為食死肥佬的個人專頁

平時路過見到晚市好多人所以今日有時間就試左佢個中午叫左個蒸䱽魚飯，但黎到有少少失望條魚的份量好似比相象中細，佢的肉根本得兩三啖，食完好似無食過咁 🥲應該無下次了…查看更多

個日想去石門d cafe試試. 見依間都平都坐幾多人, 所以入左去試試朋友叫左個煙肉野菌芝士忌廉汁意粉味道唔錯但...  張碟上面4個崩口位而我就叫左個雞扒黑松露燴飯上面塊雞扒煎得好香, 生熟程度我覺得岩岩好但係d飯完全無味,  黑松露的味道都唔夠出同埋我隻碟都有崩 2個人111埋單  …查看更多

話說星期日起身想出去買個外賣食諗起南記新裝修完都未去試過所以今日就去左試一試成間店的裝修都比起以起好左好多感覺吸引到人食價錢同之前都唔算差太遠個炸兩一般般, 覺得出面層皮好似簿左啲依家比左d某大牌子的甜醬同花生醬配炸兩但係個花生醬完全令我無胃口啲油同d醬係完美分開 (應該唔關餐廳事, 係個啲醬問題)蝦米腸無味3碗粥仔都好好食, 艇仔粥仲可以簡牛定豬, 唔錯整體上黎講我覺得佢比我的感覺已經變左做一間集團式的餐廳已經食唔番之前南記個種小店感覺…查看更多

諗起禾輋有得free parking , 就沖左過去是但搵間野食意樂依間成日係外賣app到見過但未見過見lunch time個陣唔洗排隊, 裝修又唔錯就入左去試試 2個人叫左一個Pizza, 一個意粉再加多個意粉依款叫牛肉Pizza, 第一次食個味道配搭既Pizza有啲新奇得意, 有啲似日式牛肉飯啲牛肉放左落個Pizza到意外地夾.  黑椒雙扒飯, 豬扒加雞扒啲扒味道唔錯, 黑椒汁我就覺得一般反而佢個餐湯就幾中意佢唔係一般個啲HEA既白湯佢入面好多粒粒咬下咁  好飲煙肉長通粉, 味道一般,因為佢加左啲蔥落去, 令到個味道有點奇怪佢個啲蔥係真係煮魚個啲蔥 佢menu 上面同現實有點兒出入最後2個人食3樣野, 埋單價錢都合理, 最後仲要打包半個Pizza 走…查看更多

話說個晚睇完戲,之後去打算去屯市是但搵D野食,成日行過都見依間拉面個樣幾靚  今次終於入去一試個餐牌睇落去都幾吸引 麵都有得簡軟硬度咁話說入到去個感覺好似就黎收工咁,  我地兩個人去, 明明成個場好多兩人枱, 但店員就安排左我地去同人地搭枱 都唔緊要 叫完野食等待期間 都只係九點左右啲員工一直都好似就收工咁又汁野又抹野, 其實對我就無咩影響既 ,  但越抹越搞笑, 係我地張枱旁邊瘋狂噴野 十分影響我地叫左一個豚肉玉子拉面同埋辛辣豚肉拉面個湯呢就夠味. 但係個主角出事.  我比八十幾蚊食左舊好衰既肉完全唔好味  個質感又奇奇怪怪餃子 完全無感覺 .....    都唔想去形容佢隻醬油碟上有個提示叫人拎第二隻, 因為怕第一隻唔乾淨  好貼心的.  (我諗左勁耐明白點解要叫人拎第二隻的意思)最後個麵就食完  個野飲都仲未到我就問一問點知佢地d態度仲衰過我完勝最後我地差唔多走個陣  突然勁多客入黎店員突然黑哂面我地走之前都問左佢地收幾點, 佢地話11點咁點解10點都未夠就咁既態度呢?…查看更多

今日去完太和 打算係火車站搵下野食突然見到加藤屋依個名見佢咁得意 所以就去左睇下咩料間野裝潢都幾整齊D位都唔會太逼, 但唔知點解會咁少人間野有鐵板飯,牛肉飯同埋打邊勞.   有d 吉x家 feel~ 我叫左個日式牛肉鍋定食, 佢有3隻湯底簡,  我簡左壽喜燒個size 唔錯,  加埋飲個湯已經好飽 仲叫左個鐵板牛肉飯~   有黑椒/咖哩同埋辣味咁鐵板點可以唔配黑椒架, 所以就簡左黑椒味再加左3蚊比芝士依個堅正,  加左芝士做到拉絲效果 d牛睇落去生生地  但撈完兩撈熟哂 岩岩好兩個人食左95蚊咋 其實間野d野食都唔錯 但唔知點解無咩人呢,  可能間野的位置比較山卡拉 希望佢做到落去啦  因為相對比吉X家黎講 我會中意依間多D …查看更多

