為遜色。不竟呢間都係走高檔路線。望落份早餐好似有點求其。第二份叫好一點點吧。其實all day breakfast, 好難整得唔好食，因為本身的材料都係好原味。沙律菜、三文魚等～但叫做勝在位置優勝，仍會有人到來想relax 下。或者可能晚餐會好一點吧。…查看更多

今日約左朋友去行山，落山後，就到元朗搵食。聽左呢間好耐，但就從未幫襯過。所以就過黎試下。我地叫左：燒豬頸肉青木瓜沙律呢個有點失望，又唔辣，又冇味。泰式椰子雞湯麵好香椰子味，湯底煲到奶白色。牛肉船麵，冬蔭功湯麵，湯底唔算好辣，材料都好豐富。整體食物質素不過不失，不過店舖裝修知道落過心機，佈置得很有特式。…查看更多

同事早前有介紹過呢間雖然店頭細細，但能製作到出息的漢堡，而且仲有好多款選擇。今日返工前同老公過黎試下。叫左一個屯門牛加雞條，同一個薯仔沙律。賣相都好唔錯，即叫即製。漢堡肉真係好juciy.薯仔沙律就唔算特別。…查看更多

因為疫情，唔少商場食肆都生意大減。之前在商場消費滿指定金額，就再美食券，所以今日襯早早地，就在6點禁堂食前黎食個early dinner.估唔到5點仲有LUNCH SET，所以叫左一個黑松露軟毇蟹意大利粉 $86 同一個手切肉眼扒 ＄288呢個好重黑松露香，味道濃郁，又有好多菇菌在意粉入面。軟穀蟹炸得又脆又軟。好好食。牛扒肉質都算鬆軟有牛肉味道。價錢算中上。食店內每張枱上均有一張打氣咭，可以隨便請客人為現在的醫療團隊打打氣。 很有意思！…查看更多

返工前同老公, 仔仔過黎午餐. 難得時間尚早, 所以未需要排隊, 直入便可. 我們點了兩個午餐, 另加一個甜品.枱與枱之間都算闊落。我地點左手撕赌漢堡 同溫泉蛋肉醬長通粉醬汁甜甜地，真係豬肉絲咁，不過食既時候有少少論盡，因為好散，上面又有蛋汁。但好食既。另外再叫多一個名叫 "Just Mango"，甜品外型好可愛，其實係一個芒果MOUSSE 蛋糕…查看更多

大年初二, 老公話要食豐富d, 佢話想過黎呢間食, 見到有開, 所以幫襯.我地叫左: 蟹肉蟹膏軍艦 $ 22好香蟹膏味道三文魚 手握壽司大大件, 好肥美青瓜細卷 6件 $25 (招呼小朋友)阿仔食晒~~牛油果海鮮沙律 半份 $50呢個超級扺食, 入面有好多魚生粒粒, 不過牛油果份量就少左少少...加入柚子醋, 沙律菜變得好醒胃.盛合魚生好新鮮, 件件都好好味!小朋友烏冬仲有一份限定柚子白子第一次食, 比想像中接受得到, 口感好軟滑creamy, 當食海膽既心態.…查看更多

下午過嚟食晏，等左陣就有位。我哋三人坐左一個轉角位。因為現時仍要二人一枱,  但職員很好, 見我們有小朋友, 所以特意安排我們坐轉角位, 讓我們不用距離太遠.我們叫左兩份午餐！包括有前菜，係薯仔沙律，及有麵豉湯。一份鰻魚飯一份北海道丼另外加了一份炸餃子, 1份湯烏冬。前菜份量較少, 大約一匙羮既薯仔沙律, 不過味道唔錯.各樣魚生都好新鮮, 色澤均勻.鰻魚飯同樣好食, 配上鰻魚汁, 珍珠米軟滑, 味道可口!!!…查看更多