ellen925504的个人专页

原本諗住可以開開心心咁慶祝母親節...但係走既時候竟然係成肚氣而唔係食物...我地既情況同上一篇食評一樣...日期又係一樣...但係時間唔同 !!我地係book左8點半...其實都覺得好奇怪,,竟然有位!!我地選呢間放題既原因係為左方便老人家...佢地住係附近,費事去咁遠,,同埋我睇過下面有d食評都唔算太差,咁就膽粗粗試下...點知就出左事喇!!8點半上到去都幾full,個心即刻定哂..諗住冇死啦.點知我地原來係最後入座既一台.坐低左就開始叫野食,佢有兩個價錢選擇一個係168一個係198 , 198就多左d其他野可以叫,但其實都唔係d好特別既野食,不過都冇乜所謂!大家都肚餓喇,又有小朋友,咁就拿拿臨落單...等左3個字,黎左d野飲先...再等多3個字黎左碟應該係野菜豚肉既野...跟住又再等等等...黎左碟刺身...等左一個中先食左以上三樣野...大人等得,小朋友都等唔到啦,唯有催下佢,,佢話會幫我地跟...跟住陸陸續續都係黎d串燒..同埋炸野...壽司竟然一舊都冇黎過...我地再催...佢話會再幫我地跟...我地想食既燒雞亦一隻都冇黎過...我地問佢既時候,佢同我地講串燒10點中就暫停...成台人即刻呆左...有冇搞錯,有冇都講聲吖...我地使唔使比200蚊黎食你d炸餃子,炸八爪魚丸呀??熱食既選擇又唔多...刺身既選擇就更加嚇你一跳...d吉列炸毫個心係凍既...八爪魚丸都係一樣...最於都冇再等...係個半中就係食左d咁既野...一定唔會再有下次...唯一值得讚既就係, 有個類似店長既男仔,服務態度好好...…查看更多

琴晚一行三人去左火山石晚餐, 因為之前睇過食評幾好,所以一路都好想試下!! 大約7點去到,要等位, 企門口既侍應就叫我地留電話,大約45分中有枱 , 我覺得咁樣都幾好,起碼唔使企係條咁窄既街度等位先啦!行左一陣大約半個中就打電話黎話比我地知有枱喇.拿拿聲行番過去 , 係門口等左5分中就有位喇...叫野食就好似食壽司咁,自己剔紙既 ,自己叫左d咩就一清二楚喇 . 好啦...講下叫左d咩先 .煙三文魚鍋巴壽司--唔係好記得個名 , 本人覺得好好食 ,7味燒雞亦 -- 燒得岩岩好唔會太乾 , 好食地獄泡菜豆腐窩配溫泉蛋 -- 豆腐幾滑 , 不過個湯都幾辣 , 唔食得辣千祈唔好試鴨胸烏冬-- d鴨胸麻麻地 , 好鞋" 個烏冬同埋湯都好好味海鮮濃湯烏冬 -- d湯好似龍蝦湯咁幾特別 , d海鮮亦都好足料地獄牛肉烏冬 -- d牛肉搞到成碗烏冬好油 , 我覺得冇乜特別, 可以不試總括黎講,本人就覺得ok , 會再去!! …查看更多