依間野d香味經常挑逗我 今日終於去左一試,   價錢同譚生個仔差唔多雞翼佢地炸完好貼心咁放左吸油紙係底個白肉都做到好好食, 個豬耳雖然就唔夠譚生個仔咁好多,但味道同辣味都十足小弟喜歡叫米線套餐因為唔洗成日加咩餸, 同埋有時加加下都同個大米線差唔多價錢個米線叫左酸辣,  湯底同米線都交到功課等緊外賣個陣, 仲有個職員好貼心咁叫我等多一陣,  雖然等左廿分鐘左右  但入面有位置可以坐住等都還可以下次先再影多d相 …查看更多

係諗緊食咩之際,   見到依間野有人食緊鐵板豬手, 而且賣相好吸引 所以就入左去試下新野.先介紹一下少少依間餐廳的背景, 佢係循理會的社企餐廳.依間社企餐廳如果無記錯, 之前佢開在寶怡個陣都有試過  唔錯餐廳的環境同裝修都唔錯,  (其實我都係比佢餐廳入面個裝修吸引入去)唔記得影餐牌,  但食物的選擇比較少, 食品整體上對我黎講比較貴  (小弟比較窮)普通野食平均80  扒餐或其他大約都要120以上 我地點左2個意粉餐  2個餐都有例湯 但只有蕃茄湯蕃茄湯個味道比較濃味少少 但可能只係因為小弟唔中意食蕃茄的關係    依個係蕃茄海鮮意粉,  個意粉的醬應該係自己打蕃茄打爛而整依樣好有心機  但味道方面可以仲需要改進少少.依個白汁帶子意粉仲有黑松露的味道依個真係可以值我食完再食  十分好味餐飲+5蚊有杯豬古力 用餐期間聽到服務員對客人的態度真係十分有禮服務員好有心機去解釋同滿足客人的要求依樣真係值得一讚合共227元結帳餐廳整體上野食的味道同價錢對小弟來說只係一般但服務的態度同社企餐廳真係值得支持…查看更多

小弟住建生,  日日對住樓下的野食已經食到唔知食咩好突然醒起有間泰菜係個小山坡上所以就想去試試我8點幾去都差唔多爆場, 佢有室外都室內座,我地簡左室外, 環境都幾舒服   ( 只不過有時會有啲樹葉跌落黎)咁影左個菜單比大家睇睇啦  ( 室外比較暗左少少, sorry )咁我地2個人去,  點左3樣野2人份量的冬蔭公湯, 青加哩牛腩, 炒金邊炒再加多杯柚子蜜冬蔭公湯, 唔會太spicy, 個味道好足佢有分冬蔭公海鮮湯同冬蔭公大蝦湯店員話大蝦比較正啲, 所以我地都簡左大蝦湯入面食得既有3隻大蝦同埋啲菇開頭仲以為2人份量好少,  其實每人都飲到3碗左右炒金邊粉~唔會痴埋一舊舊, 入面都有幾隻蝦仔食整體上唔錯,  不過聞到有少少炒燶左的味道青加哩牛腩其實佢青加哩有雞牛豬, 但我見佢都牛腩的價錢都係一樣所以簡左牛腩但係個牛腩比較硬, 咬落去感覺一般個青咖哩味道都好正, 只不過感覺上好似欠缺左少少香料的味道整體上唔錯的上菜都ok 唔算等左好耐場內都有得見啤酒飲桌面仲燒緊立足, 都幾香, 又幾浪漫野食的份量都正常最後2個人食唔哂啲野,  加左2蚊外賣盒打包唔知係咪有加一,  埋單 323蚊 雖然比起我平時食開的平價晚餐貴, 但我覺得泰菜黎講佢依個價錢交到功課…查看更多

九點幾係旺角行完街諗住是是但但搵啲野食見依間野門口幾靚所以跳左入去食見到個餐牌好有冰室Feel~餐牌上的野食比較簡單, 我簡左個雜扒飯,  個飯等左超過十五分鐘雜扒飯上如圖中一樣, 只有少量的鼓油同蔥油, 比較簡單, 雞扒做得幾滑 唔差.但係整體上黎講感覺一般, 因為無咩汁同埋個飯太爛. 女朋友簡左個免牛旦飯個旦煎得半熟, 好味但係個汁唔夠濃同埋個飯一樣都係比較爛整體上野食選擇唔夠多同埋食物一般同埋雜扒飯相對上等候的時候真係比較耐左少少女朋友個飯食完  雜扒飯先送到餐廳位置比較窄, 路中間仲有個職員玩電腦, 行過的時候都唔讓路同埋門口收銀個時個職員又係掛住禁電話, 要叫先識收銀旺角依家野食咁多選擇, 下次未必會再去…查看更多

大家新年快樂!! 琴日行完街街 屯市食的野又唔係太岩我所以去左華都睇下有咩食搵到有間椰林閣 (因為椰林閣好似越黎越少)門口見到佢個餐牌 八十幾蚊一個扒餐Set又唔係幾貴所以入左去入到去樓面人手好似唔太夠我地坐左幾分鐘都無人汁桌要叫人先有人汁  一人點左一個扒Set2個湯 2個硬包包 (個人唔太中意硬個隻包包,比較中意牛油餐包)2個湯的味道岩岩好(對唔住 我唔係專業食評家 XD  食食下先記得要影相)一份叫左雜扒意粉, 一份叫左牛扒5成芝士薯容(對唔住 我唔係專業食評家 XD  食食下先記得要影相 圖中的野食已經掉撈哂  撈起!!! )我覺得個雜扒的味道一般啦  簡左三文魚牛扒同雞扒份量唔算太多 但有少少後悔, 因為見到對面個牛咁吸引 同埋個雜扒要用喼汁同TABASCO先有味個牛堅好食 (我是鄉下仔)  叫左五成出到黎的效果都唔會差太遠咁既價錢我覺得超值有突個意粉無味 但加左芝屎粉好好味,   個芝士薯蓉真心好味. 比個LIKE佢最後$175埋單     …查看更多

為食死肥佬來了~都唔知幾耐無去陳漢記食野今次晏就去都爆哂場. 要等位但佢個到等位方面有少少搞笑, 話說佢有2個門口 一個門口D人排隊, 另一邊就咁walk in 坐底真係有少少嬲嬲地, 因為我係由walk in個邊門口比人趕去排隊, 但佢又唔係個個捉咁就食左個皮旦魚足, 足入面有哂魚味,但可惜見佢拎啲足比客個陣,衛生情況有待改善而同行者叫左個牛丸河, (sor, 影遲就變左咁)但牛丸河啲牛丸唔算太好食, 有少少失望另外就加左個腸粉同炸兩, 腸粉好似一夾就散咁不過味道就足夠的,  而個炸兩啲油炸鬼就太淋, 差少少最後咁既價錢埋單,小弟平時食開cheap野, 所以都係覺得貴左少少…查看更多

為食死肥佬來了~Y0, 今日又係西九龍8樓今次見佢間餐廳好有上海風味的感覺,所以試一試依間本身為食及食野好唔健康的小弟一冠作風咁叫左個梅菜扣肉飯等左十分鐘左右就有得食, 價錢為30蚊,仲有杯豆漿送 但係個飯就一般啦 個肉咬落去好"鞋". 啲汁都唔算太入味,有啲感覺係汁同肉唔係一齊煮咁而已肉只有相中見到個幾舊,下面個啲全部都係梅菜, 但係啲梅菜都比較重味左少少雖然我叫左佢多汁, 但係從飯上面的汁我食到好似好稀咁下次再試下佢其他野食先再同大家分享…查看更多

為食死肥佬來了~哈哈,  依幾日都係淨水埗做野.所以今日又去左西九8樓搵好野食55. 今次比佢個價錢吸引住既依間店舖$28蚊一個飯,岩哂又為食又唔食貴野的小弟無啦啦想食酸酸地既野所以就叫左個西檸雞飯,堅快手, 等左5分鐘唔洗就有得食UMUMUM... 正丫. 雞排岩岩煎起, 夠哂滑. 碟頭飯食西檸雞唔係個個人接受到,因為食完個口真係會好酸雖然碟頭飯感覺怪怪地, 但佢個汁真係夠哂味. 成個西雞整體上好正28蚊仲要有兩塊扒, 去邊到搵?…查看更多

小弟因工作關係，今日去左葵涌依邊做野所以就係光輝圍附近搵野食啦由於小弟係十分喜歡青咖哩的，所以一見到有泰國野食的餐廳就仆埋去但其實小弟係十分節儉的死肥佬，故此，都係門口睇左一陣價錢先入去見到４０蚊一個飯，有野飲又唔算貴，所以就咁入左去啦（對唔住大佬們，由於小弟太過開心所以唔記得影相比大家，唔好打面）咁我就叫左個青咖哩雞柳飯加熱ＯＴ，　４０蚊找數個咖哩汁好正，唔會太辣，青味十足　（我都唔知咩叫青味，唔好問我）入面有菜菜，茄子，雞雞，汁汁，飯飯但係啲雞的肉質就差啲啲另外個到員工好親善大使的感覺，唔小心聽到個老闆娘原來係香港出世的泰國人同埋唔小心見到原來個廚房都係泰國人主理　整體黎講四十蚊一個泰個飯，正到爆，抵到爛…查看更多